ءتىلشىمىز ۋىن بو حابارلايدى. 12-ايدىڭ 20-كۇنى ايماقتىق پارتكومنىڭ شۋجيى شۋە بين ايماقتىق پارتكوم مۇشەلەر (كەڭەيتىلگەن) ءماجىلىسىن باسقارىپ اشىپ، 12-ايدىڭ 15-كۇنى اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى، اۆتونوميالى رايوندىق پارتكوم بىرلىكساپ قىزمەتىنە باسشىلىق ەتۋ گرۋپپاسىنىڭ ءماجىلىسى، شينجياڭ قورشاعان ورتانى قورعاۋ كوميتەتىنىڭ ءماجىلىسى، اۆتونوميالى رايوندىق پارتكوم ۇگىت-يدەيا قىزمەتىنە باسشىلىق ەتۋ گرۋپپاسىنىڭ ءماجىلىسى سياقتى ماجىلىستەردىڭ رۋحىن جەتكىزىپ، ۇيرەنىپ، ايماعىمىزدىڭ دايەكتىلەندىرۋ، تياناقتاندىرۋ پىكىرىن تالقىلادى.
ماجىلىستە مىنالار اتاپ كورسەتىلدى: جاڭا دامۋ ۇستانىمىن بۇلجىتپاي دايەكتىلەندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ-قاتەردەن ساقتانۋ جاعىنداعى ءتۇرلى قىزمەتتى ءبىرتۇتاس ىلگەرىلەتىپ، «ءۇش ۇلكەن قامال الۋ شايقاسىن» جاقسى جۇرگىزىپ، «ءۇش ءتۇرلى ءتۇيىندى قىزمەتتى» مۇقيات مىقتى يگەرىپ، رەفورما جاساۋدى، ەسىك اشۋدى بۇلجىماي ىلگەرىلەتىپ، ستراتەگيالىق تۇراقتىلىقتى ساقتاپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ ەكونوميكالىق قىزمەت جونىندەگى شەشىمدەرى مەن ورنالاستىرۋلارىنىڭ تولىق تياناقتانۋىنا كەپىلدىك ەتىپ، ايماعىمىز ەكونوميكاسىنىڭ جوعارى ساپالى دامۋىن ىلگەرىلەتۋ كەرەك. «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، ءبىر جاعىنان بولشەكتەۋشىلىككە قارسى تۇرۋ كۇرەسىن مىقتى ۇستاۋعا، ەندى ءبىر جاعىنان پارتيا ستيلى، پاكتىك قۇرىلىسى جانە ءىرىپ-شىرۋگە قارسى تۇرۋ كۇرەسىن مىقتى ۇستاۋعا تاباندى بولىپ، ستيلدى ۇزدىكسىز تۇزەپ، ءتارتىپتى قاتاڭداستىرىپ، باقىلاۋـ تەكسەرۋ ءتۇزىلىسى رەفورماسىن جالعاستى تەرەڭدەتىپ، ستيلى تازا، سالتى دۇرىس ساياسي ەكولوگيا جاراتۋ كەرەك. اۆتونوميالى رايوندىق پارتكومنىڭ «‹جۇڭگو كوممۋنيستىك پارتياسىنىڭ پارتيا ىشىندەگى ەڭبەك ءسىڭىرىپ، داڭقتى اتاققا يە بولعانداردى ماداقتاۋ-سيلاۋ ەرەجەسىن› اتقارۋ ءادىسىن»، «‹جۇڭگو كوممۋنيستىك پارتياسىنىڭ پارتيا ىستەرىن جاريا ۇستاۋ ەرەجەسىن (سىناق رەتىندە اتقارىلادى)› اتقارۋ ءادىسىن «اۆتونوميالى رايوننىڭ 2018 ـ جىلدان 2020-جىلعا دەيىنگى كادرلاردى تاربيەلەۋ-باۋلۋ جوباسىن» مۇقيات ۇيرەنىپ، دايەكتىلەندىرىپ، ءبىرتۇتاس جوبالاۋدى كۇشەيتىپ، ناتيجەنى باعدار ەتۋدى كورنەكتىلەندىرىپ، پارتيا ىستەرى قىزمەتىنىڭ تۇزىمدەنۋ، ولشەمدەنۋ ورەسىن ۇزدىكسىز جوعارىلاتىپ، جاڭا داۋىردەگى پارتيا قۇرىلىسىنىڭ جالپى تالابىن مۇقيات تياناقتاندىرىپ، ايقىن تۋ ۇستاي وتىرىپ ساياسيدى دارىپتەۋگە تاباندى بولىپ، ايماقتىڭ قوعام ورنىقتىلىعى مەن باياندى تىنىشتىق باس نىساناسىنىڭ جۇزەگە اسۋىن پارمەندى تىرەكپەن جانە كەپىلمەن قامداۋ كەرەك.
ماجىلىستە مىنالار باسا دارىپتەلدى: ەكولوگيالىق ورتانى قورعاۋدىڭ ماڭىزدىلىعىن جەتە تانىپ، پارتيا مەن حالىق ىستەرىنە وسكەلەڭ جاۋاپتى بولۋ رۋحىمەن ءوندىرىسى دامىعان، تۇرمىسى باي، ەكولوگياسى كوركەم بولۋ سىندى وركەنيەتتى دامۋ جولىمەن جۇرۋگە اۋىتقىماستان تاباندى بولىپ، لاستانۋدان ساقتانۋ جانە ونى وڭاۋدان قامال الۋ شايقاسىن جاقسى جۇرگىزىپ، ءوز-وزىنە تەكسەرۋ جۇرگىزۋ-وڭاۋدى ىشكەرىلەي، جىڭىشكەلىكپەن ورىستەتىپ، ماسەلەنى تۇزەتۋدى باتىل مىقتى ۇستاپ، اسپانى اشىق، دالاسى جاسىل، سۋى تۇنىق كورىكتى تارباعاتاي قۇرۋعا قۇلشىنۋ كەرەك.
ماجىلىستە مىنالار تالاپ ەتىلدى: ساياسي تۇرعىنى بيىكتەتىپ، پارتيانىڭ ورتالىقتانعان ءبىرتۇتاس باسشىلىعىنا باستان-اياق تاباندى بولىپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ بىرلىكساپ قىزمەتى جونىندەگى ماڭىزدى شەشىمدەرى مەن ورنالاستىرۋلارىنىڭ ناقتى تياناقتانۋىنا كەپىلدىك ەتۋ؛ نازاردى باس نىساناعا باتىل شوعىرلاندىرىپ، باس نىسانانى جۇزەگە اسىرۋعا كەڭ كولەمدە ورتاق تانىم قالىپتاستىرىپ، جۇرت تىلەگىن ۇيىستىرىپ، اقىل-پاراسات، كۇش-قۋات توپتاۋ؛ جاۋاپكەرلىكتى شىنايى، جىڭىشكەلىكپەن تياناقتاندىرىپ، قىزمەتكە باسشىلىق ەتۋ مەن سايكەسە ارەكەتكە كەلۋدىڭ پارمەندى مەحانيزمىن تولىقتاپ قۇرۋ؛ وزىندىك قۇرىلىستى كۇشەيتىپ، ادال، كىرشىكسىز، باتىلدىقپەن جاۋاپكەرلىك ارقالايتىن جوعارى ساپالى بىرلىكساپ كادرلارى قوسىنىن قۇرىپ شىعۋ كەرەك.
ماجىلىستە مىنالار باسا دارىپتەلدى: پارتيانىڭ ۇگىت-يدەيا قىزمەتىنە بولعان باسشىلىعىن كۇشەيتۋ كەرەك. ءار دارەجەلى پارتكومدار (پارتگرۋپپا) ۇگىت قىزمەتىنە باسشىلىق ەتۋ ۇقىعىن بارىنشا مىقتى يگەرۋى، پارتكومنىڭ (پارتگرۋپپا) نەگىزگى جاۋاپتى جولداستارى باستاماشىلدىقپەن باعداردى مىقتى يگەرىپ، باعىتقا جەتەكشىلىك ەتىپ، شەپتى باسقارىپ، قوسىندى نىعايتۋى، ءار دارەجەلى ۇگىت-يدەيا تاراۋلارى تۇلعالىق جاۋاپكەرلىكتى ارقالاۋى، قاتىستى تاراۋلارى كەڭ كولەمدە ۇگىت جۇرگىزۋ ۇستانىمىن بەرىك ورناتىپ، بىرلىكتە يگەرىپ، ورتاق باسقارۋدىڭ بىرلىك كۇشىن قالىپتاستىرۋى؛ ۇگىت-يدەيا شەبىنىڭ پارتيا قۇرىلىسىن جاپپاي كۇشەيتىپ، ساياسي قۇرىلىستى جەتەكشى ەتۋگە تاباندى بولىپ، پارتيانىڭ ۇگىت تارتىبىنە قاتاڭ بويسۇنىپ، دۇرىس ساياسي باعىتتى بارىنشا مىقتى يگەرۋ؛ ۇگىت-يدەيا شەبىنىڭ قوسىن قۇرىلىسىن كۇشەيتىپ، ساياسيدا تاباندى، قابىلەتى مىعىم، شىندىققا جۇگىنىپ، جاڭالىق اشاتىن، جەڭىستى شايقاس جۇرگىزە الاتىن ۇگىت-يدەيا قىزمەتى قوسىنىن قۇلشىنا قۇرۋ كەرەك.
كوز الداعى ورنىقتىلىقتى قورعاۋ قىزمەتى جونىندە ماجىلىستە مىنالار تالاپ ەتىلدى: نازاردى باس نىساناعا اناعۇرلىم باتىل شوعىرلاندىرىپ، كەشەندى شارالاردى جاقسى اتقارىپ، ورنىقتىلىقتى قورعاۋ قىزمەتىن تىڭ ورەگە، تىڭ ساتىعا كوتەرۋ جالپى تالابى بويىنشا، «ستيلگە بۇرىلىس جاساۋ _ العى شارت، قاعيدا تىكتەۋ _ تەتىك، مەحانيزم ورناتۋ _ نەگىز، نەگىزگى ساتىنى نىعايتۋ _ ءتۇيىن، ونىمدىلىك جاراتۋ _ نىسانا» دەيتىن نەگىزگى ساتى پرينسيبىنە باستان-اياق تاباندى بولىپ، نىعايتۋ-كۇشەيتۋ، بەكەمدەۋ-كەمەلدەندىرۋ، تەرەڭدەتۋ-دارەجەسىن جوعارىلاتۋ سىندى ءۇش كەزەڭگە بولىنگەن قىزمەت تالابىن مۇقيات مىقتى يگەرىپ، «تانىمدى كۇشەيتۋ، ءتۇيىندى جاقتاردى مىقتى ۇستاۋ، ۇدايىلاندىرۋ، شۋجيلار مىقتى يگەرۋ، ءوزى تىكە ىستەۋ، ءبىرتۇتاس جوبالاۋعا ءمان بەرۋ، جوعارى ولشەم بەلگىلەۋ، قاتاڭ تالاپ قويۋ، ناقتى ونىمدىلىگىنە ءمان بەرۋ، ارناۋلى باسشىلىق القا قۇرۋ، تولىق قامتۋ، شارالاردى كۇشەيتۋ، تياناقتاندىرۋدى مىقتى ۇستاۋ، ناقتى ىستەۋگە ءمان بەرۋ، ونىمدىلىك جاراتۋ» قىزمەت ءادىسىن دۇرىس يگەرىپ، ايماقتىڭ قوعام ورنىقتىلىعىنان ۇلكەن ءىس، ورتاشا ءىس، كىشكەنە ءىس تە تۋىلماۋىنا، ايماقتىڭ قوعامدىق جالپى جاعدايىنىڭ ءۇرتىس ورنىقتىلىعىنا، ۇزاق ۋاقىت ورنىقتىلىعىنا، جاپپاي ورنىقتىلىعىنا كەپىلدىك ەتۋ كەرەك.
ماجىلىستە تاعى تارباعاتايدىڭ ساياحات كاسىبىن دامىتۋ توبىن قۇرۋ ءىسى جانە باسقادا ىستەر تالقىلاندى.
ايماقتاعى ءتورت باسشىلىق القانىڭ باسشىلارى، ايماقتىق ورتا دارەجەلى حالىق سوتى مەن بولىمشە پروكۋراتۋرانىڭ باسشىلارى، ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى