ەرىكتى ءتىلشى تا شۋان حابارلايدى: 11-ايدىڭ 26-كۇنى شينجياڭ شىجيلۇييۋان اۋىل شارۋاشىلىعىن دامىتۋ شەكتى سەرىكتىگى وندىرگەن 28 توننا ىرىمشىك شيىرشىقتاماسى جۇڭگو-ەۆروپا كەزەكشى پويەزى ارقىلى رەسەيگە تاسىمالدانۋعا ازىرلەنىپ بولدى. «ءبىر بەلدەۋ، ءبىر جول» وزەكتى رايونى قۇرىلىسىنىڭ ۇزدىكسىز ىلگەرىلەۋىنە ساي، شيحۋ قالاسىنداعى سىرتقى ساۋدا كاسىپورىندارى دا «ءبىر بەلدەۋ، ءبىر جول» دامۋى ورايىنان پايدالانىپ ونىمدەرىن ورتا ازيا، ەۆروپا سياقتى جەرلەرگە جوتكەي باستادى.
شيحۋ قالاسىنداعى سىرتقى ساۋدا زات اينالىمى سەرىكتىگىنىڭ جاۋاپتىسى باي گاڭ بىلاي دەدى: «بۇل 28 توننا زاتتى قورعاس شەكتى باجىلى رايونىنا جەتكىزگەننەن كەيىن رەسەيگە ەكسپورت ەتەمىز» دەدى.
جەرلىك ورىننىڭ ساۋداگەر شاقىرىپ، قارجى ەنگىزۋ جاعىنداعى ءتيىمدى ساياساتتارىنىڭ ارقاسىندا شينجياڭ شىجيلۇييۋان اۋىل شارۋاشىلىعىن دامىتۋ شەكتى سەرىكتىگى 2017-جىلى 8-ايدا شيحۋ قالاسىنا ىرگە تەپكەن. اۋىل شارۋاشىلىق قوسىمشا ونىمدەرىن جىنتىكتەي مانەرلەيتىن كاسىپورىن بولعان وسى كاسىپورىن سول جىلى ىرگە تەۋىپ، سول جىلى ءونىمىن ولشەمگە جەتكىزۋ نىساناسىن جۇزەگە اسىردى. سەرىكتىكتىڭ كەڭسە مەڭگەرۋشىسى ليۋ حايفىڭ بىلاي دەدى: «قازىر كاسىپورىنىمىزعا رەسەي، قازاقستاننان تۇسەتىن تاپسىرىس ۇزىلمەيدى، ايىنا 30 توننا مولشەرىندە تاپسىرىس كەلەدى. مەملەكەت ءىشى-سىرتىنىڭ توراپ جەلىسىندەگى تاپسىرىس مولشەرى 200 توننادان اسادى، كاسىپورىننىڭ 36 ءوندىرىس لەنياسى ۇستەمەلەپ جۇمىس جۇرگىزۋدە».
جاقىنعى جىلداردان بەرى شيحۋ قالاسى «ءبىر بەلدەۋ، ءبىر جول» قۇرىلىسى ورايىن مىقتى يگەرىپ، ورتا ازياعا باعىتتالعان ساۋدا وتكەلى رولىن تولىق ساۋلەلەندىرىپ، سىرتقى ساۋدانى جانداندىردى. قازىر شيحۋ قالاسىندا يمپورت-ەكسپورت تيجاراتىمەن شۇعىلدانۋ تولىمدىلىعىنا يە كاسىپورىن 36 عا، سىرتقى ساۋدا يمپورت-ەكسپورت كاسىبىمەن شۇعىلداناتىن كاسىپورىن 5 كە جەتىپ، باستى يمپورت-ەكسپورت ونىمدەرى نەگىزىنەن پاميدور قويمالجىڭى، ىرىمشىك شيىرشىقتاماسى قاتارلى جىنتىكتەي مانەرلەنگەن ونىمدەرمەن كيىم-كەشەك، باس كيىم، اياق كيىم، كۇندەلىكتى تۇتىنۋ بۇيىمدارى سياقتىلاردى قامتيدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى