گازەتىمىزدىڭ جيناق حابارى. ايماقتىڭ نەگىزگى ساتى ۇيىمدىق قۇرىلىسى مەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنەن تاجىريبە الماستىرۋ، ىلگەرىلەتۋ ءماجىلىسى 8-ايدىڭ 13-كۇنى قوبىقسارى موڭعۇل اۆتونوميالى اۋدانىندا اشىلدى.
اۆتونوميالى رايوندىق «ۇعىسۋ، تيىمدىلىك جاساۋ، توعىستىرۋ» قىزمەتى باسشىلىق گرۋپپاسىنىڭ ورىنباسار باستىعى نيۋ مين، ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى ليۋ لي ماجىلىسكە قاتىناستى. ماجىلىستە قوبىقسارى اۋدانى، شاۋەشەك قالاسى، ءدوربىلجىن اۋدانى، شيحۋ قالاسى، تولى اۋدانى، شاعانتوعاي اۋدانىنىڭ التىن ەمىل اۋىلى، ساۋان اۋدانى داچۋان اۋىلىنىڭ شاۋفاڭجۋاڭزى قىستاعى، ءدوربىلجىن اۋداندىق بازار باقىلاۋ-باسقارۋ مەكەمەسىنىڭ جەلاعاش قالاشىعى بۇعىتى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى تاجىريبە تانىستىردى.
سول كۇنى تۇستەن بۇرىن ماجىلىسكە قاتىناسقاندار قوبىقسارى اۋدانىنىڭ 6 پارتيا قۇرىلىسىنان ۇلگى كورسەتۋ ءتۇيىنىنىڭ قۇرىلىس جاعدايى مەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنىڭ ورىستەتىلۋ جاعدايىن كوزدەن كەشىردى.
تۇستەن كەيىن اشىلعان بەينە ەكران ماجىلىسىندە نيۋ مين ايماعىمىزدىڭ ءتۇرلى قىزمەتتەن قولعا كەلتىرگەن ناتيجەلەرىن تولىق تۇراقتاندىردى ءارى ايماعىمىزداعى ءار دارەجەلى پارتيا ۇيىمدارى مەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتتەرىنەن جاڭا داۋىردەگى پارتيا قۇرىلىسىنىڭ جالپى تالابىن جاپپاي تياناقتاندىرىپ، نازاردى باس نىساناعا شوعىرلاندىرىپ، جوعارى قاتتامدا جوبالاۋ ارقىلى ىلگەرىلەتۋ جۇيەسىن ساپالىلاندىرۋعا، كەمەلدەندىرۋگە تاباندى بولىپ، پارتيا قۇرىلىسىن جەتەكشى ەتىپ، نەگىزگى ساتىنىڭ ۇيىمداستىرۋ قۋاتىن جوعارىلاتۋدى؛ قىستاقتا تۇرۋ قىزمەتىنىڭ تاجىريبەلەرىن، ادىستەرىن ىشكەرىلەي قورىتىندىلاپ، تارباعاتاي ايماعىنىڭ وزىندىك ەرەكشەلىگىنە يە ۇلگى ءتۇيىنىن قۇرىپ، ءتۇيىن ارقىلى جالپىعا جەتەكشىلىك ەتىپ، نەگىزگى ساتىنىڭ نەگىزىن بەكەمدەي ءتۇسۋدى تالاپ ەتتى.
ليۋ لي تۇتاس ايماعىمىزدىڭ نەگىزگى ساتى ۇيىمدىق قۇرىلىسى مەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ىلگەرىلەتۋ جونىندە ورنالاستىرۋ جاسادى.
ليۋ لي مىنالاردى باسا دارىپتەدى: ۇيىمداستىرۋ قىزمەتى جونىندەگى مەملەكەتتىك ءماجىلىستىڭ رۋحىن، اۆتونوميالى رايوندىق پارتكومنىڭ ورنالاستىرۋلارىن جانە ايماقتىق پارتكومنىڭ قىزمەت تالاپتارىن جاپپاي دايەكتىلەندىرىپ، تياناقتاندىرىپ، ءتۇيىندى كورنەكتىلەندىرىپ، شەشۋشى ءتۇيىندى يگەرە وتىرىپ، تياناقتاندىرۋدى مىقتى ۇستاپ، ءتۇيىندى، قيىن ماسەلەلەردى شەشىمدەۋدەن باستاپ ىسكە كىرىسىپ، تياناقتاندىرۋدى مىقتى ۇستاۋدىڭ ساپاسى مەن ورەسىن جوعارىلاتۋ كەرەك. ساياسي تانىمدى جوعارىلاتىپ، ساياسي جاۋاپكەرلىكتى كۇشەيتىپ، زەيىن-زەردە، كۇش-قۋاتتى شوعىرلاندىرا وتىرىپ قيىنشىلىقتاردى جەڭىپ، جاۋاپكەرلىكتى تياناقتاندىرىپ، ستيلدى جاقسارتىپ، كادرلاردى جاۋاپكەرلىك ارقالاپ، ىسكەرلىك كورسەتۋگە ىنتالاندىرۋ كەرەك.
ماجىلىستە مىنالار باسا دارىپتەلدى: «ىشكەرىلەي ۇيرەنىپ، تولىق ءتۇسىنۋدى» كورنەكتىلەندىرە وتىرىپ، دايەكتىلەندىرۋدى مىقتى ۇستاۋ كەرەك. اۋدان، قالالىق پارتكومدار تەز ارادا ارناۋلى ءماجىلىس اشىپ، ءماجىلىس رۋحىن دەر كەزىندە جەتكىزىپ، ساتىلار بويىنشا ارەكەتكە كەلتىرۋى؛ ولشەمگە نەگىزدەلە وتىرىپ، تياناقتاندىرۋدى مىقتى ۇستاۋى؛ دالمە-ءدال شارا قولدانا وتىرىپ، جاۋاپكەرلىكتى كۇشەيتۋى كەرەك.
ماجىلىستە مىنالار تالاپ ەتىلدى: جاڭا داۋىردەگى پارتيا قۇرىلىسىنىڭ جالپى تالابىن مۇقيات دايەكتىلەندىرىپ، جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، شينجياڭ قىزمەتىنىڭ باس نىساناسىنا نازاردى شوعىرلاندىرىپ، ساياسي تۇرعىنى، جاۋاپكەرشىلىكتى جانە قىزمەت دەڭگەيىن ۇزدىكسىز جوعارىلاتىپ، ماسەلەلەر مەن ءالسىز بۋىنداردى كوزدەي وتىرىپ، ءبىر-بىرلەپ تياناقتاندىرىپ، ۇزدىك ناتيجە ارقىلى قوعام ورنىقتىلىعى مەن باياندى تىنىشتىق باس نىساناسىنا قىزمەت وتەۋ كەرەك.
وسى رەتكى ءماجىلىس تۇتاس ايماعىمىزدىڭ قىستاقتارىنا دەيىن قامتىپ، ايماق بويىنشا 1090 بولىمشە ءماجىلىس مايدانى قۇرىلىپ، ايماق، اۋدان، اۋىل-قىستاق دارەجەلى كادرلاردان 11 مىڭنان استام ادام ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى