ەەڭ جاڭا مازمۇندار
2019 ـ جىلى 3 ـ ايدىڭ 20 ـ كۇنى 68 ـ سان
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى
2019 ـ جىلى 3 ـ ايدىڭ 19 ـ كۇنى 67 ـ سان
2019 ـ جىلى 3 ـ ايدىڭ 18 ـ كۇنى 66 ـ سان
2019 ـ جىلى 3 ـ ايدىڭ 16 ـ كۇنى 65 ـ سان
2019 ـ جىلى 3 ـ ايدىڭ 15 ـ كۇنى 64 ـ سان
2019 ـ جىلى 3 ـ ايدىڭ 14 ـ كۇنى 63 ـ سان
شينجياڭ ۋاكىلدەر ۇيىرمەسى وتكىزگەن جالپى جيىن جۇڭگو - شەتەل اقپارات قۇرالدارىنا اشىق ۇستالدى
«ۇيرەنۋدە قۋاتتى ەل» ۇيرەنۋ تۇعىرىن جاپپاي جالپىلاستىرۋدى جەبەدى
«ۇيرەنۋدە قۋاتتى ەل»ۇيرەنۋ تۇعىرىن تياناق ەتىپ، ۇيرەنۋ قىزۋ ورلەۋگە كوتەرىلدى
شاۋەشەك قالالىق قۇبىر سۋى سەرىكتىگى «ۇيرەنۋدە قۋاتتى ەل» ۇيرەنۋ تۇعىرىنان پايدالانىپ، جۇمىسشى-قىزمەتكەرلەردىڭ ساپاسىن جوعارىلاتتى
اۋىرتپالىقتى جەڭىلدەتىپ، جاۋاپكەرشىلىكتى جەڭىلدەتپەي، ناقتى ىسكەرلىكپەن تاماشا ناتيجە جاراتايىق
ءبىر وتباسى ءبىر ورتاعا شۋاق بولدى
فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ كەرەك
شينجياڭ ۋاكىلدەر ۇيىرمەسى شەتەل ساۋداگەرلەرى قارجى قوسۋ زاڭى جوباسىن قارادى
ايماقتىق پارتكومنىڭ نازاريا ۇيرەنۋ وزەكتى گرۋپپاسى كەدەيلىكتەن ارىلتۋدان قامال الۋ جونىندە ارناۋلى تاقىرىپتىق ۇيرەنۋ وتكىزدى
كادرلاردى ءمان - ماعىناسىز ىستەردەن قۇتىلدىرايىق
«فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى باسىپ تاراتتى
الاقات ەگىپ، اۋقاتتانۋدىڭ جاڭا جولىنا ءتۇستى
لەي فىڭنان ۇيرەنىپ، مەيىر جەتكىزدى
لەي فىڭ رۋحىن ساۋلەلەندىرۋدى وزىمىزدەن باستايىق
اقىسىز ەمدەۋ تۇرعىنداردىڭ جۇرەگىنە جىلۋ سيلادى
شاعىن قيمىل شەكسىز مەيىر جەتكىزدى
حاۋىپسىزدىكتى دارىپتەپ، كوڭىلدى ەسەيۋ
شي جينپيڭ، لي كىچياڭ، ۋاڭ حۋنيڭ، حان جىڭ مەملەكەتتىك حالىق قۇرىلتايى ماجىلىسىندەگى ءىشىنارا ۋاكىلدەر  ۇيىرمەسىنىڭ باياندامانى قاراۋىنا جەكە - جەكە قاتىناستى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، شينجياڭداعى ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەيىك
شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي مەملەكەتتىك حالىق قۇرىلتايى ماجىلىسىندەگى ءبىر ءبولىم ۋاكىلدەر ۇيىرمەلەرىنىڭ باياندامانى قاراۋىنا جەكە-جەكە قاتىناستى
ايماقتىق پارتكومنىڭ نازاريا ۇيرەنۋ وزەكتى گرۋپپاسى ەكولوگيالىق وركەنيەت قۇرىلىسى جونىندە ارناۋلى تاقىرىپتىق ۇيرەنۋ وتكىزدى
جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ىنتالاندىراتىن قوعامدىق راي قالىپتاستىرايىق

اشتى قيار اراعى اۋقاتتانۋعا باستادى

جولدانعان ۋاقىتى : 2018/11/2 18:21:33


  ۇسىنىس ەتىلگەن ءتىلشى ساۋلە كەنجەبەك قىزى حابارلايدى. ساۋان اۋدانى كونە ساۋان قالاشىعى حۋاڭ جياجۋاڭ قىستاعىنىڭ تۇرعىنى سۇڭ شيۋجياڭنىڭ قازىرگى باقىتتى، باردام تۇرمىسىن اشتى قيار اراعىن اشىتۋ كاسىبىمەن شۇعىلدانۋىنان بولە قاراۋعا بولمايدى، 20 جىلدىڭ الدىندا، باعىمشىلىقتان اراق اشىتۋ كاسىبىنە ويىسقان ول ءوزىنىڭ ىسكەرلىگى ارقىلى اشتى قيار اراعىنىڭ ساپاسىن جىلدان-جىلعا جاقسارتىپ، اراق اشىتۋدىڭ قىرى مەن سىرىنا ابدەن قانىق بولدى.

  سۇڭ شيۋجياڭ اشتى قيار ەككەن اتىزدا جەرگىلىكتى بۇقاراعا اشتى قيار اراعىن اشىتۋدىڭ سىرىن ۇنەمى ءتۇسىندىرىپ، اۋىلداستارىن ورتاق اۋقاتتانۋعا جەبەيتىن ەدى.

  سۇڭ شيۋجياڭ: «اشتى قياردىڭ ءىشىنىڭ رەڭى اق ءتۇستى بولسا، بۇل قياردىڭ ابدەن پىسقاندىعىن دالەلدەيدى، وسى كەزدە تەرىپ الىپ، جۋىپ، تازالاپ،  اراق قۇيىلعان قۇمىراعا سالىپ، ساقتاپ قويامىز» دەدى.

  قازىر سۇڭ شيۋجياڭنىڭ اشتى قيار اراعى 3جەلى، 10 تۇرگە بولىنەدى، 20 جىلدىڭ الدىندا، ول قىستاقتاعى باعىمشىلىقپەن شۇعىلداناتىن وتباسى ەدى، سول جىلى ول باعىمشىلىقتان زيان تارتقاندىقتان، باسقا امال قاراستىرىپ، اقىرى قىستاقتىڭ قيار ەگۋگە باپ كەلەتىن جەر ابزالدىلىعىنان پايدالانىپ، اشتى قيار اراعىن اشىتۋعا كىرىسەدى.

  سۇڭ شيۋجياڭنىڭ جۇبايى ياڭ شيۋحۋا: «جولداسىم بۇل جۇمىستى باستاعاندا تاعى دا زيان تارتىپ قالامىز با دەپ الاڭدادىم، ول كەزدە بازار جاعدايىن دا بىلمەيمىز، اراق اشىتۋ جاعىندا دا ەشقانداي تاجىريبەمىز جوق، سوندىقتان دا ساتسىزدىككە ۇشىرايمىز با دەگەن الاڭداۋشىلىق بولدى» دەدى.

  جۇبايى الاڭداعانىمەن سۇڭ شيۋجياڭ ءوز ويىنان قايتپادى، اراق اشىتۋ ونەرىن جەتە مەڭگەرۋ ءۇشىن،كوپ جەرلەرگە بارىپ، ۇيرەنىپ ىزدەنىس جاسادى، سوڭىندا ونىڭ ساۋداسى جاقسى بولعانىنا اۋىلداستارى تاڭ قالىستى.

  سۇڭ شيۋجياڭ: «كۇنىنە ون نەشە كيلوگرام اشتى قيار اراعىن وندىرەمىز، ءار كۇنى اشىتقان اراعىمىزدى تۇگەلدەي ساتىپ جىبەرەمىز، كۇنىنە نەشە ءجۇز يۋان كىرىس كىرگىزەمىن» دەدى.

  اشتى قيار اراعىنىڭ داڭقىن  شىعارۋ   ءۇشىن، سۇڭ شيۋجياڭ ارناۋلى  تۇردە  ۇرىمجىدە اشىلعان كورمەگە قاتىناسادى، ويلاماعان جەردەن كورمەدە اشتى قيار اراعى جاقسى باعاعا يە بولماي قالادى.

  سۇڭ شيۋجياڭ: «كورمەدە ءاسىلى بىرنەشە  الارمانمەن توقتام جاساسپاقشى ەدىم، ءبىراق، بۇل الارماندار ەرتىپ كەلگەن اراق ءدامىن تاتىپ كورۋشىسى  اراقتىڭ ءدامىن تاتىپ كورىپ، سەندەردىڭ بۇل اراقتارىڭ قاراپايىم جولمەن اشىتىلعان بوس اراق ەكەن، ونىڭ ۇستىنە، بوتەن ءدامى بار دەدى، سونىمەن توقتام جاساسپادىق، ىشتەي قاتتى قىنجىلدىم» دەدى.

  توقتام جاساسا الماي، ىشتەي قاتتى قينالعان سۇڭ شيۋجياڭ اراقتى كونە داعدى بويىنشا اشىتسا ۇلكەن بازارعا ىرگە تەبە المايتىندىعىن ءبىلىپ، ءسوزسىز، باسقا جول تابۋ كەرەكتىگىن اڭعارىپ، سوڭىنان ول چىڭدۋ قاتارلى جەرلەرگە بارىپ، اراق اشىتۋ تەحنيكاسىن ۇيرەنىپ، اراق اشىتۋ تەحنيكاسىنا وزگەرىس ەنگىزۋگە كۇش سالادى.

  سۇڭ شيۋجياڭ: «العاشىندا اراق اشىتۋ تەحنيكاسىن وزگەرتكەننەن كەيىن، اشىتىلعان اراقتى تەحنيكالىق جاقتان باقىلاپ-باسقارۋ مەكەمەسىنە اكەلىپ تەكسەرتكەنىمدە، اراقتىڭ مەملەكەتتىڭ ولشەم كورسەتكىشىنە جەتپەيتىندىگى دالەلدەندى.

  اشىتقان اراعىم ولشەمگە جەتپەسە دە، العان بەتىمنەن قايتپادىم، قايتا ىشكەرىلەي ىزدەنىس جاساپ، ۋنيۆەرسيتەتتەگى پروفەسسورلاردان اقىل-كەڭەس الىپ، جارىم جىلدان ارتىق قۇلشىنىس ارقىلى اقىرى ماسەلەنىڭ شەشىمىن تاپتىم» دەدى.

  ساۋان اۋدانىنداعى اق اراق ساتۋ ساۋداگەرى جاڭ جيان: «بۇل ناق ءسۇزىلىپ، تازارتىلعان اراق، ءبىزدىڭ جەرگىلىكتى ورىنداعىلار دا ۇناتىپ ىشەدى، ساتىلىمى باسقا اراقتان  ءۇش-ءتورت ەسە ارتىق» دەدى.

  سۇڭ شيۋجياڭ: «سىرت جەرلەردەن كەلگەن كوپتەگەن الارماندار ءبىزدىڭ وندىرگەن اراعىمىزدى ۇناتادى، ءارقانداي اسحانا، قوناقجايلارعا جەتكىزسەك، ءدامىن تاتىپ كورىپ، جاقسى باعالاپ، تاپسىرىس بەرەدى، ءسويتىپ، ساۋدامىز جاندانا ءتۇستى» دەدى.

  اراق بازارىنىڭ تۇراقسىز بولۋى مەن قوراپتالعان اراقتىڭ جاڭا ءتۇرىنىڭ ۇزدىكسىز مولايۋىنا ىلەسە، تەك دامىنە عانا ءمان بەرۋ تۇتىنۋشىلاردىڭ تالابىن قاناعاتتاندىرا المايتىندىعىن سەزگەن سۇڭ شيۋجياڭ اراق قورابىن جاڭالاۋعا كۇش سالا باستايدى.

  سۇڭ شيۋجياڭ: «ءبىز اراقتى العاشىندا ادەتتەگىدەي قۇمىراعا قۇيىپ ساتقان ەدىك، ساتىلماعانىمەن قويماي باسقالار قورابىنا قاراپ مەنسىنبەگەندەي نىساي بايقاتتى، بۇعان قاتتى قىنجىلدىم.

  سونىمەن تاعى دا ۇيرەنۋ جولىنا قادام قويىپ، ۇرىمجىدەگى قوراپتاۋ زاۆودىنا بارىپ، قوراپتاۋ، ماركا جاپسىرۋ قاتارلىلاردى ۇيرەنىپ، اقىرى اشتى قيار اراعىنىڭ بازارىن تاپتىم» دەدى.

  قالاشىق تۇرعىنى زىڭ لۇڭ: «اشتى قيار ىستىقتى، ۋىتتى قايتارادى، بۇل اراقتى ىشكەنىمە ءتورت دە بەس جىل بولدى، ءدامى جاقسى، تازا سۇزىلگەن اراق» دەدى.

  بيىل سۇڭ شيۋجياڭ اراق زاۆودىنىڭ كولەمىن تاعى دا كەڭەيتىپ، اشتى قيار اراعىن حىنان، جياڭسۋ، شاڭحاي قاتارلى جەرلەرگە دەيىن ساتىپ، جىلدىق ساتۋ سوماسى 2 ميلليون يۋاننان استى.

  سۇڭ شيۋجياڭ: «شاعىن كاسىپتەن بىرتىندەپ قازىرگى اراق اشىتۋ زاۆودىن اشۋعا دەيىنگى بارىستا، كوپتەگەن قيىنشىلىقتارعا جولىقتىم، ارمانىمدى جۇزەگە  اسىرۋمەن بىرگە اشىتىلعان اراعىم الارمانداردىڭ قارسى الۋى مەن بازاردا سەنىمگە يە بولۋى مەن ءۇشىن ەڭ زور باقىت سانالادى، جالعاستى ەڭبەكتەنىپ، ءتىپتى دە زور تابىستارعا جەتۋگە قۇلشىنامىن» دەدى.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى