ءتىلشىمىز سۇڭ جيانلياڭ ىلەدەن حابارلايدى. ءتورت كۇنگە جالعاسقان ىلە وبلىستىق 14 – كەزەكتى حالىق قۇرىلتايىنىڭ 3 – ءماجىلىسى ءتۇرلى كۇن تارتىپتەرىن تابىسپەن ورىنداپ، 1 – ايدىڭ 28 – كۇنى تۇستەن كەيىن جەڭىسپەن جابىلدى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاۋ تيانجيە ءماجىلىستى باسقاردى.
ماجىلىستە ۋاكىلدەر داۋىسقا سالۋ ارقىلى باس بەلەت باقىلاۋشىنى، بەلەت باقىلاۋشىنى سايلاپ شىقتى. ولار سايلاۋ بەلەتىن تاراتۋ، بەلەت تاستاۋ، بەلەت ەسەپتەۋ قىزمەتتەرىنە باقىلاۋ جۇرگىزدى. جيا ي – شىڭ، نۇرجان مامەت اۆتونوميالى وبلىستىق 14 – كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلىگىنە؛ ەلەۋبەك ناقىسبەك ۇلى، ما جىمەي اۆتونوميالى وبلىستىق 14 – كەزەكتى حالىق قۇرىلتايى تۇراقتى كوميتەتىنىڭ مۇشەلىگىنە؛ ۋ جيان اۆتونوميالى وبلىستىق باقىلاۋ – تەكسەرۋ كوميتەتىنىڭ مەڭگەرۋشىلىگىنە سايلاندى.
ءماجىلىس ۇكىمەت قىزمەتىنەن بايانداما جونىندەگى قاۋلىنى داۋىسقا سالىپ ماقۇلدادى؛ اۆتونوميالى وبلىستىڭ 2018 – جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى وبلىستىڭ 2019 – جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلداپ، اۆتونوميالى وبلىستىڭ 2019 – جىلعى حالىق شارۋاشىلىعى مەن قوعامدىق دامۋ جوسپارى جونىندەگى باياندامانى بەكىتتى؛ اۆتونوميالى وبلىستىڭ 2018 – جىلعى مەجە ەسەبىنىڭ اتقارىلۋ جاعدايى جانە اۆتونوميالى وبلىستىڭ 2019 – جىلعى مەجە ەسەبى جونىندەگى قاۋلىنى داۋىسقا سالىپ ماقۇلداپ، اۆتونوميالى وبلىستىڭ 2019 – جىلعى وبلىس دارەجەلى مەجە ەسەبىن بەكىتتى.
ءماجىلىس اۆتونوميالى وبلىستىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى حالىق سوتى مەكەمەسى ىلە بولىمشەسىنىڭ، اۆتونوميالى وبلىستىق حالىق پروكۋراتۋراسىنىڭ قىزمەت بايانداماسى جونىندەگى قاۋلىلاردى داۋىسقا سالىپ ماقۇلداپ، وسى 3 باياندامانى بەكىتۋدى ۇيعاردى.
ءماجىلىستىڭ ءتۇرلى كۇن تارتىپتەرى اياقتاعان سوڭ جاۋ تيانجيە ءسوز سويلەدى. ول بىلاي دەدى: وسى رەتكى ءماجىلىس مەزگىلىندە ۋاكىلدەر پارتيانىڭ كەلەلى تاپسىرماسىن ارقالاپ، حالىق تىلەگىنە ۋاكىلدىك ەتىپ، نەگىزگى زاڭ مەن زاڭداردا بەرىلگەن جاۋاپكەرشىلىك مىندەتىن ادالدىقپەن ادا ەتتى. وسى رەتكى ءماجىلىس پارتيا ورتالىق كوميتەتىنىڭ، اۆتونوميالى رايوندىق پارتكومنىڭ شەشىمدەرى مەن وبلىستىق پارتكومنىڭ تالاپتارىن ىشكەرىلەي دايەكتىلەندىرگەن، باستان - اياق دەموكراتيالى، ىنتىماقتى، شىنشىل، العا باسقان تاماشا اۋان قالىپتاستىرعان، يدەيانى بىرلىككە كەلتىرگەن، كۇش ۇيىستىرعان، سەنىمدى بەكەمدەگەن، جىگەرلەنە العا ىلگەرىلەگەن ءماجىلىس بولدى. وسى رەتكى ءماجىلىستىڭ تۇتاس وبلىسىمىزداعى ءار ۇلت حالقىن قوعام ورنىقتىلىعى مەن باياندى تىنىشتىق جاڭا جاعدايىن اشۋعا اناعۇرلىم جۇمىلدىراتىندىعى جانە شابىتتاندىراتىندىعى ءسوزسىز.
جاۋ تيانجيە بىلاي دەدى: 2019 - جىل - جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام قۇرۋ شايقاسىندا جەڭىسكە جەتۋدەگى شەشۋشى جىل، قوعام ورنىقتىلىعى مەن باياندى تىنىشتىقتى جۇزەگە اسىرىپ، «جەر ۇيىعى» - جاڭا ىلە قۇرۋداعى ماڭىزدى جىل. تۇتاس وبلىسىمىزداعى ءار دارەجەلى حالىق قۇرىلتايى ۇيىمدارى مەن حالىق قۇرىلتايى ۋاكىلدەرى دۇرىس ساياسي باعىتتان جازباي، پارتيانىڭ باسشىلىعىن حالىق قۇرىلتايىنىڭ زاڭ بويىنشا مىندەت وتەۋىنىڭ جالپى بارىسىنا، حالىق قۇرىلتايى قىزمەتىن تياناقتاندىرۋدىڭ ءتۇرلى جاقتارىنا ءسىڭىرىپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ شەشىم - ورنالاستىرۋلارى مەن اۆتونوميالى وبلىستىق پارتكومنىڭ قىزمەت ورنالاستىرۋلارىن بۇكىل وبلىسىمىزداعى ءار ۇلت حالقىنىڭ ورتاق ماقساتى مەن ءىس جۇزىندىك ارەكەتىنە اينالدىرۋ كەرەك.
ءماجىلىس مىناعان ۇندەدى: تۇتاس وبلىستاعى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۆتونوميالى رايوندىق پارتكومنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن باتىل دايەكتىلەندىرىپ، زەيىن - قۋاتتى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، «1 + 3 + 3 + رەفورما جاساۋ، ەسىك اشۋ» قىزمەت ورنالاستىرۋىن تىعىز توڭىرەكتەپ، سۇبەلى ناتيجەلەرمەن جاڭا جۇڭگو قۇرىلعاندىعىنىڭ 70 جىلدىعىن قارسى الايىق.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى