ءتىلشىمىز سۇڭ جيانلياڭ ىلەدەن حابارلايدى. 1-ايدىڭ 25 -كۇنى تۇستەن بۇرىن ىلە قازاق اۆتونوميالى وبلىستىق 14-كەزەكتى حالىق قۇرىلتايىنىڭ 3-ءماجىلىسى قۇلجا قالاسىندا اشىلدى. وبلىسقا توتە قاراستى ورىنداردان، تارباعاتاي ايماعىنان، التاي ايماعىنان كەلگەن اۆتونوميالى وبلىستىق حالىق قۇرىلتايىنىڭ 401 ۋاكىلى بۇكىل وبلىستاعى ءار ۇلت حالقىنىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا جۇكتەلگەن قاسيەتتى بورىشتارىن اسقاق ايبىنمەن وتەمەك.
اۆتونوميالى وبلىستىڭ باستىعى قۇرماش سىرجان ۇلى اۆتونوميالى وبلىستىق حالىق ۇكىمەتى اتىنان ۇكىمەت قىزمەتىنەن بايانداما جاسادى.
قۇرماش سىرجان ۇلى قوعام ورنىقتىلىعىندا كەزەڭدىك نىسانانىڭ ءساتتى ورىندالعاندىعى، «ءۇش ءىرى قامال الۋ شايقاسىندا» العاشقى جەڭىسكە قول جەتكىزىلگەندىگى، «ءۇش ءتۇرلى» ءتۇيىندى قىزمەتتە ونىمدىلىكتىڭ كورنەكتى بولعاندىعى، رەفورما جاساپ، جاڭالىق اشۋدا ومىرشەڭدىك كۇشتىڭ ۇزدىكسىز نىعايعاندىعى، حالىق تۇرمىسىنىڭ ۇزدىكسىز جاقسارتىلعاندىعى، ۇلتتاردىڭ ىنتىماقتى، ءدىننىڭ جاراسىمدى بولعاندىعى، توعىسپالى دامۋدىڭ تىڭعىلىقتى ىلگەرىلەتىلگەندىگى، ۇكىمەت قۇرىلىسىنىڭ ۇزدىكسىز تەرەڭدەتىلگەندىگى سياقتى جاقتاردان وتكەن ءبىر جىلعى باستى قىزمەتتەرگە شولۋ جاسادى.
قۇرماش سىرجان ۇلى بىلاي دەدى: 2018-جىل _ قيىندىقتاردان تايسالماي، قايراتتانا كۇرەس جاساعان ءبىر جىل بولدى. ناتيجەلەر وڭايلىقپەن قولعا كەلمەدى. مىنە، بۇل اۆتونوميالى رايوندىق پارتكوم مەن اۆتونوميالى وبلىستىق پارتكومنىڭ پارمەندى باسشىلىعىنىڭ ناتيجەسى؛ شينجياڭعا كومەكتەسەتىن ولكە-قالالاردىڭ قالتقىسىز كومەكتەسۋىنىڭ ناتيجەسى؛ اۆتونوميالى وبلىستىق حالىق قۇرىلتايىنىڭ، ساياسي كەڭەستىڭ باقىلاۋىنىڭ، قولداۋىنىڭ ناتيجەسى؛ وبلىستا تۇراتىن اسكەري بولىمدەردىڭ، ءوندىرىس-قۇرىلىس بيڭتۋانىنىڭ جانە قوعامنىڭ ءار سالاسىنداعىلاردىڭ ورتاق قۇلشىنۋىنىڭ ناتيجەسى؛ بۇكىل وبلىستاعى قالىڭ كادرلار مەن بۇقارانىڭ ىنتىماقتاسا كۇرەس جاساۋىنىڭ ناتيجەسى.
ءماجىلىس رەفورما جاساعان، ەسىك اشقان 40 جىلدىق تاريحتى ەسكە الۋ تۇرعىسىنان وبلىستىڭ جاعدايىن قايتالاي تانۋدى تەرەڭدەتىپ، بۇرىنعى ناتيجەلەر مەن ساتسىزدىكتەردى، ارتىقشىلىقتار مەن ولقىلىقتاردى تەرەڭ قورىتىندىلاپ، جاڭا جاعداي، جاڭا مىندەت الدىندا «سەگىزدەن، ءسوزسىز، بۇلجىماۋ» ماڭىزدى پرينسيبىن ايقىن العا قويىپ، جاڭا تاريحي ساحنادا قانداي ۇستامدىلىقتى جانە كۇيدى ساقتاۋ كەرەك، قانداي ءادىس – شارالار مەن جولدا تاباندى بولۋ كەرەك دەگەن كەلەلى ماسەلەلەردى ايقىنداپ بەردى.
قۇرماش سىرجان ۇلى بىلاي دەدى: 2019-جىلى مىناداي 10 جاقتاعى ءتۇيىندى قىزمەتتى ويداعىداي ىستەۋىمىز كەرەك. ءبىرىنشى، زەيىن-قۋاتتى باس نىساناعا شوعىرلاندىرىپ، جوعارى ساپالى دامۋعا ورنىقتى، جاراسىمدى قوعامدىق ورتا ازىرلەۋ؛ ەكىنشى، «ءۇش ءىرى قامال الۋ شايقاسىن» ءۇرتىس جاقسى جۇرگىزىپ، جاپپاي دوڭگەلەك داۋلەتتى قوعام قۇرۋداعى ولقىلىقتاردى كۇش سالا تولىقتاۋ؛ ءۇشىنشى، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تايانىش ءتۇيىنى قۇرىلىسىن جەدەلدەتىپ، سىرتقا ەسىك اشۋدى جاپپاي ىلگەرىلەتۋ؛ ءتورتىنشى، اۋىل-قىستاقتى كوركەيتۋ ستراتەگياسىن كۇش سالا اتقارىپ، اۋىل شارۋاشىلىعىنىڭ، اۋىل-قىستاقتىڭ وسىزاماندانۋىن جەدەلدەتۋ؛ بەسىنشى، ساياحات ارقىلى شينجياڭدى كوركەيتۋ ستراتەگياسىن ىشكەرىلەي تياناقتاندىرىپ، ەكونوميكانى دامىتۋدىڭ جاڭا ابزالدىلىقتارىن جاراتۋ؛ التىنشى، تۇلعالى ەكونوميكانى كۇش سالا دامىتىپ، وسى زامانعى كاسىپ جۇيەسىن جەدەل قۇرۋ ؛جەتىنشى، ءتۇيىندى سالالاردىڭ رەفورماسىن ورنىقتى ىلگەرىلەتىپ، ەكونوميكالىق دامۋدىڭ ومىرشەڭدىك قۋاتىن ۇزدىكسىز كۇشەيتۋ؛ سەگىزىنشى، نەگىزدىك قۇرىلعىلارداعى ولقىلىقتاردى جەدەل تولىقتاپ، دامۋ تەبىنىن ونان ارى ارتتىرۋ؛ توعىزىنشى، ۇلتتار ىنتىماعىن بەكەمدەپ جانە دامىتىپ، ءدىن ىستەرىن زاڭ بويىنشا باسقارۋ؛ ونىنشى، حالىق تۇرمىسى قۇرىلىسىن كۇش سالا مىقتى يگەرىپ، ءار ۇلت بۇقاراسىنىڭ تابىس سەزىمىن ارتتىرۋ.
قۇرماش سىرجان ۇلى تاعى بيڭتۋاننىڭ رەفورماسى مەن دامۋىن قولداۋ، شينجياڭعا باعىتتامالى كومەكتەسۋ قىزمەتىن جاقسى ىستەۋ، مەملەكەت قورعانىسى مەن اسكەري قوسىن قۇرىلىسىن قولداۋ، حالىق رازى بولاتىن ۇكىمەت قۇرۋ سياقتى جاقتاردا تۇسىنىك جاسادى.
ايماق باسشىلارىنان مۇقيات، سالتانات عينايات قىزى ءتوراعالار مىنبەسىنەن ورىن الدى، ىلەدەگى مەملەكەتتىك حالىق قۇرىلتايىنىڭ ۋاكىلدەرى مەن وسى رەتكى ماجىلىسكە سىرتتاي قاتىناساتىن ۋاكىلدەر، ساياسي كەڭەس ىلە وبلىستىق 13-كەزەكتى كوميتەتىنىڭ 3-ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى