ەەڭ جاڭا مازمۇندار
2018-جىلى 10-ايدىڭ 19-كۇنى 229-سان
حاۋىپسىز ءوندىرىس قىزمەتىنە باسا ءمان بەردى
مول ءونىم شاتتىعىنا شومدى
شينجياڭعا كومەككە كەلگەن وقىتۋشىلار رولىن بەلسەنە ساۋلەلەندىردى
كەستەشى قىز كەستەسىمەن باقىتتى تۇرمىسىن كەستەلەۋدە
عىلىم-تەحنيكا كورمەسى ساۋان اۋدانىندا اشىلدى
2018-جىلى 10-ايدىڭ 18-كۇنى 228-سان
عىلىم-تەحنيكانىڭ ءتىلسىم كۇشى بالا ارمانىنا قانات ءبىتىردى
وقۋ-اعارتۋ شەبىن تاپجىلماي قورعاپ، يدەيا قامالىن بەكەمدەيمىن
باس نىسانانى جۇزەگە اسىرۋعا ايبىندى كۇش ۇيىستىرايىق
باس نىسانانى بەكەم، باتىل تياناقتاندىرامىن
وڭ ەنەرگيا جەتكىزىپ، ۇلتتار ىنتىماعىن قورعايمىن
ايماق ەكونوميكالىق قىزمەتتى ىلگەرىلەتۋ ءماجىلىسىن اشتى
ايماعىمىزدىڭ ماقتا جيناۋ جۇمىسى جاپپاي باستالدى
قۇلىستاي قويناۋى بەزگەلدەكتىڭ قۇت مەكەنىنە اينالدى
2018-جىلى 10-ايدىڭ 17-كۇنى 227-سان
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق كەدەيلەردى سۇيەمەلدەۋ- وركەندەتۋگە باسشىلىق ەتۋ گرۋپپاسى ءماجىلىسىن اشتى
حاۋىپسىز ءوندىرىس قىزمەتىن جاقسى ىستەدى
قالا تۇرعىندارىنا تازا دا جانعا جايلى ورتا جاراتتى
قاتىناس كولىكتەرىنىڭ قاتىستى كۋالىكتەرىنە تەكسەرۋ جۇرگىزدى
جاسىل، ورگانيكالى ونىمدەر شارۋالاردىڭ اۋقاتتانۋىنا جارقىن جول اشتى
كۇزگى جيىن-تەرىن مەزگىلىندەگى قاتىناس حاۋىپسىزدىگىنە كەپىلدىك ەتتى
ايماق كەدەيلەردى سۇيەمەلدەۋ سالاسىنا باقىلاۋ جۇرگىزۋ، ءتارتىپ اتقارۋ، جاۋاپكەرلىكتى قۋزاستىرۋ قىزمەتى جونىندەگى ءۇشىنشى رەتكى تاراۋلار بىرلەسكەن ءماجىلىسىن اشتى
ءدوربىلجىن اۋدانى باعىمشىلىق كاسىبىن زەردەلى باسقارۋدى الدىمەن اتقاردى
2018-جىلى 10-ايدىڭ 16-كۇنى 226-سان
2018-جىلى 10-ايدىڭ 15-كۇنى 225-سان
2018-جىلى 10-ايدىڭ 13-كۇنى 224-سان
2018-جىلى 10-ايدىڭ 12-كۇنى 223-سان
ساحارانىڭ كوز تارتقان كۇزگى كورىنىسى

قىستاق تۇرعىندارىن بايۋ جولىنا باستادى

جولدانعان ۋاقىتى : 2018/10/9 18:03:55


  تىلشىلەرىمىز ايان قايرات ۇلى، ۋاڭ شۋشيا حابارلايدى. شاۋەشەك قالالىق سىرتپەن بايلانىس، سەلبەستىك ورتالىعىنان «ۇعىسۋ، تيىمدىلىك جاساۋ، توعىستىرۋ» قيمىلى بويىنشا ەمىل اۋىلى جارسۋ قىستاعىنا تۇسكەن قىزمەت اترەتى مەن قىستاق «ەكى كوميتەتى» قىستاقتىڭ ەكونوميكاسىن دامىتىپ، قىستاق تۇرعىندارىن دوڭگەلەك داۋلەتتى تۇرمىسقا جەتەلەۋ جايىنداعى ىزگى ىستەرى ەل اراسىندا اڭىس قوزعادى...

  قىزمەت اترەتى اۋقاتتانۋ امالىن قاراستىردى

  «قىستاق تۇرعىندارىنىڭ دامۋ ءتۇزىلىسى جالاڭ، نە ىستەسەك بولار؟»، «ءبىز ءادىس-امال قاراستىرايىق، مەنىڭشە قىستاقتىڭ جەرلىك ابزالدىلىعىنان پايدالانىپ، اۋلا شارۋاشىلىعى مەن ەرەكشەلىككە يە كاسىپ سالاسىن دامىتساق، ءسوزسىز، جاقسى بولاتىنىنا سەنەمىن». قىزمەت اترەتىندەگىلەر وسى تەكتەس تاقىرىپتا ۇنەمى تالقى جيىنىن وتكىزىپ، ءىس جۇزىندىك قيمىلدارى ارقىلى قىستاق تۇرعىندارىن اۋقاتتاندىرۋ امالىن قاراستىرىپ كەلدى.

  جارسۋ قىستاعى قۇلىستاي جايىلىمىنىڭ قويناۋىنا ورنالاسقان، شاۋەشەك قالاسىمەن ارا قاشىقتىعى27 كيلومەتر، بۇل جەردىڭ سۋ بايلىعى مول، اۋاسى ىلعالدى بولىپ، كليماتى باعىمشىلىق پەن ەگىمشىلىككە ۇيلەسىمدى. بۇل قىستاقتا 134 وتباسى، 411 جان سان بار، بۇرىندارى قىستاق تۇرعىندارى بورمي ەگىمشىلىگىن نەگىز ەتىپ كەلگەن، بۇل داقىل ءتۇرىنىڭ وزىندىك قۇنى جوعارى ءارى كىرىسى دە تومەن.

  بيىل قىزمەت اترەتى وتباسىن ارالاپ جاعداي ۇعىسۋ بارىسىندا، وسى ماسەلەلەردەن حابار تاپقاننان كەيىن، قىستاق تۇرعىندارىن اتتانىسقا كەلتىرۋ جيىنىن اشۋ، شارۋالار كەشكى مەكتەبى سياقتى فورمالاردان پايدالانىپ قىستاق تۇرعىندارىن اۋلا شارۋاشىلىعىن دامىتۋعا جىگەرلەندىرىپ جانە جەتەلەپ، كىرىستەرىن ارتتىرۋعا كومەكتەستى. قازىر قىستاقتا 3 شارۋالار ساياجايى بار.

  بيىل 4-ايدا قىزمەت اترەتى مەن قىستاق «ەكى كوميتەتى» ءبىر ءبولىم قىستاق تۇرعىندارىن باستاپ، بيڭتۋان اۋىل شارۋاشىلىق 9-شى 162-تۋانىنە بارىپ، كوكونىس بازاسىن ەكسكۋرسيالاۋ ارقىلى ساڭىراۋقۇلاق پەن بۇلدىرگەن باپتاۋدىڭ تەحنيكاسىن ۇيرەنىپ، قىستاق تۇرعىندارى ءۇشىن تىڭ كىرىس كوزىن قاراستىرادى.

  قىستاق كادرى باستاماشى رولىن اتقاردى

  قىستاقتىڭ بۇعالتىرى كۇلان: «بيىل قىزمەت اترەتى ۇيىمداستىرعان كوزدەن كەشىرۋ قيمىلىنا مەندە قاتىناستىم، قايتىپ كەلگەننەن كەيىن ولاردىڭ دەمەۋىندە، سىناق رەتىندە بۇلدىرگەن ەكتىم» دەدى.

  كۇلان بۇرىننان ەرەكشە ەگىمشىلىك پەن باعىمشىلىق ارقىلى اۋقاتتانۋدى ويلايتىن، ءتۇرلى جولداردى سىناپتا كورگەن. الايدا، قانشا تالپىنسا دا ءىسى ءساتتى بولمادى. قىزمەت اترەتى مەن قىستاق «ەكى كوميتەتىنىڭ» ۇيىمداستىرعان كوزدەن كەشىرۋ قيمىلىندا ول بۇلدىرگەننىڭ ەگۋ كولەمى شاعىن، كىرىسى مول ەكەنىن بايقاپ، ىشتەي جوسپارىن دا جاساپ بولادى.

  كۇلاننىڭ اۋلاسىندا سەگىز مۋ جەر بار بولىپ، باسىم كوپ جەرىنە تەرەك ەگىلگەن بولاتىن، كوزدەن كەشىرۋ قيمىلىنان كەيىن، ول وتباسىنداعىلارمەن بىرگە ەكى جارىم مۋ جەردى رەتكە سالىپ، بۇلدىرگەن ەگەدى، قالعان جەرىنە كوكونىس پەن ءجۇزىم ەگەدى.

  كۇلان: «بۇلدىرگەندى 6-ايدا ەكتىم، قازىر جەتىلۋى جاقسى، ەگەر  كەلەسى جىلعى بەرگەن ءونىمى جاقسى بولسا، وندا جىلى جاي سالىپ، ەگۋ  كولەمىن كەڭەيتپەكشىمىن، ءتۇرلى ءتيىمدى ساياسات ارقىلى بىزگە دامۋ ورايىن جاراتىپ بەرگەن پارتيا مەن ۇكىمەتكە راقىمەت» دەدى.

  قىستاق كوميتەتىنىڭ مەڭگەرۋشىسى كادىرقان كوزدەن كەشىرۋگە بارعاننان كەيىن، ءوز اۋلاسىندا شارۋالار ساياجايىن اشىپ، قازىر ايىنا ورتا ەسەپپەن 2500 يۋان كىرىس كىرگىزۋدە.

  كادىرقان: «ءبىز قىستاق كادرى بولعاننان كەيىن، باستاماشى رولىن اتقارۋىمىز كەرەك، كوپتەگەن قىستاق تۇرعىندارى ەرەكشە كاسىپ كوزىن اشۋعا باتىلى بارمايدى. سول ءۇشىن ءبىز جول باستاپ، جاڭا كاسىپكە كىرىسىپ، ولارعا ۇلگى كورسەتىپ، جاڭا كاسىپ ىستەگىسى كەلگەندەر بولسا، ولارعا قولداۋ-قۋاتتاۋ كورسەتەمىز»دەدى.

  قىستاق تۇرعىندارى مول ونىمگە كەنەلدى

  قىستاق تۇرعىنى ۋاڭ يۇڭنىڭ اۋلاسى كەڭ، جالپىلاي تەرەك ەگىلگەن ەدى، ول ۇنەمى باقشانىڭ اراسىنان جابايى ساڭىراۋقۇلاق تاۋىپ الادى.

  بيىل 5-ايدا قىزمەت اترەتى مەن قىستاق «ەكى كوميتەتى» تەرەك باقشاسى بار ۋاڭ يۇڭ مەن لي چياڭنىڭ اۋلاسىنا 2200 قالتا ساڭىراۋقۇلاق تاياقشا باكتەرياسىن سىناق رەتىندە ەگەدى.

  ۋاڭ يۇڭ: «قازىر اۋىل شارۋاشىلىعىنىڭ ماشينالاسۋ ورەسى جوعارى، كوكتەمگى تۇقىم سىڭىرۋدەن كەيىن قولىمىز بوساپ، اۋلا شارۋاشىلىعىن دامىتۋعا كوپ ۋاقىت شىعادى. ساڭىراۋقۇلاقتىڭ ومىرشەڭدىك قۋاتى كۇشتى، ەگۋ ءادىسى وڭاي، ەگىمشىلىكپەن اينالىسۋىما دا قول بايلامايدى، بيىل سىناق رەتىندە ەككەننەن كەيىن سەنىمىم ءتىپتى دە ارتا ءتۇستى» دەدى.

  ۋاڭ يۇڭنىڭ اكەسى ۋاڭ گۋوشي: «قىزمەت اترەتىندەگىلەر مەن قىستاق كادرلارىنىڭ دۇرىس باستاماشىلىعىندا ساڭىراۋقۇلاقتىڭ ءوسۋى مەن ساتىلۋى جاقسى بولىپ، قازىرگە دەيىن وتىز مىڭ يۋان كىرىس كىرگىزدىم، ەندىگى جەردە جىلى جاي سالىپ، ەگۋ كولەمىن كەڭەيتپەكشىمىن» دەدى.

  قىزمەت اترەتىنىڭ مۇشەلەرى ۋيچاتتا تاراتۋ، ەرەن بازارلارىمەن بايلانىس جاساۋ تاسىلدەرى ارقىلى قاريدار شاقىردى. كەزەكتە، ولار بىرنەشە ەرەن بازارى مەن ساماۋرىن سورپا دۇكەندەرىنە جارسۋ قىستاعىنىڭ ساڭىراۋقۇلاعىن تۇراقتى وتكىزۋدە.

  قىزمەت اترەتىنىڭ باستىعى شۇي پيڭپيڭ: «ءبىز قىستاقتىڭ جەرلىك ابزالدىلىعىنان پايدالانىپ، قىستاق تۇرعىندارىنا دامۋ جولىن كورسەتتىك، قازىر قىستاقتا پايدالانۋعا بولاتىن 100مۋعا جاقىن تەرەك باقشاسى بار، بيىل ساڭىراۋقۇلاقتىڭ ءونىمى جاقسى بولدى. بۇدان كەيىن باسقا قىستاق تۇرعىندارىن دا ساڭىراۋقۇلاق ەگۋ كاسىبىنە باستاپ، جارسۋ قىستاعىنىڭ ەكونوميكاسىن ءتىپتى دە دامىتا تۇسپەكشىمىز» دەدى.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى