ەرىكتى ءتىلشى شۇي شياۋچيڭ حابارلايدى. 11-ايدىڭ 24-كۇنى تۇندە، ايماعىمىزدا ءجۇز بەرگەن ناشار اۋا رايى سالدارىنان ەلەكتر سىمدارى مەن جابدىقتارى شىرعالاڭى تالاي رەت تۋىلدى. توك جولدارى مەن ەلەكتر جابدىقتارىنىڭ قالىپتى توكپەن قامداۋىنا كەپىلدىك ەتۋ ءۇشىن، مەملەكەت ەلەكتر تورابى تارباعاتاي توكپەن قامداۋ سەرىكتىگى شۇعىل جاعدايعا توتەپ بەرۋ قولباسشىلىق ورتالىعىن ىسكە قوسىپ، 71 اۆتوموبيل شىعارىپ، 224 ادامدى شۇعىل رەمونتتاۋ جۇرگىزۋگە ۇيىمداستىردى جانە 3 توك تاراتۋ اۆتوموبيلىن قالىپتى توكپەن قامداۋعا ورنالاستىردى.
ساعات 22 دەن 30 مينۋت وتكەندە، ايماعىمىزدا قارلى بوران سوعىپ، جەل وتتەرىندەگى جەل كۇشى 11 بالعا، ەڭ جوعارعى قارقىنى سەكۋندىنا 49.9 مەترگە جەتىپ، ءىشىنارا جەرلەردە قالىڭ قار جاۋدى. ساعات 22 دەن 46 مينۋت وتكەننەن باستاپ، قارلى بوراننىڭ سالدارىنان 10 مىڭ كيلوۆولتتىق ەلەكتر جەلىسىندە 39 رەت توك توقتاۋ جاعدايى تۋىلدى.
توك توقتاۋ، توك سىمدارىنىڭ ءۇزىلۋى سياقتى جاعدايلار بارعان سايىن كوبەيە تۇسكەن جاعدايدا، تارباعاتاي توكپەن قامداۋ سەرىكتىگى شۇعىل جاعدايعا توتەپ بەرۋ سيگنالىن شىعارىپ، ءارقايسى تاراۋ ادام شىعارىپ، شۇعىل جاعدايعا توتەپ بەرۋ قولباسشىلىق ورتالىعىنا سايكەستى.
توكپەن قامداۋ سەرىكتىگى جولدارىنىڭ ءبۇلىنۋ احۋالىن جالپى بەتتىك تەكسەرىپ، بۇلىنگەن ەلەكتر جابدىقتارىن، ۇزىلگەن ەلەكتر سىمدارىن بار كۇشپەن رەمونتتاپ، شاۋەشەك قالالىق وسىمدىك باقشاسى، ايماقتىق پارتكوم، نيڭچىڭ قوناقجايى سياقتى ءتۇيىندى ورىندارعا زاپاس توك كوزدەرىن جوتكەپ اپارىپ، قالىپتى توكپەن قامدادى. سونىمەن قاتار، اۋا رايىن باقىلاۋ تاراۋلارىمەن تىعىز بايلانىس ورناتىپ، ماڭىزدى توك جولدارىنىڭ اينالىمىن باقىلاۋ تەبىنىن ارتتىرىپ، جابدىقتاردى قورعاۋ جانە تەكسەرۋ قىزمەتىن كۇشەيتتى.
توكپەن قامداۋ سەرىكتىگى ماڭىزدى ورىنداردى 30 مينۋت ىشىندە قالىپتى توكپەن قامداۋعا كەپىلدىك ەتتى. مۇندا سەرىكتىك قىزمەتكەرلەرى ءۇنحاتتان پايدالانىپ، تۇتىنۋشىلارعا توك جولدارىن شۇعىل رەمونتتاۋ قىزمەتىنىڭ ورىستەتىلۋ جاعدايىن حابارلاندىرىپ وتىردى.
توكپەن قامداۋ سەرىكتىگى قىزمەتكەرىنىڭ تانىستىرۋىنشا، 26-كۇنى تۇندە بۇلىنگەن ەلەكتر جولدارى تۇگەلىمەن رەمونتتالىپ، قالىپتى توكپەن قامداعان.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى