ءتىلشىمىز شيڭ شياۋيۋە حابارلايدى. 10-ايدىڭ 31-كۇنى ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات اكىمشىلىك مەكەمەسىنىڭ 2018-جىلعى 31-رەتكى پارتگرۋپپا (كەڭەيتىلگەن) ءماجىلىسىن جانە 24-رەتكى ۋاليلەر قىزمەت ءماجىلىسىن باسقارىپ اشتى.
ءماجىلىس باس شۋجي شي جينپيڭنىڭ كەدەيلىكتەن قۇتىلدىرۋ قىزمەتى جونىندە ماڭىزدى بايىمداۋلارىنان ۇزىندىلەردى، «جالپى حالىق مەنشىگىندەگى جاراتىلىستىق بايلىقتان اقىلى پايدالانۋ ءتۇزىمى رەفورماسىن اتقارۋ پىكىرى»، شۋە بين شۋجيدىڭ ايماقتىق پارتكومنىڭ 2018-جىلعى 38-رەتكى مۇشەلەر (كەڭەيتىلگەن) ماجىلىسىندە سويلەگەن ءسوزى رۋحىن جەتكىزىپ، ۇيرەنىپ، ايماقتىڭ مال شارۋاشىلىعى قىزمەتى، ايماقتىڭ 2018-جىلى ەمتيحاننان وتپەي قالعان ورتالاۋ مەكتەپ جانە تولىق ورتا مەكتەپ وقۋشىلارىنا كاسىپتىك تەحنيكالىق وقۋ-اعارتۋدى جاپپاي قامتۋ قىزمەتى جانە اتىز-ارىق قورعانىس ورمان قۇرىلىسى، سونداي-اق كۇزگى اعاش ەگۋ جاعدايى جونىندەگى دوكلاتتى تىڭدادى.
ماجىلىستە مىنالار تالاپ ەتىلدى: كەدەيلىكتەن دالمە-ءدال قۇتىلدىرۋدان قامال الۋ شايقاسىن جاقسى جۇرگىزۋ جاعىندا كەدەي قىستاقتار مەن كەدەي وتباسىلارىنىڭ كەدەيلەسۋ سەبەبىنە، ولاردى كەدەيلىكتەن قۇتىلدىرۋ ولشەمىنە، كەدەيلىكتەن قۇتىلۋ سەبەبىنە قانىق بولۋ، كەدەيلەردى سۇيەمەلدەۋ نىسانى مەن قارجىسىن باسقارۋدى، كەدەيلەردى سۇيەمەلدەۋ ارحيۆىن جيناقتاۋ –رەتتەۋ قىزمەتىن مىقتى ۇستاۋ كەرەك.
لاستانۋدان ساقتانۋ جانە ونى وڭاۋدان قامال الۋ شايقاسىن جاقسى جۇرگىزۋ جاعىندا ورتالىقتىڭ قورشاعان ورتانى قورعاۋدى باقىلاۋ-تەكسەرۋ گرۋپپاسى اڭىس ەتكەن 18 ءتۇرلى ماسەلەنى تۇزەتۋدى تىعىز كوزدەي وتىرىپ، ءبىرى ارقىلى باسقاسىنا تۇسپال جاساپ، تەكسەرۋ كولەمىن كەڭەيتىپ، ساقتالعان ۇقساس ماسەلەلەردى دەر كەزىندە تۇزەتىپ، ماسەلەنىڭ قايتا تۋىنداماۋىنا كەپىلدىك ەتۋ كەرەك.
استىق حاۋىپسىزدىگى جاعىندا وسكەلەڭ ءمان بەرىپ، جەرلىك ورىندا زاپاس استىق دايىنداۋدىڭ كەلەلى ءمانىن جەتە ءتۇسىنىپ، استىق حاۋىپسىزدىگىنە كەپىلدىك ەتۋ سىندى ارقاۋدى ءارقاشان بوساڭسىتپاي شيراتىپ ۇستاۋ؛ ءارقايسى قاتىستى تاراۋلاردىڭ سەلبەستىگىن كۇشەيتۋ؛ استىق حاۋىپسىزدىگى جاۋاپكەرلىگىن شىنايى تياناقتاندىرۋ كەرەك.
ءماجىلىس بەينە ەكران ءماجىلىسى فورماسىندا اشىلدى. ايماق باسشىلارىنان نۇرماممەت نۇردۇن، ياڭ ليۋ قاتارلىلار ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى