ءتىلشىمىز زاقان راقىش ۇلى حابارلايدى. شيحۋ قالاسى حۋاڭگۇڭ قالاشىعىنىڭ ۇگىت قىزمەتكەرى ۋاڭ يىڭ: «وسى رەتكى كۋرسكە قاتىناسۋ ارقىلى كوپتەگەن بىلىمدەرگە يە بولدىم، الداعى جەردە وتباسىلارىن ارالاپ، جاعداي ۇعىسۋ بارىسىندا بۇقارا ەڭ ۇناتاتىن فورمامەن ۇگىت جۇرگىزەمىن» دەدى.
جۋىقتا شيحۋ قالاسى نەگىزگى ساتىداعى ۇگىتشىلەردى تاربيەلەۋ كۋرسىن (ءبىرىنشى مەرزىمدىك) اشتى. بۇل رەتكى كۋرسكە 6 اۋىل-قالاشىقتاعى نەگىزگى ساتى ۇگىتشىلەرىنەن 380 ادام قاتىناستى.
بۇل رەتكى كۋرستە شيحۋ قالاسى ۇگىتتەۋ ءتاسىلى، ساياسات نازاريالاردى يگەرۋ، ءتۇيىندى قىزمەتتەردى ۇگىتتەۋ سياقتى جاقتاردان تاربيەلەۋگە باسا ءمان بەرىپ، شوعىرلى ۇيرەنۋ، ۇگىت-لەكسيا جاساتۋ، ادەبيەت- كوركەمونەر جاعىنان جەتەكشىلىك ەتۋ، ناقتىلى كوزدەن كەشىرۋ، اڭگىمە ءماجىلىسىن وتكىزۋ سياقتى فورمالاردان ۇتىمدى پايدالانىپ، ۇگىتشىلەردى جان-جاقتىلى تاربيەلەپ، ومىرشەڭدىك قۋاتى زور، يدەياسى تۋرا جەرلىك ۇگىتشىلەر قوسىنىن قالىپتاستىرۋعا كۇش سالدى.
جۋىق جىلداردان بەرى شيحۋ قالاسى نەگىزگى ساتىداعى ۇگىتشىلەردى تاربيەلەۋ تەبىنىن ۇزدىكسىز ارتتىرىپ، ءار سالا، ءارقايسى قاتتامدارداعى ۇگىتشىلەردىڭ سانى 520 ادامعا جەتكەن. نەگىزگى ساتىداعى ۇگىتشىلەر مەملەكەت تۋىن شىعارۋ سالتىندا ۇگىت جۇرگىزۋ، ءمورال ساباقحاناسى، شارۋالار كىتاپحاناسى، مادەنيەت اۋلاسى، الەۋمەتتىك اۋماقتىڭ مادەنيەت قيمىل ورتالىعى، قىستاق كوميتەتى، اتىز باسىنا بارىپ ۇگىت جۇرگىزۋ سياقتى فورمالاردان پايدالانىپ، 10 ۇگىت-لەكسيا اترەتىن قۇرىپ، ءارقايسى ورگان، مەكتەپ، اۋىل-قالاشىق، كوشە ءىس باسقارماسى، قىستاق-اترەت، الەۋمەتتىك اۋماق، كاسىپورىن سياقتى ورىندارعا بارىپ، پارتيانىڭ باعىت-ساياساتتارىن، پارتيا 19-قۇرىلتايى رۋحىن جانە باس شۋجي شي جينپيڭنىڭ جەلىلەس ماڭىزدى ءسوزى رۋحىن ۇگىتتەپ، شيحۋ قالاسىنداعى نەگىزگى ساتى ۇگىت قيمىلىنىڭ ەڭ سوڭعى ءبىر كيلومەترگە دەيىن جەتكىزىلۋىنە بەرىك نەگىز قالادى.
ۇعىسۋعا قاراعاندا،بۇل رەتكى كۋرس 4 مەرزىمگە ءبولىنىپ، جالپى 12 كۇن اشىلعان. الداعى جەردە ءارقايسى قىستاق- اترەت، الەۋمەتتىك اۋماقتارداعى جاڭادان تاڭدالعان 996 ۇگىتشىگە جۇيەلى تاربيە جۇرگىزىلەدى ەكەن.
شيحۋ قالاسى قوعامدىق عىلىمدار بىرلەستىگىنىڭ ءتوراعاسى شۇي جاۋۋاڭ: «جۋىق جىلداردان بەرى شيحۋ قالاسى ىلگەرىندى-كەيىندى ۇگىتشىلەردى تاربيەلەۋ كۋرسىن اشتى ءارى ۇگىتشىلەردى ايماق، اۆتونوميالى رايونداعى ۇگىتشىلەردى تاربيەلەۋ كۋرسىنا قاتىناستىردى. وسى رەتكى كۋرستىڭ ماقساتى- نەگىزگى ساتىداعى ۇگىتشىلەردىڭ ۇگىت جۇرگىزۋ قابىلەتىن جوعارىلاتىپ، شيحۋ قالاسىنىڭ قوعام ورنىقتىلىعى مەن باياندى تىنىشتىعىنا ۇلەس قوسۋ» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى