اكىمشىلىك مەكەمەسى 2018-جىلعى 38-رەتكى پارتگرۋپپا (كەڭەيتىلگەن) ءماجىلىسىن اشتى
ءتىلشىمىز سۇڭ جۇنفاڭ حابارلايدى. 12-ايدىڭ 26-كۇنى اكىمشىلىك مەكەمەسى 2018-جىلعى 38-رەتكى پارتگرۋپپا (كەڭەيتىلگەن) ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات ءماجىلىستى باسقاردى.
ماجىلىستە باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن، ورتالىقتىڭ ەكونوميكالىق قىزمەت ءماجىلىسىنىڭ رۋحىن، اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن، اۆتونوميالى رايوندىق كەدەيلەردى سۇيەمەلدەۋ-وركەندەتۋ قىزمەتى باسشىلىق گرۋپپاسىنىڭ ءماجىلىسى رۋحىن، اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتى ءماجىلىسىنىڭ رۋحىن، سونداي-اق ايماقتىق پارتكومنىڭ ءماجىلىس رۋحىن دايەكتىلەندىرۋ، تياناقتاندىرۋ جونىندەگى قىزمەت تالاپتارىن جەتكىزىپ، ۇيرەنىپ، «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىن» بىرلىكتە ۇيرەندى.
ماجىلىستە مىنالار باسا دارىپتەلدى: باس شۋجي شي جينپيڭنىڭ رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى ءبىزدىڭ جاڭا داۋىردە رەفورما جاساۋدى، ەسىك اشۋدى جالعاستى ىلگەرىلەتۋ باعىتىمىزدى اناعۇرلىم ايقىنداپ، ءتۇبىرلى باعدارنامامەن قامدادى. ورنىقتىلىقتىڭ پايداسىنان تولىق، ويداعىداي پايدالانىپ، نازاردى باستان-اياق باس نىساناعا شوعىرلاندىرىپ، جاڭا دامۋ ۇستانىمىن دايەكتىلەندىرۋ؛ رەفورمانى ۇزدىكسىز تەرەڭدەتىپ، رەفورمانى تەرەڭدەتۋ جاعىنداعى ءتۇرلى قىزمەتكە باس نىسانانى ءبىرتۇتاس باسشىلىققا الۋعا تاباندى بولۋ؛ رەفورماعا قاتىستى ءتۇيىندى قىزمەتتەردى مىقتى يگەرىپ، شينجياڭ تارباعاتاي ءتۇيىندى وركەندەتۋ، ەسىك اشۋ تاجىريبە رايونى، شەكارا ساياحاتى مەن وتكەل ساياحاتىنىڭ دارەجەسىن جوعارىلاتۋ، شەكارا حالىقتارىنىڭ ساۋدا بازارى ساۋداسىنىڭ تيپىن وزگەرتىپ دامىتۋ سىناق ءتۇيىنى قۇرىلىسىن بارىنشا جەبەپ، قارامايلى-شاۋەشەك تەمىر جولى نىسانى قۇرىلىسى مەن شاۋەشەك-اياكوز تەمىر جولى قۇرىلىسىنىڭ دايىندىق قىزمەتىن بەلسەنە ىلگەرىلەتۋ كەرەك.
ماجىلىستە مىنالار تالاپ ەتىلدى: باس شۋجي شي جينپيڭ ورتالىقتىڭ ەكونوميكالىق قىزمەت ماجىلىسىندەگى ماڭىزدى سوزىندە كەلەر جىلعى ەكونوميكالىق قىزمەتتىڭ جالپى تالابى مەن ءتۇيىندى مىندەتتەرىن ايقىن ورتاعا العا قويىپ، كەلەر جىلعى ەكونوميكالىق قىزمەتتى جاقسى ىستەۋىمىزدى ءتۇبىرلى باعدارنامامەن قامدادى. اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تىعىز توڭىرەكتەي وتىرىپ، ورتالىقتىڭ شەشىمدەرىنىڭ جىڭىشكەلىكپەن تياناقتانۋىنا كەپىلدىك ەتۋ جونىندە ايقىن تالاپتار العا قويىلدى. سەنىمدى بەكەمدەپ، ايقىن تۋ ۇستاي وتىرىپ ساياسيدى دارىپتەۋ؛ جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى جەبەۋ؛ حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىزداندىرۋ مەن جاقسارتۋعا بارىنشا كۇش سالۋ كەرەك.
ماجىلىستە تاعى جاقىنعى مەزگىلدەگى ورنىقتىلىقتى قورعاۋ، كەدەيلىكتەن قۇتىلدىرۋدان قامال الۋ، قىسقى ساياحات، لاستانۋدان ساقتانۋ جانە ونى وڭاۋ، حاۋىپسىز ءوندىرىس سياقتى قىزمەتتەرگە ورنالاستىرۋ جاسالدى.
ءماجىلىس بەينە ەكران ءماجىلىسى فورماسىندا اشىلدى، ايماق باسشىلارىنان حوۋ شيڭحۇي، شۋە گۇيچياڭ، جاڭ باۋدۇڭ، يان فىڭ ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى