قىزمەت اترەتى قىستاق تۇرعىندارىن اۋقاتتانۋ جولىنا باستادى

  ايماقتىق قوعام حاۋىپسىزدىگى مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا شيحۋ قالاسى باسىحۋ اۋىلىنىڭ جيدەلى قىستاعىنا تۇسكەن قىزمەت اترەتى 20 مىڭ يۋاننان استام قارجى شىعارىپ، قىستاقتاعى 31 وتباسىنا وتباسىلىق دۇكەن اشىپ بەرىپ، شارۋالاردىڭ اۋقاتتانۋىنا جول اشتى.

  جۋىقتا شيحۋ قالاسى باسىحۋ اۋىلى جيدەلى قىستاعىنىڭ تۇرعىنى رازيا جۇماحۇننىڭ بالكۇلشە دۇكەنىندە بالكۇلشە جاساۋمەن قاربالاس بولىپ جاتقانىن كوردىك.

  رازيا جۇماحۇن: «قىستاقتا قيمىل كوپ بولادى، توي جاساعاندار بالكۇلشە، پراندىك سياقتى تاعامدارعا كوپ تاپسىرىس بەرەدى» دەدى.

  رازيا جۇماحۇن بالكۇلشە پىسىرۋ ونەرىنە قانىق، ونىڭ بالكۇلشە دۇكەنىن اشۋ ارمانى بولعانىمەن، قارجى جەتىسپەۋ جاعدايى ارمانىن جۇزەگە اسىرۋىنا تۇساۋ بولىپ كەلگەن ەدى، بيىل قىزمەت اترەتى ونىڭ جاعدايىن بىلگەننەن كەيىن، 1500 يۋاننان استام قارجى شىعارىپ، دوحوپكا، ءۇن يلەۋ اسپابى سياقتى قاجەتتى دۇنيەلەردى ساتىپ الىپ بەرىپ، 10-ايدا رازيانىڭ دۇكەنى رەسمي جۇمىس باستادى.

  رازيا جۇماحۇن: «بۇرىن باسقالاردىڭ دۇكەنىندە ۋاقىتتىق جۇمىس ىستەيتىنمىن، قىزمەت اترەتىنىڭ كومەگىندە قازىر ءوز الدىما دۇكەن اشتىم، ايىنا 2000 يۋان اينالاسىندا كىرىس كىرگىزەمىن، پارتيا مەن ۇكىمەتتىڭ ابزال ساياساتىنا، قىزمەت اترەتىندەگى كادرلارعا ايرىقشا العىس ايتامىن» دەدى.

  شيحۋ قالاسى باسىحۋ اۋىلى جيدەلى قىستاعىنىڭ تۇرعىنى ابدۇشكىر نياز: «قىزمەت اترەتىندەگى كادرلار ماعان نان جاباتىن تونار سالىپ، نان ساتۋ دۇكەنىن اشىپ بەردى جانە دە 3 توننا كومىر ءتۇسىرىپ بەردى، قىزمەت اترەتىنە كوپ راقىمەت ايتامىن» دەدى.

  ابدۇشكىر نياز بۇرىن قالا رايونىندا ءۇي مايلاپ، نان ساتۋ دۇكەنىن اشقان، ءار ايدا 4000 يۋاندىق ءۇي مايلاۋ اقىسىن شىعارىپ تاستاعاندا، وزىنە قالاتىن اقشا تىم ماردىمسىز ەدى. بيىل قىزمەت اترەتى 2300 يۋان قارجى شىعارىپ، ابدۇشكىردىڭ ءۇيىنىڭ الدىنا تونار سالىپ، نان جابۋعا قاجەتتى جابدىقتاردى تولىقتاپ بەردى، سونىمەن ابدۇشكىردىڭ كىرىسى وتكەن جىلداعىدان 2 ەسە ارتتى.

  ابدۇشكىر نياز: «قازىر شىعىندى قوسپاعاندا، اي سايىن 5000 يۋان اقشا تابامىن، تۇرمىس ورەمىز بارعان سايىن جاقسارىپ كەلەدى، پارتيانىڭ ءتيىمدى ساياساتىنا العىسىم شەكسىز» دەدى.

  باسىحۋ اۋىلىنىڭ جيدەلى قىستاعىندا جەر از بولعاندىقتان، قىستاق تۇرعىندارىنىڭ كوپ ساندىسى نەگىزىنەن سىرتقا شىعىپ كوتەرمە جۇمىس ىستەپ، سيىر، قوي ەتىن ساتۋ ساۋداسىمەن اينالىساتىن. قىزمەت اترەتى كەلگەننەن كەيىن جيدەلى قىستاعىنىڭ ءىس جۇزىندىك جاعدايىمەن ۇشتاستىرا وتىرىپ، شارۋالار كەشكى مەكتەبىنەن پايدالانىپ، ەگىمشىلىك، باعىمشىلىق تەحنيكاسىن ۇيرەتۋ، قولونەر بۇيىمدارىن جاساۋ، تىگىنشىلىك، بالكۇلشە پىسىرۋدى ۇيرەتۋ سياقتى كۋرستەردى اشىپ، ارتىق ەڭبەككۇشتەردىڭ كاسىپتەنۋىن جەبەپ، قىستاقتاعى كاسىپ كوزىن اشۋ ويى بار 31 وتباسىنا قارجى شىعارىپ، جابدىقتارىن تولىقتاپ بەرىپ، وتباسىلىق دۇكەن اشۋىنا تاماشا شارت-جاعداي ازىرلەپ، اۋقاتتانۋعا باستادى.

  شيحۋ قالاسى باسىحۋ اۋىلى جيدەلى قىستاعى پارتيا ياچەيكاسىنىڭ شۋجيى تۇرسىنجان ابدىريىم: «بيىل قىزمەت اترەتى كەلگەننەن كەيىن 250 مىڭ يۋاندىق نىسانعا ءوتىنىش  ەتىپ، قىستاققا 1.3 مەتر كەڭدىكتەگى توعان قازىپ بەرىپ، تۇرعىنداردىڭ جەر سۋارۋىنا قولايلىلىق جاراتتى. سونىمەن بىرگە، 31 وتباسىنا دۇكەن اشىپ بەردى، قازىرگە دەيىن 60 تان استام ادام كاسىپ كوزىن اشىپ، كىرىستەرىن ارتتىردى، قىزمەت اترەتى قىستاقتى گۇلدەندىرىپ، قىستاق تۇرعىندارىنىڭ كىرىسىن ارتتىرۋىنا زور ۇلەس قوستى» دەدى.

  قازىرگە دەيىن قىستاقتا جيىنى 31 وتباسى وتباسىلىق دۇكەن اشىپ، نان پىسىرۋ، بالكۇلشە جاساۋ، سيىر، قوي ەتىن تولايىم ساتۋ، كيىم تىگۋ، شوشىرە ءتۇيىپ ساتۋ سياقتى جۇمىستارمەن شۇعىلدانىپ، كىرىستەرىن ارتتىرىپ، اۋقاتتانۋدىڭ سارا جولىنا تۇسكەن.

  سۋرەتتە: رازيا ءوزى پىسىرعان ءدامدى-قۇجىرلارىن قوناقتارعا ۇسىنۋدا.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى