ءتىلشىمىز شيڭ شياۋيۋە، زاقان راقىش ۇلى حابارلايدى. شاۋەشەك قالاسىندا جۇمىس ىستەيتىن كاسىپكەر، ءۇرىمجى قالاسىنىڭ تۇرعىنى شاڭ ميڭرۇي قۋانىشىن جاسىرا الماي: «قازىر قونىستانۋ كۋالىگى بولسا بولعانى، تۇرعان ورىندا ازاماتتىق كۋالىگىن جاساتۋعا بولادى ەكەن» دەدى.
بيىل 7–ايدان باستاپ شينجياڭنىڭ ءارقايسى جەرىندە تۇراتىن شينجياڭنىڭ ىشىندەگى تۇرعىندار ازاماتتىق كۋالىگىن جوعالتىپ العان جاعدايدا نوپوس داپتەرى نەمەسە قونىستانۋ كۋالىگى ارقىلى جەرلىك قوعام حاۋىپسىزدىگى مەكەمەسىنە بارىپ ازاماتتىق كۋالىگىن جاساتۋعا بولاتىن بولعان.
بۇرىنعى كەزدەرى بولسا ازاماتتىق كۋالىك جاساتۋ ءبىرشاما اۋرە بولاتىن، اسىرەسە سىرت جەردەن كەلگەندەردىڭ جاساتۋى ءتىپتى دە قيىن بولىپ، حالىق بۇقاراسى نەداۋىر سارساڭعا تۇسەتىن.
شاۋەشەك قالالىق قوعام حاۋىپسىزدىگى مەكەمەسى اماندىق قورعاۋ ۇلكەن اترەتىنىڭ كۋالىك ءبىتىرۋ زالىندا شينجياڭنىڭ ىشىندەگى ءار جەردەن كەلگەن تۇرعىنداردىڭ ازاماتتىق كۋالىگىن جاساتۋ قىزمەتى تياناقتاندىرىلعاننان بەرى ادام كۇشى مەن قاراجات ۇنەمدەلىپ، كوپ جىلدان بەرگى بۇقارا اڭىس ەتىپ كەلە جاتقان سىرت جەردەن كەلگەندەردىڭ ازاماتتىق كۋالىگىن جاساتۋى قيىنعا سوعۋ ماسەلەسى تۇبەگەيلى شەشىلدى.
بۇدان سىرت، شاۋەشەك قالالىق قوعام حاۋىپسىزدىگى مەكەمەسى اماندىق قورعاۋ ۇلكەن اترەتى كۋالىك ءبىتىرۋ زالىندا تۇرعىنداردىڭ تۇڭعىش رەت ازاماتتىق كۋالىك ءبىتىرۋ اقىسىن الۋدى كۇشىنەن قالدىردى. سونىمەن بىرگە،20 كۇن ىشىندە ازاماتتىق كۋالىكتى بۇقارانىڭ قولىنا تاپسىرۋ ءتۇزىمىن قاتاڭ اتقاردى.
شاۋەشەك قالالىق قوعام حاۋىپسىزدىگى مەكەمەسى اماندىق قورعاۋ ۇلكەن اترەتىنىڭ ورىنباسار اترەت باستىعى يۇ حۇڭ: «قوعام حاۋىپسىزدىگى سالاسىندا ‹ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، تومەنگە بەرۋ مەن باسقارۋدى ۇشتاستىرۋ، قىزمەت وتەۋدى جاقسارتۋ› جانە ‹كوپ بولعاندا ءبىر رەت جۇگىرتۋ› قىزمەت ورنالاستىرۋىن دايەكتىلەندىرۋ ءۇشىن، قولداعى جۇمىستى تەز ءارى ساپالى ءبىتىرىپ، كۋالىكتى بەلگىلەنگەن ۋاقىتتا بۇقارانىڭ قولىنا تاپسىرىپ، قيىنشىلىعى بار بۇقارا مەن ەرەكشە جاعدايى بار بۇقاراعا تەز ءبىتىرۋ تەرەزەسىن اشىپ، بۇقارانىڭ كۋالىگىن شۇعىل قاجەت قىلۋ قيىنشىلىعىن دەر كەزىندە شەشىمدەيمىز» دەدى.
ۇعىسۋعا قاراعاندا،7-ايدىڭ 1-كۇنىنەن بەرى شاۋەشەك قالالىق قوعام حاۋىپسىزدىگى مەكەمەسى اماندىق باسقارۋ باس اترەتى كۋالىك ءبىتىرۋ زالىندا ەكىنشى كەزەك ازاماتتىق كۋالىكتەن 621 نۇسقا، ۋاقىتتىق ازاماتتىق كۋالىكتەن 436 نۇسقا، سىرت جەردەن كەلگەندەردىڭ ازاماتتىق كۋالىگىنەن 101 نۇسقا بىتىرگەن.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى