ەەڭ جاڭا مازمۇندار
شينجياڭنىڭ تىنىش،بەرەكەلى اسا تاماشا جاعدايىنان كۇماندانۋ قاجەتسىز
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ،ەكونوميكانىڭ جوعارى ساپالى دامۋىن جانە پارتيانى جاپپاي قاتاڭ جونگە سالۋدى بۇلجىتپاي ىلگەرىلەتۋ كەرەك
شينجياڭداعى ءار ۇلت حالقىنىڭ ىنتىماقتى،قايراتتانا العا باسقان قادامىن ءارقانداي كۇش بوگەي المايدى
نازاردى «ەكىدەن تارىقتىرماۋ، ۇشتە قامتاماسىز ەتۋ»گە شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن باتىل قول جەتكىزۋ كەرەك
شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، اسپانى اشىق، جەرى جاسىل،سۋى تۇنىق كوركەم شينجياڭ قۇرۋ كەرەك
«ادامدىق ۇقىق» جەلەۋى سۇرقيا نيەتىن بۇركەمەلەي المايدى
جۇڭگونىڭ ىشكى ىسىنە كيلىككەن «زاڭ جوبا» ىشىنە ارام نيەت بۇككەن،اق پەن قارانى شاتاستىرعان
«دۇنيە جۇزىلىك ۇيعۇر قۇرىلتايى» لاڭكەستىكپەن استاسىپ وتىر
كاسىپتىك شەبەرلىككە تاربيەلەۋدى، باۋلۋدى ورىستەتۋ — شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ نەگىزگى كەپىلى
ادامدىق ۇقىق ماسەلەسىن سىلتاۋراتىپ،جۇڭگونىڭ ىشكى ىستەرىنە كيلىگۋ __ ەسەپشوتتى قاتە سوققاندىق
امەريكا ساياساتپازدارىنىڭ شينجياڭداعى ادامدىق ۇقىقتى قارالاۋ ارەكەتى كولگىرلىك،پاسىقتىق
امەريكا ماقۇلداعان شينجياڭعا ساياتىن «زاڭ جوبا»عا باتىل قارسى تۇراتىندىقتارىن جانە قاتاڭ جازعىراتىندىقتارىن ءبىلدىردى
اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ تابىستارىنان شىن مانىندە جاقسى پايدالانىپ، پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن ناقتى تياناقتاندىرايىق
نەگىزگى ساتى ۇيىمدىق قۇرىلىسىن كۇشەيتىپ، رەفورمانى جاپپاي تەرەڭدەتۋدى ىلگەرىلەتىپ، پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن ناقتى تياناقتاندىرايىق، ەگجەي-تەگجەيلى تياناقتاندىرايىق
2020-جىلعى ەكونوميكالىق قىزمەتكە تالداۋ جاسادى، زەرتتەۋ جۇرگىزدى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ، ورنالاستىردى
مەن ءتىپتى دە كوپ ادام كورىكتى شينجياڭعا ساياحاتتاپ كەلسە ەكەن دەپ ويلايمىن
تاربيەلەۋ-باۋلۋ ورتالىعى اداسقان مەنى تىڭ تىرشىلىككە يە ەتتى
كاسىپتىك شەبەرلىككە تاربيەلەۋ-باۋلۋ — ادامداردى قۇتقارۋداعى ەڭ زور يگى ءىس
شىندىقتى قيالمەن قيىستىرۋعا كەلمەيدى، شىندىق وتىرىكتى جەڭەدى
2019-جىلى 12-ايدىڭ 9-كۇنى 285-سان
شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ شاراسى ادىلەتتى شارا
2019-جىلى 12-ايدىڭ 7-كۇنى 284-سان
شينجياڭنىڭ جاراسىمدىلىعىن، ورنىقتىلىعىن ءبۇلدىرۋ ارەكەتتەرى، ءسوز جوق، جەڭىلىسپەن تىنادى
ءارقانداي قاسكۇنەمدىك اتاۋلىنىڭ بارلىعى شينجياڭنىڭ دامۋ، گۇلدەنىپ-كوركەيۋ ۇردىسىنە بوگەت بولا المايدى
امەريكانىڭ لاڭكەستىككە قارسى تۇرۋدا مەيلىنشە قوس ولشەم قولدانۋى ادامدى جيرەندىرەدى
امەريكانىڭ شينجياڭعا ساياتىن «زاڭ جوباسى» امەريكانىڭ جۇڭگوعا قارسى ساياساتپازدارىنىڭ تاعى ءبىر رەتكى سوراقى ويىنى
رايونىمىزداعى ءار ۇلت،ءار سالا قايراتكەرلەرى امەريكانىڭ شينجياڭعا ساياتىن «زاڭ جوباسىن» ماقۇلداعاندىعىن قاتاڭ ايىپتادى
تاربيەلەۋ - باۋلۋ ورتالىعى بولماسا، شينجياڭنىڭ تىنىش، ورنىقتى كۇنى بولماق ەمەس
امەريكا پارلامەنتى قاۋىم پالاتاسىنىڭ «2019-جىل ۇيعۇر ادامدىق ۇقىقتارى ساياسات زاڭ جوباسىن» ماقۇلداعاندىعى جونىندە ءتىلشىنىڭ سۇراۋىنا جاۋاپ بەردى
شينجياڭنىڭ جاراسىمدى، ورنىقتى اسا تاماشا جاعدايىن بۇلدىرۋگە ۇرىنعان ءارقانداي ارەكەت اتاۋلى، ءسوزسىز، جەڭىلىسپەن تىنادى

بورىشتى ەستە بەرىك ساقتاپ، ادالدىقپەن جاۋاپكەرشىلىك ارقالاپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ تىڭ جەڭىسىنە ۇزدىكسىز قول جەتكىزەيىك

جولدانعان ۋاقىتى : 2018/12/11 18:35:53

ج ك پ تارباعاتاي ايماقتىق كوميتەتىنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات


  پارتيا 18-قۇرىلتايىنان بەرى، اسىرەسە، ج ك پ اۆتونوميالى رايوندىق كوميتەتىنىڭ 9-قۇرىلتايىنان بەرى، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، اۆتونوميالى رايوندىق پارتكومنىڭ نازاردى باس نىساناعا شوعىرلاندىرا وتىرىپ اتقارعان ءبىرقىدىرۋ كەشەندى شارالارىن باتىل تياناقتاندىرىپ، قوعامدىق جالپى جاعداي باياندى ورنىقتى بولىپ، ەكونوميكا ورنىقتى، اقاۋسىز دامىپ، بۇقارانىڭ تۇرمىسى ۇزدىكسىز جاقسارىپ، ءتۇرلى ىستەر جالپى بەتتىك العا باستى.  اماليات شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ بۇكىلدەي دانىشپان، دۇرىس ەكەندىگىن، ءبىزدىڭ بارلىق قىزمەتتى جاقسى ىستەۋىمىزدىڭ ءتۇبىرلى ولشەمى ەكەندىگىن؛ اۆتونوميالى رايوندىق پارتكومنىڭ باس نىسانانى دايەكتىلەندىرىپ، تياناقتاندىرۋىنداعى جەلىلەس كەشەندى شارالارىنىڭ بارىنشا پارمەندى قۋاتقا يە بولىپ، شينجياڭداعى ءار ۇلت حالقىنىڭ شىنايى قولداۋىنا يە بولعاندىعىن تولىق دالەلدەدى. وڭاي-وسپاق قولعا كەلمەيتىن تاريحي دامۋ ورايىنا قاراتا، جاپپاي دوڭگەلەك داۋلەتتى قوعام قۇرۋدى بۇكىل ەلمەن تەڭ قادامدا جۇزەگە اسىرىپ، ءبىرىنشى 100 جىلدىق كۇرەس نىساناسىن ورىنداپ، ەكىنشى 100 جىلدىق كۇرەس نىساناسىن بەتكە الا قۇلشىنۋدا بىزدەن بورىش پەن جاۋاپكەرشىلىكتى بارىنشا كۇشەيتىپ، ستراتەگيالىق تۇراقتىلىقتى ساقتاپ، نازاردى قوعام ورنىقتىلىعى مەن باياندى تىنىشتىق باس نىساناسىنا بارىنشا شوعىرلاندىرىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىن جالعاستى ىشكەرىلەي جەبەپ، «ءۇش ءتۇرلى كۇشكە» باتىل سوققى بەرىپ، كورىكتى دە باي-باقىتتى مەكەنىمىزدى بىرلىكتە گۇلدەندىرۋىمىزدى قاجەت ەتەدى.

  ءبىرىنشى، ايقىن تۋ ۇستاپ، ساياسيدى دارىپتەپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باستان-اياق ساقتاۋىمىز كەرەك

  باس شۋجي شي جينپيڭ بىلاي دەپ اتاپ كورسەتتى: «پارتيانىڭ كادرى، مەيلى قاي جەردە، قانداي قىزمەت ورنىندا بولسىن، پارتيالىق مايدان مەن ساياسي تانىمدى كۇشەيتىپ، قيىنشىلىقتىڭ سىنىنان وتە الاتىن بولۋى كەرەك». ءبىز ۇلى داۋىردە تۋىلدىق، ۇلى داۋىردە ۇلى نىسانا بولۋعا ءتيىستى، ۇلى نىسانانى جۇزەگە اسىرۋ ءۇشىن، ءبىز، ءسوزسىز، مۇرات-سەنىمدى بەكەمدەپ، پارتياعا ابسوليۋتتى ادال بولۋىمىز كەرەك، تەك وسىنداي بولعاندا عانا ۇلى نىسانانى جۇزەگە اسىرۋ جولىندا ءارقانداي قيىنشىلىق پەن باسەكەدەن جاسقانباي، ءارقانداي حاۋىپ-قاتەر مەن سىن-سايىستاردى جەڭە الامىز. كەزەكتەگى، شينجياڭداعى بولشەكتەۋشىلىككە قارسى تۇرۋدىڭ ولىسپەي-بەرىسپەيتىن كۇرەسىندە، پارتياعا ابسوليۋتتى ادال بولۋ دەگەنىمىز باس شۋجي شي جينپيڭنىڭ پارتيا ورتالىق كوميتەتىندەگى ۇيتقىلىق ورنى مەن تۇتاس پارتياداعى ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن شوعىرلى ءبىرتۇتاس باسشىلىعىن باتىل قورعاپ، «4 تانىمدى» بەرىك ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باستان - اياق ساقتاۋ؛ ايقىن تۋ ۇستاپ، ساياسيدى دارىپتەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ جونىندەگى كەشەندى شارالارىنىڭ ورنالاستىرۋلارى بويىنشا، قوعامدىق جالپى جاعدايدىڭ جاراسىمدىلىعى مەن ورنىقتىلىعىن بۇلجىتپاي قورعاۋ؛ پارتيامىزدىڭ شينجياڭنىڭ ءبىرقانشا تاريحي ماسەلەسى جونىندەگى نەگىزگى تۇجىرىمى مەن نەگىزگى ساياساتىن مۇقيات دايەكتىلەندىرىپ، ساياسي ۇستامدىلىقتى، ساياسي سەرگەكتىكتى جانە ساياسي سانالىلىقتى ساقتاپ، ۇلتتىق بولشەكتەۋشىلىككە قارسى تۇرىپ، وتاننىڭ تۇتاستىعىن قورعاۋ سياقتى ۇلكەن دۇرىس پەن ۇلكەن بۇرىس ماسەلەسىندە ءارقاشان، ءارقانداي جاعدايدا پوزيتسياسى بارىنشا باتىل، مايدانى بارىنشا بەكەم تۇردە، «ءۇش ءتۇرلى كۇش»، «ەكىبەتكەيلەر» جانە «ەكىبەتكەيلىكپەن» باتىل كۇرەس جۇرگىزۋ دەپ قارايمىن.

  ەكىنشى، باس نىسانانى باتىل تياناقتاندىرىپ، قوعامنىڭ باياندى تىنىشتىعىن بار كۇشپەن قورعاۋىمىز كەرەك

  باس شۋجي شي جينپيڭ بىلاي دەپ اتاپ كورسەتتى: «شينجياڭنىڭ قوعام ورنىقتىلىعى مەن باياندى تىنىشتىعى تۇتاس مەملەكەتتىڭ رەفورما جاساۋ، دامۋ، ورنىقتىلىق جالپى جاعدايىنا سايادى، ‹قوس 100 جىلدىق› كۇرەس نىساناسى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا سايادى». ءار ءداۋىردىڭ ادامدارىنىڭ وزىنە ءتان ۇزاق جورىعى بولادى، ءبىزدىڭ وسى داۋىرىمىزدەگى ادامداردىڭ ۇزاق جورىعى _ قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ. كەزەكتە، پارتيا ساياساتىنىڭ شۇلەن شۇعىلاسىندا، قوعامدىق جالپى جاعداي باياندى، جاراسىمدى، ورنىقتى بولىپ، ەكونوميكا ورنىقتى اقاۋسىز دامىپ، قوعامدىق ىستەر جالپى بەتتىك العا باسىپ، ءار ۇلت حالقى الاڭسىز، شات-شادىمان تۇرمىس كەشىرۋدە. الايدا، «ءۇش ءتۇرلى كۇشتىڭ» كوز الداعى تىنىش، جاراسىمدى، دامىعان ورتانى ەڭ ءۇمىت ەتپەيتىنىن ءارى كورگىسى كەلمەيتىنىن جەتە تانۋىمىز كەرەك، ولار سۇرقيا تاسىلدەردەن پايدالانىپ، شينجياڭداعى ءار ۇلت حالقىنىڭ اعا -باۋىرداي ەتەنە سۇيىسپەنشىلىگىنە ىرتكى سالماقشى بولعان ارەكەتىن ەشقاشان توقتاتپادى، «ءۇش ءتۇرلى كۇشتىڭ» اپتىعىن باسىپ، «ءۇش ءتۇرلى كۇشتىڭ» تامىرىنا بالتا شاپپايىنشا، شينجياڭعا تىنىشتىق ورنامايدى، ءار ۇلت حالقى الاڭسىز تۇرمىس كەشىرە المايدى. پارتيا ءبىزدى تالاي جىلدان بەرى تاربيەلەپ، باۋلىپ كەلەدى، پارتيا ءبىزدىڭ باتىل ءۇن قاتىپ، ايقىن پوزيتسيا ءبىلدىرۋىمىزدى جانە ءبىزدىڭ ەرلىكپەن العا ۇمتىلۋىمىزدى قاجەت ەتكەن كەزىندە، ءبىزدىڭ باتىلدىقپەن دايەكتىلەندىرىپ، تياناقتاندىرماۋىمىزدىڭ ەشقانداي سەبەبى جوق، بار كۇشىمىزدى سارقا جۇمساپ، مۇقياتتىلىقپەن اتقارماۋىمىزدىڭ ەشقانداي سەبەبى جوق. ءبىز باس شۋجي شي جينپيڭنىڭ «شينجياڭدا كادرلارعا باعا بەرۋدە، ەڭ الدىمەن، وتاننىڭ تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ يدەيالىق تانىمى مەن ءىس جۇزىندىك بەينەسىنە قاراۋ كەرەك» دەگەن ماڭىزدى نۇسقاۋىن ەستە بەرىك ساقتاپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەي وتىرىپ، ورنىقتىلىقتى قورعاۋدى بارلىعىن باسىپ تۇسەتىن ماڭىزدى مىندەت ەتۋدە باتىل بولىپ، بوساڭسىماي، سالعىرتتىق ىستەمەي، ءارى - ءسارى بولماي، قۇر قاڭقاعا اينالدىرماي، شىن پەيىلمەن باس نىسانانى تياناقتاندىرىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ كەشەندى شارالارىن باتىل دايەكتىلەندىرىپ، تياناقتاندىرىپ، شايقاستى بىرىنەن سوڭ ءبىرىن جالعاستىرىپ، بۋىن-بۋىن بويىنشا يگەرىپ، زورلىقتى كۇش لاڭكەستەرىنە ەشقانداي ۇرىنار وراي، تىنىستايتىن وراي، قايتا قارماناتىن وراي، قايتا باس كوتەرەتىن وراي قالدىرماي، باتىل سوققى بەرىپ، تۇبەگەيلى الاستاپ، زورلىقتى كۇش لاڭكەستىك ۇيىمدارى مەن زورلىقتى كۇش لاڭكەستىك ەلەمەنتتەرىن حالىقتىق  شايقاستىڭ تەلەگەي تەڭىزىنە باتىرۋىمىز كەرەك.

  ءۇشىنشى، مەملەكەتتە ءبىرتۇتاس قولدانىلاتىن ءتىل - جازۋ تاربيەسىن كۇشەيتىپ، ءدىني ۇشقارى يدەيانى باتىل الاستاۋىمىز كەرەك

  باس شۋجي شي جينپيڭ بىلاي دەپ اتاپ كورسەتتى: «شەكارا سىرتىنداعىلاردىڭ دىننەن پايدالانىپ سىنالاپ كىرۋىنەن باتىل ساقتانىپ، ءدىني ۇشقارى يدەيانىڭ زالال جەتكىزۋىنىڭ الدىن الۋ كەرەك». كەزەكتە، پارتيا ورتالىق كوميتەتىنىڭ قامقورلىعىندا، پارتيانىڭ لۋشيان، باعىت، ساياساتىنىڭ جەتەكشىلىگىندە، ايماعىمىزداعى ءار ۇلت حالقى الاڭسىز، جانعا جايلى بەيقۇت ۇيگە كوشىپ كىردى، جۇرگەن جولى كەڭ ءارى ىركىلىسسىز اسفالت جول، ىشكەنى تۇنىق ءارى تازا قۇبىر سۋى، باعاسى ارزان ءارى قولايلى تابيعي گازدان پايدالانادى، جىلىنا ءبىر رەت دەنساۋلىعىن تەگىن تەكسەرتەدى، ەگىنشى - مالشىلار استىق ەگىپ، باعىمشىلىقپەن شۇعىلدانسا، قوسىمشا قاراجاتتان يگىلكتەنەدى، ناۋقاسىن ەمدەتۋدە ەمدەۋ قامسىزاندىرۋى بار، قيىنشىلىعى بارلارعا ەڭ تومەنگى تۇرمىسىن قامتاماسىزداندىرۋى بار، سۇيەنىشسىز قارتتارعا يگىلىك ورنى بار، باي-باقىتتى تۇرمىس كەشىرىپ كەلەدى. الايدا، ءدىني ۇشقارى ەلەمەنتتەر شىندىقتى قالاعانشا بۇرمالاپ جانە ويدان  قيىستىرىپ، پارتيانىڭ جاقسى ساياساتىنا جالا جاۋىپ، ءار ۇلت بۇقاراسىن الجاستىرىپ ءارى ءدىندى جەلەۋ ەتىپ، ءدىني اپتىقپالىققا جەلىكتىرىپ، ءتۇرلى زورلىقتى كۇش، لاڭكەستىك، ءبۇلدىرۋ قيمىلىمەن شۇعىلداندى. ءبىز باس شۋجي شي جينپيڭنىڭ: «مەملەكەتتە ءبىرتۇتاس قولدانىلاتىن ءتىل-جازۋدى جالپىلاستىرىپ، پارتيانى، وتاندى قىزۋ سۇيەتىن سوتسياليزم ىستەرىنىڭ قۇرۋشىلارى مەن ءىزباسارلارىن قۇلشىنا باۋلۋ كەرەك» دەگەن ماڭىزدى نۇسقاۋىن ەستە بەرىك ساقتاپ، مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ جانە پايدالانۋدى مەملەكەتتەگى ءاربىر ازاماتتارعا قويىلاتىن ەڭ نەگىزگى تالاپ ەتىپ، ءار ۇلت حالقىنىڭ ىشتەسۋ، ارالاسۋ قۋاتىن ارتتىرىپ، ءبىلىم  الۋ ارناسىن كەڭەيتىپ، كاسىپتەنۋ مەن كاسىپ جاراتۋدى جەبەۋدەگى شەشۋشى شاراسى ەتىپ، مەملەكەتتە ءبىرتۇتاس قولدانىلاتىن ءتىل - جازۋ تاربيەسىن كۇشەيتۋ ارقىلى ءار ۇلت حالقىنىڭ ازاماتتىق تانىمىن كۇشەيتىپ، ماركسيزمدىك مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا؛ ءارى ءار ۇلت بۇقاراسىنىڭ قىراعىلىقتى ارتتىرىپ، دۇرىس پەن بۇرىستى ايقىن اجىراتىپ، ءدىني ۇشقارى يدەيانىڭ اۋىر حاۋىپ - قاتەرىن جەتە تانىپ، ءدىني ۇشقارى ەلەمەنتتەردىڭ سۇرقيا ماقساتىن ايقىن كورە ءبىلىپ، ءدىني ۇشقارى يدەيانىڭ ىقپالىن باتىل الاستاۋعا؛ بارىنەن دە ماڭىزدىسى ءار ۇلت بۇقاراسىن ورنىقتىلىقتىڭ، رەفورمانىڭ، دامۋدىڭ جەتىستىگىنەن يگىلىكتەنۋ بارىسىندا، تيىمدىلىكتىڭ قايدان كەلگەنىن، كىمگە العىس ايتۋ قاجەت ەكەندىگىن ايقىن ءبىلىپ، پارتيانىڭ قامقورلىعىن سەزىنىپ، پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسۋگە جەتەكتەۋىمىز كەرەك.

  ءتورتىنشى، ءار ۇلت حالقىنىڭ ىشتەسۋىن، ارالاسۋىن، توعىسۋىن ىشكەرىلەي جەبەپ، قوعامنىڭ جاراسىمدىلىعى مەن ورنىقتىلىعىن قورعاۋدىڭ قۇرىش قامالىن بىرگە سوعۋىمىز كەرەك

  باس شۋجي شي جينپيڭ بىلاي دەپ اتاپ كورسەتتى: «ەلىمىز ءبىرتۇتاس كوپ ۇلتتى مەملەكەت، جۇڭحۋا ۇلتىنىڭ تاريحى _ ءارقايسى ۇلتتاردىڭ ىنتىماقتاسۋ، ۇيىسۋ، تىزە قوسا قۇلشىنا العا ۇمتىلۋ تاريحى بولىپ تابىلادى». پارتيانىڭ ۇلت ساياساتىنىڭ جەتەكشىلىگىندە، ۇلى وتانىمىزدىڭ ىستىق قۇشاعىندا، ايماعىمىزداعى ءار ۇلت حالقى ىشتەسىپ، ارالاسىپ، توعىسىپ، ءبىر ءۇيلى جانداي ەتەنە وتۋدە. كەزەكتە، ايماعىمىزدا ەكىدەن ارتىق ۇلتتان قۇرام تاپقان وتباسى %3.3 ىن يەلەيدى، شاۋەشەك قالاسىندا %20 تەن اسادى، كەيبىر وتباسىلارى 6 دا 7 ۇلتتان قۇرام تاۋىپ، كوپشىلىك ءبىر داستارقاننان ءدام تاتىپ، بىرلىكتە بيگە باسىپ، ءان ايتىپ، ءبىر وتباسىن قۇرىپ، وتاندى قىزۋ سۇيەدى، وتباسى جاراسىمدى، باي - باقىتتى تۇرمىس كەشىرۋدە. الايدا، «ءۇش ءتۇرلى كۇش» پەن بوگدە نيەتتەگى ادامدار ءار ۇلت حالقىنىڭ ىنتىماعى جاراسقان تاماشا بەينەسىن كورگىسى كەلمەي، سەنىم ەركىندىگى مەن ۇلتتاردىڭ ءوز بيلىگى وزىندە بولۋى سياقتىلاردى جەلەۋ ەتىپ، قالاعانشا قاتە سوزدەردى قيىستىرىپ، ۇلتتىق قايشىلىق تۋدىرۋعا جەلىكتىرىپ، شينجياڭداعى ءار ۇلت حالقىنىڭ جۇڭحۋا ۇلتى ۇلى شاڭىراعىنىڭ تامىرلاس مۇشەسى ەكەندىگىن تەرىستەپ، ءار ۇلت حالقىنىڭ تۋىسقاندىق سۇيىسپەنشىلىگى مەن ءبىر-بىرىنە قارايلاساتىن تاماشا تۇرمىستىق ورتاسىن بۇلدىرمەكشى بولدى. پارتيانىڭ ابزال ساياساتىنىڭ تىكە يگىلىكتەنۋشىسى جانە اتقارۋشىسى رەتىندە، ءبىز  ولاردىڭ سۇرقيا ماقساتىن جىعا تانىپ، تۋىمىز ايقىن تۇردە قاتە كوزقاراس پەن قاتە سوزدەرگە تويتارىس بەرىپ، توركىنىن تۇزەپ، قاينارىن تازالاپ، اعاتتىقتى تۇزەتىپ، ءار ۇلت كادرلارى مەن جۇرتشىلىقتىڭ «ءبىز بارلىعىمىز جۇڭگولىقپىز»، «ءبىزدىڭ وتانىمىز جۇڭگو»، «ۇلتىمىز جۇڭحۋا ۇلتى»، «ءبىزدىڭ مادەنيەتىمىز جۇڭحۋا مادەنيەتى»، «ءبىزدىڭ ورتاق مۇددەمىز جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ» ەكەندىگىن باستان - اياق ەستە بەرىك ساقتاپ، باستان - اياق اناردىڭ دانىندەي تىعىز ۇيىسىپ، قوعام ورنىقتىلىعى مەن باياندى تىنىشتىقتى قورعاۋدىڭ قۇرىش قورعانىن بىرلىكتە سوعۋىنا جەتەكشىلىك ەتۋىمىز كەرەك.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، اۆتونوميالى رايوندىق پارتكومنىڭ ىنتىماقتاستىرىپ، جەتەكشىلىك ەتۋى جانە ايماقتىق پارتكومنىڭ ورنالاستىرۋى تۇرعاندا، ءبىز تەك «4 تانىمدى» شىنايى كۇشەيتىپ، «4 سەنىمدى» بەكەمدەپ، «ەكىنى قورعاۋدى» ورىنداپ، ءبىر نيەتپەن ىنتىماقتاسىپ، ءبىر جاعادان باس، ءبىر جەڭنەن قول شىعارادى ەكەنبىز، لاڭكەستىككە قارسى تۇرىپ، ورنىقتىلىقتى قورعاۋ شايقاسىنىڭ جەڭىسىنە، ءسوزسىز، قول جەتكىزىپ، تارباعاتايدىڭ بولاشاعىنىڭ ءتىپتى دە نۇرلى بولاتىنىنا كامىل سەنەمىز.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn