ەەڭ جاڭا مازمۇندار
كۇش-قۋاتتى ۇيىستىرىپ، شينجياڭعا كومەكتەسۋدىڭ كوركەم پاراعىن بىرلىكتە جازدى
شيحۋ قالاسى نەگىزگى ساتىنىڭ اۋىرتپالىعىن جەڭىلدەتۋدى ناقتى تياناقتاندىردى
دۋ جۇڭيۋان: جاپون شاپقىنشىلارىنا قارسى تۇرىپ،وتاندى قۇتقارۋ -ءبىزدىڭ جاۋاپكەرشىلىگىمىز
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
جاڭبىرداعى كوشى-قون...
شەكارا حالىقتارىنىڭ ءوزارا ساۋدا بازارىنىڭ 3 كۇندىك تيجارات سوماسى 513 مىڭ يۋانعا جەتتى
باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ،تياناقتاندىرىپ، جۇڭگوشا سوتسياليستىك شينجياڭ قۇرۋ ءۇشىن حاۋىپسىز، ورنىقتى ورتا جاراتايىق
ۇلتتىڭ گۇلدەنۋى جولىندا . ەرجۇرەك قۇرباندار شەجىرەسى
توڭكەرىستىك اندەردى شىرقاپ،پارتيانىڭ قامقورلىعىن جىرلادى
سۋرەت كورگىزبەسى وتانىمىزعا تارتۋ ۇسىندى
دەمالىسقا، زەينەتكە شىققان كادرلار وزگەرىستەردى تاماشالادى
ادەبيەت-كوركەمونەر كونسەرتىن وتكىزدى
پارتياعا جۇرەگىمىزدى ارناپ، وتانىمىزدى جىرلايىق
تەڭىز ونىمدەرىنىڭ دامىنەن ءلاززات الىڭىز
«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
تىڭ وراي، ويداعىداي وزگەرىس
قاتىناس حاۋىپسىزدىك بىلىمدەرى مەكتەپكە كىردى
تابيعي گازدى حاۋىپسىز پايدالانۋدى ۇگىتتەدى
حاۋىپسىز ءوندىرىستى كوكەيدە ساقتايىق
قورقىس قالاشىعى نەگىزگى ساتىنىڭ اۋىرتپالىعىن جەڭىلدەتىپ،قىزمەت وتەۋدى جەبەدى
سىرا مەكەنىنە قوناق بولىپ قايتىڭىزدار
بىلعارىعا ورنەك سالۋ شەبەرى ءپۇرىنجاپ
لياۋنيڭ كۇشى تارباعاتاي حالقىن يگىلىككە كەنەلتتى
تارباعاتايدىڭ سىرتقا باعىتتالعان ەكونوميكاسى دامۋىنىڭ جاڭا پاراعىن جازايىق
شەكارا حالىقتارىنىڭ ءوزارا ساۋدا بازارى اشىلىپ،بۇقارانى تيىمدىلىككە كەنەلتتى
كوز تارتار كوركەم كورىنىس ساياحاتشىلارعا ەستەتيكالىق ءلاززات باعىشتادى
شاۋەشەك باقتى جۇڭگو-قازاقستان شەكارا حالىقتارىنىڭ ءوزارا ساۋدا بازارىنىڭ تيپىن وزگەرتىپ دامىتۋ سىناق ءتۇيىنى نىسانى رەسمي اينالىمعا ءتۇستى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ،ۇيرەنۋ ناتيجەسىن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ مىعىم قوزعاۋشى كۇشىنە اينالدىرايىق
ەكسكۋرسيالاپ ۇيرەنۋ ارقىلى بىلىمدەرىن مولايتتى
بۇقارانىڭ مۇددەسىن كوكەيگە ساقتاپ، شارلاپ تەكسەرۋدىڭ وتكىر سەمسەرىن سەرت ۇستادى

ءبىر وتباسىنىڭ ادامدارى ەكى وتباسىنىڭ ادامدارى قۇساپ سويلەمەيدى

جولدانعان ۋاقىتى : 2019/1/28 12:42:35

وركەن وتباسى ءتورت ءتۇرلى رەڭمەن سەنترلەس شەڭبەر سىزدى
تىلشىلەرىمىز ايمان ءرابي، تۇيمەقان يساقان قىزى، ۋىن بو

 
  شاۋەشەك قالاسىنىڭ تۇرعىنى وركەننىڭ وتباسىلىق مۇراجايىنا كىرىپ بارساڭىز، بىردەن كوزگە تۇسەتىنى ءتور الدىندا ءىلۋلى تۇرعان توپتىق سۋرەت. توپتىق سۋرەتتە ءتورت ۇلتتان قۇرالعان وتباسى مۇشەلەرى وزدەرىنىڭ ۇلتتىق كيىمدەرىن كيىپ، وسى اۋلەتتىڭ ۇلكەنىن ورتاعا الىپ قاۋمالاپ تۇر.

  «ءبىزدىڭ وتباسىمىز قىرعىز، حانزۋ، موڭعۇل، قازاق قاتارلى ءتورت ۇلتتان قۇرام تاپقان، _ ءدال وسى كەزدە وسى ءبىر قارا شاڭىراقتىڭ ىنتىماعى جاراسقان بەرەكە-بىرلىگىنىڭ سىرى تۋرالى اڭگىمەسىن باستاعان وركەن،_ ءبىز ءبارىمىز جۇڭحۋا ۇلتىمىز،ءبارىمىز ءبىر شاڭىراقتىڭ مۇشەسىمىز. ءبىر وتباسىنىڭ مۇشەسى ەكەنبىز، استە ەكى وتباسىنىڭ ادامدارىنداي ءسوز سويلەمەۋىمىز كەرەك. كوپشىلىك ءبىر نيەت، ءبىر تىلەكتە بولعاندا عانا، تۇرمىسىمىز جاقسارا تۇسەدى» دەدى.

  بەرەكە جالعاسقان وتباسى سالتى

  وركەن جانە ونىڭ اعا-ءىنى، اپكە-قارىنداسى ءبارى دە شاۋەشەك قالاسى ارگۇڭ قالاشىعىنىڭ شىباراعاش قىستاعىنداعى ءبىر قىرعىز وتباسىندا ومىرگە كەلگەن. ءومىر اعىسىندا ولاردىڭ ءارقايسىسى ءوز جۇرەكتەرى قالاعان سىڭارىنا جولىعىپ، باۋىرىنا قازان اسىپ، باسىنا شاڭىراق كوتەردى.

  «ۇلكەن اپەكەم مەن ءۇشىنشى قارىنداسىمنىڭ جولداسى موڭعۇل، ەكىنشى قارىنداسىمنىڭ جولداسى قازاق، ۇلكەن قارىنداسىم حانزۋ ۇلتىمەن ۇيلەندى، ءوز العانىم موڭعۇل ۇلتىنىڭ قىزى» دەدى بيىل قىرىقتىڭ جەتەۋىنە كەلگەن وركەن جالپى جاعدايدى تانىستىرا.

  وسى ءبىر قارا شاڭىراقتان تارعان ءاربىر وتاۋدىڭ مۇشەسى ءوز سىڭارىمەن ەركىن ماحابباتتاسىپ قوسىلعان، وسى وتاۋلاردىڭ بارلىعى ىستىق ماحابباتتىڭ التىن ۇياسى.

  ولاردىڭ ۇيلەنۋ ىسىنە كەزىندە ۇلكەندەردىڭ ماقۇلداۋى مەن ءتۇسىنۋ جاعدايى قالاي بولعانى جايلى ۇعىسقانىمىزدا، ولاردىڭ ۇلت اتتاعان ۇيلەنۋ ءىسى بارىسىندا ۇلكەندەر قارسى شىققاندى قويىپ، ەرەكشە قۇپتاعان ەكەن. وركەننىڭ اكەسى اۋرۋ سەبەبىنەن ەرتە ومىردەن وتكەن ەكەن، شيەتتەي بالالارىن شەشەلەرى جىرىنتا جالعىز باعىپ-قاعىپ ەر جەتكىزىپتى. جىرىنتا ءومىرى مەكتەپ ەسىگىن اشىپ كورمەگەنىمەن، بالالارىنىڭ ۇيلەنۋ ىسىنە كەلگەندە اسا كورەگەندىك تانىتقان.

  بۇل وتباسىنداعى بالالاردىڭ ءبارى دە شىباراعاش قىستاعىندا ومىرگە كەلىپ، سوندا ەرجەتكەن، شەكاراعا ورنالاسقان بۇل قىستاق اسا ۇلكەن بولماعانىمەن، بۇندا حانزۋ، قازاق، موڭعۇل، قىرعىز قاتارلى كوپ ۇلت قونىستانعان.

  «انامىز ءبىزدىڭ بالا كۇنىمىزدەن باستاپ ۇلتتاردىڭ ىنتىماعى اسا ماڭىزدى» دەپ ايتىپ وتىراتىن دەيدى وركەن. كوپشىلىك بالا كۇنىنەن بەرى ءار ۇلت بالالارىمەن بىرگە ويناپ وسەدى، اناسىنىڭ دا ءار ۇلتتان دوستارى بار. كوپ جاعدايدا، انا ۇلت، مىنا ۇلت دەپ ءبىر-ءبىرىنىڭ ۇلت ايىرماسىنا اسا ءمان بەرىپ كەتپەيتىن سول كەزدىڭ وزىندە بەرەكەنىڭ تۇقىمى ولاردىڭ جۇرەگىنە سىڭىرىلگەن ەدى.

  اناسىنىڭ جاقسى تاربيەسىنىڭ ارقاسىندا وركەننىڭ اپەكە-قارىنداستارى ىلگەرىندى-كەيىندى جاقسى وقىپ، قىزمەتكە تۇرىپ، وزدەرىنىڭ ويلاعان باقىتتارىنا قولدارىن جەتكىزەدى.

  بۇل وتباسىنىڭ ۇلكەن قىزى قىجىكەي موڭعۇل ازاماتى باتىبولمەن ءسوز بايلاسقاندا، انالارى قاتتى قۋانىپ، شىن جۇرەكتەن ىقىلاسىن بەرىپ، باقىت تىلەيدى. وتباسىنىڭ كەنجە ۇلى وركەن بالا كۇنىنەن بىرگە وسكەن بالعىن قىز موڭعۇل بويجەتكەنى بايىردى جەتەلەپ جەتكەندە، اناسى ەسى كەتە قۋانادى.

  ەكىنشى قىزى كۇلان شاۋەشەك قالالىق 5-باستاۋىش مەكتەپتىڭ وقىتۋشىسى، ول شاۋەشەك قالالىق 3-ورتا مەكتەپتىڭ حانزۋ وقىتۋشىسى شۇي شانلۇڭمەن قىزمەت بارىسىندا تانىسىپ، ءوزارا ۇناتىپ قالىپ، قول ۇستاسىپ تابىسقاندار. سول كەزدە كۇلان شۇي شانلۇڭدى ەرتىپ وتباسىنا كەلگەندە، قۋانا قۇپتاعان شەشەسىنەن: «جارايدى، بۇل حانزۋ ازاماتى بولىپ تۇر ەكەن» دەگەن كەسىمدى جاۋاپتى ەستيدى. اناسى بۇل جاۋاپتى ءدال وسىلاي قىسقا قايىرعانىمەن، مىعىم سەنىممەن ايتقان بۇل ءسوز ەكى جاستىڭ الدا جۇرەر جولدارىنا ءۇمىت ۇشقىنىن سيلايدى.

  ءۇشىنشى قىزى گۇلنار شينجياڭ مەديتسينا ۋنيۆەرسيتەتىندە وقىپ جۇرگەن كەزىندە ساباقتاسى كەلىسكەن قازاق ازاماتى نۇرلان قالەل ۇلىمەن ماحابباتتاسىپ، ەكەۋى مەكتەپ بىتىرگەن سوڭ التاي ايماعىنىڭ قابا اۋدانىندا قىزمەتكە تۇرۋ تالعامىنا كەلەدى. ولار ۇيلەنگەن كەزدە دە كوپشىلىك تۇگەل بارىپ توي قۋانىشىنىڭ ىشىندە بولادى.

  ۇل-قىزدارى ۇيلەنىپ، وتباسىن قۇرعان سوڭ، كۇندەرى كوڭىلدى، بەرەكەلى دە ىنتىماقتى ءوتىپ جاتتى، انا كوڭىلى دە جاي تاۋىپتى.

  «انامىز بىزگە ۇنەمى وتباسىلىق ومىردە، ۇلتى ماڭىزدى ەمەس، باقىتتى، الدە باقىتسىز بولۋ بارىنەن دە ماڭىزدى دەيتىن. ءبىزدىڭ قازىرگى جاقسى تۇرمىسىمىزدى كوزىمەن كورگەن، ول كىسىنىڭ دە كوڭىلى حوش، كۇندەرى الاڭسىز» دەدى كۇلان.

  ۇلتتار ىنتىماعى بۇل شاڭىراق ءۇشىن ۇزىلمەس داستۇرگە اينالىپ كەتكەن. انالارى جىرىنتا وتكەن عاسىردىڭ 90-جىلدارىندا شىباراعاش (بۇرىنعى شاۋەشەك قالالىق ءىشىپ-جەم سەرىكتىگى) قىستاعىندا تالاي رەت ۇلتتار ىنتىماعىندا وزات جەكە داڭقىنا يە بولعان، ەكىنشى قىزى كۇلان 2010-جىلى ايماقتىڭ ۇلتتار ىنتىماعى، العا باسارلىعىنىڭ ۇلگىسى بولسا، باسقا دا ۇل-قىزدارى جانە نەمەرەلەرىنىڭ اراسىندا دا مەكەمە نەمەسە مەكتەپ جاعىنان ماداقتالعاندارى بار.

  توعىسۋ تاتۋلىقتىڭ نەگىزى

  وركەن وتباسىنداعىلار ءار جىلى ءبىر اراعا باس قوسىپ، كوكتەم مەرەكەسى، يۋانشياۋ مەرەكەسى، نادام مەرەكەسى، جۇڭچيۋ مەرە كەسى جانە قۇربان ايت مەرەكەلەرىن وتكىزىپ،مەرەكە شاتتىعىنا شومادى.

  وتباسى باس قوسۋىنداعى تاعامدار ءبىر رەتكى كوپ ۇلت ءدامدى تاعامدار كورمەسى ىسپەتتى. وركەننىڭ موڭعۇل ۇلتىنان العان جۇبايى بىلقىتىپ ەت اسسا؛ قىرعىز اپەكە-قارىنداستارى ءدامى ءتىل ۇيىرەتىن سۇرلەنگەن قازى اكەلىپ پىسىرادى. ال حانزۋ كۇيەۋ بالاسى شۇي شانلۇڭنىڭ شەبەرلىكپەن قۋىرعان بالىق ەتى باستاتقان قۋىرماشتارىن كوپشىلىك ءتىپتى دە ۇناتىپ جەيدى.

  وركەن: «وتباسىمىزداعىلاردىڭ وسكەن ورتاسى، تۇرمىس داعدىسى ۇقساماعانىمەن، ولار ءبىرىن-ءبىرى قۇرمەتتەپ، قارسى جاعىنىڭ ارتىقشىلىعىن ۇيرەنەدى. قازىر وتباسىمىزداعىلار شۇي شانلۇڭ قۋىرعان بالىق پەن  قۋىرماشتارىن دا ۇناتىپ جەيدى، ول ءسۇتتى شاي مەن ەت پىسىرۋعا توسەلىپ قالدى» دەدى.

  ءدامدى تاعامدار ىسپەتتى ۇقساماعان ۇلتتىڭ ۇقساماعان سالت-ءداستۇرى بار. الايدا ورتاق تۇرمىس كەشىرۋ بارىسىندا بۇل وتباسىنداعىلار ءوزارا قۇرمەتتەپ، ءوزارا توعىسۋدى تاڭدادى. شۇي شانلۇڭ مەن كۇلاننىڭ ۇيلەنۋى مىنە مۇنىڭ جارقىن ايعاعى. سالت-ءداستۇردىڭ ۇقساماۋى ولارعا قيىنشىلىق تۋدىرعان جوق.

  2003-جىلى 7-ايدىڭ 6-كۇنى شۇي شانلۇڭ مەن كۇلان ۇيلەنۋ تويىن  وتكىزدى. وسىدان ءبىر كۇن بۇرىن كەشتە، وركەن وتباسىنداعىلار قىرعىز ۇلتىنىڭ ءداستۇرى بويىنشا ۇلتتىق ءداستۇرلى كيىمدەرىن كيىپ، اسقاقتاتا ءان شىرقاپ، بيگە باسىپ، كۇلاننىڭ ۇزاتىلۋ تويىن دۋماندى وتكىزدى. ەكىنشى كۇنى تۇستە ولار حانزۋ ۇلتىنىڭ سالتى بويىنشا كەلىن ءتۇسىرۋ، شاي ۇسىنۋ، اتا- اناعا سالەم بەرۋ سياقتى فورمالارمەن توي سالتىن سالتاناتتى وتكىزدى. سول كۇنى كەشتە ەكى جاقتىڭ ءار ۇلتتان قۇرام تاپقان دوستارى ءبىر اراعا باس قوسىپ، ولاردىڭ باقىتتى كۇنىن بىرگە تويلادى.

  شۇي شانلۇڭ مەن كۇلاننىڭ ۇيلەنگەنىنە 15 جىلدىڭ ءجۇزى بولدى، الايدا ولاردىڭ اراسىندا ۇلكەن ۇرىس-كەرىس بولىپ كورگەن ەمەس، جاراسىمدى، باقىتتى تۇرمىس كەشىرىپ، ەكى بالالى بولدى.

  شۇي شانلۇڭ: «ۇيلەنگەننەن كەيىن ەنەم جىرىنتا ۇنەمى وتباسىمىزعا كەلىپ، بالالارىمىزعا قارايلاسىپ، ءۇي جۇمىستارىنا كومەكتەسىپ تۇردى، وسىلايشا ەنەممەن ارامىزدا قويۋ بارىس-كەلىس ورنادى» دەدى.

  جىرىنتا وقىماعاندىقتان مەملەكەتتە ءبىرتۇتاس قولدانىلاتىن تىلدە سويلەي المايتىن، تەك قاراپايىم ءسوزدى تۇسىنە الاتىن ەدى. شۇي شانلۇڭ دە از ۇلت تىلىندەگى قاراپايىم سوزدەردى تۇسىنەدى، سويلەي الادى. الايدا بۇل ولاردىڭ پىكىر الماستىرۋىنا توسالعى بولا العان جوق. ەنەسى از ۇلت ءتىلىنىڭ قاراپايىم سوزدەرىن سويلەگەندە شۇي شانلۇڭ نە ايتىپ تۇرعانىن تۇسىنگەننەن كەيىن، مەملەكەتتە ءبىرتۇتاس قولدانىلاتىن ءتىل مەن از ۇلت ءتىلىن ارالاستىرىپ، قاراپايىم، ۇعىنىقتى ەتىپ جاۋاپ قايتاراتىن. وسىلايشا ەكەۋى ءبىرىنىڭ ءسوزىن ءبىرى تولىقتاپ، مارە -سارە بولىپ جاتاتىن.

  شۇي شانلۇڭنىڭ شەشەسى دە قىرعىز كە لىنىن وتە جاقسى كورەدى، ۇيلەنگەننەن كەيىن ولار ەكى جاقتىڭ قارتتارىن قۇرمەتتەپ، قىزمەتتەرىن جاۋاپكەرلىكپەن مۇقيات ىستەپ، باقىتتى تۇرمىس كەشىرىپ كەلەدى. شۇي شانلۇڭنىڭ شەشەسى كورشى-قولاڭدارىمەن اڭگىمەلەسكەندە كەلىنىن ۇنەمى ماقتاپ وتىرادى.

  قابا اۋدانىنا ۇزاتىلعان گۇلنار دا ۇيلەنگەننەن كەيىن تاتۋ-ءتاتتى تۇرمىس كەشىرىپ كەلەدى، ول ۇنەمى جولداسى مەن بالالارىن ەرتىپ، شاۋەشەك قالاسىنا كەلىپ، توركىنىنە امانداسىپ تۇرادى. ءار جولى ولار كەلگەندە كوپشىلىك ءبىر اراعا باس قوسىپ، قىزۋ قارسى الادى. بۇل قازاق كۇيەۋ بالالارىنا وركەن وتباسى قاتتى ريزا ەدى. ولار ۇنەمى باس قوسقاندا قاراجورعا بيلەپ، شاتتىققا شومادى.

  وركەن وتباسى بەرەكەنىڭ باستاۋى. اس ۇستەلىنە قويىلعان ءبىر قوراپ ايكۇلشەنى جۇڭچيۋ مەرەكەسىندە كۇيەۋ بالاسى شۇي شانلۇڭ اكەلگەن؛ جاتىن بولمەگە ىلىنگەن موڭعۇل ۇلتىنىڭ ۇلگىسىندەگى كەستەلى سۋرەتتى موڭعۇل تۋىسى تارتۋ ەتكەن؛ ناقىشتى قارفور ىدىستار حانزۋ كۇيەۋ بالاسى مەن دوستارى كەلگەندە شاي ىشۋگە ازىرلەنگەن.

  وركەن: «بۇل بولمە ءار ۇلتتان قۇرام تاپقان تۋىستار مەن دوستاردى قابىلدايدى، سوندىقتان بۇل ۇيدە مۇنداي زاتتاردىڭ تابىلۋى قايران قالارلىق ءىس ەمەس» دەدى. ۇيلەنگەننەن كەيىن جۇبايى ەكەۋى وتباسىنىڭ با قىتى ءۇشىن قۇلشىنا كۇرەس جاسادى، ەكەۋى ۇلتى ۇقساس بولماۋى سەبەپتى شارماياقتاسىپ كورگەن ەمەس، ءوزارا قارايلاسىپ، ءوزارا كومەكتەسىپ كەلەدى.

  وركەن وتباسى شاۋەشەك قالاسى قارا ءدوڭ 5-كوشەسىنە ورنالاسقان، وسىندا ۇزاق جىل تۇرمىس كەشىرۋ بارىسىندا ولار كورشىلەرىمەن جاقىن دوستاردان بولىپ كەتتى.

  بىرنەشە جىلدىڭ الدىندا كورشىسى جۋ يۇڭچۋاننىڭ ۇلى مەن وركەننىڭ بالاسى ايماقتىق جوعارى دارەجەلى 1- ورتا مەكتەپتە بىرگە وقىدى. ءار كۇنى تاڭەرتەڭ بالالاردى وركەن اۆتوكولىكپەن مەكتەپكە اپارۋعا، ال تۇستە جۋ يۇڭچۋان الىپ قايتۋعا كەلىسەدى. وسىلايشا وركەن مەن جۋ يۇڭچۋان ءوزارا سايكەسىپ، جۇمىس بولىسەدى، ال بالالارى بىرگە ەسەيىپ-ەرجەتىپ، بىرگە وقىپ جاقسى دوستارعا اينالادى. جوعارى مەكتەپ ەمتيحانىنان كەيىن ەكى بالا دا بىردەي جوعارى مەكتەپكە قابىلدانىپ، ەكەۋىنىڭ اتا-اناسى ءوزارا  بالالارىنىڭ وقۋعا وتكەنىن قۇتتىقتاستى.

  كورشىسى چىن اتاي وركەنگە كوپتەپ كومەكتەسىپ تۇرادى. وركەن اۋلاسىن تازالاماقشى بولعاندا، ونىڭ قول اربا، كۇرەك سياقتى قۇرال-جابدىقتارىن ءوزىنىڭ مۇلكىندەي ىستەتە بەرەتىن، چىن اتاي دا وعان قۇرال-جابدىقتارىن بەرۋمەن بىرگە ۇنەمى جول كورسەتەدى.

  وركەن: «مەنشە، مەيلى، قاي جەردە بولساق تا ءبارىمىز جۇڭحۋا ۇلتىنىڭ ءبىر مۇشەسىمىز، ءوزارا كومەكتەسىپ، ءوزارا قارايلاسىپ، ءىس جۇزىندىك ارەكەتىمىز ارقىلى ۇلتتار ىنتىماعىن قورعاۋىمىز كەرەك » دەدى.  

  ارمانداعان ەرتەڭىمىز

  2018 -جىلى 10-ايدىڭ 5- كۇنى وركەن وتباسىندا سالتاناتتى باس قوسۋ بولدى. وتباسىنىڭ 23 مۇشەسى ءبىر اراعا جينالىپ، قۋانىشپەن مەملەكەت مەرەكەسىن قارسى الىپ، پارتياعا شەكسىز العىستارىن جاۋدىردى. باس قوسۋدا، كوپشىلىك وتكەندەرىن ەسكە الىپ، قازىرگى باقىتتى تۇرمىستارىنا بولعان اسەرلەرىن بۇكپەسىز اقتارىستى.

  بۇرىن، وركەن وتباسى كوشپەندى تۇرمىس كەشىرىپ، وتكەن عاسىردىڭ 80- جىلدارىندا وتىرىقتانعان ەدى. بۇگىنگى كۇنى بۇل ءۇيدىڭ قىزدارى ۇنەمى ءشوپ شاۋىپ، مالعا ءشوپ سالىپ، ءسۇت ساتقان جاپالى كۇندەرىن ەسكە الىپ وتىرادى. پارتيانىڭ جاقسى ساياساتىنىڭ ارقاسىندا، وركەننىڭ اپەكە -قارىنداستارى ەمتيحاننان ىركىلمەي ءوتىپ، قازىر بارلىعى دا كوپ - كورىم قىزمەتكە ورنالاسقان.

  وركەن قازىرگى اۋلاسىنا كوشىپ كىرگەننەن كەيىن ەكى قاباتتىق شاعىن عيمارات سالدىرتقاندىقتان، كونە ۇيلەرى بوس قالعان. 2018- جىلى 7- ايدا، ول كونە ءۇيىن وتكەن عاسىردىڭ 80- جىلدارىنىڭ تۇرمىستىق ورتاسىن بەينەلەيتىندەي ەتىپ قايتالاي اشەكەيلەپ، ۇقساماعان ءداۋىردىڭ 20 دان اسا بۇيىمدارىن جيناپ، وتباسىلىق مۇراجاي قۇرادى.

  وسى وتباسىلىق مۇراجايدان وزدەرىنىڭ بۇرىن القا -قوتان وتىرىپ، تاماق جەپ، شاي ىشكەن اعاش ستولىن، اعايىندىلاردىڭ ىستەتكەن اعاش توسەكتەرىن، قولمەن اينالدىراتىن كيم تىگۋ ماشيناسىن، راديو قابىلداعىش، تەلەۆيزور سياقتى بۇيىمدارىن كورەسىز.

  وركەن جۇڭگو پوچتا امانات بانكەسى تارباعاتاي بولىمشەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا شاۋەشەك قالاسى قاراقاباق اۋىلى شيانفىڭ قىستاعىندا تۇراتىن قىزمەت اترەتىنىڭ ورىنباسار باستىعى، قىستاققا تۇسكەننەن كەيىن ول پارتيا ۇيىمىنىڭ باسشىلىعىندا شيانفىڭ قىستاعىنىڭ قوعامدىق ورتاسى بارعان سايىن جاراسىمدى دا ورنىقتى بولعانىن، حالىق تۇرمىسى كۇننەن –كۇنگە جاقسارعانىن، قىستاقتىڭ ۇلتتار ىنتىماعى دوستىق قيمىلى دا قىزعىندى ءجۇرىلىپ جاتقانىن ءوز كوزىمەن كورەدى.

  وركەن: «بۇل وتباسىلىق مۇراجايدى قۇرۋداعى ماقساتىم، جاستارعا بۇرىنعى تۇرمىستى كورسەتىپ، قازىرگى باقىتتى تۇرمىستىڭ وڭايلىقپەن قولعا كەلمەگەندىگىن ۇعىندىرۋ» دەدى. بۇگىنگى كۇندە ۇلتتار ىنتىماعىنىڭ رايى بارعان سايىن قويۋلاستى، ىرگەمىزدە بولىپ جاتقان ۇلتتار ىنتىماعىنىڭ اڭگىمەسىن ۇنەمى ەستيمىز. ۇلتتار ىنتىماعىنىڭ دوستىق قيمىلىنا ۇدايى قاتىناسامىز. سوندىقتان ول دا وتباسىلىق مۇراجاي قۇرۋ ارقىلى ءوزىنىڭ ءبىر كىسىلىك ۇلەسىن قوسىپ، كوپشىلىكتى ۇلتتار ىنتىماعىن بىرلىكتە قورعاۋعا شاقىردى.

  كورمەگە قويىلعان بۇيىمداردىڭ ىشىندەگى قىزىل رەڭدى شكاف كوزگە ەلەۋسىز كورىنگەنىمەن، ونى وركەن ارنايى ون نەشە كيلومەتر جول باسىپ، شىباراعاش قىستاعىندا تۇراتىن تۋىسىنىڭ ۇيىنەن الىپ كەلگەن. سول جىلدارى تۇرمىسى ءۇپى-ءتاپى وتكەن شەشەلەرى جىرىنتا ۇيدەگى بارلىق جيعان -تەرگەنىن وسى شكافقا سالىپ ساقتاپ قوياتىن. ءار جولى بالالارىن وقۋعا اتتاندىراردا، وقۋ جانە تۇرمىس قاراجاتىن وسى قىزىل رەڭدى شكاپتان الىپ شىعىپ، بالالارىنىڭ قولىنا ىجداعاتتىلىقپەن ۇستاتاتىن.

  كەيىن كەلە بۇل شكاف تۋىستارىنىڭ ۇيىندە قالادى. وركەن كوپشىلىككە تۇرمىستىڭ قانشالىق جاپالى ەكەنىن سەزىندىرۋ ءۇشىن تۋىستىڭ ۇيىنەن ارناۋلى اۆتوموبيلمەن بارىپ وسى ءبىر شكافتى «قايتارىپ» الىپ كەلگەن.

  كورمەگە قويىلعان بۇيىمداردىڭ ىشىنەن وركەن وتباسىنىڭ ەرتەدە ىستەتكەن ات شاناسىن دا بايقايسىز. بۇل تۋرالى وركەن: «بالا كەزىمدە اتقا، ۆەلوسيپەدكە، كەيىن موتوتسيكلگە مىنگەم، قازىر جەكەلىك اۆتوكولىگىم بار. وسى قاتىناس قۇرالدارىنىڭ وزگەرىسىنەن-اق مەكەننىڭ زور وزگەرىسىن، پارتيا مەن ۇكىمەتتىڭ ساياساتىنىڭ سونشالىق جاقسى ەكەنىن سەزىنۋگە بولادى» دەدى.

  بۇل جىلدارى جىرىنتا ۇل- قىزدارىنىڭ ۇيىنە كەزەكپەن بارىپ تۇرادى ءارى ۇنەمى جاستىق شاعىنداعى تۇرمىستان اڭگىمە قوزعاپ وتىرادى.

  «انامىز بىزگە ۇنەمى بۇگىنگى جاقسى تۇرمىسىمىز ءۇشىن كوممۋنيستىك پارتياعا العىس ايتۋىمىز كەرەك. جۇڭگو كوممۋنيستىك پارتياسى بولماسا، ءبىر ءۇيلى جان ساحارادا ءالى دە مال باعىپ، كوشپەندى تۇرمىس كەشىرىپ جۇرەتىن ەدىك دە، مۇنداي تاماشا ورتانى ويلاۋعا دا باتىلىمىز بارماس ەدى دەپ وتىراتىن» دەيدى وركەننىڭ اپەكەسى قىجىكەي.

  ەكى جىلدىڭ الدىندا، شەشەلەرى جىرىنتا ناۋقاس سەبەپتى وپەراتسيا جاساتىپ، 400 مىڭ يۋان قاراجات جۇمسالادى، ەمدەتۋگە كەتكەن اقشا از بولمادى. ءبىراق ۇل – قىزدارى قولدان كەلگەنىنشە قامقورلىق جاساپ، كۇش شىعارعانى كۇش، اقشا شىعارعاندارى اقشا شىعاردى. وپەراتسيادان كەيىن دەنساۋلىعىنىڭ قالپىنا كەلۋى ويداعىداي بولدى. شيپاحانادان شىققان سوڭ كوپ وتپەي قالا-اۋىل تۇرعىندارىنىڭ ەمدەلۋىن قامسىزداندىرۋ ارقىلى ەسەپتەن كوتەرگەن 80 مىڭ يۋان ەمدەۋ قاراجاتى شەشەيدىڭ بانكە كارتۋچكاسىنا كىرەدى.

  «ەسەپتەن كوتەرگەن اقشانىڭ كوپ ەكەنىن بىلگەننەن كەيىن شەشەم اۋىز جاپپاي كوممۋنيستىك پارتيا جاقسى، ماعان ەمدەلۋ قاراجاتىن بەردى دەپ العىسىن ءبىلدىردى» دەدى شۇي شانلۇڭ.

  وتباسىلىق مۇراجاي اشەكەيلەنىپ بولعاننان سوڭ، ەڭ الدىمەن كورشى-قولاڭدار، دوس -جاراندار كەلىپ ەكسكۋرسسيالايدى دا كەتەدى. ويلاماعان جەردەن، بۇل شاعىن وتباسىلىق مۇراجاي كوپشىلىكتىڭ جاقسى باعاسىنا يە بولادى.

  كورشىسى قايرات: «بۇل مۇراجايدا كورگىزبەگە قويىلعان بۇيىمدار كوپ بولماعانىمەن، بارلىعى دا ۋاكىلدىك بۇيىمدار. كورگەن جەردەن-اق، وسىناۋ جىلدارداعى زور وزگەرىستى تولىق كورسەتىپ بەرەدى» دەيدى.

  وركەن ءار جولى ەكسكۋرسسيالاعالى كەلگەن تۇرعىندارعا ءاربىر بۇيىمنىڭ تاريحى مەن ءوز وتباسىنىڭ حيكاياسىن اڭگىمەلەپ بەرەدى. ول وسى تاسىلمەن كوپشىلىككە تۇرمىستىڭ وزگەرىسىن ناقتى جەتكىزۋگە بولادى دەپ قارايدى.

  «بۇل وتباسىلىق مۇراجاي كولەمدى ەمەس، ءبىراق وسى بۇيىمدار ارقىلى وتباسىمىزدىڭ حيكاياسىن اڭگىمەلەۋىمىزگە بولادى، - دەگەن وركەن جالعاستى،- مەيلى قايسى ۇلت بولسىن، جۇڭحۋا ۇلتى بارلىعىمىزدىڭ ورتاق ەسىمىمىز؛ مەيلى، قاي جەردە جاساپ جاتساق تا، بارلىعىمىز وتانىمىزدىڭ ءبىر مۇشەسىمىز. تەك بارلىعىمىز ءبىر اراعا ۇيىسىپ، ىشتەسىپ ارالاسقاندا عانا ءوز ەرەكشەلىگىمىزبەن ۇلتتار ىنتىماعى سىندى ۇلكەن سەنترلەس شەڭبەردى سىزىپ شىعۋىمىزعا بولادى. پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسىپ، كوركەم بولاشاقتى بىرگە جاراتامىز» دەدى.

  بۇگىنگى كۇنى وركەننىڭ وتباسىلىق مۇراجايى شاۋەشەك قالاسىنىڭ وتانشىلدىق تاربيە بازاسىنا اينالدى. بۇدان كەيىن ءتىپتى دە كوپ ءار ۇلت تۇرعىندارىن وسى اراعا كەلىپ، وركەن وتباسىنىڭ حيكاياسىن ەستيدى.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn