ەەڭ جاڭا مازمۇندار
قالتقىسىز كومەك كورسەتىپ، قيماستىقپەن اتتاندى
جۇمىسشى قابىلداۋ قيمىلى وتكىزىلدى
ايماق تۇرعىندار وزدەرى سالعان ۇيلەردىڭ حاۋىپسىزدىگىن ارناۋلى رەتتەۋ -جونگە سالۋدى ىلگەرىلەتۋ ءماجىلىسىن اشتى
ايماقتىق ساياسي كەڭەس قىزمەت كوميتەتى: نازاردى شينجياڭدى زاڭمەن جونگە سالۋعا شوعىرلاندىرىپ، كەڭەسۋ، ۇكىمەت ءىسىن اقىلداسۋ قىزمەتىن ويداعىداي ىستەدى
نىسانا - مىندەتتەردى ايقىنداپ، جالپى ءماجىلىس رۋحىنىڭ تياناقتانىپ، ونىمدىلىك جاراتۋىن ىلگەرىلەتەمىز
جولداردى جاڭالادى
قۇلىستاي وڭىرىندە اراق اشىتاتىن ءجۇزىم سورتىن ەنگىزۋ جانە جەر - سۋ جاعدايىنا ۇيلەسىمدىلىگىن زەرتتەۋ نىسانى 168 -تۋانعا ىرگە تەپتى
تۋىستارىمەن شاۋەشەكتى ارالادى
ساۋداگەر شاقىرۋ ۇلگىسىن جاڭالاپ، نىسان قۇرىلىسىن جەدەلدەتتى
2022-جىلى 5-ايدىڭ 25 -كۇنى 115 ـ سان
”شينجياڭداعى ءار ۇلت حالقىنىڭ اناعۇرلىم باقىتتى، تاماشا بولاشاقتى قارسى الاتىندىعى داۋسىز“
ءبىر دانا كونە سۋرەتتە تولىپ جاتقان جاڭا حيكايا جاتىر
پارتيانىڭ نۇر - شۇعىلاسىندا باقىتتى ەسەيىپ - ەرجەتتى
جۇڭحۋا مادەنيەتىمەن ءداۋىردىڭ جانىنا ءنار قۇيايىق
شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، اناعۇرلىم ويداعىداي تىلەك توعىستىرىپ، كۇش بىرىكتىرىپ، كورىكتى شينجياڭ قۇرۋ كەرەك
«ادەبيەت - كوركەمونەر جاسامپازدىعىن ۇلتتىڭ گۇلدەنۋ تاريحىندا ايگىلەيىك − <يان - اندا وتكىزىلگەن ادەبيەت - كوركەمونەر كەڭەسىندە سويلەنگەن ءسوز> جاريالانعاندىعىنىڭ 80 جىلدىعى بايلانىسىمەن»
نەگىزدى بەكەمدەۋ دابىلى قاعىلدى
شيە ەگىمشىلىگى كىرىستى ارتتىردى
ۇيرەنۋ، وي جۇگىرتۋ، امالياتتا ايگىلەۋ، ءتۇسىنۋ بارىسىندا جاڭا جاعداي اشىپ، جەلكەن جايا العا تارتامىز
ايماقتىق پارتكوم 1-كەزەكتى ”لياۋنيڭ-شينجياڭ لەكسيا مىنبەرىن“ جانە 3 -كەزەكتى ايماقتاعى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى تاقىرىپتىق لەكسياسىن وتكىزدى
ۋاڭ يۇڭفي: قارما ناننىڭ حوش ءيىسى شارتاراپقا تارادى
ليۋماۋۋان قالاشىعى: ”كورىكتى اۋلا“ اۋىل -قىستاققا ءسان قوستى
”ءۇش تاۋ، ەكى ويپات“ كۇن سايىن جاڭارىپ، اي سايىن تۇلەجىدى، انار گۇلى قۇلپىرا اشىلىپ، باياندى باقىت ورنادى
2022-جىلى 5-ايدىڭ 24 -كۇنى 114 ـ سان
زاڭمەن جونگە سالۋ تانىمىن كۇشەيتىپ، تاماشا تۇرمىستى قاستەرلەيىك
”تەلەفوندا تاپسىرىس بەرسەك بولعانى جانارمايدى جەتكىزىپ بەرەدى“
ساۋان سىپيڭكۋ جاڭا قىستاعى: شانياۋ ەگىمشىلىگى اۋقاتتانۋ جولىنا باستادى
كوكونىس كوشەتىن تاراتتى
قاربىزدى تولىقتاپ ەكتى
ۋاڭ ۋىنچاۋ: 18 جىل قالتقىسىز ۇلەس قوسىپ، جۇرتتىڭ اماندىعىن قورعادى

مەملەكەت ءتوراعاسى شي جينپيڭ 2019-جىلعى جاڭا جىلدى قۇتتىقتاۋ ءسوزىن سويلەدى

جولدانعان ۋاقىتى : 2019/1/7 17:20:54

ءتۇسىرۋ
مەملەكەت ءتوراعاسى شي جينپيڭ 2019-جىلعى جاڭا جىلدى قۇتتىقتاۋ ءسوزىن سويلەدى
جاڭا جىل قارساڭىندا، مەملەكەت ءتوراعاسى شي جينپيڭ ورتالىق راديو - تەلەۆيزيا باس ستانسياسى جانە ينتەرنەت ارقىلى 2019 - جىلعى جاڭا جىلدى قۇتتىقتاۋ ءسوزىن سويلەدى.
 
■2018 - جىلدى  ءبىز  وتە ماعىنالى وتكىزىپ، توتەنشە نىق قاداممەن العا باستىق. جەتىستىكتەر  بۇكىل ەلىمىزدەگى ءار ۇلت حالقىنىڭ بىلەك تۇرە ىسكە كىرىسكەن ەڭبەگىنىڭ، جاڭا داۋىردەگى كۇرەسكەرلەردىڭ توككەن تەرىنىڭ جەمىسى.
 
■قوزعالىستاعى جۇڭگو گۇلدەنۋدىڭ، دامۋدىڭ ومىرشەڭدىك قۋاتىنا تولدى. ءبىز قۇلشىنا العا ۇمتىلۋدامىز، بارلىعىمىز ارمانعا قۇلاش سەرمەۋشىلەرمىز.
 
■حالىق _  رەسپۋبليكانىڭ بەرىك تاعانى، حالىق _ بيلىك جۇرگىزۋىمىزدىڭ ەڭ ۇلكەن دەمەۋى. باسىپ وتكەن جولدا جۇڭگو حالقى ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، كۇللى الەمدى جالت قاراتقان جۇڭگو كەرەمەتتەرىن جاراتتى. جاڭا ساپاردا قانداي سۇركەي بۇلت ءۇيىرىلىپ، الاي-دۇلەي داۋىل تۇرسادا، ءبىز قاشاندا حالىققا بەرىك ارقا سۇيەپ، ءوز كۇشىمىزگە سۇيەنىپ ءومىر سۇرۋگە، قاجىرلىلىقپەن كۇرەس جۇرگىزۋگە تاباندى بولىپ، قۇرىشتاي بەرىك سەنىممەن، ورشەلەنە العا ۇمتىلاتىن ارىنمەن، مويىماس  قايسارلىقپەن، بۇرىن ەشكىم ىستەمەگەن ۇلى ىستەردى نىق قاداممەن العا ىلگەرىلەتە بەرۋىمىز كەرەك.
 
■2019 - جىلى وراي دا، سايىس تا كەزدەسەدى. كوپشىلىك بىرگە قۇلشىنىپ، بىرگە كۇرەس جۇرگىزۋى كەرەك.
 
 جاڭا جىل قارساڭىندا، مەملەكەت ءتوراعاسى شي جينپيڭ ورتالىق راديو-تەلەۆيزيا باس ستانسياسى جانە ينتەرنەت ارقىلى 2019 - جىلعى جاڭا جىلدى قۇتتىقتاۋ ءسوزىن سويلەدى. ءسوزدىڭ تولىعى مىناداي:
 
 كوپشىلىك سالەمەتسىزدەر مە! «ايلار اۋناپ، ۋاقىت ايالسىز زىمىراۋدا». 2019 - جىل دا كەلىپ جەتۋ الدىندا تۇر. مەن بەيجيڭنەن كوپشىلىككە جاڭا جىلدىق ىزگى تىلەك تىلەيمىن.
 
 2018 - جىلدى ءبىز وتە ماعىنالى وتكىزىپ، توتەنشە نىق قاداممەن العا باستىق. وسى جىلى ءبىز ءتۇرلى حاۋىپ - قاتەر مەن سايىستاردى جەڭە وتىرىپ، ەكونوميكانىڭ جوعارى ساپالى دامۋىن جەبەپ، كونە - جاڭا قوزعاۋشى كۇشتەردىڭ الماسۋىن جەدەلدەتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتادىق. اشىق اسپاندى، تۇنىق سۋدى، تازا توپىراقتى ساقتاۋ كۇرەسى ءساتتى ىلگەرىلەدى، حالىق تۇرمىسىنا قاتىستى ءتۇرلى ىستەر جەدەل دامىپ، حالىقتىڭ تۇرمىسى ءۇرتىس جاقسارا ءتۇستى. بەيجيڭ - تيانجين - حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى مەملەكەتتىك ستراتەگيالار ورنىقتى اتقارىلدى. مەن جەر - جەردە قىزمەت تەكسەرۋ بارىسىندا چاڭجياڭنىڭ ەكى جاعالاۋىنىڭ جاسىل جەلەك جامىلىپ، جيانسانجياڭداعى 10 مىڭ مۋلىق القاپتا كۇرىشتىڭ تولقىندانا ىرعالعاندىعىن، شىنجىنداعى چيانحايدىڭ ومىرشەڭدىگى قاۋلاپ، شاڭحايداعى جاڭجياڭنىڭ جالىن اتقاندىعىن، شياڭگاڭ - جۋحاي - اۋمىن ۇلكەن كوپىرىنىڭ 3 جەردى جالعاعاندىعىن كورىپ ايرىقشا قۋاندىم. بۇل جەتىستىكتەر بۇكىل ەلىمىزدەگى ءار ۇلت  حالقىنىڭ  بىلەك تۇرە ىسكە كىرىسكەن  ەڭبەگىنىڭ، جاڭا داۋىردەگى كۇرەسكەرلەردىڭ توككەن تەرىنىڭ جەمىسى.
 
وسى جىلى جۇڭگو جاساۋى، جۇڭگو جاسامپازدىعى، جۇڭگو قۇرىلىسى جۇمىلا كۇش ۇستەپ، جۇڭگونىڭ بەت - بەينەسىن ۇزدىكسىز جاڭالادى. چاڭى _  4 بارلاۋ اسپابى ءساتتى ۇشىرىلدى، 2 - اۋياماتكا تەڭىزدە سىناق ەتىلدى، ەلىمىز وندىرگەن ءىرى تۇرپاتتى سۋدا دا، قۇرلىقتا دا ۇشىپ - قونا الاتىن ۇشاق سۋدان تۇڭعىش رەت ۇشىرىلدى، «بەيدوۋ» باعدارنۇسقاۋشى عالامدىق جەلىگە قوسىلۋعا قاراي نىق قادام تاستادى. وسى ورايدا مەن ءاربىر عالىمعا، ءاربىر ينجەنەرگە، ءاربىر «ءىرى ەل ۇستاسىنا»، ءاربىر قۇرىلىسشىعا جانە ات سالىسۋشىلارعا قۇرمەت بىلدىرەمىن.
 
وسى جىلى كەدەيلىكتەن ارىلتۋدان قامال الۋدا كوپتەگەن قۋانىشتى حابارلار تارادى. بۇكىل ەل بويىنشا تاعى دا 125 كەدەي اۋدان ساراپتاۋدان  ءوتىپ كەدەيلىكتەن ارىلدى، اۋىل - قىستاقتاردا 10 ميلليون كەدەي قاۋىم كەدەيلىكتەن قۇتىلدى. راك اۋرۋىنا قارسى 17 ءتۇرلى ءدارىنىڭ باعاسى تومەندەتىلدى ءارى ەمدەۋ قامسىزداندىرۋى تىزىمىنە ەنگىزىلدى، اۋرۋ سەبەبىنەن كەدەيلەسۋ ماسەلەسى ىلگەرىلەي شەشىم تاۋىپ كەلەدى. مەن كەدەيلىكتەن ارىلتۋدان قامال الۋدىڭ الدىڭعى شەبىندە شايقاس جاساپ جاتقان جولداستاردى ۇنەمى ەسكە الامىن، قىستاقتاردا تۇراتىن 2 ميلليون 800 مىڭنان استام كادر، ءبىرىنشى شۋجي قىزمەتكە بار ىنتاسىمەن بەرىلىپ، كۇشتى تەبىنمەن كىرىستى، ءسوزسىز، دەنساۋلىقتارىڭىزدى ايالاڭىزدار.
 
مەن قيىنشىلىعى بار بۇقارانى ەشقاشان  جادىمنان شىعارمادىم. سىچۋان  ولكەسىنىڭ لياڭشان وبلىسىنىڭ سانحى قىستاعىندا، مەن يزۋ قىستاق تۇرعىندارى جيحاۋ  يەچيۋدىڭ  جانە  جيەليە - ى -امۋدىڭ وتباسىنا امانداسا باردىم. شاندۇڭ ولكەسى جينان قالاسىنىڭ سانجيانشي قىستاعىندا، جاۋ شۇنلي وتباسىنداعىلارمەن القا قوتان وتىرىپ اڭگىمە دۇكەنىن قۇردىم. لياۋنيڭ ولكەسى فۋشۇن قالاسىنىڭ دۇڭحۋايۋان  الەۋمەتتىك  اۋماعىندا،چىن يۇيفاڭ وتباسىنا بارىپ، قاتەردەن اراشالاۋ، كوشىرىپ ورنالاستىرۋ احۋالىن ۇعىستىم. گۋاڭدۇڭ ولكەسى چيڭيۋان قالاسىنىڭ ليانجاڭ قىستاعىندا، كەدەي شارۋا لۋ يحىمەن كەدەيلىكتەن ارىلتۋ جوسپارىن اقىلداستىم. ولاردىڭ اق جارقىن، قاراپايىم كەلبەت-كەسكىندەرى قازىرگە دەيىن كوكەيىمدە سايراپ تۇر. جاڭا جىل قارساڭىندا، اۋىلداستاردىڭ تۇرمىسىنىڭ كۇن سايىن شالقىپ، بارعان سايىن كوركەيە ءتۇسۋىن تىلەيمىن.
 
وسى جىلى ءبىز رەفورما جاساۋدىڭ، ەسىك اشۋدىڭ 40 جىلدىعىن سالتاناتپەن قۇتتىقتادىق، پارتيا مەن مەملەكەت قۇرىلىمدارىنا جۇيەلى، جالپىلىق، قايتا قۇرۋ سيپاتتى رەفورما جۇرگىزدىك، 100 دەن استام كەلەلى رەفورما شاراسىن العا قويدىق، تۇڭعىش كەزەكتى جۇڭگو حالىقارالىق يمپورت كورمەسىن وتكىزدىك، حاينان ەركىن ساۋدا سىناق رايونى قۇرىلىسىن باستادىق. دۇنيە ءجۇزى رەفورما جاساعان، ەسىك اشقان جۇڭگونىڭ ۇدەگەن جىلدامدىعىن جانە جۇڭگونىڭ رەفورما جاساۋدى، ەسىك اشۋدى سوڭىنا دەيىن جالعاستىراتىن بەرىك بەكىمىن كوردى. ءبىزدىڭ رەفورما  جاساۋ، ەسىك  اشۋ  قادامىمىز كىدىرمەيدى،ەسىگىمىز تەك ونان ارى ايقارا  اشىلا بەرەدى.
 
بيىل جوعارى مەكتەپ ەمتيحانى قالپىنا كەلگەننەن كەيىنگى 1-توپتاعى  ستۋدەنتتەردىڭ دەنى زەينەتكە شىققانى، 2000 - جىلدىڭ تۇلەكتەرىنىڭ جوعارى مەكتەپ تابالدىرىعىن اتتاعانى مەنىڭ نازارىمدا. 100 ميلليوننان استام قالا نوپوسىندا ەمەس ادامنىڭ نوپوسىن قالاعا قوندىرۋ ارەكەتى جالعاسۋدا، 13 ميلليون ادام قالا - قالاشىقتان جۇمىس تاپتى، لاشىقتى اۋماقتار ماسەلەسىن شەشۋگە ارنالعان 5 ميلليون 800 مىڭ تۇرعىن ءۇيدىڭ قۇرىلىسى باستالىپ، جاڭا قالا تۇرعىندارى جايلى باسپاناعا يە بولدى. كوپتەگەن شياڭگاڭدىق، اۋمىندىق، تايۋاندىق تۇرعىندار قونىستانۋ  كۋالىگىنە يە بولدى، شياڭگاڭ بۇكىل ەلدىڭ جوعارى قارقىندى تەمىر جول جەلىسىنە ەنگىزىلدى. قوزعالىستاعى جۇڭگو گۇلدەنۋدىڭ، دامۋدىڭ ومىرشەڭدىك قۋاتىنا تولدى. ءبىز قۇلشىنا العا ۇمتىلۋدامىز،بارلىعىمىز ارمانعا قۇلاش سەرمەۋشىلەرمىز.
 
ءدال وسى ساتتە مەن بىرنەشە جارقىن    ەسىمدى ەرەكشە اتاعىم كەلەدى. بيىل اسپان الەمىنە «نان رىندۇڭ جۇلدىزى» قوسىلدى، بۇكىل  ارميانىڭ  قاھارماندار  پورترەتىنە   لين جيۇن-دى جانە جاڭ چاۋ ەسىمدى ەكى جولداستىڭ پورترەتى قوسىلدى. ءبىز 32 جىل بويى  ارالدى  كۇزەتىپ،وتاندى قورعاعان ۋاڭ جيساي جولداستى، سىناق تۇعىرىن قورعاۋ جولىندا كوكىرەك كەرە العا شىعىپ، ەرلىكپەن  قۇربان  بولعان  حۋاڭ چۇن،  سۇڭ يۋەساي، جياڭ كايبين جولداستاردى جانە وتان ءۇشىن، حالىق ءۇشىن جان قيعان تاعى باسقا دا قاھارمانداردى ەستە بەرىك ساقتاۋىمىز قاجەت. ولار جاڭا داۋىردەگى ەڭ سۇيىكتى ادامدار، ماڭگى ساعىنا ەسكە  الۋىمىزعا، ۇيرەنۋىمىزگە تاتيدى.
 
وسى جىلى تاعى دا كوپتەگەن جاڭا، كونە دوستار جۇڭگوعا كەلدى. ءبىز بو-اۋ ازيا تالقى مىنبەرىنىڭ جىلدىق ءماجىلىسى، شاڭحاي سەلبەستىك ۇيىمىنىڭ چيڭداۋداعى باسشىلار باس قوسۋى، جۇڭگو-افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى سياقتى وتاعاسىلىق ديپلوماتيالىق قيمىلداردى وتكىزىپ، جۇڭگو قۋاتتاماسىن العا قويىپ، جۇڭگو ءۇنىن تاراتتىق. مەن جانە مەنىڭ قىزمەتتەستەرىم 5 قۇرلىقتا ساپاردا بولىپ، كوپتەگەن ماڭىزدى ديپلوماتيالىق قيمىلدارعا قاتىناسىپ، ءار ەل باسشىلارىمەن كەڭ كولەمدە پىكىر اۋىستىرىپ، دوستىقتى بەكەمدەپ، سەنىمدى ارتتىرىپ، دوستىق شەڭبەرىمىزدى كەڭەيتە تۇستىك.
 
2019 - جىلى ءبىز جۇڭحۋا حالىق رەسپۋبليكاسىنىڭ 70 جىلدىق تورقالى تويىن سالتاناتپەن قۇتتىقتايمىز. 70 جىل تار جول تايعاق كەشۋدەن ءوتىپ، 70 جىل قيىن - قىستاۋ كەزدەردى وتكەردىك. حالىق _رەسپۋبليكانىڭ بەرىك تاعانى. حالىق  _ بيلىك جۇرگىزۋىمىزدىڭ ەڭ ۇلكەن دەمەۋى. باسىپ وتكەن جولدا جۇڭگو حالقى ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، كۇللى الەمدى جالت قاراتقان جۇڭگو كەرەمەتتەرىن جاراتتى. جاڭا ساپاردا قانداي سۇركەي بۇلت ءۇيىرىلىپ، الاي - دۇلەي داۋىل تۇرسادا، ءبىز قاشاندا حالىققا بەرىك ارقا سۇيەپ، ءوز كۇشىمىزگە سۇيەنىپ ءومىر سۇرۋگە، قاجىرلىلىقپەن كۇرەس جۇرگىزۋگە تاباندى بولىپ، قۇرىشتاي بەرىك سەنىممەن، ورشەلەنە العا ۇمتىلاتىن ارىنمەن، مويىماس قايسارلىقپەن، بۇرىن ەشكىم ىستەمەگەن ۇلى ىستەردى نىق قاداممەن العا ىلگەرىلەتە بەرۋىمىز كەرەك.
 
2019-جىلى وراي دا، سايىس تا كەزدەسەدى. كوپشىلىك بىرگە قۇلشىنىپ، بىرگە كۇرەس جۇرگىزۋى كەرەك. سالىقتى جەڭىلدەتۋ، اقىنى تومەندەتۋ ساياساتتىق شاراسىن ناقتاپ تياناقتاندىرىپ، كاسىپورىنداردىڭ اۋىرتپالىعىن جەڭىلدەتۋ، سەرپىلتۋ كەرەك. ءتۇرلى دارىندىلارعا شىنايى قۇرمەت كورسەتىپ، ولاردىڭ جاسامپازدىق قابىلەتىنە تولىق دەم بەرۋ كەرەك. نەگىزگى ساتى كادرلارىنىڭ ۇنىنە قۇلاق ءتۇرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتەتىن كادرلاردى قارىمدى قايراتپەن العا ۇمتىلۋعا ىنتالاندىرۋ قاجەت. اۋىل - قىستاقتاعى 10 ميلليوننان استام كەدەي حالىقتى كەدەيلىكتەن ارىلتۋ مىندەتىن ۋاعىندا ورىنداۋ ءۇشىن، ءالى دە نىسانادان كوز جازباي قايراتتانا ىستەۋ كەرەك. قوسىننان شەگىنگەن اسكەريلەرگە قامقورلىق جاساۋ كەرەك، ولار وتاندى قورعاۋعا ۇلەس قوستى. وسى ساتتەردە، جەدەل جولداما جەتكىزۋشىلەر، ورتا تازالىقشىلارى، تاكسي شوفەرلەرى جانە سان - ساناقسىز ەڭبەكشىلەر جاپالى قىزمەت ىستەۋدە، ءبىز وسى تاماشا تۇرمىستى جاساۋشىلار مەن ساقتاۋشىلارعا العىس ايتامىز. كوپشىلىك جاپا تارتتىڭىزدار.
 
كۇللى جەر جۇزىنە كوز جىبەرسەك، ءبىز عاسىردا بولماعان ۇلى وزگەرىستەرگە كەزدەسۋدەمىز. حالىقارالىق اۋقىم مەيلى قالاي قۇبىلىپ وزگەرسە دە، جۇڭگونىڭ مەملەكەتتىڭ يەلىك ۇقىعى مەن حاۋىپسىزدىگىن قورعاۋ سەنىمى مەن بەكىمى وزگەرمەيدى، جۇڭگونىڭ دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ شىن پەيىلى مەن ىزگى نيەتى وزگەرمەيدى. ءبىز «ءبىر بەلدەۋ، ءبىر جولدى» بىرگە قۇرۋدى بەلسەندى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتىپ، اناعۇرلىم گۇلدەنگەن كوركەم دۇنيە قۇرۋ  جولىندا   قاجىماي - تالماي قۇلشىنامىز.
 
 جاڭا جىل قوڭىراۋى سوعىلۋ الدىندا تۇر، ءبىز كوكىرەك كەرنەگەن سەنىممەن جانە   ۇمىتپەن 2019 - جىلدىڭ كەلۋىن بىرگە قارسى الايىق.
 
جۇڭگوعا باقىت تىلەيمىز! دۇنيە جۇزىنە  باقىت تىلەيمىز!
 
كوپشىلىككە راقىمەت!
«شينجياڭ گازەتىنەن»

رەداكتورى: اراي ەركىن قىزى


 تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.


  مىسالى: «تارباعاتاي اقپارات تورابىنان الىندى»

 
powered by IlgharCMS 3.2 www.ilghar.cn