ءتىلشىمىز حى لياڭ حابارلايدى. 8-ايدىڭ 6-كۇنى اكىمشىلىك مەكەمەسى 2018-جىلعى 20-رەتكى پارتگرۋپپا (كەڭەيتىلگەن) ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات ءماجىلىستى باسقاردى.
ءماجىلىس ورتالىق پەن اۆتونوميالى رايون باسشىلارىنىڭ جانە ايماق باسشىلارىنىڭ تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتى جونىندەگى بەكىتپەسى مەن نۇسقاۋى رۋحىن جانە تالاپتارىن، سونداي-اق 5-ايدىڭ 25-كۇنى اشىلعان مەملەكەتتىك كەڭەستىڭ جالپى مۇشەلەر ءماجىلىسى رۋحىن جەتكىزدى، ۇيرەندى ءارى مەملەكەتتىك كەڭەستىڭ زور تەكسەرۋىن قارسى الۋ، ايماقتىق جوعارى دارەجەلى كاسىپتىك-تەحنيكالىق مەكتەپ قۇرۋدىڭ دايىندىق جۇمىستارى، مەملەكەت يەلىگىندەگى ەگىس الاڭدارى مەن مال فەرمالارى رەفورماسى، ايماق كومىر كەن كاسىبىنىڭ «13-بەسجىلدىق» دامۋ جوباسىن ىلگەرىلەتۋ جانە كومىر باعاسىن ورنىقتىرۋ سياقتى قىزمەتتەرگە ورنالاستىرۋ جاسادى.
ماجىلىستە مىنالار تالاپ ەتىلدى: تاسقىننان ساقتانۋ قىزمەتىن كوز الداعى ماڭىزدى ساياسي مىندەت جانە جاۋاپكەرلىك ساناۋ؛ شۇعىل جاعدايعا توتەپ بەرۋ جوباسىن عىلىمي جاساۋمەن بىرگە، شارالاردى تياناقتاندىرۋدى كۇشەيتىپ، تۇتاس ايماعىمىزداعى سۋ قويمالارىنىڭ حاۋىپسىزدىگىن تەكسەرۋ-ساراپتاۋ جانە قاتەرىن الاستاۋ، بەكەمدەۋ جۇمىسىن ورىستەتىپ، تۇتاس ايماعىمىزداعى بارلىق توسپالاردىڭ، وزەن اعارلارىنىڭ، كوپىرلەردىڭ كومەسكى قاتەرىنە اۋ جايۋ فورماسىندا تەكسەرۋ جۇرگىزىپ، ەشقانداي قاعىس جەر، كومەسكى قاتەر قالدىرماۋ؛ ءار ۇلت جۇرتشىلىعىنا تاسقىننان ساقتانۋ بىلىمدەرىن ۇگىتتەۋدى كۇشەيتىپ، شۇعىل جاعدايعا توتەپ بەرۋ جاتتىعۋىن وتكىزۋ جانە قاتىستى قىزمەتكەرلەردى ورنالاستىرۋ، اپاتتان قۇتقارۋ زاتتارىن دايىنداۋ سياقتى تاسقىننان ساقتانۋ قىزمەتىن مۇقيات جاقسى ىستەۋ كەرەك.
اۋدان-قالالار مەن تاراۋلار مەملەكەتتىك كەڭەستىڭ جالپى مۇشەلەر ءماجىلىسى رۋحىن مۇقيات دايەكتىلەندىرۋ، تياناقتاندىرۋ كەرەك. ايماقتىڭ قوعامدىق جالپى جاعدايىنىڭ ورنىقتىلىعىنا بار كۇشپەن كەپىلدىك ەتۋ؛ «ءۇش ءىرى قامال الۋ شايقاسىن» باتىل، جاقسى جۇرگىزىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىنا ات سالىسۋ، اۋىل-قىستاقتاردى كوركەيتۋ، ساياحات كاسىبىن دامىتۋ سىندى 3 ءتۇرلى ءتۇيىندى قىزمەتتى باتىل تياناقتاندىرۋ؛ ورتالىقتىڭ، اۆتونوميالى رايوننىڭ جانە ايماقتىق پارتكومنىڭ رەفورمانى تەرەڭدەتىپ، سىرتقا ەسىك اشۋ ارناسىن كەڭەيتۋ جونىندەگى شەشىم-ورنالاستىرۋلارىن جاپپاي تياناقتاندىرىپ، ايماعىمىز رەفورما قىزمەتىنىڭ تىڭ ساتىعا كوتەرىلۋىن ۇزدىكسىز ىلگەرىلەتۋ؛ اۆتونوميالى رايوندىق حالىق ۇكىمەتىنىڭ ۇكىمەتتى ىقشامداپ، ۇقىقتى تومەنگە ءتۇسىرۋ، ۇقىقتى تومەنگە ءتۇسىرۋ مەن باسقارۋدى ۇشتاستىرۋ، قىزمەت وتەۋدى جاقسارتۋ رەفورماسىنا قاتىستى «6 ءبىر» تالابىن مۇقيات تياناقتاندىرىپ، ۇكىمەتتى ىقشامداپ، ۇقىقتى تومەنگە ءتۇسىرۋ ارقىلى دامۋعا ومىرشەڭدىك كۇش باعىشتاپ، قوزعاۋشى كۇش ازىرلەۋ كەرەك.
ماجىلىستە مىنالار باسا دارىپتەلدى: ۋاقىتتى قولدان بەرمەي، ءتۇرلى جاقتارداعى تۇزەتۋ، تياناقتاندىرۋ قىزمەتىن بار كۇشپەن جاقسى ىستەپ، ەڭ جاقسى ناتيجەمەن مەملەكەتتىك كەڭەستىڭ زور تەكسەرۋىن قارسى الۋ؛ ءارقايسى قاتىستى تاراۋ تىعىز سەلبەسىپ، ايماعىمىزدىڭ جوعارى دارەجەلى كاسىپتىك-تەحنيكالىق مەكتەپ قۇرۋ قىزمەتىن ورنىقتى ىلگەرىلەتۋ؛ جاۋاپكەرشىلىكتى تياناقتاندىرۋدى كۇشەيتىپ، مەملەكەت يەلىگىندەگى ەگىس الاڭدارى مەن مال فەرمالارى رەفورماسىنا قاتىستى ءتۇرلى قىزمەتتەردىڭ ناقتى تياناقتانۋىن ىلگەرىلەتۋ؛ كومىركەن كاسىبىن باسقارۋدى كۇشەيتىپ، ەكولوگيالىق ەڭ تومەنگى شەك، قىزىل سىزىق جانە حاۋىپسىز ءوندىرىس قىزىل سىزىعى تانىمىن بەرىك ورناتىپ، «13-بەسجىلدىق» جوباداعى ءتۇرلى قىزمەتتى ىلگەرىلەتۋدىڭ ماڭىزدىلىعىن جەتە تانۋ كەرەك.
وسىدان سوڭ اكىمشىلىك مەكەمەسى 2018-جىلعى 17-رەتكى ۋاليلەر قىزمەت ءماجىلىسىن اشىپ، «تارباعاتاي ايماعىنىڭ ءىسورىندارىنا شۇعىل قاجەتتى دارىندىلاردى قوعامنان جاريا قابىلداۋدى اتقارۋ پىكىرى جونىندەگى نۇسقاۋ سۇراۋ دوكلاتى» سياقتى قۇجاتتاردى اقىلداسىپ ماقۇلدادى.
ءماجىلىس بەينە ەكران ءماجىلىسى فورماسىندا اشىلدى. ايماق باسشىلارىنان حوۋ شيڭحۇي، جاڭ باۋدۇڭ، ايدىن تولەۋقان ۇلى، الي، نۇرمامەت نۇردۇن، يان فىڭ، بي حاي ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى