تىلشىلەرىمىز ۋاڭ گاۋشىڭ، سۇڭ جۇنفاڭ حابارلايدى. 8-ايدىڭ 30-كۇنى پاتىگۇل اسا قۋانىشپەن: «مەن مىناداي مول اقشا تاۋىپ كورمەپپىن، بۇل جەردى اينالىمعا سالۋدىڭ پايداسى. ويتپەگەندە، اتىزداعى ءبىتىپ بەرمەيتىن شارۋادان قوسىمشا جۇمىس ىستەۋگە ۋاقىت قايدان شىقسىن» دەدى.
پاتىگۇل شاعانتوعاي اۋدانى جاڭاجەر اۋىلى مۇقىر قىستاعىنىڭ تۇرعىنى، بيىل 57 جاستا، ۇيىندە 6 جان، 85 مۋ اتىز بار، جۇبايى 2009-جىلى جوعارى قان قىسىم جانە اسقازان ناۋقاسىنا شالدىعىپ، ەڭبەك ىستەۋ قۋاتىنان ايرىلعان بولاتىن.
بيىل قىستاقتا جەردى اينالىمعا سالۋ جالپىلاسىپ، ول 50 مۋ اتىزىن جارنا رەتىندە قوسىپ، 7500 يۋان كوتەرمەگە بەرۋ قاراجاتىن الادى، ەكىنشى رەتكى تابىس بولىسىندە مۋىنان كەمىندە 10 يۋاننان تاعى دا 500 يۋان الاتىن بولىپ وتىر.
جەردى اينالىمعا سالعاننان كەيىن ۇلى ەكەۋىنىڭ قوسىمشا جۇمىس ىستەپ اقشا تابۋىنا ۋاقىت شىعادى. وسى بىرنەشە كۇننەن بەرى ول باسقالارعا ءبىر اپتا ماقسارى گۇلىن تەرىسىپ، 2000 مىڭ يۋاننىڭ اينالاسىندا اقشا تاپقان. سونىمەن بىرگە، قوسىمشا سيىر ءسۇتىن ساتىپ، كۇنىنە 30 يۋان كىرىس كىرگىزسە؛ ۇلى باسقالاردىڭ اۆتوكولىگىن ايداپ، كۇنىنە 200 يۋان اقشا تاۋىپ وتىر.
ۇعىسۋعا قاراعاندا، بيىل مۇقىر قىستاعىندا 3200 مۋ جەر اينالىمعا سالىنىپ، 1400 مۋ جەرگە شەكىلدەۋىكتى قاربىز، 800 مۋ جەرگە ماقسارى، 1000 مۋ جەرگە ۇپىلمالىك ەگىلگەن. قىستاقتاعى 80 ءتۇتىننىڭ 76 سى كەدەي وتباسى بولىپ، بارلىعى جەردى جارنا رەتىندە قوسۋ فورماسىمەن اينالىمعا سالعان.
بۇرىنعى جىلدارى قىستاقتا جەردى ەڭ جوعارى بولعاندا 110 يۋانعا كوتەرمەگە بەرەتىن. بيىل سەلبەستىك كووپەراتيۆى قىستاق تۇرعىندارىنىڭ جەرىن جارنا رەتىندە مۋىن 150 يۋاننان الىپ، وسىنىڭ وزىنەن تۇرعىنداردىڭ كىسى باسىندىق ورتاشا كىرىسى 600 يۋان اينالاسىندا جوعارىلاعان.
قىزمەت اترەتىنىڭ ورىنباسار باستىعى ۋاڭ شياۋ: «بيىل جەردى اينالىمعا سالۋدىڭ پايداسىن كورگەن تۇرعىنداردىڭ ۇلگى كورسەتۋ ونىمدىلىگى وتە كورنەكتى بولدى. كەلەر جىلى قىستاق بويىنشا 8000 مۋ جەردى اينالىمعا سالۋدى ويلاستىرىپ وتىرمىز، بۇل قىستاق ەگىستىك جەرىنىڭ 59 پايىزىن ۇستايدى. مەجەمەن 2020-جىلعا جەتكەندە تۇتاس قامتۋى جۇزەگە اسادى» دەدى.
شاعانتوعاي اۋدانى اۆتونوميالى رايون دارەجەلى كەدەي اۋدان. جىل باسىنان بەرى شاعانتوعاي اۋدانىنداعى ءار دارەجەلى پارتكوم مەن ۇكىمەت جەرگىلىكتى جاعدايعا قاراي وتىرىپ پارتيا 19-قۇرىلتايى رۋحىن تياناقتاندىرىپ، ءارقايسى اۋىل، قالاشىق، قىستاق- دۇيلەردە، اسىرەسە، كەدەي قىستاق-دۇيلەردە جەتەكشىلىك ەتۋ، ۇلگى كورسەتۋ ارقىلى جەردى اينالىمعا سالۋدى كۇش سالا جالپىلاستىرۋمەن بىرگە، ارتىق ەڭبەككۇشتەردى قايتالاي كاسىپتەنۋگە جەبەپ، كىرىستەرىنىڭ ۇزدىكسىز جوعارىلاۋىن جۇزەگە اسىرىپ، كەدەيلىكتەن قۇتىلۋدىڭ جەتىستىگىن بەكەمدەپ، كورنەكتى ونىمدىلىككە قول جەتكىزدى.
جيەك قالاشىعى ورتا جيەك سولتۇستىك قىستاعى كەدەي قىستاق. قىستاق تۇرعىنى شۇي شىڭفۋ بيىل 58 جاستا، وتباسىندا بەس جان، 50 مۋ اتىز بار. بالا-شاعاسى ءوز الدىنا شاڭىراق كوتەرىپ كەتكەن. 50 مۋ جەرىنە ءوزى ەگىن سالادى.
ول بيىل 50 مۋ ەگىستىك جەرىن تۇگەلىمەن سەلبەستىك كووپەراتيۆىنە اينالىمعا سالادى. بۇرىنعى جىلدارى ول جۇگەرى ەگىپ، جىلىنا 40 مىڭ يۋاننىڭ اينالىسىندا تازا كىرىس كىرگىزەتىن. جەردى اينالىمعا سالعاننان كەيىن شۇي شىڭفۋ سەلبەستىك كووپەراتيۆىندەگى 550 مۋ جەردى باسقارۋعا ۇسىنىس ەتىلەدى، قازىر ونىڭ ايلىق ەڭبەكاقىسى 2750 يۋان ەكەن.
شۇي شىڭفۋ: «ەگىستىك جەرىمدى سەلبەستىك كووپەراتيۆىنە اينالىمعا سالۋعا رازىمىن. جىل سوڭىندا سەلبەستىك كووپەراتيۆىنىڭ ونىمدىلىگى جاقسى بولسا، پايدا ءبولىسى كوبىرەك بولادى، ونىمدىلىگى جاقسى بولماعان كۇننىڭ وزىندە دە ازىراق ۇلەس الامىن، ءوزىم ەككەنگە قاراعاندا پايداسى كوپ، جەردى اينالىمعا سالۋ ءتاسىلى وتە جاقسى» دەدى.
ۇعىسۋعا قاراعاندا، كەزەكتە شاعانتوعاي اۋدانىندا 167 مىڭ مۋ جەر اينالىمعا سالىنعان، مۇنىڭ ىشىندە 20 كەدەي قىستاق 840 مىڭ مۋ جەرىن اينالىمعا سالىپ، كەدەي وتباسىلارىنىڭ اينالىمعا سالعان جەر كولەمى 19 مىڭ 700 مۋعا جەتكەن.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى