شۋە بين شاۋەشەك قالاسىندا «كلاسقا، جاتاققا، اسحاناعا كىرۋ، وقۋشىلارمەن، اتا-انالارمەن بايلانىس ورناتۋ، وقۋشىلارمەن دوستاسۋ» قيمىلىن ورىستەتتى

  ءتىلشىمىز ۋىن بو حابارلايدى. 12-ايدىڭ 11-كۇنى ايماقتىق پارتكومنىڭ شۋجيى شۋە بين شاۋەشەك قالالىق 2-باستاۋىش مەكتەپكە بارىپ، وقىتۋشى- وقۋشىلارمەن بىرلىكتە «كلاسقا، جاتاققا، اسحاناعا كىرۋ، وقۋشىلارمەن، اتا-انالارمەن بايلانىس ورناتۋ، وقۋشىلارمەن دوستاسۋ» قيمىلىن وزدىردى.

  قيمىل بارىسىندا شۋە بين بايلانىس ورناتقان كلاستىڭ تاقىرىپتىق كلاس جيىنى قيمىلىنا قاتىناسىپ، مەكتەپتىڭ اسحانا باسقارۋ جاعدايىن كوزدەن كەشىرىپ، مەكتەپتىڭ جاۋاپتى جولداستارىمەن، وقىتۋشىلار ۋاكىلىمەن، بايلانىس ورناتقان وقۋشىلارمەن جانە اتا-انالارمەن اڭگىمە ءماجىلىسىن وتكىزدى.

  وسى كۇنى شاۋەشەك قالالىق 2-باستاۋىش مەكتەپ ەكىنشى جىلدىق 3-كلاسى «ۇلتتار ىنتىماعىنىڭ بەرەكەلى شاڭىراعى» تاقىرىپتىق كلاس جيىنىن وتكىزىپ جاتىر ەكەن. كلاستاعى دوسكاعا «انار گۇلى قۇلپىرىپ، سۇيىسپەنشىلىك ارتا ءتۇستى» دەگەن جازۋ جازىلىپ، ءبىر شەتىنە ماۋەلى جەمىس بەرگەن انار اعاشى سىزىلىپتى.

  «كىشكەنتاي دوستار، سالەمەتسىڭدەر مە!»، شۋە بين كلاسقا كىرىپ، وقۋشىلارمەن ىقىلاستى امانداسىپ، كوپشىلىكپەن بىرگە وتىرىپ، وقۋشىلاردىڭ دايىنداعان «جۇڭحۋا ۇلاندارى» اتتى ولەڭ وقۋ، «قاراجورعا» ءبيى سياقتى كونسەرت نومىرلەرىن تاماشالادى.

  وسىدان سوڭ شۋە بين وقۋشىلاردىڭ وقۋلارىنىڭ تابىستى، وتباسىلارىنىڭ باقىتتى بولىپ، ارماندارىن ەرتەرەك جۇزەگە اسىرۋىنا تىلەكتەستىك ءبىلدىرىپ، كىشكەنتاي دوستاردىڭ اناردىڭ دانىندەي ءبىر اراعا تىعىز ۇيىسىپ، پارتياعا العىس ايتىپ، زاڭعا بويسۇنىپ، قۇلشىنا ۇيرەنەتىن جاقسى وقۋشى بولۋعا، ءوزارا ىنتىماقتى بولىپ، ۇيرەنۋدە ءبىر-بىرىنە قارايلاسىپ، ەڭبەكتە ءبىرىن –ءبىرى قولداپ، ءمورال، اقىل-وي، ەستەتيكا، دەنە جاقتان جان –جاقتىلى جەتىلىپ، ءتۇرلى ونەردى قۇلشىنا ۇيرەنىپ، ەسەيگەندە جۇڭگوشا سوتسياليزم قۇرىلىسىنىڭ تايانىش كۇشىنە اينالۋىن ءۇمىت ەتتى.

  «ءبىر ۋاققى تاماققا قانشا اقشا جۇمسالادى؟ بۇگىنگى تۇسكى تاماق نە؟»، شۋە بين وقۋشىلاردىڭ تاماقتانۋ جاعدايىنا بارىنشا كوڭىل ءبولدى. ول مەكتەپتىڭ اسحاناسىنا بارىپ، اسحانا باسقارۋ، ازىق-تۇلىك حاۋىپسىزدىگى جانە تاماقتانۋ جاعدايىن كوزدەن كەشىرىپ، مەكتەپ پەن وقۋ-اعارتۋ تاراۋلارىنان تاماقتانۋ شارت-جاعدايىن ۇزدىكسىز جاقسارتىپ، اس-سۋ ساپاسىن جوعارىلاتىپ، ازىق-تۇلىك حاۋىپسىزدىگىنە كەپىلدىك ەتىپ، ءار ۇلت وقۋشىلارىنىڭ اقاۋسىز ءوسىپ-جەتىلۋىن قامتاماسىز ەتۋدى تالاپ ەتتى.

  اڭگىمە ماجىلىسىندە شۋە بين مەكتەپتىڭ «كلاسقا، جاتاققا، اسحاناعا كىرۋ، وقۋشىلارمەن، اتا-انالارمەن بايلانىس ورناتۋ، وقۋشىلارمەن دوستاسۋ» قيمىلىنىڭ ورىستەتىلۋ جاعدايىن، بايلانىس ورناتقان كلاس پەن بايلانىس ورناتقان وقۋشىلاردىڭ ۇيرەنۋ جاعدايىن، سونداي-اق وتباسىلارىنىڭ جاعدايىن ەگجەي-تەگجەيلى ۇعىستى. كوپشىلىك جاقىنعى جىلداردان بەرى وقۋ-اعارتۋ ىستەرىنىڭ ءۇرتىس جاقسارىپ، قوعام جاراسىمدى، ورنىقتى بولعان قۋانارلىق ناتيجەلەردى تىلگە تيەك ەتە وتىرىپ قىزعىن تالقى ورىستەتىپ، ءماجىلىس زالىنان شات كۇلكىلەر ەستى.

  شۋە بين مىنالاردى اتاپ كورسەتتى: باس نىسانانى تىعىز توڭىرەكتەي وتىرىپ، «كلاسقا، جاتاققا، اسحاناعا كىرۋ، وقۋشىلارمەن، اتا-انالارمەن بايلانىس ورناتۋ، وقۋشىلارمەن دوستاسۋ» قيمىلىن ىشكەرىلەي ورىستەتىپ، ءار ۇلت وقىتۋشى-وقۋشىلارىنىڭ ارالاسۋىن، ىشتەسۋىن، توعىسۋىن جەبەۋ؛ مەملەكەتتە ءبىرتۇتاس قولدانىلاتىن ءتىل–جازۋ وقىتۋى تەبىنىن ارتتىرىپ، وقىتۋشىلاردىڭ وقىتۋ ساپاسىن جوعارىلاتىپ، مەكتەپ مەن اتا-انالار بىرلىكتە ۇيرەنەتىن قىزعىن راي قالىپتاستىرىپ، الەۋمەتتىك اۋماق پەن قىستاق-اترەتتەردىڭ مەملەكەتتە ءبىرتۇتاس قولدانىلاتىن ءتىل-جازۋ تاربيەسىن جۇرگىزۋىنە قولداۋ كورسەتۋ؛ وقۋ-وقىتۋ ساپاسىن ۇزدىكسىز جوعارىلاتىپ، اۋەسىنە قاراي تاربيەلەۋدىڭ تارتىمدى تاسىلدەرىن جاراتىپ، ءار ۇلت وقۋشىلارىنا ساپالى ۇيرەنۋ، ءوسىپ-جەتىلۋ ورتاسىن ازىرلەۋ كەرەك.

  شۋە بين تاعى بايلانىس ورناتقان وقۋشىلارعا تارتۋ ۇسىنىپ، ولارمەن بىرگە سۋرەتكە ءتۇسىپ ەستەلىك قالدىرىپ، ولاردىڭ قۇلشىنا ۇيرەنىپ، كۇن سايىن العا باسىپ، ۇزدىك ناتيجە جاراتۋ ارقىلى قوعامنىڭ كۇتكەن ۇمىتىنەن شىعۋلارىن ءۇمىت ەتتى.

  ايماقتىق پارتكومنىڭ مۇشەسى، شاۋەشەك قالالىق پارتكومنىڭ شۋجيى جاڭ ياۋحۋا، ايماقتىق پارتكومنىڭ مۇشەسى، باس حاتشىسى، ۇگىت ءبولىمىنىڭ باستىعى نيڭ شۋەسۇڭ، ايماقتىق وقۋ-اعارتۋ مەكەمەسىنىڭ، شاۋەشەك قالالىق پارتكوم مەن ۇكىمەتتىڭ قاتىستى جاۋاپتى جولداستارى قيمىلعا قاتىناستى.

  سۋرەتتە: 12-ايدىڭ 11-كۇنى شۋە بين شاۋەشەك قالالىق 2-باستاۋىش مەكتەپتە «كلاسقا، جاتاققا، اسحاناعا كىرۋ، وقۋشىلارمەن،
 اتا-انالارمەن بايلانىس ورناتۋ، وقۋشىلارمەن دوستاسۋ» قيمىلىن ورىستەتۋدە.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى