حالىقتىڭ دەنساۋلىعىن تەگىن تەكسەردى

  ۇسىنىس ەتىلگەن ءتىلشى تاۋلە قۇماش ۇلى حابارلايدى. حالىق بۇقاراسىنىڭ دەنساۋلىعىن تەگىن تەكسەرۋ قىزمەتى جاپپاي اتقارىلا باستاعاننان بەرى، شاعانتوعاي اۋدانىنداعى دەنساۋلىق ساقتاۋ تاراۋلارى حالىقتىڭ دەنساۋلىعىن تەگىن تەكسەرىپ، حالىق ءۇشىن ىستەپ، حالىقتىڭ جاقسى باعاسىن الدى.

  جۋىقتا، شاعانتوعاي اۋداندىق حالىق شيپاحاناسى كاسىپتىك قابىلەتى جوعارى شيپاگەرلەر مەن قارامايلى قالاسىنان ارنايى مامانداردى ۇسىنىس ەتىپ، 10 نەشە شيپاگەر اقشوقى جايلاۋىندا مالشىلاردىڭ دەنساۋلىعىن تەگىن تەكسەرۋ قيمىلىن ورىستەتتى.

  جيەك قالاشىعىنىڭ تۇرعىنى ورالبەك قارت: «جاسىم 70 كە كەلدى، شيپاگەرلەر جايلاۋعا بارىپ تەكسەرگەندە قان قىسىمىڭىز وتە جوعارى ەكەن، دەرەۋ ەمدەلىڭىز دەگەن سوڭ، شيپاحاناعا كەلىپ جاتقانىما بۇگىن ەكى كۇن بولدى، قان قىسىمىم قالپىنا كەلىپ، باسىمنىڭ اينالعانى باسىلدى، شيپاگەرلەرگە كوپ راقىمەت» دەدى.

  اۋداندىق حالىق شيپاحاناسى ىشكى اۋرۋلار ءبولىمىنىڭ مەڭگەرۋشىسى تىلەۋ ۋاتاي ۇلى: «ۇيىمنىڭ ورنالاستىرۋى بويىنشا، اۋدان قالاشىعىنان 60 كيلومەتر شالعاي جەردەگى اقشوقى جايلاۋىنا بارىپ، مالشىلاردىڭ قان قىسىمى، قانت قۇرامى جانە ايەلدەردىڭ ءتۇرلى ناۋقاستارىن تەگىن تەكسەرىپ، سىرقاتتارى ءبىرشاما سالماقتى بولعاندارىن اۋدان قالاشىعىنا اكەلىپ شيپاحاناعا جاتقىزىپ ەمدەدىك، وسى جولى 150 گە تارتا مالشىنىڭ دەنساۋلىعىن تەگىن تەكسەرىپ، دەنساۋلىقتى كۇتىمدەۋ ءبىلىمى كىتاپشاسى جانە ۇگىت قاعازىن تاراتىپ، كەرمە تۋ ءىلىپ، دەنساۋلىقتى قورعاۋ تۋرالى كولەمدى ۇگىت جۇرگىزدىك» دەدى.
  سۋرەتتە: شيپاگەرلەر مالشىلاردىڭ دەنساۋلىعىن تەكسەرۋدە.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى