ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

جول قاعيداسىنا سانالى بويسۇنايىق

جولدانعان ۋاقىتى : 2019/1/9 17:30:41

ليۋ گۇيشىڭ
 

  اعىلعان اۆتوكولىك اراسىندا قارقىنى ولاردان باياۋ بولسا دا ەلەكترلى موتوتسيكل مەن ۆەلوسيپەدتەر قىستىرىلا ەنتەلەپ، ارا-اراسىندا جاياۋلار دا ادىمىن ساناپ باسىپ كەتىپ بارا جاتادى. قىس كىرگەننەن بەرى قالا رايونىنداعى جولداردا كەپتەلىس بولعان سايىن ءار قيلى كەيىستىكتى قۇلاعىمىز شالىپ جاتادى.

  اۆتوكولىك تىزگىنىن ۇستاعاندار «ەلەكترلى موتوتسيكل مەن ۆەلوسيپەد مىنگەندەردى جانە جۇرگىنشىلەردى كەلسە-كەلمەس وڭمەڭدەيدى» دەسە، جاياۋلار اۆتوكولىك شوفەرلەرىن «جاياۋعا جول بەرمەيتىن ەسىرىكتەر» دەسەدى، ەلەكترلى موتوتسيكل مەن ۆەلوسيپەد مىنگەندەر جان جولدا تۇرعان اۆتوكولىككە كەيىپ، امالسىز موتورلى كولىك جولىمەن جۇرەدى. اسىرەسە، قالىڭ قار جاۋعاننان كەيىن مۇنداي ءجايت ءتىپتى دە كوپ كەزىگەدى. ءبۇيتىپ، اركىم وزىنىكىن ءجون ساناپ، وزىنە تيەسىلى جولمەن جۇرمەۋدىڭ زاردابىنان جول  ءتارتىبى بۇزىلىپ، ولاردىڭ ەشقايسىسى دا الاڭسىز، ىركىلىسسىز جۇرە المايدى.

  اركىمنىڭ ءوز جولىمەن ءجۇرۋى قاتىناس تارتىبىندەگى نەگىزگى قاعيدا ءارى قاتىناس وركەنيەتىنىڭ بەينەلەنۋى. جۋىق جىلداردان بەرى اۆتوكولىك سانىنىڭ جىلدام ارتۋىنا ىلەسە، جوعارىدان تومەنگە، قاتىناس باسقارۋ تاراۋىنان قالا باسقارۋ تاراۋىنا دەيىن، سالىستىرمالى ايتقاندا، موتورلى كولىكتەردى باسقارۋ ءبىرشاما قاتاڭ بولعانىمەن، ەلەكترلى موتوتسيكل مەن ۆەلوسيپەد مىنگەندەردى جانە جاياۋلاردى باسقارۋدا، شىنىن ايتقاندا، بوساڭسۋ جاعدايى بار. قىزىل شىراققا پىسقىرماۋ، موتورلى كولىك جولىمەن ءجۇرۋ، قالاعانىنشا جول الماستىرۋ، قالاعانىنشا جولدان كەسىپ ءوتۋ سياقتى «جۇڭگوشا تاسىلمەن جولدان ءوتۋ» جايتى ۇلكەن كوشەلەردە كۇن سايىن كورىنىس بەرىپ، شوفەرلەردىڭ دە زارەسىن ۇشىرىپ وتىر.

  بىرەۋلەر «جول ۇقىعى ءبولىسى ادىلەتسىز، كەيبىر جولداردى موتورسىز كولىك جولى ەتىپ بەلگىلەگەن بولسا دا، وندا ۇنەمى موتورلى كولىك تۇرىپ الاتىندىقتان، ىرىقسىز قالعان موتورسىز كولىك يەلەرى مەن جاياۋلار امالسىز قاعيدانى بۇزعاندا عانا جولعا شىعىپ جۇرە الادى. دەسەدە، ءتارتىپسىز قاتىناس جاعدايى قاتىناس بەلگىلەمەسىنە قايشىلىق جاساۋعا وڭاي مۇرىندىق بولادى دا، موتورلى كولىك قاتىناۋ  بەلگىلەنگەن جولدا بىرەۋلەر موتورلى كولىكپەن بىرگە قىستىرىلىسادى» دەيدى. ەندى بىرەۋلەر «باقىلاۋ تەبىنىن كۇشەيتىپ، قاتىناس باسقارۋ قىزمەتكەرلەرىنىڭ سانىن ارتتىرۋ كەرەك» دەگەن ءپاتۋا ايتادى.

  ءبىراق، قايشالىسقان قالا جولدارىنىڭ ءبارى قۇجىناعان كولىك پەن ادام تۇرسا، باسقارۋ قىزمەتكەرى قانشا كوپ بولعان كۇندە دە، مۇنىڭ ءبارىن قالاي عانا جونگە سالىپ ۇلگىرە السىن.

  جولداعى كولىك پەن جاياۋلاردىڭ ءبارىنىڭ دىتتەيتىنى حاۋىپسىز، الاڭسىز ءجۇرۋ. مىنە، بۇل ءبىر جەڭنەن قول، ءبىر جاعادان باس شىعارىپ شەشىمدەيتىن ماسەلە. سول ءۇشىن، بىرىنشىدەن، قالا قاتىناس نەگىزدىك قۇرىلعى قۇرىلىسى تەبىنىن ارتتىرۋ، اسىرەسە، الەۋمەتتىك قاتىناس ىستەرىن بارىنشا دامىتىپ، الەۋمەتتىك قاتىناس ءار وتباسىن قامتىپ، قالا تۇرعىندارىنىڭ قاتىناس قاجەتىن قاناعاتتاندىرۋى كەرەك. ەكىنشىدەن، قاتىناس قاعيداسىنا قايشى ارەكەتكە شارا كورۋ تەبىنىن زورايتىپ، موتورلى كولىك شوفەرلەرى مەن جاياۋلاردى قاتىناس قاعيداسىنا سانالى بويسۇناتىن ەتۋ، قايشى كەلۋشىلەردى جازالاۋ، جاريالاۋ ءارى مۇنى جەكەلەردىڭ سەنىمدىلىگىمەن بايلانىستىرىپ، تارتىپكە قايشى كەلۋدىڭ بوداۋىن جوعارىلاتۋ ءتيىس. ۇشىنشىدەن، قاتىناس وركەنيەتى جاڭاشا سالتىن دارىپتەپ،  ادامداردىڭ قاتىناس وركەنيەتى تانىمىن ۇزدىكسىز كۇشەيتىپ، ءمورال تالابىن زاڭمەن باسقارۋ قۇرىلىسىندا دايەكتىلەندىرىپ، مۇنى ساناعا ۇيالاتۋ، ارەكەتكە اينالدىرۋ ارقىلى بارلىق جۇرگىنشىنى مادەنيەتتى جول ءجۇرۋدىڭ باستاماشىسىنا اينالدىرۋ كەرەك.

  جول الەۋمەتتىك ورىن، اركىم ءوز  جولىمەن جۇرسە وركەنيەتتى ءارى حاۋىپسىز بولادى. اركىم وزىنىكىن ءجون ساناسا، زاڭعا قايشى كەلەدى ءارى قاتەرلى بولادى. جول جۇرۋدەگى مادەنيەتتىلىكتىڭ ەڭ تومەنگى «قىزىل سىزىعى» مەن مادەنيەتسىز ارەكەتتىڭ اۋماعىن ايقىنداپ، زاڭدى قاتاڭ اتقارىپ، ۇساق ىستەن باستاپ باستاماشىلدىق ەتكەندە عانا قاتىناس وركەنيەتى بۇكىل قالانىڭ كەلبەتىنە كورىك قوساتىن بولادى.

  اۋدارعان _ قانات جۇماش ۇلى

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn