ءتىلشىمىز داي جياۋمەي حابارلايدى. 11-ايدىڭ 21-كۇنى ايماقتىق پارتكوم مەن اكىمشىلىك مەكەمەسى ەكىنشى دۇركىن شەجىرە قۇراستىرۋ قىزمەتىنىڭ 2-رەتكى ىلگەرىلەتۋ ءماجىلىسىن اشتى. ماجىلىستە مىنالار تالاپ ەتىلدى: 2018-جىلدىڭ اياق شەنىنەن بۇرىن تارباعاتاي شەجىرەسىن جالپى رەداكسيالاۋ قىزمەتىن؛ 2020-جىلدان بۇرىن قۇراستىرۋ، تەكسەرىپ بەكىتۋ، باسپادان شىعارۋ قىزمەتىن تولىق ورىنداۋ كەرەك.
ايماقتىق پارتكومنىڭ مۇشەسى، ۇگىت ءبولىمىنىڭ باستىعى نيڭ شۋەسۇڭ ماجىلىسكە قاتىناستى ءارى ءسوز سويلەدى. اكىمشىلىك مەكەمەسىنىڭ ورىنباسار ۋاليى الي ءماجىلىستى باسقاردى.
ماجىلىستە ايماقتىق پارتكوم پارتيا تاريحىن زەرتتەۋ كەڭسەسىنىڭ، جەرگىلىكتى شەجىرە كەڭسەسىنىڭ جاۋاپتىلارى ەكىنشى دۇركىن شەجىرە قۇراستىرۋ قىزمەتىنىڭ ورىستەتىلۋ جاعدايىنان دوكلات جاسادى. ايماقتىق دامۋ-رەفورمالاۋ كوميتەتى، اۋىل شارۋاشىلىعىن ماشينالاندىرۋ مەكەمەسى سياقتى 4 ورىن تاجىريبەلەرىن تانىستىردى.
ماجىلىستە مىنالار تالاپ ەتىلدى: باس نىسانا تانىمىن بەرىك ورناتىپ، جەرلىك شەجىرە قۇراستىرۋ قىزمەتىن جاقسى ىستەۋدەگى جاۋاپكەرلىك تانىمدى، بورىشتىلىق تانىمدى اناعۇرلىم كۇشەيتۋ؛ ماسەلەنى باعدار ەتۋدەن جازباي، كوكەي تەستىلىك تانىمدى كۇشەيتىپ، ەكىنشى دۇركىن شەجىرە قۇراستىرۋ قىزمەتىن تىڭعىلىقتى ىلگەرىلەتۋ كەرەك. شەجىرە قۇراستىرۋ قىزمەتىندە ساقتالعان ماسەلەلەرگە باسا نازار اۋدارىپ جانە ونى شىنايى شەشىمدەپ، شەجىرەنىڭ داۋىرلىك ەرەكشەلىگى مەن جەرلىك ەرەكشەلىگىن كورنەكتىلەندىرۋ؛ قۋزاۋ-جەتەكشىلىك ەتۋ، قامتاماسىزداندىرۋ مەحانيزمىن تياناقتاندىرىپ، قۇراستىرۋ قىزمەتىن بار كۇشپەن ىلگەرىلەتۋ كەرەك.
ماجىلىستە مىنالار باسا دارىپتەلدى: ءارقايسى ورىن ايماقتىڭ جاقىنعى جىلداردان بەرگى شەجىرە قۇراستىرۋ قىزمەتىندە قول جەتكىزگەن ناتيجەلەرى مەن تاجىريبەلەرىن قورىتىندىلاپ، ايماقتىڭ ەكىنشى دۇركىن شەجىرە قۇراستىرۋ قىزمەتىن جەدەل ىلگەرىلەتىپ، ساپانى جوعارىلاتىپ، ەكىنشى دۇركىن شەجىرە قۇراستىرۋ مىندەتىنىڭ ۋاعىندا تولىق ورىندالۋىنا كەپىلدىك ەتۋى كەرەك.
ماجىلىستە مىنالار تالاپ ەتىلدى: قاتىستى ورىندار ءماجىلىس رۋحىن ىشكەرىلەي ءتۇسىنىپ، دايەكتىلەندىرۋ، تياناقتاندىرۋدى بارىنشا مىقتى ۇستاۋى؛ قۇراستىرۋ قىزمەتىنىڭ ساپاسىن جوعارىلاتىپ، قارقىنىن جەدەلدەتۋى؛ سونىمەن بىرگە، بارىس-كەلىستى كۇشەيتىپ، تىعىز سايكەسۋى كەرەك.
ۇعىسۋعا قاراعاندا، ايماقتىق پارتكوم مەن اكىمشىلىك مەكەمەسى جەرلىك ورىن شەجىرەسىن قۇراستىرۋ قىزمەتىنە وسكەلەڭ ءمان بەرىپ، 1984 –جىلى جەرلىك ورىن شەجىرەسىن قۇراستىرۋ قىزمەتىنە باسشىلىق ەتۋ گرۋپپاسىن قۇرىپ، ءبىرىنشى دۇركىن شەجىرە قۇراستىرۋ قىزمەتىن باستاعان ءارى 2003-جىلى 7-ايدا ءبىرىنشى دۇركىن شەجىرە قۇراستىرۋ قىزمەتىن ورىنداعان. 2008-جىلى 7-ايدىڭ 22-كۇنى ايماقتىق پارتكوم مەن اكىمشىلىك مەكەمەسى تارباعاتاي ايماعىنىڭ پارتيا تاريحى، جەرگىلىكتى شەجىرە قىزمەتى ءماجىلىسىن اشىپ، ەكىنشى دۇركىن شەجىرە قۇراستىرۋ قىزمەتىنە جاپپاي ورنالاستىرۋ جاساعان. 2014-جىلى 3-ايدا ەكىنشى دۇركىن شەجىرە قۇراستىرۋ قىزمەتى باستالىپ، 1-ءبولىم «تارباعاتاي شەجىرەسى» جالعاستى قۇراستىرىلعان، ۋاقىت شەگى 1990-جىلدان 2010-جىلعا دەيىن. 2016-جىلى 4-ايدىڭ 6-كۇنى ايماق ەكىنشى دۇركىن شەجىرە قۇراستىرۋ قىزمەتىنىڭ 1-رەتكى ىلگەرىلەتۋ ءماجىلىسىن اشقان.
ايماقتاعى 113 قاتىستى ورىننىڭ جاۋاپتىلارى وسى رەتكى ىلگەرىلەتۋ ماجىلىسىنە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى