ەركىن سۇلتانوۆ
تۋىسشىلاپ بارامىن
بارايىق دەپ تۋىسقا،
قالادان تارتتىق اۋىلعا.
توزگەن ىستىق –سۋىققا،
بەرسەك دەپ سالەم قاۋىمعا.
كەلەمىز اۆتوكولىكپەن،
اسفالت جولدا ايناداي.
قاراساڭ جاندى ەلىتكەن.
ارۋداي اسەم بار ماڭاي.
جاعاسى جولدىڭ جاسىل نۋ،
سامالمەن باياۋ تەربەلگەن.
ەڭبەكشىل ەلمەن اتىز دۋ،
جانىما جويقىن دەم بەرگەن.
تارتىلعان جولمەن تاسپاداي،
استىق قىرقا دوڭدەردەن.
سالىنعان ءساندى اق ساراي،
ومىرگە جاڭا ءوڭ بەرگەن.
جانعا ءجايلى مەكەنىم،
قويناۋى قۇت قوڭىر بەل.
جەلپيدى زەرلى ەتەگىن،
تاۋدان ەسكەن قوڭىر جەل.
كۇركىرەگەن كوك وزەن،
وقالى ورمان جاعاسى.
سەيىلدەسەڭ سەزەر ەڭ،
جانعا شيپا اۋاسى.
جەتسەم-اۋ دەپ تۋىسقا،
كەلەم ۇزاق جول باسىپ،
بىرگە بولىپ جۇمىستا،
وتسەم-اۋ دەپ قولداسىپ.
كەلەم اۆتوكولىكپەن،
ارتقا تاستاپ بايتاق ءوڭىردى.
جەتسەم -اۋ دەپ جەلىككەن،
باسسام-اۋ دەپ كوڭىلدى.
جەل تابان جۇيتكىپ كەلەدى،
تاستاپ جاسىل دالانى.
جەلبىرەگەن جەلەگى،
جاناردى جاۋلاپ بارادى.
جەتەلەگەن ارمانعا،
قاتپارلى قارت تاۋلارىم.
باقىتتى بىزدەي جان بارما،
دۋمانعا شومعان بار ماڭىم.
باقىتقا ءبىزدى بولەگەن،
پاراساتتى زامانىم.
حالىقتى العا جەبەگەن،
نۇرلاندىرىپ جانارىن.
ارالاپ اۋدان، اۋىلدى،
قىستاققا تارتىپ بارامىن.
سىزدەرگە بەرىپ بارىمدى،
سىزدەردەن قايتا الامىن.
ءداۋىر رۋحىن ۇلىقتاپ،
جەتكىزسەم دەپ بارامىن.
ءدان تۇقىمىن سۇرىپتاپ،
ەككىزسەم دەپ بارامىن.
ۇيرەنۋدى بىرلىكتە،
جۇرگىزسەم دەپ بارامىن.
تىربىنۋدى تىرلىكتە،
بىلگىزسەم دەپ بارامىن.
كەدەيلىكتىڭ قالپاعىن،
العىزسام دەپ بارامىن.
جوق-جىتىككە باسپانا،
سالعىزسام دەپ بارامىن.
شاراپاتى شالقار ەل،
تيسە ەكەن دەپ بارامىن.
ماڭدايىمنان اجەلەر،
سۇيسە ەكەن دەپ بارامىن.
ەلدىڭ ەگەي ەرلىگىن،
ۇيرەنسەم دەپ بارامىن.
ءار ۇلت حالقى تەڭدىگىن،
جىرلاسام دەپ بارامىن.
تاۋ جايلاسىپ مالشىمەن،
قىردى اسسام دەپ بارامىن.
اقىن،شەشەن، انشىمەن،
سىرلاسسام دەپ بارامىن.
شەجىرەنى شەشەننەن،
بىلسەم-اۋ دەپ بارامىن.
ەلگە قوسقان ەسەمدى،
ەر بولسام دەپ بارامىن.
تۋىستارىم مەنى دە،
اڭسادى-اۋ دەپ بارامىن.
شىراق بولىپ تورىنە،
جانسام-اۋ دەپ بارامىن.
تۋىستارمەن بىرگەمىن
سۇراساڭ مەنى قاراعىم،
ارالاپ ءجۇرمىن تۋىستى.
اۋاسىن جۇتىپ دالانىڭ،
تىندىرىپ ءجۇرمىن جۇمىستى.
اۋاسى-اي سالقىن دالانىڭ،
الامىن ەركىن تىنىستى.
جامالى-اي جاسىل جاعانىڭ،
ۇشان-تەڭىز ىرىستى.
اۋماعى-اي اسەم اۋىلدىڭ،
جامىلعان جاسىل ءپۇلىستى.
كوشىنە ەرگەن ءداۋىردىڭ،
ءتۇسىندىم باۋىر-تۋىستى.
كەلگەندە اڭساپ الىستان،
تۋىستار ءبىزدى قارسى الدى.
باسا الماي ءشولدى قاۋىشقان،
اڭگىمە شەرتىپ ءان سالدى.
بىرىمىزگە-ءبىرىمىز،
بارىمىزدى ۇسىندىق.
توعىسىپ تۇنىق ءدىلىمىز،
جىر قۇسىن بىرگە ۇشىردىق.
قونالقىدا، تاماقتا،
ۇيرەنۋدە، ساباققا.
بىرگە بولىپ ءار اپتا،
ىستەدىك ساي تالاپقا.
كەيدە جۇرسەك ەگىستە،
كەيدە بولدىق اۋلادا.
بىرگە شىعىپ ورىسكە،
بىرگە باردىق باۋعا دا.
تۋىستارعا ءتيىمدى،
بەردىك اقىل كەڭەستى،
بىرگە ۇيرەنىپ ءبىلىمدى،
باستىق بىرگە بەلەستى.
تۋىستارمەن سيلاستىق،
توننىڭ ىشكى باۋىنداي.
جۇرە-جۇرە قىردى استىق،
قيىندىقتان تايىنباي.
تاتۋ-ءتاتتى سىرلاستىق،
ءبىر انادان تۋعانداي.
اراداعى قيماستىق،
جانعا شۋاق قۇيعانداي.
تۇرا المايمىز كورمەسەك،
ءبىرىمىزدى-ءبىرىمىز.
شۋاق بولعان مەيىرى.
اياۋلى اعا-ءىنىمىز.
جۇدىرىقتاي جۇمىلىپ،
ءجۇرمىز كۇندە كوڭىلدى.
جۇرەگىمىز جىلىنىپ،
قۇشتىق دارقان ءومىردى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى