قىزمەت اترەتى مالشىلاردىڭ ءوندىرىس، تۇرمىسىنا كومەكتەستى

  ۇسىنىس ەتىلگەن ءتىلشى جەڭىسحان اسقار ۇلى، ەرىكتى ءتىلشى قاميلا بايان قىزى حابارلايدى. ساۋان اۋداندىق تۇرعىن ءۇي جانە قالا-اۋىل قۇرىلىسى مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا نيۋجۋانزى مال فەرماسىنىڭ سارتوعان قىستاعىنا تۇسكەن قىزمەت اترەتىندەگى كادرلار، قىستاقتاعى مالشىلاردىڭ ناقتىلى جاعدايىنا قاراي وتىرىپ، ءتۇرلى قىزمەتتى تىڭعىلىقتى ىستەپ، مالشىلاردىڭ وتباسىنا بارىپ قىزمەت وتەپ، مال شارۋاشىلىعىنا قاتىستى ءتۇرلى قىزمەتتەردى الدىن الا جوسپارلاپ، ولاردىڭ ءوندىرىس، تۇرمىسىنا كومەكتەستى.

  جاقىننان بەرى قىستاققا تۇسكەن قىزمەت اترەتىندەگى كادرلار وتباسىلارىن ارالاپ احۋال ۇعىسۋ بارىسىندا قىستاقتاعى مالشىلاردىڭ باسىم كوپ ءبولىمى مالدىڭ قىس قىرىنان قىسىلماي ءوتۋى ءۇشىن جەم-ءشوپ دايىنداۋدىڭ قاربالاستىعىمەن بولىپ جاتقاندىعىن ۇعىسادى، الايدا قىستاقتاعى ءبىر ءبولىم مالشىلاردىڭ قىسقى جەم-ءشوپتىڭ قامىممەن بولىپ، قويدى ۆانناعا سالۋجۇمىسىن كەشەۋىلدەتىپ العاندىعىن بايقايدى، سونىمەن قىستاققا تۇسكەن كادرلار ءارى -ءسارى بولماستان قىستاق «ەكى كوميتەتىندەگى» كادرلار مەن سايكەسىپ، الدىمەن وتباسىندا قيىنشىلىعى اۋىر، ەڭبەككۇشى جەتىسپەيتىن وتباسىلارىنىڭ كۇزگى جيىن- تەرىن جۇمىسىنا كومەكتەسەدى. سونىمەن بىرگە، مالشىلاردىڭ جەم-ءشوپ جيناۋ جۇمىسى مەن مالدى ۆانناعا سالۋىنا كومەكتەسىپ، قاتىستى ورىندارمەن بايلانىس جاساپ، مالدا بولاتىن ءتۇرلى ىندەتتىڭ الدىن الۋ دارىلەرىن مالشىلاردىڭ وتباسىنا دەيىن جەتكىزىپ، باعىمشىلىك تەحنيكاسى جونىندە كەڭەس بەرىپ، ءتۇرلى قىزمەتتەردى تىڭعىلىقتى ىستەپ، ءار ۇلت حالقىنىڭ القاۋىنا بولەندى.

  ۇعىسۋعا قاراعاندا، قازىرگە دەيىن 10 مىڭ باستان ارتىق قوي ۆانناعا سالىنىپ، مالداردا بولاتىن ءتۇرلى ىندەتتىڭ الدىن الۋ قىزمەتى جالعاستى جۇرىلۋدە ەكەن.
  سۋرەتتە: قىزمەت اترەتىندەگىلەر مالشىلاردىڭ قويدى ۆانناعا سالۋىنا كومەكتەسۋدە.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى