12- ايدىڭ 18 - كۇنى تۇستەن بۇرىن اشىلعان رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا رەفورما اتويشىسى اتاعىن العان 100 ادام جانە جۇڭگو رەفورما دوستىعى مەدالىن العان 10 ادام سيلاندى. ولاردىڭ اراسىندا اقسۋ ايماعى ءۇشتۇرپان اۋدانى يمام قالاشىعى مەملەكەتتە ءبىرتۇتاس قولدانىلاتىن ءتىل - جازۋ باستاۋىش مەكتەبىنىڭ باستىعى قۇربان نياز، شىحىزى قالالىق حالىق پروكۋراتۋراسى باقىلاۋ ورنى تەكسەرۋ - باقىلاۋ ءبولىمىنىڭ بۇرىنعى پروكۋرورى جاڭ بياۋ داڭقپەن رەفورما اتويشىسى اتاعىن الدى.
قۇربان نياز باتىلدىقپەن العا شىعىپ، 2003 - جىلى ءوز وتباسىنداعى جيعان - تەرگەن 600 مىڭ يۋان اقشاسىمەن يمام قالاشىعىنان مەملەكەتتە ءبىرتۇتاس قولدانىلاتىن ءتىل - جازۋ باستاۋىش مەكتەبىن قۇرىپ، اۋىلىنىڭ كەدەي، مەشەۋ بەت - بەينەسىن وقۋ -اعارتۋ ارقىلى وزگەرتتى. ول وقىتۋ ادىسىندە ۇزدىكسىز جاڭالىق اشىپ، وقىتۋ ساپاسىن جوعارىلاتتى؛ جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋعا كۇش سالىپ، سينولوگيا ساباقحاناسىن بەلسەنە اشىپ، وقۋشىلاردى ارعى زامان ولەڭدەرىن جاتتاۋ، جيڭجۇي ايتۋ، حاتكەرلىككە جاتتىعۋ سياقتىلارعا ۇيىمداستىرىپ، شينجياڭنىڭ قوس ءتىل اعارتۋىن دامىتۋدا ۇلگىلىك، جەتەكشىلىك رول اتقارىپ، ۇلتتار ىنتىماعىن كۇشەيتۋگە بەلسەنە ۇلەس قوستى.
جاڭ بياۋ باستان - اياق قوعامدىق تەڭدىك پەن ادىلدىكتى قورعاۋدى ەڭ قۇندى تالپىنىس ساناپ، قىزمەت جاۋاپكەرشىلىگىن شوگەلدىكپەن ادا ەتىپ، دەلولاردى ءادىل ىستەپ، باقىلاۋ - تەكسەرۋ قىزمەتى مىندەتىن مۇقيات ورىندادى. دەلولارداعى كۇدىكتى ماسەلەلەردى تاباندىلىقپەن قايتالاي تەكسەرىپ انىقتاپ، باتىلدىقپەن جاۋاپكەرشىلىك ارقالاپ، ادىلدىكتى جاقتاۋدى زاڭ بويىنشا ورىستەتۋگە تاباندى بولىپ، تەكسەرۋگە - باقىلاۋعا الىنعانداردىڭ زاڭدى ۇقىق - مۇددەسىن قورعاۋعا كۇش سالىپ، ءىس جۇزىندىك ارەكەتى جانە قىزمەت ساپاسى ارقىلى ادامداردىڭ زاڭعا سەنىمى مەن قۇرمەتىن كۇشەيتتى. ول قاتىستى دەلولاردى قايتا قاراۋ بارىسىندا قولدانىلاتىن زاڭسىز دالەل - سىپاتتاردى تەرىسكە شىعارۋ بارىسىن ىلگەرىلەتتى، زاڭ سالاسىنداعىلار وعان ناقاق، جالعان، قاتە دەلولاردان قاتاڭ ساقتانۋداعى جول كورسەتكىش دەپ باعا بەردى.
«شينجياڭ گازەتىنەن»
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى