ايماق ەكونوميكالىق قىزمەتتى ىلگەرىلەتۋ ءماجىلىسىن اشتى

  ءتىلشىمىز پان يانچين حابارلايدى. 10-ايدىڭ 13-كۇنى ايماق ەكونوميكالىق قىزمەتتى ىلگەرىلەتۋ ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات اۆتونوميالى رايوندىق پارتكوم مەن ۇكىمەتتىڭ كوز الداعى ەكونوميكالىق قىزمەتتى مىقتى يگەرۋ جونىندەگى ورنالاستىرۋلارىن تياناقتاندىرۋ تالاپتارىن العا قويدى.

  ءماجىلىس ايماقتىڭ 2018-جىلعى 1-ايدان 9-ايعا دەيىنگى ەكونوميكالىق اينالىمى جاعدايى جانە كەلەسى كەزەڭدەگى ەكونوميكالىق قىزمەت جونىندەگى ورنالاستىرۋلارىن حابارلاندىرىپ، «تارباعاتاي ايماعىنىڭ كەزەكتەگى ەكونوميكالىق قىزمەتتى مىقتى ۇستاۋ جونىندەگى مىندەت ءبولىسى جوباسىن» ۇيرەندى.

  ماجىلىستە مىنالار اتاپ كورسەتىلدى: كەزەكتەگى جاعدايدى دۇرىس يگەرىپ، دامۋ جونىندەگى سەنىم مەن بەكىمدى اناعۇرلىم بەكەمدەۋ؛ ءتۇيىندى قىزمەتتەردى مىقتى يگەرىپ، تۇتاس جىلدىق مىندەتتى قۇلشىنا ورىنداۋ؛ ەكونوميكانىڭ جوعارى ساپالى دامۋىن جاپپاي ىلگەرىلەتۋ؛ حالىق تۇرمىسىنا قاتىستى قوعامدىق ىستەردى بار كۇشپەن دامىتۋ كەرەك.

  ماجىلىستە مىنالار تالاپ ەتىلدى: اۋدان-قالالار مەن تاراۋلار ساياسي جاۋاپكەرلىكتى كۇشەيتىپ، تۇرعىنى بيىكتەتۋى؛ باسشىلىقتى كۇشەيتە وتىرىپ تياناقتاندىرۋدى مىقتى يگەرىپ، مىندەتتى جىڭىشكەلىكپەن ورنالاستىرۋى؛ جاۋاپكەرلىكتى كۇشەيتە وتىرىپ تياناقتاندىرۋدى مىقتى يگەرىپ، باس نىسانانى تياناقتاندىرۋدى توڭىرەكتەي وتىرىپ دامۋدى مىقتى ۇستاۋ جاۋاپكەرلىگىن شىن مانىندە ادا ەتىپ، ەكونوميكانىڭ جوعارى ساپالى دامۋىن قۇلشىنا ىلگەرىلەتۋى كەرەك.

  ۇعىسۋعا قاراعاندا، بيىل 1-ايدان 9-ايعا دەيىن ايماعىمىزدىڭ جەرگىلىكتى ءوندىرىس جالپى قۇنى 4 پايىز اينالاسىندا، قوعامدىق تۇتىنۋ بۇيىمدارىنىڭ بولشەك ساتىلۋ مولشەرى 8.7 پايىز ارتسا؛ ادەتتەگى الەۋمەتتىك مەجە ەسەپ كىرىسى 2 ميلليارد 940 ميلليون يۋانعا جەتىپ، ۇقساس سالا بويىنشا سالىستىرعاندا 4.5 پايىز ارتقان. تۇتاس ايماق بويىنشا ەل ءىشى- سىرتىنان قابىلدانعان ساياحاتشى سانى 4 ميلليون 183 مىڭ ادام رەتكە، ساياحات جالپى كىرىسى 4 ميلليارد 10 ميلليون يۋانعا جەتىپ، ايىرىم-ايىرىم 53.2 پايىز جانە 52.4 پايىز ارتقان.

  ايماق باسشىلارىنان ۋاڭ گۋاڭچياڭ، حوۋ شيڭحۇي، ايدىن تولەۋقان ۇلى، ياڭ ليۋ، نۇرمامەت نۇردۇن، سونداي-اق قاتىستى تاراۋلاردىڭ جاۋاپتىلارى ماجىلىسكە قاتىناستى.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى