شينجياڭعا كومەككە كەلگەن وقىتۋشىلار رولىن بەلسەنە ساۋلەلەندىردى

  ۇسىنىس ەتىلگەن ءتىلشى جانار بولسىن قىزى حابارلايدى. لياۋنيڭ ولكەسىنىڭ شينجياڭعا وقۋ-اعارتۋ جاعىنان باعىتتامالى كومەكتەسۋ قىزمەتى ىشكەرىلەي ورىستەتىلۋىمەن، شينجياڭعا كومەككە كەلگەن وقىتۋشىلار ءارقايسى مەكتەپتەردە وقىتۋشىلىق مىندەتىن ارقالاپ، كومەكتەسۋ جانە ۇيرەتىپ، جەتەكشىلىك ەتۋ رولىن بەلسەنە ساۋلەلەندىردى.        

  جۋىقتا ساۋان اۋداندىق 3-ورتا مەكتەپ «شينجياڭعا كومەككە كەلگەن وقىتۋشىلاردىڭ رولىن قايتكەندە ويداعىداي ساۋلەلەندىرىپ، وقىتۋ ساپاسىن جوعارىلاتۋعا بولادى» تاقىرىبىندا اڭگىمە جينالىسىن اشىپ، يدەيالىق جانە تاجىريبە جاعىنان ىشكەرىلەي پىكىر الماستىرىپ، وقۋ-اعارتۋ قىزمەتىن ونان ارى ويداعىداي ورىستەتۋگە نەگىز قالادى.

  جينالىستا شينجياڭعا كومەككە كەلگەن 6 وقىتۋشى ايىرىم-ايىرىم ءبىر ايدان بەرگى قىزمەت بارىسىنداعى اسەرلەرىن سويلەدى ءارى ساۋان اۋداندىق 3 -ورتا مەكتەپتىڭ وقىتۋ امالياتىنا قاراي وتىرىپ لايىقتى پىكىر، ۇسىنىستارىن ورتاعا قويىپ، مەكتەپتەگى وقىتۋشىلارمەن تالقى ورىستەتىپ، شينجياڭعا كومەككە كەلگەن وقىتۋشىلاردىڭ رولىن تولىق ساۋلەلەندىرۋ جونىندە پىكىر الماستىردى.

  شينجياڭعا كومەككە كەلگەن وقىتۋشى ۋاڭ حايبو: «مەن بۇل مەكتەپتە ەكى كلاسقا حيميا ساباعىن بەرەمىن، ءبىر گرۋپپاداعى ءۇش وقىتۋشى نەگىزىنەن ءار ساعاتتا مەنىڭ ساباعىمدى تىڭدايدى، مەنىڭ ساباق ءوتۋ ءادىسىمنىڭ ولارعا تاجىريبە قابىلدارلىقتاي ءونىمى بولۋىن ءارى بارلىعىمىز بىرلىكتە العا باسۋدى ءۇمىت ەتەمىن» دەدى.

  شينجياڭعا كومەككە كەلگەن وقىتۋشى ليۋ لي: «ءبىر ايدان بەرگى قىزمەت بارىسىندا ءبىز مۇقياتتىلىقپەن ساباق دايىنداپ، ساباقتى ويداعىداي وتتىك، بۇدان بىلايعى ءبىر جارىم جىلدىق قىزمەت بارىسىندا ءبىزدىڭ وقىتۋداعى كەيبىر ارتىقشىلىقتارىمىز بەن وقىتۋ ماتەريالدارىمىزدىڭ كادەگە جاراۋىن ءۇمىت ەتەمىن» دەدى.

  شينجياڭعا كومەككە كەلگەن وقىتۋشىلار ساۋان اۋداندىق 3-ورتا مەكتەپكە كەلگەننەن كەيىن مەكتەپتەگى جاس وقىتۋشىلارمەن دوستاسىپ، ءوزارا كومەكتەسۋ توقتامىن جاساسىپ، كومەككە كەلگەن 6 وقىتۋشى مەكتەپتەگى 23 جاس وقىتۋشىمەن «ۇستاز -شاكىرتتىك» قاتىناس ورناتىپ، ساباقحانا وقىتۋىنان ساباق دايىنداۋعا دەيىن بار پەيىلىمەن جەتەكشىلىك ەتىپ، جاس وقىتۋشىلاردىڭ تەز جەتىلۋىنە كومەكتەستى.

  ساۋان اۋداندىق 3-ورتا مەكتەپتىڭ وقىتۋشىسى جاڭ يفان: «ءبىر ايدان بەرى بىرگە قىزمەت ىستەۋ بارىسىندا شينجياڭعا كومەككە كەلگەن وقىتۋشىلار بىزگە كوپتەگەن ۇلگى ساباقتار ءوتتى، ولاردىڭ ساباعىن تىڭداۋ ءبىزدىڭ بۇدان كەيىنگى قىزمەتىمىزگە جەتەكشىلىك رول اتقاردى. بۇدان كەيىن دە كومەككە كەلگەن وقىتۋشىلاردىڭ وقىتۋ تاجىريبەلەرىن مۇقيات ۇيرەنىپ، ۇزدىك وقىتۋشىلاردان بولۋعا تىرىسامىن» دەدى.

  شينجياڭعا كومەككە كەلگەن وقىتۋشىلار كومەككە يە بولعان ورىندارعا جاڭا وقىتۋ ءتاسىلىن الا كەلىپ، ساۋان اۋدانىنداعى مەكتەپتەردىڭ وقىتۋ ورەسىنىڭ تاعى دا ءبىر تىڭ ساتىعا كوتەرىلۋىنە بەرىك نەگىز قالادى.

  ساۋان اۋداندىق 3-ورتا مەكتەپتىڭ باستىعى چىن لي: «مەكتەبىمىز وسى ءبىر جارىم جىل ۋاقىتتا شينجياڭعا كومەككە كەلگەن وقىتۋشىلاردى قۇرمەتتەپ، ەڭبەگىن قاستەرلەپ، ولاردىڭ ءوز مەكتەپتەرىندەگى ءىس جۇزىندىك وقىتۋ ەرەكشەلىگىن ساۋلەلەندىرىپ، مەكتەبىمىزدىڭ ەرەكشە وقىتۋ ماركاسىن جاراتۋ ىسىندە ونىمدىلىككە قول جەتكىزۋىمىزدى قىمباتتى تاجىريبەمەن قامداۋىنا ءتيىمدى ورتا ازىرلەۋگە كۇش سالامىز» دەدى.
  سۋرەتتە: وقىتۋشىلار ءوزارا تالقى ورىستەتۋدە.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى