ءماجىلىس رۋحىن ۇيرەنىپ، تياناقتاندىرۋدى يگەرىپ، ءتۇرلى قىزمەتتى جەبەۋدى تالاپ ەتتى
ءتىلشىمىز حى لياڭ حابارلايدى. 8-ايدىڭ 27-كۇنى اكىمشىلىك مەكەمەسى 2018-جىلعى 23-رەتكى پارتگرۋپپا (كەڭەيتىلگەن) ءماجىلىسىن اشتى، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات ءماجىلىستى باسقاردى.
ءماجىلىس «شي جينپيڭنىڭ جاڭا ءداۋىر جۇڭگوشا سوتسياليزم يدەياسىنان 30 لەكسيانىڭ» «پارتيانى اۋىتقىماستان ءتىپتى دە قۋاتتى ەتىپ قۇرىپ شىعايىق» اتتى 28-لەكسياسىن ۇيرەنىپ، «ءسوزسىز مەردىگەر شاقىرىلاتىن نەگىزدىك قۇرىلعىلار مەن الەۋمەتتىك ىستەر نىسانىنىڭ كولەمى جونىندەگى بەلگىلەمەنى قاتاڭ اتقارۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەپ الىندى) جەتكىزدى، ۇيرەندى. مۇقيات قاتىستى ماسەلەلەر جونىنەن ناقتىلى تالاپ قويدى.
ماجىلىستە مىنالار اتاپ كورسەتىلدى: ءوز-وزىنە توڭكەرىس جاساۋعا باتىل بولۋ، پارتيانى قاتاڭ باسقارۋ-جونگە سالۋدىڭ ماڭىزدىلىعى مەن كوكەي تەستىلىگىن جىعا تانۋ كەرەك. ساياسي تۇرعىنى بيىكتەتىپ، جاڭا داۋىردەگى پارتيا قۇرىلىسىنىڭ جالپى تالابىن ىشكەرىلەي ۇيرەنىپ، دايەكتىلەندىرىپ، جەتە يگەرۋ، ناقتىلى تياناقتاندىرۋ جاقتارىنا كۇش سالۋ؛ ماقسات تانىمىن، پاكتىك تانىمىن جانە زاڭ-ءتارتىپ تانىمىن كۇشەيتىپ، قالىڭ پارتيالى كادرلاردى مۇرات-سەنىمدى اناعۇرلىم كۇشەيتىپ، تاڭداۋلى ءداستۇر مەن ستيلدى ساۋلەلەندىرىپ، تاماشا احلاق-ءمورالدى جەتىلدىرۋگە تاربيەلەۋ جانە جەتەلەۋ؛ قىزمەت ستيلىنە بۇرىلىس جاساپ ءارى ونىڭ ونىمدىلىگىن تياناقتاندىرۋدى مىقتى يگەرۋ مەن بۇكىل ىنتا-پەيىلىمەن حالىق ءۇشىن جاقسى ءىس، ناقتىلى ءىس تىندىرۋ بارىسىندا ايگىلەۋ كەرەك.
ماجىلىستە مىنالار باسا دارىپتەلدى: حابارلاندىرۋ رۋحىن ىشكەرىلەي يگەرىپ، قاتىستى نىسانداردى زاڭ-بەلگىلەمەلەر بويىنشا ءبىتىرىپ، ىلگەرىلەتىپ، اشىق جاريا، ءادىل بولۋىنا كەپىلدىك ەتۋ؛ نىسان قۇرىلىسىن ىلگەرىلەتۋدىڭ ماڭىزدى ءمانىن جىعا تانىپ، سالىنىپ جاتقان ءتۇيىندى نىسانداردى جاقسى يگەرۋدى ءتۇيىن ەتىپ، جاۋاپكەر تۇلعانى ايقىنداپ، سايكەستىرۋ مەحانيزمىن ورناتىپ، بىرلىكتە اتتانىسقا كەلە وتىرىپ ىلگەرىلەتۋدى كۇشەيتۋ؛ نىسان قۇرىلىسى قارقىنىن جەدەلدەتىپ، نىسانا-مىندەتتىڭ ورىندالۋىنا كەپىلدىك ەتۋ كەرەك.
ماجىلىستە تاعى ايماعىمىزدىڭ جۋىق ارالىقتا «ءۇش ءىرى قامال الۋ شايقاسىن» جاقسى جۇرگىزۋى جونىنەن تالاپتار قويىلدى.
وسىدان سوڭ اكىمشىلىك مەكەمەسى 2018-جىلعى 19-رەتكى ۋاليلەر قىزمەت ءماجىلىسىن اشىپ، ءبىر ءبولىم ورىنداردىڭ اكىمشىلىك قىزمەت وتەۋ ورتالىعىنا ورنالاسۋىنا قاتىستى ىستەردى اقىلداستى.
ءماجىلىس بەينە ەكران ءماجىلىسى فورماسىندا اشىلىپ، ايماق باسشىلارىنان جاڭ باۋدۇڭ، الي، نۇرمامەت نۇردۇن، يان فىڭ، بي حاي ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى