ۇسىنىس ەتىلگەن ءتىلشى تاۋلە قۇماش ۇلى حابارلايدى. جۋىقتا شاعانتوعاي اۋدانى التىن ەمىل اۋىلدىق پارتكوم مەن حالىق ۇكىمەتىنىڭ باسشىلارى باستاماشى بولىپ، اۋىل جانە ءبىر بولىم قىستاق كادرلارىن باستاپ شالعاي تاۋلى وڭىردەگى مالشى قاۋىمىنا بارىپ، ورتانى قورعاۋ جونىندە ۇگىت جۇرگىزدى. بۇندا، باسشى كادرلار وڭىرلەرگە ءبولىنىپ، مالشىلارعا بۇقارالىق جيىن اشىپ، باس نىسانانى نەگىز ەتىپ، كەدەيلىكتەن ەرتەرەك قۇتىلۋ، ءورت اپاتىنان ساقتانۋ، ەكولوگيالىق ورتانى قورعاۋ جاقتارىنا كولەمدى تەكسەرۋ جۇرگىزىپ، ۇگىت جاساپ، بۇل قىزمەتتى مۇقيات ىستەدى.
التىن ەمىل اۋىلى جاڭابۇلاق مالشىلار وتىرىقتانۋ ءتۇيىنىنىڭ قىستاق باستىعى باقىتبەك سايپوللا ۇلى: «اۋىلدىق پارتيا، ۇكىمەت باسشىلارىنىڭ باستاۋىندا، شالعاي جايلاۋداعى مالشىلاردى ارالاپ، ورتانى قورعاۋ ساياساتىن ۇگىتتەدىك، بۇندا، مالشىلاردى تاۋلى وڭىردە ءبىر اراعا جيناۋ قيىن بولعاندىقتان، ءۇش وڭىرگە بولىنىپ، بۇقارالىق جيىن اشىپ، وتباسىلارىنا دەيىن بارىپ ورتانى قورعاۋ تۋرالى ۇگىت جۇرگىزدىك، بارلىق تاۋىنىڭ تەرىسكەي جاعىنداعى سارتەرەك جايلاۋى وتە كوركەم، وسى جەردە تاۋ استىنان بۇرقىراپ قايناپ شىعىپ جاتقان باستاۋ كوزى ساياحاتشىلاردىڭ كوپ كەلەتىن وڭىرىنە اينالدى، ءبىر ءبولىم ادامدار ءالى دە ورتانى قورعاۋعا ونشا ويىسا قويعان جوق. باستاۋ باسى مەن ورماننىڭ ارالارى سۋسىن قوراپتارى، قوقىر-قوقسىققا تولىپ قالىپتى، بارلىعىن تەرىپ ورتەپ، كومىپ، وسى وڭىردەگى مالشىلاردى ساياحاتتاپ كەلگەندەرگە ورتانى قورعاۋدى ۇگىتتەۋگە ورنالاستىردىق» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى