مالشىلار جاڭا قىستاعىنىڭ جارقىن كەلبەتىن ايگىلەدى

  ءتىلشىمىز چي نا حابارلايدى. شاۋەشەك قالاسى ارگۇڭ قالاشىعى شىباراعاش قىستاعىنىڭ وتىرىقتاندىرۋ تۇيىنىندەگى قاز-قاتار سالىنعان بەيقۇت ۇيلەر مەن اسفالت جولدار كورگەن جاننىڭ كوز جاۋىن الىپ، مالشىلار جاڭا قىستاعىنىڭ جارقىن كەلبەتىن ايگىلەدى.

  جۋىقتا كۇلاش دودانباي قىزى مال شارۋاشىلىق رايونىنان وتىرىقتاندىرۋ تۇيىنىندەگى جاڭا ۇيگە كوشىپ كىرىپ، شاتتىققا شومدى.

  قوناق بولمەسى، اس ءۇي، تازالىق بولمەسى سياقتى قۇرىلعىلارى تولىق، ارتقى اۋلاسىنا جىلى قورا سالىنعان جاڭا تۇراعى كۇلاشتىڭ وتىرىقتانعاننان كەيىن باعىمشىلىقپەن شۇعىلدانۋ سەنىمىن بەكەمدەي ءتۇستى.

  ۇعىسۋعا قاراعاندا، جاڭا قونىسقا كوشكەن مالشىلار بۇرىن مال شارۋاشىلىق رايوندارىندا كونە اعاش ۇيدە نەمەسە كيىز ۇيلەردە جۇپىنى تۇرمىس كەشىرىپ كەلگەن، جۇپىنى تۇرمىس شارت-جاعدايى مالشى بالالارىنىڭ وقۋى مەن اۋرۋ كورسەتۋىنە قولايسىزدىق تۋدىرسا، قىس كۇندەرى قاسات قار جولدى بەكىتىپ تاستاعاندا، سۋ تاسىپ ءىشۋدىڭ ءوزى مۇڭ بولىپ، مالشى قاۋىم قاتتى كۇيزەلەدى ەكەن.

  كۇلاش جاڭا قونىسقا كوشىپ كىرگەننەن كەيىن شاعانتوعاي اۋدانىنداعى تۋىستارى قۇتتى بولسىن ايتا كەلىپ، بەرەكە داستارقانىنان ءدام تاتىپ، بۇگىنگى باقىتتتى تۇرمىستى اڭگىمەلەدى...

  شاۋەشەك قالاسى ارگۇڭ قالاشىعى شىباراعاش قىستاعى كوميتەتىنىڭ مەڭگەرۋشىسى فان چاۋجيە: «قىستاعىمىزداعى 25 بەيقۇت ءۇي پايدالانۋعا بەرىلدى، ءاربىر وتباسى بەيقۇت ءۇي، جىلى قورانى قامتىعان كولەمى 800 شارشى مەتر جەردەن يگىلىكتەنەدى، بۇل ۇيلەردىڭ قۇبىر سۋى، توك، لاس سۋدى ءبىر جايلى ەتۋ قۇبىرى سياقتى قۇرىلعىلارى كەمەلدى، بەيقۇت ءۇي ەگىنشى-مالشىلاردىڭ تۇرمىس ساپاسىن جاقسارتىپ، باقىت كورسەتكىشىن جوعارىلاتتى» دەدى. 
  سۋرەتتە: تۋىستار بەرەكە داستارقانىنان ءدام تاتۋدا.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى