ەەڭ جاڭا مازمۇندار
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك
2020-جىلى 7-ايدىڭ 2-كۇنى 136-سان
كاسىپ قۇرىلىمىن رەتتەپ،كىرىستىڭ ارتۋىن جەبەدى
تارباعاتاي كاسىپتىك تەحنيكا شۋەيۋانى ۆيۋەسكا ءىلدى
شينجياڭ جۇڭتاي توبى ۋاكىلدەر ۇيىرمەسى ايماعىمىزدا تەكسەرۋ جۇرگىزدى
ايماق ورگاندار پارتيا قۇرىلىسى قىزمەتى ءماجىلىسىن اشتى
ءدوربىلجىن اۋدانىنداعى قىستاق تۇرعىندارى شارۋاشىلىق قۇرۋ،جۇمىستانۋ جاعىندا كوپ تيىمدىلىككە كەنەلدى
جۇمىستانۋعا تاربيەلەۋ تەحنيكالىق شەبەرلىكتى جوعارىلاتتى
جەردى قورعاۋ ورتاق جاۋاپكەرشىلىگىمىز
شاعانتوعاي 3900 اۋىل-قىستاق تازالىق دارەتحاناسىن سالىپ،قونىس ورتاسىن جاقسارتپاقشى
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
2020-جىلى 7-ايدىڭ 1-كۇنى 135-سان
پارتيانىڭ مەيىرىن جىرلاپ،اۋەلگى ماقساتتان اينىمادى
شي جينپيڭ تاسقىننان ساقتانۋ،اپاتتان قۇتقارۋ قىزمەتى جونىندە ماڭىزدى نۇسقاۋ بەردى
قول ۇستاسا وتىرىپ ۇكىمەت،بانكە،كاسىپورىن سەلبەستىگىنىڭ ۇلگىسىن قالىپتاستىرىپ،سەلبەستىك ورناتىپ،ءوزارا پايدا جەتكىزىپ،تەڭ يگىلىككە كەنەلۋدىڭ جاڭا پاراعىن بىرگە جازۋعا كىرىستى
پارتيالى كادرلار قىستاق تۇرعىندارىنىڭ ماقسارى گۇلىن تەرۋىنە كومەكتەستى
بوس تۇرعان اۋلا كىرىس باقشاسىنا اينالدى
پارتيا مۇشەلەرى مەن كادرلار ۇزدىكتەردەن ۇيرەنىپ، ىشكى قوزعاۋشى كۇشتى تاسقىنداتتى
پانجياجۋاڭ قىستاعى ۇشقىشسىز ۇشاقپەن ءدارى شاشىپ،ەڭبەككۇش پەن ۋاقىتتى ۇنەمدەدى
جابايى كەندىردى وتادى
باعىمشىلىقپەن شۇعىلدانىپ اۋقاتتانۋ جولىنا ءتۇستى
تاماعىنا سۇيەك تۇرىپ قالعان بالانى شۇعىل قۇتقاردى
جالپاق شاپتولدىڭ حوش ءيىسى اڭقىپ،شارۋا وتباسى شاتتىققا شومدى
«1-شىلدەنى» قارسى الىپ،پارتيانىڭ مەيىرىن جىرلاپ،اۋەلگى ماقساتتان اينىمادى
بال اراسى اۋىل شارۋاشىلىق وندىرىسىنە كومەگىن تيگىزدى
ەركىن تۇنياز ايماعىمىزدا تەكسەرۋ-زەرتتەۋ جۇرگىزدى
اۆتوكولىك تۇتىنۋىن ورنىقتى ۇلعايتايىق
جاڭا نۇسقاداعى سالىق جيناۋ تيىمدىلىك ساياساتى باعدارناماسى جاريالاندى!

تابىسكەر ازامات تاسقىن

جولدانعان ۋاقىتى : 2018/8/13 18:20:06

ءتۇسىرۋ
تابىسكەر ازامات تاسقىن
ارشىن ءالىمعازى ۇلى

  _ حال قالاي، امانسىڭ با؟ دەنساۋلىق جاقسى ما؟ قولىڭ بوس بولسا الىستان سيلى قوناقتار كەلگەن ەدى، بىزگە كەلىپ تاماشا تەرمەلەرىڭنەن ورىنداپ بەرسەڭ ەكەن دەيمىن،_ دەپ تەلەفوندى جالعاي سالا اسىعىستاۋ سويلەستىم مەن تەرمەشى ازاماتىمىزعا.

  _ ءيا، جاقسى، امانشىلىق، جول ءجۇرىپ بارام الىسقا، ىشكى ولكەگە قوي اپارا جاتىرمىن، حۋنانعا،_ دەپ ەكى قايتالادى، ءسوزىن ۇعىنىقتى ەتە تەرمەشىم.

  _ جارايدى وندا، اقجول بولسىن،_ دەپ تەلەفوندى جاپتىم مەن دە.

  1996-جىلدىڭ جازى. ءتورت جىلدىق ورتا تەحنيكۋم مەكتەبىن ءبىتىرىپ اۋىلعا كەلگەن كەزىم، «كەشتە تيان اعايدىڭ شاعىن كلوبىندا كونسەرت بار ەكەن» دەگەندى ەستىپ سولاي بەتتەدىم.

  اۋىلدىڭ توي-تومالاعىندا ءان شىرقاپ جۇرەتىن ەرزات، باقىتبەك سياقتى جىگىتتەردىڭ قاتارىندا قارا تورى كەلگەن ءبىر ازامات ءجۇردى. بەينەسى ءبىزدىڭ اۋىلدىڭ ازاماتى ەمەس سياقتى. جاندارىنا بارىپ امان-سالەمنەن سوڭ بۇل جىگىتتىڭ التاي ايماعى كوكتوعاي اۋدانىنان كەلگەنىن ءبىلدىم. شاعىن زالدا كونسەرتتە باستالدى، ءاركىم ءوز الىنشە ونەرلەرىن كورسەتىپ جاتتى. ءبىر ۋاقىتتا دومبىراسىن كوتەرىپ الگى قوناق جىگىت ءان شىرقادى. «دۋدار-اي» ءانى جەڭىل-جەلپى ءان ەمەس، ەڭ كونە ءبىر ۆاريانتتا شىرقالدى. ءان مىعىم دا اسقاق، ءاربىر ءسوزى ۇعىنىقتى دا انىق، سارىندى دا سالماقتى ورىندالىپ، ءان اياقتالا شاعىن زال شاپالاق ۇنىمەن جاڭعىردى.

  اڭگىمەمىزگە تيەك بولعان بۇل ازاماتىمىز تاسقىن كامالقان ۇلى 1976-جىلى 3-ايدىڭ 26-كۇنى التاي ايماعىنىڭ كوكتوعاي كەن رايونىندا دۇنيە ەسىگىن اشقان. اكەسى كامالقان مەن اناسى كاشەي دە ونەردەن كەندە ادامدار ەمەس، شاعىن اۋىلدىڭ توي-قىزىعىن باستايتىن اۋىل ونەرپازدارى ەكەن. كۇيشى داۋلەت حالىق ۇلى، سىبىزعىشى قۇتتىباي ناعاشى جاعىنان اناسىمەن نەمەرەلەس تۋىس بولىپ كەلەدى. بالا كەزىنەن ءان ونەرىنە بەيىمىن تانىتا باستاعان تاسقىن كامالقان ۇلىن اۋىل ادامدارى «ءانشى بالا»، «تەرمەشى قارا» دەپ اتايتىن بولىپتى. ءارقانداي ونەر تەك ەستۋمەن نە بولماسا كورۋ عانا ەمەس ۇلگى بولار ۇستازدىڭ جەتەلەپ باپتاۋىندا بولاتىنى شىندىق. تاسقىن دومبىرانى كوكتوعاي اۋدانىنىڭ تۇرعىن اۋىلى كوكتەرەك قستاعىنداعى بوقي ۇلىقپان اتتى دومبىراشىدان ۇيرەنەدى جانە ونىڭ دومبىرا تارتۋداعى ءارقانداي بەينەسىن وزىنەن كورۋگە تىرىسادى. تاسقىن 1986-جىلدان باستاپ اۋىلدا وتكەن اقىندار ايتىسىنداعى تەرمە جارىسىنا قاتىناسىپ شاڭ كورە باستايدى. 1989-جىل كوكتوعاي كەن رايونىنىڭ مەملەكەت قۇرىلعاندىعىنىڭ 40 جىلدىعىن قۇتتىقتاۋ مەرەي تويىندا بايگەگە ءتۇسىپ «ۇزدىك تەرمەشى» اتاعىن الادى. بۇل اتاق ونەرگە ەندى عانا قانات قاققان جاس تالاپ ءۇشىن ۇلكەن قولداۋ بولادى.

  ورتالاۋ مەكتەپتى بىتىرە سالىپ تالەيىن سىناماق بولعان تاسقىن ءوزى سۇيگەن ءان كاسىبىنەن ەمتيقان بەرەدى، ءبىراق وتە الماي قالادى. سونىمەن «كاسىپتىك مەكتەپتىڭ وقۋىنا وتپەسەم دە ەڭبەگىمدى ىستەي ءجۇرىپ ءان مەن تەرمەمدى ايتا بەرۋىمە بولاتىن شىعار» دەگەن ويدى تۇيگەن تاسقىن، اۋىلدا كوپ ەشكىم شۇعىلدانعىسى كەلمەيتىن تەرى ساۋداسى، قاساپشىلىق ىستەۋ سياقتى جۇمىستارمەن اينالىسا باستايدى.

  2000-جىلى كەلەشەك جارى مەيرامگۇل بەرەكە قىزىمەن تانىسىپ، كەلەسى جىلى اق وتاۋدىڭ شاڭىراعىن قوبىقسارى موڭعۇل اۆتونوميالى اۋدانىنان كوتەرەدى. بۇل جەردە دە ۇساق-تۇيەك ساۋدامەن شۇعىلدانا ءجۇرىپ 2000-،2002-جىلدارى قوبىق اۋدانىنىڭ مەرەكەلىك قيمىلدارىنداعى تەرمە جارىسىندا الدىڭعى ۇشتىكتەن بوي كورسەتەدى. دارىندى جاۋىنگەر  اقىن داڭق باقتىمۇرات ۇلى: «تاسقىن، ماعاۋيا بايمۇقامەت ۇلىنىڭ ‹سىزدەرمەن كەڭەس قۇرايىن›، ‹ايتايىن اقىل، اعايىن›، ‹جىگىتتەر›  سياقتى تەرمەلەرىن ءوزى ۇناتىپ، تىڭداۋشىعا دا ۇنايتىن دارەجەدە جەتكىزىپ ايتا الاتىن، كەڭ تىنىستى، زور داۋىستى، وزگەدەن ورىنداۋ بوگەنايى بولەك، ىزدەنگىش ازامات» دەگەندى ايتتى.

  «ۇيلەنۋ وڭاي، ءۇي بولۋ قيىن» دەمەكشى تۇراقتى قىزمەتى بولماعان ەكى جاسقا باسپانا الۋ، كۇندەلىكتى ىرىس-قۇت، ءجۇرىس-تۇرىس دەگەننىڭ ءوزى وڭايعا سوقپايتىن ەدى. سول ءۇشىن قايتۋ كەرەك ەكى جاقتاپ ءوز ارتىقشىلىقتارىنان پايدالانىپ ودان قۇن جاراتۋ كەرەك ەدى. كوركەمونەر ينستيتۋتىنىڭ اسەمونەر كاسىبىنەن وقىعان جۇبايى مەيرامگۇل قىزمەتكە ورنالاسا الماي قالسا دا ءوزىنىڭ كەستەشىلىك ونەرىمەن باس قۇراماق بولعان جاس وتاۋلاردىڭ كەستەسىن كوتەرىپ الىپ تىگىپ، مايعا العان ءۇيدىڭ ماي اقىسىن تولەسە، ال تاسقىن قاساپشىلىق ىستەپ وتباسىنىڭ ىرىس-قۇتىن جوعارىلاتا تۇسكەن.

  قاجىرلى ەڭبەكتەرىنىڭ ارقاسىندا ءۇش اۋىزدى ءۇي جانە جىلى قورا سالادى. تاسقىن مەن مەيرامگۇل قوماقتى قاراجاتپەن قور جيماسا دا ادال ەڭبەك، اشتى تەرمەن تاپقاندارى تاڭدايلارىنا بال تاتىپ، كوڭىلدى كۇندەرىن وتكىزە بەرەدى. كەيىن كەلە ازاماتىمىز تاماشا كاسىپتەنۋ جولىن اشادى.

  «‹تالاپتى ەرگە نۇر جاۋار› دەگەنمەن دە پارتيا مەن ۇكىمەتتىڭ حالىققا ۇلكەن تيىمدىلىك جاساۋ ساياساتىنىڭ دەمەۋىندە وسى دارەجەگە جەتىپ وتىرمىن دەيدى» كاسىپكەر ازاماتىمىز تاسقىن كامالقان ۇلى. 

  موتكە اۋىلىنىڭ كۇيتىك قستاعىنان ءنابي اقساقال: «تاسقىن كووپەراتيۆ اشقالى ساۋداگەر ىزدەپ ءارى-ءسارى بولىپ سارپالداڭعا تۇسپەيتىن بولدىق، تاسقىن ءوزى ىزدەپ كەلىپ ويلاعان باعامىزعا قوي، قوزىمىزدى ساتىپ الىپ ءجۇر، بۇل بىزگە ۇلكەن جەڭىلدىك پەن قولايلىلىقتار اكەلدى» دەدى.

  «ءيا، قوبىقسارى اۋدانى موتكە اۋىلى جىمىڭگىر قىستاعىنان ‹جاسىل جاپىراق› مال بورداقىلاۋ كووپەراتيۆىن اشقانىما دا 4 جىلداي ۋاقىت بولدى، جىلدىق كىرىسىم دە جامان ەمەس. بىلتىر كۇزدەن باستاپ حۋنان ولكەسى يۋەياڭ قالاسىنداعى سىنيۋ مال شارۋاشىلىق ونىمدەرى شەكتى جارنا سەرىكتەستىگىمەن جەرلىك قازاق قويىن جەتكىزىپ تۇرۋعا 5جىلدىق توقتامعا وتىردىم. بيىل 5-ايدان باستاپ شىحىزىدان ءتۇبىتتى ەشكى تۇقىمىن كوكتوعاي اۋدانىنا اپارىپ قاجەت ەتكەندەردىڭ قولىنا جەتكىزىپ جاتقان جايىم بار، پايداسى ماردىمسىز بولسا دا باسقالاردىڭ اۋقاتتانۋىنا از بولسا دا سەبىم ءتيسىن دەگەنىم.

  سودان، قولىمىزعا بىردەمە تۇسكەن سوڭ باسقاعا قارايلاسۋدى دا ۇمىتپادىق مودىنوبا قستاعىندا تۇراتىن گىمىڭقان، جانات قاتارلى ازاماتتارعا  قازىرگە دەيىن اقشالاي دا، زاتتاي دا كومەكتەسىپ كەلەمىن» دەپ ءسوزىن اياقتاپ، دومبىراسىن قولىنا العان تاسقىن داڭق باقتىمۇرات ۇلىنىڭ ولەڭىنە جازىلعان ءوز تەرمەسى «پارتياعا ارناۋدى» ۇلكەن ءبىر تولعانىسپەن ناقىشىنا كەلتىرە ورىنداپ شىقتى.

  كاسىپتەندىم دەپ دومبىراسىن ءبىر بۇرىشقا تاستاي سالماعان ەكەن ازاماتىمىز. بۇعان مىسال: 2009-جىلى قوبىقسارى اۋدانىندا وتكەن ايماقتىڭ 18-كەزەكتى اقىندار ايتىسىنىڭ تەرمە جارىسىندا تەرمە ورىنداۋدان 3-بولىپ سيلانسا، 2011 -جىلى قوبىقسارى اۋدانى ۇيىمداستىرعان ۇلتتىق ونەرپازدار ۇيىرمەسىنىڭ ءبىر مۇشەسى بولىپ شاڭحاي، ۋحۋ قالالارىندا كونسەرتتىك ساپاردا بولعان ەكەن.

  اكەنىڭ بويىنداعى جاقسى قاسيەتتىڭ بالاعا داريتىنى شىندىق دەسەدە، وتباسىندا بالانى ونەرگە جەتەلەۋ تاعىدا ءبىر ۇلكەن عىلىم، تاسقىن بۇل تۇسىن دا جاقسى ۇستاعانى بىردەن بەلگىلى بولدى. بۇعان تيەك 7 جاسار قىزى ايپەرى 2017-جىلى 8-ايدا تارباعاتاي تەلەۆيزياسىندا وتكەن بالالار ءان جارىسىندا «بالا جۇلدىز» دەگەن اتپەن سيلانىپ، اكە-شەشەسىمەن تۋىس-تۋعانىنا قۋانىش سيلاپ تا  ۇلگىرىپتى.

  «قىسىلىپ، قىمتىرىلعاندا قول ءۇشىن بەرگەن وجەت اتتى ازاماتقا، ونەر جولىما جول كورسەتۋشى، دەمەۋشى بولعان تانىمالى پالۋان، جاتتىقتىرۋشى ۇستازىم بولعان ەركىنبەك اعاما، ونەرىمە دە، ومىرىمە دە ۇلاعاتىمەن  ۇستازدىق ەتكەن ارداقتى اقىن قىدىرقان مۇقاتاي ۇلىنا العىسىم شەكسىز» دەپ ءسوزىن اياقتاتتى شەبەر تەرمەشى دە تابىستى كاسىپكەرگە اينالعان جانسەبىل ازامات ءوزى قۇرمەت تۇتقان جاقىندارىنا   العىسىن جاۋدىرىپ.
تەرمەلەرىڭ تەبىندى، بازارداعى سەرىكتەرىڭ سەنىمدى، ىستەرىڭ ءارقاشان ءونىمدى، كۇندەرىڭ كوڭىلدى بولا بەرسىن تابىسكەر ازامات!
  سۋرەتتە: تاسقىن وتباسىمەن بىرگە.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn