ەەڭ جاڭا مازمۇندار
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى
2019 ـ جىلى 3 ـ ايدىڭ 19 ـ كۇنى 67 ـ سان
2019 ـ جىلى 3 ـ ايدىڭ 18 ـ كۇنى 66 ـ سان
2019 ـ جىلى 3 ـ ايدىڭ 16 ـ كۇنى 65 ـ سان
2019 ـ جىلى 3 ـ ايدىڭ 15 ـ كۇنى 64 ـ سان
2019 ـ جىلى 3 ـ ايدىڭ 14 ـ كۇنى 63 ـ سان
شينجياڭ ۋاكىلدەر ۇيىرمەسى وتكىزگەن جالپى جيىن جۇڭگو - شەتەل اقپارات قۇرالدارىنا اشىق ۇستالدى
«ۇيرەنۋدە قۋاتتى ەل» ۇيرەنۋ تۇعىرىن جاپپاي جالپىلاستىرۋدى جەبەدى
«ۇيرەنۋدە قۋاتتى ەل»ۇيرەنۋ تۇعىرىن تياناق ەتىپ، ۇيرەنۋ قىزۋ ورلەۋگە كوتەرىلدى
شاۋەشەك قالالىق قۇبىر سۋى سەرىكتىگى «ۇيرەنۋدە قۋاتتى ەل» ۇيرەنۋ تۇعىرىنان پايدالانىپ، جۇمىسشى-قىزمەتكەرلەردىڭ ساپاسىن جوعارىلاتتى
اۋىرتپالىقتى جەڭىلدەتىپ، جاۋاپكەرشىلىكتى جەڭىلدەتپەي، ناقتى ىسكەرلىكپەن تاماشا ناتيجە جاراتايىق
ءبىر وتباسى ءبىر ورتاعا شۋاق بولدى
فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ كەرەك
شينجياڭ ۋاكىلدەر ۇيىرمەسى شەتەل ساۋداگەرلەرى قارجى قوسۋ زاڭى جوباسىن قارادى
ايماقتىق پارتكومنىڭ نازاريا ۇيرەنۋ وزەكتى گرۋپپاسى كەدەيلىكتەن ارىلتۋدان قامال الۋ جونىندە ارناۋلى تاقىرىپتىق ۇيرەنۋ وتكىزدى
كادرلاردى ءمان - ماعىناسىز ىستەردەن قۇتىلدىرايىق
«فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى باسىپ تاراتتى
الاقات ەگىپ، اۋقاتتانۋدىڭ جاڭا جولىنا ءتۇستى
لەي فىڭنان ۇيرەنىپ، مەيىر جەتكىزدى
لەي فىڭ رۋحىن ساۋلەلەندىرۋدى وزىمىزدەن باستايىق
اقىسىز ەمدەۋ تۇرعىنداردىڭ جۇرەگىنە جىلۋ سيلادى
شاعىن قيمىل شەكسىز مەيىر جەتكىزدى
حاۋىپسىزدىكتى دارىپتەپ، كوڭىلدى ەسەيۋ
شي جينپيڭ، لي كىچياڭ، ۋاڭ حۋنيڭ، حان جىڭ مەملەكەتتىك حالىق قۇرىلتايى ماجىلىسىندەگى ءىشىنارا ۋاكىلدەر  ۇيىرمەسىنىڭ باياندامانى قاراۋىنا جەكە - جەكە قاتىناستى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، شينجياڭداعى ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەيىك
شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي مەملەكەتتىك حالىق قۇرىلتايى ماجىلىسىندەگى ءبىر ءبولىم ۋاكىلدەر ۇيىرمەلەرىنىڭ باياندامانى قاراۋىنا جەكە-جەكە قاتىناستى
ايماقتىق پارتكومنىڭ نازاريا ۇيرەنۋ وزەكتى گرۋپپاسى ەكولوگيالىق وركەنيەت قۇرىلىسى جونىندە ارناۋلى تاقىرىپتىق ۇيرەنۋ وتكىزدى
جاڭالىق اشۋعا، شارۋاشىلىق قۇرۋعا، جاسامپازدىق جاراتۋعا ىنتالاندىراتىن قوعامدىق راي قالىپتاستىرايىق
2019 ـ جىلى 3 ـ ايدىڭ 13 ـ كۇنى 62 ـ سان

جاقسى كورشى ۋاڭ باۋشياڭ

جولدانعان ۋاقىتى : 2019/1/4 19:55:46

تىلشىلەرىمىز ديدار سەرىك قىزى، لي يانرۇڭ
 

ۋاڭ باۋشياڭ حىنان ولكەسى نانياڭ قالاسىنىڭ ادامى، شاۋەشەك قالاسى ارگۇڭ قالاشىعى ساز قىستاعىنا كەلىپ قونىس تەپكەن سوناۋ جىلدان بەرى، ول كورشى-قولاڭدارىنا ۇنەمى كومەكتەسىپ، شاي دەسپەي، تاتۋ-ءتاتتى ءوتىپ كەلەدى. سول ءۇشىن دە ەگەر ءسىز ۋاڭ باۋشياڭنىڭ كورشىلەرىنىڭ الدىندا   ول تۋرالى ءسوز قوزعاساڭىز، بارلىعى بارماقتارىن شىعارىپ، اۋىز جاپپاي  ماقتاي جونەلەدى.
 
سالت باس، ساباۋ قامشىلى ۋاڭ باۋشياڭ 1980-جىلى ساز قىستاعىنا قادام تاستاعان، ول كەزدە 21 جاسقا ەندى عانا كەلگەن، جالىنداعان جاس ءۇشىن ساز قىستاعى، مۇلدە، بەيتانىس جەر ەدى.
 
جۇرەگىنىڭ وتى بار،جىگەرلى دە رۋحتى ۋاڭ باۋشياڭ حىنانداعى كەزىندە ۇستازدارىنان ازدا بولسا اعاششىلىق ونەرىن، تامشىلىق ونەرىن ۇيرەنىپ،    قىر-سىرىن مەڭگەرىپ قالعان ازامات.
 
ساز قىستاعىنا كەلگەن سوڭ  ۋاڭ باۋشياڭ بارىنە تىڭنان باستاپ كىرىسۋدى ويلايدى دا، «شەشىنگەن سۋدان تايىنباس» دەپ ءوز ونەرىنە سۇيەنىپ، بىرتە-بىرتە قىستاقتاعىلارعا تانىلىپ، ىرگەسىن بەكەمدەي تۇسەدى.  اقىرىن-اقىرىن قوڭىر قالتا تۇرمىسى قوردالانىپ، اۋەلى باسپاناسىن تىكتەيدى،1986 -جىلى وسى ارادا كوڭىل تۇكپىرىنەن ورىن العان بويجەتكەنمەن  ۇيلەنەدى.
 
ۋاڭ باۋشياڭنىڭ باقىتتى تۇرمىسىنىڭ دوڭعالاعى ءوز داڭعىلىمەن ودان ارى زىرلاي بەرەدى: ەرلى-زايىپتى ەكەۋى ءوز جۇمىستارىنا شوگەلدىكپەن      كىرىسىپ، ىجداعاتپەن سوڭىنا شىعارىپ، بىرتىندەپ اۋقاتتانۋ جولىنا تۇسەدى؛ ۇل-قىزى دا اقىلدى، زەرەك بولىپ، وقۋدى ۇزدىك وقىپ، قوعام ءۇشىن ەسەلى ەڭبەك قوساتىن ويداعىداي قىزمەتكە ورنالاسادى.
 
قىستاقتاعىلارعا كومەكتەسىپ قار  تازالاپ، اسپاپتارىن جوندەپ، ءۇي اشەكەيلەۋ جۇمىستارىن باستان-اقىر ءوز قولىمەن تياناقتاپ، «الىستاعى تۋىستان، جاقىنداعى كورشى ارتىق» دەيتىن اتالى ءسوزدى ناقتىلى ءىس-ارەكەتىمەن ايگىلەپ كەلە جاتقان ۋاڭ باۋشياڭ بۇل كۇندە اۋىلداستارى  ءۇشىن ورنىن وگەيسىتۋگە بولمايتىن ماڭىزدى ادامعا اينالىپ كەتكەن.
 
ايەلى ومىراۋ راگىنا شالدىققاندىقتان، تاپقان-تايانعانىنىڭ ءبارىن ءدارى-دارمەك الۋعا جۇمسايتىن ياڭ شىرۇڭ مەن ۋاڭ باۋشياڭ ەكەۋى ىرگەلەس كورشى.
 
«ياڭ اعاي ەكەۋىمىز ءدام-تۇزىمىز جاراسقان تالاي جىلدىق كورشىلەرمىز، ولاردىڭ ءۇيىنىڭ قيىنشىلىعىن مەن ابدەن تۇسىنەمىن» دەيدى كورشىسىنىڭ جاي-كۇيىن بەس ساۋساقتىڭ سالاسىنداي انىق بىلەتىن ۋاڭ باۋشياڭ.
 
بيىل كوكتەمدە، ياڭ شىرۇڭ ءۇيىن  اشەكەيلەتىپ، اۋلاسىن تەگىستەۋدى ويلايدى. ونىڭ بۇل ويىن ۋاڭ باۋشياڭ بىلگەننەن كەيىن سەمەنت ساتىپ الۋ، رەڭدى كەرپىش جاتقىزۋ، ءۇي اشەكەيلەۋگە كومەكتەسۋ سياقتى جۇمىستارىن ءوز قولىمەن ىستەپ، جۇمىستىڭ شىپ-شىرعاسىن شىعارماي تامامدايدى. ياڭ شىرۇڭنىڭ ءۇيى جايناپ شىعا كەلەدى.
 
ونىڭ كومەگىنە يە بولعان كورشى-قولاڭ، اۋىلداستاردىڭ ءبارىن ايتار بولساق، تىزىمدىك ءبىرتالايعا سوزىلار ەدى، وسى تىزىمدىكتىڭ ىشىندەگى ماڭىزدىلارىنىڭ ءبىرى ۋاڭ سۋجى     وتباسى.
 
ۋاڭ سۋجى مەن ۋاڭ باۋشياڭنىڭ ايەلى بەرەكەلەرى جاراسقان اپەكەلى-سىڭلىلەر. 2016-جىلى ۋاڭ سۋجىنىڭ قىزى سىرقاتتانىپ شيپاحاناعا جاتادى. شيپاحانادان شىققاننان كەيىن ۇيلەرى اشەكەيلەنىپ جاتقاندىقتان، انالى-بالالى ەكەۋىنىڭ جاتار ورىن ماسەلەسى شەشىم تاپپايدى. ۋاڭ باۋشياڭ بۇل ىستەن حابار تاپقاننان سوڭ، ايەلى ەكەۋى ۋاڭ سۋجى مەن قىزىن ۇيلەرىنە الىپ  كەلىپ،     قيىنشىلىعىن شەشىمدەيدى.
 
ۋاڭ سۋجى: «وتباسىمىزدا قيىنشىلىق بولعاندا، ولار جاتار ورنىمىزعا دەيىن شەشىمدەپ، دوستىقتىڭ، تۋىسقاندىقتىڭ مەيىرىن سەزىندىردى» دەدى كوڭىلىندەگى العىس سەزىمىن جاسىرا الماي.
 
ۋاڭ سۋجى مەن قىزى ەكەۋى  ۋاڭ باۋشياڭنىڭ ۇيىندە ءۇش ايدان ارتىق ۋاقىت تۇرعاننان كەيىن ءوز ۇيلەرىنە كوشەدى، مىنە وسىلاي، ونسىز دا    ىنتىماعى جاراسقان كورشىلەردىڭ ورتاسىنداعى قۇرمەت ءتىپتى دە ارتىپ، سۇيىسپەنشىلىك ءتىپتى دە قويۋلاي تۇسكەن.

رەداكتورى : اراي ەركىن قىزى


 تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.


  مىسالى: «تارباعاتاي اقپارات تورابىنان الىندى»