ءتىلشىمىز ۋىن بو حابارلايدى. 12-ايدىڭ 13-كۇنى ايماقتىق پارتكومنىڭ شۋجيى شۋە بين ايماقتىق پارتكوم وزەكتى گرۋپپاسىنىڭ 38-رەتكى كوللەكتيۆ ۇيرەنۋىن باسقارىپ وتكىزىپ، بيڭتۋان 7-كەزەكتى پارتكومىنىڭ ءتورتىنشى جالپى ءماجىلىسى، اۆتونوميالى رايوننىڭ باس شۋجي شي جينپيڭنىڭ مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەن كەزدەگى ماڭىزدى ءسوزى رۋحىن ۇيرەنۋ، دايەكتىلەندىرۋ جونىندەگى اڭگىمە ءماجىلىسى، اۆتونوميالى رايوننىڭ ورتا، باستاۋىش مەكتەپتەردىڭ پارتيا قۇرىلىسى قىزمەتىن ناق مايداندا ىلگەرىلەتۋ ءماجىلىسى جانە اۆتونوميالى رايوننىڭ «توراڭعى رۋحىمەن ادام تاربيەلەپ، شەكارا ءوڭىردى گۇلدەندىرىپ، شەكارانى بەكەمدەۋگە قىزمەت وتەيىك» تاقىرىبىنداعى اڭگىمە ءماجىلىسى سياقتى ماجىلىستەردىڭ رۋحىن جەتكىزدى، ۇيرەندى.
شۋە بين مىنالاردى اتاپ كورسەتتى: ايماقتاعى ءار دارەجەلى پارتيا، ۇكىمەت تاراۋلارى «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋ تۇرعىسىنان بيڭتۋاننىڭ ورنىقتىلىق، دامۋ، رەفورما قىزمەتىنە بار كۇشپەن قولداۋ كورسەتۋى كەرەك. بيڭتۋاننىڭ ورنىقتىلىقتى قورعاپ، شەكارانى گۇلدەندىرۋ قۋاتىن جوعارىلاتۋىنا قولداۋ كورسەتىپ، جەرلىك ورىنداعى بيڭتۋاننىڭ ورنىقتىلىقتى قورعاۋدى ۇدايىلاندىرۋعا ات سالىسىپ، ايماقتىڭ تۇتاس وڭىرلىك ورنىقتىلىعىن قورعاۋ بارىسىندا ءتىپتى دە ۇلكەن جاۋاپكەرلىك ارقالاپ، ءتىپتى دە ماڭىزدى رول ويناۋىن جەبەۋى؛ جەرلىك ورىندا تۇراتىن بيڭتۋاننىڭ رەفورمانى تەرەڭدەتۋىنە قولداۋ كورسەتىپ، بيڭتۋاننىڭ ءتۇزىلىس جاعىنداعى ەرەكشە ابزالدىلىعى مەن دامۋ ومىرشەڭدىك كۇشىن تولىق ساۋلەلەندىرىپ، بيڭتۋان 9-ديۆيزياسىنىڭ قالا قۇرۋىنا بار كۇشپەن قولداۋ كورسەتۋى؛ بيڭتۋان مەن جەرلىك ورىننىڭ توعىسا دامۋىن جەدەلدەتىپ، بيڭتۋان مەن جەرلىك ورىن «ءبىر شاحمات تاقتاسى» يدەياسىن بەرىك ورناتىپ، «شەكارانى بىرگە قورعاپ، بايلىقتان ورتاق يگىلىكتەنىپ، ابزالدىلىقتى ءوزارا تولىقتاپ، ورتاق گۇلدەنۋدەي» بيڭتۋان مەن جەرلىك ورىن توعىسا دامۋىنان ۇلگى رايونىن قۇلشىنا قۇرۋ كەرەك.
شۋە بين مىنالاردى باسا دارىپتەدى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، جاڭا جاعدايداعى ايەلدەر قاۋىمى قىزمەتىن جاقسى ىستەۋدەگى ساياسي جاۋاپكەرلىك تانىم مەن تاريحي بورىشتىلىق تانىمدى كۇشەيتىپ، اۆتونوميالى رايوننىڭ ورنالاستىرۋلارى مەن تالاپتارى بويىنشا، باس نىسانانى باسشىلىققا الۋعا تاباندى بولىپ، ايەلدەر بىرلەستىگى ۇيىمدارى رەفورماسىن ىشكەرىلەي ىلگەرىلەتىپ، ايەلدەر بىرلەستىگى ۇيىمىنىڭ ساياسي جاۋاپكەرلىگىن ويداعىداي ادا ەتىپ، ءتىپتى دە زور تەبىنمەن، ءتىپتى دە شىنايى شارالارمەن ايماعىمىزدىڭ ايەلدەر قاۋىمى ىستەرىنىڭ دامۋىن ىلگەرىلەتىپ، جاڭا داۋىردەگى ايەلدەر قاۋىمى قىزمەتىنىڭ جاڭا جاعدايىن قۇلشىنا اشۋ كەرەك.
شۋە بين مىنالاردى تالاپ ەتتى: پارتيانىڭ وقۋ-اعارتۋ قىزمەتىنە بولعان ءبىرتۇتاس باسشىلىعىن كۇشەيتىپ، ورتا، باستاۋىش مەكتەپ پارتيا ۇيىمدارىن مىزعىماس جاۋىنگەرلىك قامال ەتىپ قۇرىپ، پارتيا تۋىن ايماقتاعى ءارقايسى ورتا، باستاۋىش مەكتەپ بازاسىندا اسقاقتاتا جەلبىرەتۋ؛ جاڭا داۋىردەگى پارتيا قۇرىلىسىنىڭ جالپى تالابىن مىقتى يگەرىپ، پارتيا قۇرىلىسى قىزمەتىنىڭ ورەسىن جوعارىلاتۋ ارقىلى مەكتەپتەردىڭ وقۋ-وقىتۋ، باسقارۋ ورەسىنىڭ جاپپاي جوعارىلاۋىنا جەتەكشىلىك ەتۋ؛ تاقىرىپتىق تاربيە قيمىلىن كۇش سالا ورىستەتىپ، وتاندى، شينجياڭدى سۇيەتىن، جاۋاپكەرلىك ارقالاپ، ۇلەس قوساتىن سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ ساياسي جاۋاپكەرلىگىن باتىل ارقالاۋ كەرەك.
مۇقيات، سالتانات عينايات قىزى، چىن جيانگو، الميرا ءۋالقان قىزى، ۋاڭ گۋاڭچياڭ، ياڭ جۇنشىڭ، حوۋ شيڭحۇي، چىن شىجۇڭ، شۇي جاۋبيڭ، مايسان زاعىپار ۇلى، جاڭ ياۋحۋا، جاڭ باۋدۇڭ، نيڭ شۋەسۇڭ، ايدىن تولەۋقان ۇلى، ياڭ ليۋ قاتارلى ايماقتىق پارتكومنىڭ، ايماقتىق حالىق قۇرىلتايى قىزمەت كوميتەتىنىڭ، اكىمشىلىك مەكەمەسىنىڭ، ايماقتىق ساياسي كەڭەس قىزمەت كوميتەتىنىڭ باسشىلارى، ايماقتىق ورتا دارەجەلى حالىق سوتى مەن بولىمشە پروكۋراتۋرانىڭ باسشىلارى، ايماققا توتە قاتىستى تاراۋلاردىڭ جاۋاپتى جولداستارى ۇيرەنۋگە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى