ءتىلشىمىز چىن ۋىن حابارلايدى. 8-ايدىڭ 15-كۇنى ايماقتىق پارتكومنىڭ شۋجيى شۋە بين ايماقتىق پارتكوم وزەكتى گرۋپپاسىنىڭ 25-رەتكى كوللەكتيۆ ۇيرەنۋىن باسقارىپ وتكىزدى.
ءماجىلىس اۆتونوميالى رايوندىق پارتكومنىڭ شۋجيى چىن چۋانگونىڭ اۆتونوميالى رايوندىق پارتكوم كەڭسەسى تۇراقتى مۇشەلەر كەڭسەسى پارتيا ياچەيكاسىنىڭ ۇيىمدىق تۇرمىس جيىنىنا قاتىناسقاندا سويلەگەن ءسوزى رۋحىن مۇقيات جەتكىزىپ، ۇيرەنىپ، اۆتونوميالى رايوننىڭ 4-رەتكى ەكونوميكاعا جاپپاي تەكسەرۋ جۇرگىزۋ تەلەۆيزور-تەلەفون ءماجىلىسى، اۆتونوميالى رايوننىڭ اۋىل-قىستاقتاردى كوركەيتۋ ستراتەگياسىن اتقارۋدان دوكلات جاساۋ ءماجىلىسى، اۆتونوميالى رايوننىڭ ورتالىقتىڭ قورشاعان ورتانى قورعاۋدى باقىلاۋ-تەكسەرۋ گرۋپپاسى اڭىس ەتكەن پىكىرلەر بويىنشا تۇزەتۋ قىزمەتىنە باسشىلىق ەتۋ گرۋپپاسىنىڭ 2-رەتكى تۇزەتۋ قىزمەتىن ورنالاستىرۋ ءماجىلىسى، ەمدەۋ دارىندىلارىنىڭ «ۇيىرمە ۇلگىسىندە» كومەكتەسۋ قىزمەتىن ىلگەرىلەتۋ ءماجىلىسى، اۆتونوميالى رايوندىق پارتكومنىڭ رەفورمانى جاپپاي تەرەڭدەتۋدە«ءوزارا ۇيرەنۋ، ءبىرىن-ءبىرى تەكسەرۋ» قىزمەتىن قورىتىندىلاۋ، دوكلات جاساۋ ءماجىلىسى سياقتى ماجىلىستەردىڭ رۋحىن جەتكىزىپ، ۇيرەنىپ، ايماقتىڭ نەگىزگى ساتى ۇيىمدىق قۇرىلىسى مەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنەن تاجىريبە الماستىرۋ، ىلگەرىلەتۋ ءماجىلىسى رۋحىن حابارلاندىردى.
شۋە بين قاتىستى ءماجىلىس رۋحىن دايەكتىلەندىرۋ، تياناقتاندىرۋ جونىندە تالاپتاردى العا قويدى. ول مىنالاردى باسا دارىپتەدى: ءار دارەجەلى پارتيا، ۇكىمەت ورىندارى پارتيانىڭ ساياسي قۇرىلىسىن تاباندىلىقپەن ىلگەرىلەتىپ، پارتيانىڭ ىشكى ساياسي تۇرمىسىن قاتاڭداستىرىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، تۇلعالىق جاۋاپكەرلىكتى ادا ەتىپ، ورگاندار دامۋىنىڭ جاڭا جاعدايىن ۇزدىكسىز جاراتۋى كەرەك. قامداۋ جاعىنداعى قۇرىلىمدىق رەفورما، «ۇكىمەت قۇرىلىمدارىن ىقشامداپ، ۇقىقتى تومەنگە ءتۇسىرۋ، ۇقىقتى تومەنگە ءتۇسىرۋ مەن باسقارۋدى ۇشتاستىرۋ، قىزمەت وتەۋدى جاقسارتۋ» رەفورماسى، اۋىل شارۋاشىلىعى، اۋىل-قىستاققا قاتىستى 3 ءتۇرلى رەفورما، قازىنا-باجى، فينانس رەفورماسى سياقتى ماڭىزدى رەفورمالاردىڭ ناقتى ناتيجەگە قول جەتكىزۋىن جەبەپ، ايماقتىڭ پارتيا، ۇكىمەت قۇرىلىمدارى رەفورماسىن ءتارتىپتى ىلگەرىلەتىپ، ادىليا ءتۇزىلىسى رەفورماسىن جاپپاي تەرەڭدەتۋ كەرەك. اۋىل-قىستاقتاردى كوركەيتۋ ستراتەگياسىن اتقارۋدىڭ كەلەلى ءمانىن ىشكەرىلەي مىقتى يگەرىپ، اۋىل شارۋاشىلىعى، اۋىل-قىستاق قىزمەتىن ىرىقتى تۇردە الدىمەن دامىتاتىن ورىنعا قويىپ، ماڭىزدى تاريحي ورايدى مىقتى يگەرىپ، جاۋاپكەرشىلىكتى ارقالاپ، اۋىل شارۋاشىلىعىن جاقسى دامىتىپ، اۋىل-قىستاق ىستەرىن جاقسى ىستەۋ كەرەك. ساياسي تۇرعىنى شىن مانىندە بيىكتەتىپ، «ءتورت تانىمدى» نىعايتىپ، جاۋاپكەرلىك ارقالاۋدى كۇشەيتىپ، تۇلعالىق جاۋاپكەرلىكتى ادا ەتىپ، دالمە-ءدال بولۋ تالابىن تياناقتاندىرىپ، قارجىنى باسقارۋدى قاتاڭداستىرىپ، باقىلاۋ، زاڭ اتقارۋدى كۇشەيتىپ، كەدەيلىكتەن قۇتىلدىرۋدان قامال الۋ جاۋاپكەرلىك ءتۇزىمىن قاتاڭ تياناقتاندىرىپ، مەملەكەت پەن اۆتونوميالى رايوننىڭ كەدەيلەردى سۇيەمەلدەۋ قارجىسىن باسقارۋعا قاتىستى بەلگىلەمەلەرىن قاتاڭ اتقارىپ، كەدەيلەردى سۇيەمەلدەۋ قارجىسىن شىن مانىندە جاقسى باسقارۋ جانە ودان جاقسى پايدالانۋ كەرەك. جالپىلىق مەنشىككە جاتپايتىن شارۋاشىلىقتى دامىتۋ قىزمەتىنە وسكەلەڭ ءمان بەرىپ، تۇرلىشە مەنشىك ءتۇزىمىنىڭ ءبىرىن-ءبىرى تولىقتاپ، ءبىرىن-ءبىرى جەبەپ، بىرلىكتە دامۋىن ىلگەرىلەتۋ كەرەك. زاڭ بويىنشا جاپپاي تەكسەرۋ جۇرگىزۋگە، شىندىقتى ءىس جۇزىنەن ىزدەۋگە، ناقتى ماسەلەنى تەكسەرىپ، شىنايى مالىمەت جولداۋعا تاباندى بولىپ، جاپپاي تەكسەرۋ ساندى مالىمەتتەرىنىڭ ساپاسىن مەڭگەرۋ جاۋاپكەرلىگى ءتۇزىمىن ورناتىپ جانە كەمەلدەندىرىپ، ساناق قىزمەتىندە كوز بوياۋشىلىق ىستەۋدەن قاتاڭ ساقتانىپ جانە ونى قاتاڭ جازالاپ، ساندى مالىمەتتىڭ شىنايى، دۇرىس، كەمەلدى، دالمە-ءدال بولۋىنا كەپىلدىك ەتۋ كەرەك. ورتالىقتىڭ قورشاعان ورتانى قورعاۋدى باقىلاۋ-تەكسەرۋ گرۋپپاسى اڭىس ەتكەن پىكىرلەر بويىنشا تۇزەتۋ قىزمەتىن تاباندى، باتىل جاقسى ىستەپ، پارمەندى شارالار ارقىلى ماسەلەنىڭ تولىق تۇزەتىلۋىن ىلگەرىلەتىپ، كەزەڭدىك مىندەتتىڭ ۋاعىندا ورىندالۋىنا كەپىلدىك ەتۋ كەرەك. ەمدەۋ دارىندىلارىنىڭ «ۇيىرمە ۇلگىسىندە» شينجياڭعا كومەكتەسۋ قىزمەتىن ماڭىزدى حالىق تۇرمىسى ينجەنەرياسى جانە «ءبىرىنشى باسشى جاۋاپتى بولاتىن» ينجەنەريا رەتىندە ماڭىزدى كۇن تارتىپكە ەنگىزىپ، ەمدەۋ دارىندىلارىنىڭ «ۇيىرمە ۇلگىسىندە» شينجياڭعا كومەكتەسۋ قىزمەتىنىڭ ومىرشەڭدىك قۋاتىن شىن مانىندە ارتتىرىپ، تارباعاتاي ايماعىنا ءبىر توپ وزىق شيپاحانا ، جوعارى ساپالى ەمدەۋ دارىندىلارى قوسىنىن جەتىلدىرۋ كەرەك.
شۋە بين مىنالاردى اتاپ كورسەتتى: ءار قاشان نازاردى باس نىساناعا شوعىرلاندىرىپ، باس نىسانانى بۇلجىتپاي تياناقتاندىرىپ، ءتۇرلى قىزمەتتە باس نىسانانى جەتەكشى ەتۋگە تاباندى بولىپ، ورنىقتىلىقتى قورعاۋدىڭ ارقاۋىن ءارقاشان شيراتىپ ۇستاپ، كوزسىزدىكپەن بويدى كەڭگە سالۋ، سالعىرتتىققا سالىنۋ يدەياسىن، شەگىنشەكتەۋ نىسايىن جانە بىردە قاتاڭ بولىپ، بىردە بوساڭسۋ جاعدايىن باتىل تۇزەتىپ، يدەيادا سالعىرتسىماي، تەبىندى السىرەتپەي، ولشەمدى تومەندەتپەي، جاۋاپكەرلىكتى تىنباي قۋزاستىرىپ، لاڭكەستىككە قارسى تۇرىپ، ورنىقتىلىقتى قورعاۋعا قاتىستى كەشەندى شارالاردى تاباندى، باتىل تياناقتاندىرىپ، ايماعىمىزدا ۇلكەن ءىس، ورتاشا ءىس، كىشكەنە ءىس تە تۋىلماۋىنا، ايماعىمىزدىڭ ءۇرتىس ورنىقتىلىعىنا، ۇزاق ۋاقىت ورنىقتىلىعىنا، جاپپاي ورنىقتىلىعىنا كەپىلدىك ەتۋ كەرەك. پارتيا قۇرىلىسىن مىقتى ۇستاۋ ارقىلى نەگىزگى ساتىنى نىعايتىپ، نەگىزدى بەكەمدەۋدى جەتەكشى، بۇقارالىق قىزمەتتى ىشكەرىلەي جىڭىشكەلىكپەن ىستەۋدى شىعار ءتۇيىن ەتە وتىرىپ، نەگىزگى ساتىنىڭ تايانىش كادرلار قوسىنى قۇرىلىسىن، ءالسىز، بىتراڭقى نەگىزگى ساتى پارتيا ۇيىمدارىن وڭاۋدى كۇشەيتىپ، نەگىزگى ساتى ۇيىمدارىنىڭ جاۋىنگەر قامالدىق رولىن تولىق ساۋلەلەندىرۋ كەرەك. مەكتەپ پەن قوعامنىڭ، مەكتەپ پەن الەۋمەتتىك اۋماقتىڭ بىرلەسىپ ارەكەتتەنۋىن كۇشەيتىپ، مەكتەپ پەن ماڭىنداعى ءوڭىردىڭ بۇكىلدەي حاۋىپسىزدىگىنە كەپىلدىك ەتۋ كەرەك. حاۋىپسىز ءوندىرىس قىزمەتىن بار كۇشپەن مىقتى ۇستاپ، كوڭىلگە قاراماي، قاتاڭ شارا قولدانىپ، كومەسكى قاتەردى الاستاپ، ەرەكشە اۋىر حاۋىپسىز ءوندىرىس شىرعالاڭىنىڭ تۋىلۋىن باتىل تەجەۋ كەرەك. ماسەلەنى نىشان ەتۋ باعىتىنا جانە كەرى باعىتتا ويلاۋعا تاباندى بولىپ، تانىمدى ايقىنداپ، مىندەتتى، شارانى، جاۋاپكەرلىكتى تولىق تياناقتاندىرىپ،ماسەلەنى تولىق تۇزەتىپ، جاۋاپكەرلىكتى قاتاڭ قۋزاستىرىپ، تاسقىننان ساقتانۋ قىزمەتىن جاقسى ىستەۋ كەرەك.
شۋە بين مىنالاردى باسا دارىپتەدى: ايماقتىڭ اۆتونوميالى رايوندىق پارتكومنىڭ ورنىقتىلىق، دامۋ، رەفورما، حالىق تۇرمىسى، پارتيا قۇرىلىسى جاعىنداعى «كەشەندى شارالارىن» دايەكتىلەندىرۋ، تياناقتاندىرۋعا قاتىستى قۋزاۋ-جەتەكشىلىك ەتۋ جۇيەسىن، سايكەستىرۋ، ورنالاستىرۋ جۇيەسىن، تەكسەرۋ جۇيەسىن، تياناقتاندىرۋدى قۋزاۋ جۇيەسىن اناعۇرلىم كەمەلدەندىرىپ، «6 باسقىشتى قىزمەت ءادىسى» بويىنشا ءىس جۇزگىزىپ، قۇر ايعاي شاقىرماي، قىزمەتتى تياناقتاندىرىپ، «قۇرىلىس اترەتىنىڭ باستىعىندىق» رولدى ساۋلەلەندىرىپ، بەتالدى ىستەمەۋگە كەپىلدىك ەتىپ، قىزمەتتى مىقتى يگەرىپ، بارىسىن جازباي قاداعالاپ، مىندەتتى تياناقتاندىرىپ، جوعارى مەن تومەندى سايكەستىرىپ، كىسى باسىنا دەيىن تياناقتاندىرىپ، دالمە-ءدال، جىڭىشكەلىكپەن، كاسىپتىك تۇرعىدان ىشكەرىلەي ورىستەتۋ كەرەك.
ايماقتاعى 4 باسشىلىق القانىڭ باسشىلارى، ايماقتىق ورتا دارەجەلى حالىق سوتى مەن ايماقتىق بولىمشە پروكۋراتۋرانىڭ باسشىلارى، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى