ءتىلشىمىز چىن ۋىن حابارلايدى. 12-ايدىڭ 9-كۇنى ايماقتىق پارتكومنىڭ شۋجيى شۋە بين ايماقتىق پارتكوم وزەكتى گرۋپپاسىنىڭ 37-رەتكى كوللەكتيۆ ۇيرەنۋىن باسقارىپ وتكىزدى.
ءماجىلىس اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋ باسشىلىق گرۋپپاسى ءماجىلىسىنىڭ جانە اۆتونوميالى رايوندىق پارتكوم قازىنالىق باقىلاۋ كوميتەتىنىڭ ءماجىلىسى رۋحىن جەتكىزىپ، ۇيرەنىپ، ايماقتىڭ وزەن (كول) باستىعى ءتۇزىمىن جاپپاي ىلگەرىلەتۋ قىزمەتىنىڭ ورىستەتىلۋ جاعدايىن جانە قازىنالىق باقىلاۋ قىزمەتىنىڭ ورىستەتىلۋ جاعدايىن حابارلاندىرىپ، دايەكتىلەندىرۋ، تياناقتاندىرۋ قىزمەتىن تالقىلادى.
شۋە بين مىنالاردى العا قويدى: «ءتورت تانىمدى» ۇزدىكسىز كۇشەيتىپ، سۋ باسقارۋدىڭ، سۋدى جونگە سالۋدىڭ ساياسي جاۋاپكەرلىگىن باتىل ارقالاپ، مىزعىماس بەكىم مەن پارمەندى شارالار ارقىلى وزەن- كولدەردى باسقارۋ، قورعاۋ قىزمەتىن مىقتى ۇستاپ، سۋ الاپتارىنىڭ باياندى دامۋىن جۇزەگە اسىرىپ، تارباعاتايدىڭ اسپانىنىڭ اناعۇرلىم اشىق، جەرىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. يدەيالىق تانىمدى ۇزدىكسىز جوعارىلاتۋ، وزەن (كول) باستىعى ءتۇزىمىن اتقارۋدىڭ جاسىل دامۋدى تياناقتاندىرىپ، ەكولوگيالىق وركەنيەت قۇرىلىسىن ىلگەرىلەتۋدەگى كەلەلى ءمانىن تەرەڭ تانىپ، وزەن (كول) باستىعى ءتۇزىمىن اتقارۋ قىزمەتىن شىن مانىندە جىڭىشكەلىكپەن مىقتى ۇستاپ، ونىمدىلىك جاراتۋ كەرەك. نىسانا-مىندەتتەردى ۇزدىكسىز ايقىنداۋ، «ءۇش ءىرى قامال الۋ شايقاسىمەن» تىعىز ۇشتاستىرا وتىرىپ وزەن ( كول) باستىعى تۇزىمىنە قاتىستى ءتۇرلى قىزمەتتى بارىنشا مىقتى ۇستاۋ كەرەك. جاۋاپكەرلىك ارقالاۋدى، جاۋاپكەرلىكتى ادا ەتۋدى ۇزدىكسىز كۇشەيتۋ، ءار دارەجەلى وزەن (كول) باستىقتارى وزەن- كولدەردى باسقارۋ، جونگە سالۋداعى «قۇرىلىس اترەتىنىڭ باستىعىندىق» رولدارىن جاقسى ساۋلەلەندىرىپ، وزەن-كولدەردى قورعاۋعا جاۋاپتى بولۋدى، وزەن-كولدەردى قورعاۋ جاۋاپكەرلىگىن ارقالاۋدى، وزەن-كولدەردى قورعاۋ جاۋاپكەرلىگىن ادا ەتۋدى ورىنداۋى كەرەك. قوعامدىق راي جاراتىپ، قالا، اۋىل-قىستاق، كاسىپورىن، ءىس ورىنداردىڭ سونداي-اق قوعامداعى ءار سالانىڭ وزەن-كولدەردى باسقارۋ جانە قورعاۋ جاۋاپكەرلىك تانىمىن اناعۇرلىم كۇشەيتىپ، تۇتاس قوعام وزەن-كولدەرگە ورتاق كوڭىل بولەتىن، وزەن-كولدەردى ورتاق قاستەرلەيتىن، وزەن-كولدەردى بىرلىكتە قورعايتىن، وزەن-كولدەردى بىرلىكتە وڭايتىن قىزعىن راي قالىپتاستىرۋ كەرەك.
شۋە بين مىنالاردى باسا دارىپتەدى: ايماقتاعى ءار دارەجەلى پارتيا، ۇكىمەت، اسىرەسە، قازىنالىق باقىلاۋ تاراۋلارى ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ قازىنالىق باقىلاۋ قىزمەتى جونىندەگى شەشىمدەرى مەن ورنالاستىرۋلارىنىڭ ناقتى تياناقتانىپ، ناقتى ونىمدىلىك جاراتۋىنا كەپىلدىك ەتۋ كەرەك. قازىنالىق باقىلاۋ ورگاندارىنىڭ جاۋاپكەرلىكتەرىن جاپپاي ادا ەتىپ، قازىنالىق باقىلاۋ قىزمەتىن باس نىسانانى تىعىز توڭىرەكتەي وتىرىپ جوبالاۋىنا جانە ىلگەرىلەتۋىنە قولداۋ كورسەتىپ، باقىلاۋ جۇرگىزۋگە تيىستىلەردىڭ بارلىعىنا قازىنالىق باقىلاۋ جۇرگىزۋ، قازىنالىق باقىلاۋ اتاۋلىدا قاتاڭ بولۋ، جاۋاپكەرلىكتى قاتاڭ قۋزاستىرۋدى ورىنداۋ كەرەك. قازىنالىق باقىلاۋ ءتۇزىلىسى رەفورماسىن تەرەڭدەتىپ، شوعىرلى، ءبىرتۇتاس، جاپپاي قامتىعان، بەدەلى جوعارى قازىنالىق باقىلاۋ جۇيەسىن قۇلشىنا قۇرۋ كەرەك. قازىنالىق باقىلاۋدىڭ وزىندىك قۇرىلىسىن كۇشەيتىپ، سەنىمى بەكەم، كاسىپكە شەبەر، ستيلى شىنايى، كىرشىكسىز، پاك، جوعارى ساپالى، ماماندانعان قازىنالىق باقىلاۋ كادرلارى قوسىنىن قۇلشىنا قۇرۋ كەرەك. قازىنالىق باقىلاۋدى سانالى قابىلداپ، قازىنالىق باقىلاۋدىڭ كۇشىمەن ءار سالاداعى ساياساتتىق شارالار مەن تۇزىمدەردىڭ كەمەلدەنۋىن جەبەۋ كەرەك. قازىنالىق باقىلاۋ قىزمەتىنە بولعان باسشىلىقتى كۇشەيتۋ كەرەك. ءار دارەجەلى پارتكومدار قازىنالىق باقىلاۋ قىزمەتىنە وسكەلەڭ ءمان بەرىپ، باعدار - بەتالىستى مەڭگەرۋگە، جالپى جاعدايدى جوبالاۋعا، ساياساتتاردى بەلگىلەۋگە، رەفورمانى جەبەۋگە تاباندى بولىپ، ايماقتىڭ قازىنالىق باقىلاۋ قىزمەتىنىڭ جاڭا جاعدايىن ۇزدىكسىز اشۋ كەرەك.
مۇقيات، سالتانات عينايات قىزى، الميرا ءۋالقان قىزى، ۋاڭ گۋاڭچياڭ، ياڭ جۇنشىڭ، جۋ گاڭ، حوۋ شيڭحۇي، چىن شىجۇڭ، ليۋ لي، شۇي جاۋبيڭ، مايسان زاعىپار ۇلى، جاڭ ياۋحۋا، ايدىن تولەۋقان ۇلى، شۋە گۇيچياڭ، ياڭ ليۋ قاتارلى ايماقتىق پارتكومنىڭ، ايماقتىق حالىق قۇرىلتايى قىزمەت كوميتەتىنىڭ، اكىمشىلىك مەكەمەسىنىڭ، ايماقتىق ساياسي كەڭەس قىزمەت كوميتەتىنىڭ باسشىلارى، ايماقتىق ورتا دارەجەلى حالىق سوتى مەن بولىمشە پروكۋراتۋرانىڭ باسشىلارى، ايماققا توتە قاراستى ورىنداردىڭ جاۋاپتى جولداستارى كوللەكتيۆ ۇيرەنۋگە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى