ءتىلشىمىز ايان قايرات ۇلى، ۋاڭ شۋشيا حابارلايدى. شاۋەشەك قالاسى ابدىرا اۋىلى بەسقورجا قىستاعىنداعى 58 وتباسىندا جالپى 153 جان سان بار، ولاردىڭ ىشىندە 60 جاستان اسقاندارى 76 ادام.
بيىل شاۋەشەك قالالىق انا-بالالار دەنساۋلىعىن قورعاۋ شيپاحاناسىنان «ۇعىسۋ، تيىمدىلىك جاساۋ، توعىستىرۋ» قيمىلى بويىنشا وسى قىستاققا تۇسكەن قىزمەت اترەتىنىڭ مۇشەلەرى وتباسىن ارالاپ، جاعداي ۇعىسۋ بارىسىندا قىستاق شيپاحاناسىنىڭ سالىنىپ بولعانىمەن، ءالى ىسكە قوسىلا قويماعانىن بايقايدى.
ۇعىسۋعا قاراعاندا، قىستاق شيپاحاناسى2017-جىلى سالىنىپ بولىپ، شيپاگەر مەن ەمدەۋ اسپاپتارىنىڭ جوق بولعانى سەبەپتى، قازىرگە دەيىن ىسكە قوسىلماپتى.
قىستاق تۇرعىنى ما يۇلان: «قىستاق شيپاحاناسىنىڭ جابىلعانىنا ون جىلدان استى، ناۋقاستانساق، ۋكول قويدىرۋ ءۇشىن اۋىلدىق شيپاحاناعا بارۋعا تۋرا كەلەدى، بۇل بىزگە وتە قولايسىز» دەدى.
قىزمەت اترەتىنىڭ مۇشەلەرى جاعدايدان حابار تاپقاننان كەيىن، ايماقتىق جۇڭگوشا ەمدەۋ شيپاحاناسى مەن اۋىلدىق شيپاحاناعا حابارلاسادى، ءسويتىپ، قالالىق انا-بالالار دەنساۋلىعىن قورعاۋ شيپاحاناسى ءار ءتۇرلى ەمدەۋ اسپاپتارىن بەرسە، اۋىلدىق شيپاحانا تومەنگى ابدىرا قىستاعىنان وسى قىستاققا شيپاگەر بولەدى.
3 ايلىق دايىندىقتان كەيىن ءدارىحانا، دياگنوز ايىرۋ ءبولىمىن، ۋكول دايىنداۋ ءبولىمىن جانە ۋكول قويۋ ءبولىمىن ءوز ىشىنە قامتىعان 60 شارشى مەترلىك شيپاحانا رەسمي ىسكە قوسىلادى.
قىستاق تۇرعىنى ۋاڭ حۇڭيىڭ: «ەندى جايسىزدانساق اۋىلدىق شيپاحاناعا بارماي-اق، قىستاقتا ەمدەلە الاتىن بولدىق، قىزمەت اترەتىنە كوپ راقىمەت» دەدى.
قىزمەت اترەتىنىڭ باستىعى، قىستاق پارتيا ياچەيكاسىنىڭ ءبىرىنشى شۋجيى چىن شياڭحۇڭ: «ءبىز قىستاق شيپاحاناسىنىڭ جابىلعانىنا ون نەشە جىل بولعانىن ەستىگەننەن كەيىن، تەز ارادا قىستاق تۇرعىندارىنا وسى قيىنشىلىقتى شەشىپ بەرۋگە ات سالىستىق، حالىق بۇقاراسى ءۇشىن ناقتى جۇمىس ىستەپ بەرۋ ءبىزدىڭ بۇلتارتپاس بورىشىمىز» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى