ءتىلشىمىز لي چۇنلاي، ەرىكتىءتىلشى ماۋ يىنچۋان، پراكتيكانت ءتىلشى قۇشتار ايدىن قىزى حابارلايدى. 7-ايدىڭ 30-كۇنى، شاۋەشەك قالاسى ءتارتىپ تەكسەرۋ كوميتەتىنىڭ باقىلاۋ كوميتەتىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قاراقاباق اۋىلى كەنجەباي قىستاعىنا تۇسكەن قىزمەت اترەتى قىستاق «ەكى كوميتەتىمەن» بىرلەسىپ، «بەس ءبىر» تاقىرىپتىق جەلىلەس قيمىلىن ورىستەتتى.
الدا، قىزمەت اترەتى مەن قىستاق «ەكى كوميتەتى» كانيكۋلعا كەلگەن ستۋدەنتتەردى مەملەكەت تۋى استىندا وزدەرىنىڭ ۋنيۆەرسيتەتتەگى ۇيرەنۋى، تۇرمىس جاعدايى، جەتىلۋ بارىسى، سىرتقا شىعىپ وقۋ بارىسىنداعى كورگەن-بىلگەندەرىن، جانە وي-اسەرلەرىن سويلەۋ سىندى جەلىلەس قيمىل ۇيىمداستىردى.
كانيكۋلعا كەلگەن ستۋدەنت ەلشات: «مەن ءۇرىمجى كاسىپتىك ۋنيۆەرسيتەتىندە وقيمىن، ۋنيۆەرسيتەتتە قاي-قاشان دا ۇلتتار ىنتىماعىنىڭ بەرەكەلى شاڭىراعىنىڭ تاماشا ورتاسىندا ەكەنىمدى سەزىنە الامىن، ءار ۇلت ستۋدەنتتەرى تاتۋ-ءتاتتى، ءبىر ءۇيدىڭ بالاسىنداي باقىتتى تۇرمىس كەشىرىپ، ءوزارا كومەكتەسەدى. شينجياڭ ازاماتى رەتىندە، مەن اسا ماقتانامىن، كوركەم شينجياڭنىڭ وزگەشە جەرگىلىكتى قاسيەتى مەن سالت-ساناسى ىشكى ولكەدەن كەلگەن ساباقتاستاردى وزىنە باۋرايدى» دەدى.
ستۋدەنت تالانت: «ستۋدەنت رەتىندە، وزىمدەگى تيىمدىلىكتى تولىق ساۋلەلەندىرىپ، تۋىسقاندار مەن دوس-جاراندارىما ۇلتتار ىنتىماعىن كۇشەيتۋ، وتان تۇتاستىعىن قورعاۋ، ۇلتتىق بولشەكتەۋشىلىككە، زورلىقتى كۇش پەن لاڭكەستىككە قارسى تۇرۋداعى ۇگىت-تاربيە قىزمەتىن ويداعىداي جۇرگىزىپ، قىستاق تۇرعىندارىن ءدىني ۇشقارى يدەيادان اۋلاق بولۋعا باستاپ، ءتىپتى دە كوپ بۇقارانى ‹باتىل ءۇن قاتىپ، ايقىن پوزيتسيا ءبىلدىرۋ› قيمىلىنا قاتىناسۋعا ۇندەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، شىن پەيىلمەن نۇرلى بولاشاعىمىزدى جاراتامىز» دەدى.
ستۋدەنت جايدار: «مەن باقىتتىمىن، ۋنيۆەرسيتەتتە پارتيانىڭ كوپتەگەن ءتيىمدى ساياساتىنان يگىلىكتەنىپ، ۇيرەنۋ مەن تۇرمىستا وقىتۋشى جانە ساباقتاستارىمنىڭ قامقورلىعىنا كەنەلدىم. مەن قۇلشىنا وقىپ، پارتيانىڭ ساياساتىن ۇگىتتەپ، ناقتىلى بىلىمدەردى يگەرىپ، وقىتۋشىنىڭ ءتالىمىن ەستە بەرىك ساقتاپ، اتا مەكەنىمنىڭ دامۋىنا ءوز ۇلەسىمدى قوسامىن» دەدى.
قيمىلدا، تەپكىش تەبۋ، ۇستەل دوپ ويناۋ سىندى دەنە تاربيە جارىستارى وزدىرىلىپ، جەر-جەردەن كەلگەن ستۋدەنتتەر ءۇشىن ءوزارا ءتۇسىنىسۋدىڭ تاپتىرماس ورايى بولدى.
قازىرگە دەيىن كەنجەباي قىستاعى كانيكۋلعا كەلگەن 7ستۋدەنتتى 5 رەت قيمىل جۇرگىزۋگە ۇيىمداستىرىپ،50 دەن استام ادام قاتىناستى.
قيمىل ارقىلى كانيكۋلعا كەلگەن ستۋدەنتتەردىڭ وقۋ-اعارتۋعا قىزمەت وتەۋىن كۇشەيتىپ، قوعام ورنىقتىلىعىن قورعاۋ جانە ۇلتتار ىنتىماعىن كۇشەيتۋ جاعىنداعى ۇگىتتىك رولدارىن ساۋلەلەندىرىپ، اتا مەكەندەرىنە دەگەن بورىشتىلىق سەزىمدەرىن ارتتىرا ءتۇستى.
رەداكتورى: جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى