ەەڭ جاڭا مازمۇندار
كۇش-قۋاتتى ۇيىستىرىپ، شينجياڭعا كومەكتەسۋدىڭ كوركەم پاراعىن بىرلىكتە جازدى
شيحۋ قالاسى نەگىزگى ساتىنىڭ اۋىرتپالىعىن جەڭىلدەتۋدى ناقتى تياناقتاندىردى
دۋ جۇڭيۋان: جاپون شاپقىنشىلارىنا قارسى تۇرىپ،وتاندى قۇتقارۋ -ءبىزدىڭ جاۋاپكەرشىلىگىمىز
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
جاڭبىرداعى كوشى-قون...
شەكارا حالىقتارىنىڭ ءوزارا ساۋدا بازارىنىڭ 3 كۇندىك تيجارات سوماسى 513 مىڭ يۋانعا جەتتى
باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ،تياناقتاندىرىپ، جۇڭگوشا سوتسياليستىك شينجياڭ قۇرۋ ءۇشىن حاۋىپسىز، ورنىقتى ورتا جاراتايىق
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
توڭكەرىستىك اندەردى شىرقاپ،پارتيانىڭ قامقورلىعىن جىرلادى
سۋرەت كورگىزبەسى وتانىمىزعا تارتۋ ۇسىندى
دەمالىسقا، زەينەتكە شىققان كادرلار وزگەرىستەردى تاماشالادى
ادەبيەت-كوركەمونەر كونسەرتىن وتكىزدى
پارتياعا جۇرەگىمىزدى ارناپ، وتانىمىزدى جىرلايىق
تەڭىز ونىمدەرىنىڭ دامىنەن ءلاززات الىڭىز
«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
تىڭ وراي، ويداعىداي وزگەرىس
قاتىناس حاۋىپسىزدىك بىلىمدەرى مەكتەپكە كىردى
تابيعي گازدى حاۋىپسىز پايدالانۋدى ۇگىتتەدى
حاۋىپسىز ءوندىرىستى كوكەيدە ساقتايىق
قورقىس قالاشىعى نەگىزگى ساتىنىڭ اۋىرتپالىعىن جەڭىلدەتىپ،قىزمەت وتەۋدى جەبەدى
سىرا مەكەنىنە قوناق بولىپ قايتىڭىزدار
بىلعارىعا ورنەك سالۋ شەبەرى ءپۇرىنجاپ
لياۋنيڭ كۇشى تارباعاتاي حالقىن يگىلىككە كەنەلتتى
تارباعاتايدىڭ سىرتقا باعىتتالعان ەكونوميكاسى دامۋىنىڭ جاڭا پاراعىن جازايىق
شەكارا حالىقتارىنىڭ ءوزارا ساۋدا بازارى اشىلىپ،بۇقارانى تيىمدىلىككە كەنەلتتى
كوز تارتار كوركەم كورىنىس ساياحاتشىلارعا ەستەتيكالىق ءلاززات باعىشتادى
شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ تيپىن وزگەرتىپ دامىتۋ سىناق ءتۇيىنى نىسانى رەسمي اينالىمعا ءتۇستى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ،ۇيرەنۋ ناتيجەسىن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ مىعىم قوزعاۋشى كۇشىنە اينالدىرايىق
ەكسكۋرسيالاپ ۇيرەنۋ ارقىلى بىلىمدەرىن مولايتتى
بۇقارانىڭ مۇددەسىن كوكەيگە ساقتاپ، شارلاپ تەكسەرۋدىڭ وتكىر سەمسەرىن سەرت ۇستادى

شىنايى سۇيىسپەنشىلىگىمەن حالىقتىڭ مۇڭ-مۇقتاجىن شەشىم ەتتى

جولدانعان ۋاقىتى : 2019/1/9 17:19:50

_ «تارباعاتاي گازەتى» مەكەمەسىنىڭ شاۋەشەك قالاسى ارگۇڭ قالاشىعىنىڭ ساز قىستاعىندا تۇراتىن
قىزمەت اترەتىنىڭ مۇشەسى لي شين جايلى
ءتىلشىمىز ياڭ شاۋحۋا
 

  بۇقارانىڭ مۇددەسى بارلىعىنان ماڭىزدى. قىستاقتا تۇرعاننان بەرى ول حالىققا تيىمدىلىك جەتكىزۋ ساياساتىنىڭ ۇگىتشىسى، قايشىلىق، داۋ-شاردىڭ جاراستىرۋشىسى بولۋعا بار كۇشىن سالدى؛ ول قىستاق تۇرعىندارىنىڭ كىرىسىن ارتتىرىپ، اۋقاتتانۋ جولىنا تۇسۋىندە ءادىس-امال قاراستىرىپ، باستان-اياق بار ىقىلاسىمەن تىندىرۋعا كۇش سالىپ، بۇقارالىق لۋشياندى ءىس جۇزىندىك ارەكەتى ارقىلى امالياتتا ايگىلەپ، قىستاق تۇرعىندارىنىڭ مۇڭ-مۇقتاجىن شەشىپ، كەدەيلەردى سۇيەمەلدەپ، قيىنشىلىعىنا كومەكتەسۋگە بارىنشا كۇش سالىپ، شىنايى سۇيىسپەنشىلىگى مەن شىنايى ىقىلاسى ارقىلى حالىق قالاۋىنان شىعىپ، قىستاق تۇرعىندارىنىڭ القاۋىنا بولەندى.

  بۇل ادام «تارباعاتاي گازەتى» مەكەمەسىنىڭ شاۋەشەك قالاسى ارگۇڭ قالاشىعى ساز قىستاعىندا تۇراتىن قىزمەت اترەتىنىڭ مۇشەسى لي شين ەدى، ونىڭ مىنەزى ءتۇزۋ، ءجون كورسەتىپ وتىرعاننىڭ ورنىنا اپىرىپ-جاپىرىپ ىستەپ تاستاۋدى ۇناتاتىندىقتان، كوپشىلىك ونى«اقساقال» دەپ اتايدى.

  نەگىزگى ساتى قىزمەتىنە كۇش سالا كىرىستى

  2018-جىلى 2-ايدا قىزمەت اترەتى قىستاققا تۇسكەننەن بەرى، لي شين ەكىنشى گرۋپپانىڭ قىزمەتىنە كومەكتەسۋگە جاۋاپتى بولدى. ول ۇنەمى داپتەرىن قولىنا الىپ، كوشە-كوشەلەردى ارالاپ، قىستاق تۇرعىندارىمەن قويۋ قارىم-قاتىناس جاساپ، ولارمەن بەتپە-بەت اڭگىمەلەسىپ، دوستاسىپ، قىستاق تۇرعىندارىنىڭ وتباسى نەگىزگى جاعدايلارىن ۇعىسۋمەن بىرگە، پارتيانىڭ حالىققا ءتيىمدى ساياساتىن، ۇلتتار ىنتىماعىنىڭ كەلەلى ءمانىن، دىنگە قاتىستى زاڭدار مەن زاڭ-ءتۇزىم سياقتى بىلىمدەردى ۇگىتتەپ، ءار ۇلت تۇرعىندارىن «پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسۋ» بەكىمدەرى مەن سەنىمدەرىن ءتىپتى دە بەكەمدەۋگە جەتەلەدى.

  ەكىنشى گرۋپپاداعى تۇرعىندار جونىندە توقتالعاندا، لي شين ولاردىڭ جاعدايىنا بۇگە-شىگەسىنە دەيىن قانىق، كىمنىڭ بالاسى قاي جەردە وقيدى، كىم قاي جەردەن دۇكەن اشقان، كىمنىڭ اتا مەكەنى قاي جەر دەگەن سياقتىلاردىڭ بارلىعىن ول انىق بىلەدى. لي شيننىڭ كۇندەلىك داپتەرىن اقتارا قالساڭ، جىپىرلاعان جازۋعا تولىپ تۇرادى. تەكسەرۋگە قولايلى بولۋ ءۇشىن، لي شين كەشتە جاتاعىنا قايتقاندا ەلەكتروندى ارحيۆ ەتىپ جاساپ، ءار ادامنىڭ وقۋ تاريحى سپاتتاماسى، ۇيلەنۋ كۋالىگى سپاتتاماسى، كاسىپتەنۋ تاريحى، ەكونوميكالىق كىرىسى سياقتىلاردى قامتىعان ءار كۇنگى يەلەگەن جاعدايلارىن قوندىرىپ وتىرادى. لي شيننىڭ مۇقياتتىلىعىنا قول قويمايتىن قىستاق كادرى جوق، قىستاق كادرلارىنىڭ نازارىندا لي شين ەكىنشى گرۋپپا اۋماعىنىڭ ءتىرى كارتاسى ەسەپتەلەدى.

  ابزالدىلىعىن ساۋلەلەندىرىپ، بۇقارالىق قىزمەتتى جاندى ورىستەتتى

  ءار دۇيسەنبى كۇنگى تۋ شىعارۋ سالتى لي شين جونىنەن العاندا ۇلكەن ساحنا. ول كەزىندە دەكتور بولعاندىقتان، بۇل قىزمەتكە باپ كەلدى. قىستاق تۇرعىندارىنىڭ توڭكەرىستىك ءاندى شىرقاۋىنا جەتەكشىلىك ەتۋ ءۇشىن، ول ءاننىڭ ءسوزىن كۇنى بۇرىن كوبەيتىپ باستىرىپ، ءاربىر قىستاق تۇرعىنىنىڭ قولىنا ۇستاتىپ، كوپشىلىككە سويلەم-سويلەم بويىنشا ۇيرەتەدى. تۋ شىعارۋ سالتىن باسقارۋ بارىسىندا بەلگىلەمەنى قاتاڭ اتقارىپ، ساڭقىلداپ سويلەگەندە، تۇرعىنداردىڭ ايتۋىنشا: «ءبىر كيلومەتر جەردەگى ۇيلەرىنەن ونىڭ داۋىسىن ەستىپ تۇرادى» ەكەن.

  ءبىر جولى لي شين دەمالىپ كەتكەندە تۋ شىعاۋ سالتىن تاعى ءبىر اترەت مۇشەسى باسقارادى. تۋ شىعارۋ سالتى اياقتاعاننان كەيىن، جۇرتشىلىق تۋ شىعارۋ سالتىن لي شين جۇرگىزبەسە قىزعىندى بولمايدى ەكەن دەپ اڭىس ەتەدى. لي شيننىڭ جۇرگىزۋ ستيلى ساز قىستاعىنداعى تۇرعىنداردىڭ سەنىمىنە يە بولدى. قازىر ساز قىستاعىندا توي-تومالاق وتسە، جاڭادان دۇكەن اشىلسا، قىستاق تۇرعىندارى لي شيندى سالتتى باسقارۋعا ۇسىنىس ەتەدى، لي شين ءارى-ءسارى بولماي جانە اقى دا دامەتپەيدى، ونىڭ ۇستىنە كەيدە ءازىلقوي، كەيدە سالماقتى ستيلىمەن ساز قىستاعىنىڭ تۇرعىندارىنا تەرەڭ اسەر قالدىردى، سوندىقتان دا بولار، قىستاق تۇرعىندارى: «لي شين ساز قىستاعىنىڭ جاۋ جۇڭشياڭى» دەپ ازىلدەيدى.

  ءار اپتاداعى مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ساباعى لي شيننىڭ ەڭ تارتىمدى ساحناسى. وسى ساباقحانانى ويداعىداي جاقسى جۇرگىزۋ ءۇشىن، لي شين شياۋجياڭ اسحاناسىنىڭ جاۋاپتىسىمەن اقىلداسىپ ورنىن تۇراقتاندىرىپ، «تارباعاتاي گازەتى» مەكەمەسىنەن تەحنيك قىزمەتكەر ۇسىنىس ەتىپ، قىستاق تۇرعىندارىنىڭ جاعدايىنا قاراي وتىرىپ ساباق دايىندايدى. ول قىستاق تۇرعىندارىنىڭ مادەنيەت ورەسى مەن قاجەتىن ۇشتاستىرىپ، مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋلەرىنە كوڭىلدى ءارى ۇيلەسىمدى ورتا ازىرلەپ بەرەدى. ونىڭ ساباعىنا ءار جولى كەمىندە 300 دەن استام تۇرعىن قاتىناسادى. لي شين ازىلدەپ: «قاتىناساتىن ادام كوپ بولعان سايىن، جىگەرىم تاسقىنداي تۇسەدى، مەن وقىتۋشى بولۋدىڭ سىرتىندا ارتيسكە دە ۇقسايمىن، كورەرمەنى بولماعان كونسەرتتىڭ ءمانى بولمايدى، تىڭدارمانى جوق ساباقحانانىڭ دا ءمانى بولمايدى» دەيدى.

  شىنايى كومەكتەسىپ،جۇرت كوڭىلىنەن ورىن الدى

  لي شين قىزمەت اترەتىنىڭ ءبىر مۇشەسى بولۋ سالاۋاتىمەن قىستاق تۇرعىندارىنىڭ قيىنشىلىعىن ءوز جۇمىسىنداي كورىپ كەلدى. قىستاق تۇرعىنى ما جينفۋدىڭ داشۋەدە وقىپ جاتقان ەكى قىزى وتباسى قيىنشىلىعى سەبەبىنەن وقۋ قاراجاتىن تاپسىرا الماي قالعانىن بىلگەننەن كەيىن، ول ىرىقتى تۇردە شىحىزى داشۋەسى مەن شينجياڭ مەديتسينا داشۋەسىندەگى قاتىستى ادامدارمەن بايلانىس جاساپ، ەكى بالانىڭ وقۋ قاراجاتىن كەشىرىم ەتۋدىڭ جولىن قاراستىرادى.

  2018 -جىلى 8-ايدىڭ اياعىندا ما جينفۋدىڭ ەكى بالاسىنىڭ وقۋ قاراجاتىن دايىندايتىن ۋاقىت بولادى، لي شين وزىمەن قارىم-قاتىناسى جاقسى بىرنەشە جەكە كاسىپكەر دوسىن شاقىرىپ، ولارعا ما جينفۋدىڭ قيىنشىلىعىن تۇسىندىرەدى ءارى ناق مايداندا جىلۋ جيناۋ قيمىلىن ۇيىمداستىرادى. ونىڭ ۇندەۋىندە، ناق مايداندا 9600 يۋان اقشا جينالىپ، ما جينفۋدىڭ ەكى قىزىنىڭ جاڭا وقۋ ماۋسىمىنداعى قاجەتتى قاراجاتتارى شەشىمدەلەدى.

  ما جينفۋدىڭ ەكى قىزى كوپشىلىكتىڭ قالتقىسىز كومەگىنەن تەرەڭ اسەرلەنىپ، دۇيسەنبى كۇنگى تۋ شىعارۋ سالتىندا باتىل ءۇن قاتىپ، ايقىن پوزيتسيا ءبىلدىرۋدى ىرىقتى تۇردە ورتاعا قويادى. بالالاردىڭ قاراپايىم سوزدەرى تۋ شىعارۋ سالتىنا قاتىناسقان قىستاق تۇرعىندارىن تەرەڭ اسەرلەندىرەدى. لي شين دە وسى ورايدان پايدالانىپ، قىستاق تۇرعىندارىنا ءبىلىمنىڭ ادام تاعدىرىن وزگەرتەتىندىگى جونىندە ۇگىت جۇرگىزەدى.

  وسى جىلى 10-ايدا لي شين جۇپ  قۇراپ، تۋىستىق قاتىناس ورناتقان حۋاڭ دىشىڭنىڭ ايەلى ما شيۋجىنىڭ ميىنا وسپە شىققان دەپ دياگنوز قويىلادى. ول تارباعاتاي ايماقتىق حالىق شيپاحاناسىندا ەمدەلىپ جاتقان مەزگىلدە، لي شين تالاي رەت ايماقتىق شيپاحاناداعى ماماندارمەن بايلانىس جاساپ، ناۋقاس جاعدايىنا ىشكەرىلەي دياگنوز جاساتادى. شينجياڭ مەديتسيانا داشۋەسىنىڭ قاراستىلىعىنداعى شيپاحانادا ما شيۋجىنىڭ وپەراتسياسى وتە ءساتتى بولادى. ما شيۋجى شيپاحانادان شىققاننان كەيىن، لي شين تاعى دا قاتىستى ورىندارمەن سايكەسىپ، حۋاڭ دىشىڭعا ەسەپتەن كوتەرۋ راسمياتىن وتەسىپ، سالماقتى ناۋقاستاردى ەمدەتۋگە كومەك بەرۋدى ءوتىنىش ەتىپ، ولاردىڭ قيىنشىلىق قىسپاعىنان قۇتىلۋىنا كومەكتەسەدى.

  قىستاقتا مەيلى كۇندىز، نە كەش بولسىن، لي شين جۇرگەن جەر قاشاندا دىر-دۋمانعا تولى، جۇرت ونىڭ پارتيانىڭ ابزال ساياساتى جونىندەگى ۇگىتىن ەستىپ، ءوندىرىس-تۇرمىس جاعدايلارىن اڭگىمەلەپ، اينالىپ ۇيىرىلەدى، ونىڭ قاربالاس بەينەسى ساز قىستاعىنىڭ كوشە-كوشەلەرىنەن كورىنىپ، ارايلى شۋاقتاي قىستاق تۇرعىندارىنىڭ جۇرەگىن نۇرلاندىرىپ كەلەدى.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn