ءتىلشىمىز سۇڭ جۇنفاڭ حابارلايدى. 1-ايدىڭ 31-كۇنى اكىمشىلىك مەكەمەسى 2019-جىلعى التىنشى رەتكى پارتيا باسشىلىق گرۋپپاسى (كەڭەيتىلگەن) ءماجىلىسى جانە 2019-جىلعى 1-رەتكى ۋاليلەر قىزمەت ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات ءماجىلىستى باسقاردى.
ءماجىلىس باس شۋجي شي جينپيڭنىڭ 2019-جىلعى جاڭا جىلدى قۇتتىقتاۋ ءسوزىن جانە «ورتالىقتىڭ 8 ءتۇرلى بەلگىلەمەسىن اتقارۋ ەرەجەسىن» جەتكىزدى، ۇيرەندى.
ءماجىلىس مىنالاردى تالاپ ەتتى: قالىڭ پارتيا مۇشەلەرى مەن كادرلار، اسىرەسە پارتيالى باسشى كادرلار ورتالىقتىڭ 8 ءتۇرلى بەلگىلەمەسى مەن ونى اتقارۋ ەرەجەسىنىڭ كەلەلى ءمانىن تەرەڭ تانىپ، ساياسي جاۋاپكەرشىلىك ارقالاۋدى كۇشەيتىپ، ستيل قۇرىلىسىنىڭ ىشكەرىلەي دامۋىن ۇزدىكسىز ىلگەرىلەتۋ كەرەك. ساياسي دەڭگەيدى بيىكتەتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، پارتيا ورتالىق كوميتەتىنىڭ شينجياڭدى جونگە سالۋ جوباسىمەن، اسىرەسە، قوعام ورنىقتىلىعى مەن باياندى تىنىشتىق باس نىساناسىمەن بىرلىككە كەلتىرىپ، «ورتالىقتىڭ 8 ءتۇرلى بەلگىلەمەسىن اتقارۋ ەرەجەسىن» قاتاڭ دايەكتىلەندىرىپ، تياناقتاندىرىپ، جوعارى ولشەم بەلگىلەپ، قاتاڭ تالاپ قويۋعا تاباندى بولىپ، تاباندىلىقپەن ستيلگە بۇرىلىس جاساپ، پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋ ستراتەگيالىق ورنالاستىرۋلارىنىڭ تارباعاتايدا تياناقتانىپ، تامىر تارتىپ، ناقتى ونىمدىلىك جاراتۋىنا كەپىلدىك ەتۋ كەرەك.
ءماجىلىس مىنالاردى باسا دارىپتەدى: پاكتىك تانىمىن كۇشەيتۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19-قۇرىلتايىنىڭ رۋحىن ىشكەرىلەي ۇيرەنىپ، پارتيا ۋستاۆىن، پارتيا قاعيداسىن، پارتيا ءتارتىبىن ىشكەرىلەي ۇيرەنىپ، «ءتورت تانىمدى» ارتتىرىپ، «ءتورت سەنىمدى» بەكەمدەپ، «ەكىنى قورعاۋدى» باتىلدىقپەن ورىنداپ، سەنىمنىڭ نەگىزىن اناعۇرلىم بەكەمدەپ، ءتارتىپتىڭ ارقاۋىن شيراتىپ ۇستاپ، تومەنگى شەككە، قىزىل سىزىققا سوقتىقپاۋدى سانالى ورىنداپ، تاماشا ستيلمەن ءتۇرلى قىزمەتتىڭ تياناقتانۋىن ىلگەرىلەتۋ كەرەك.
ءماجىلىس «تارباعاتاي ايماعىنىڭ 12345 حالىققا قولايلى قىزمەت وتەۋ ىستىق لەنيا قۇرىلىسىن اتقارۋ جوباسى»، «تارباعاتاي ايماعىنىڭ قازىنالىق شىعىستى باسقارۋدى جۇيەلىلەندىرىپ، ەكونوميكانىڭ جوعارى ساپالى دامۋىنا قولداۋ كورسەتۋ جونىندەگى اتقارۋ پىكىرى»، «تارباعاتاي ايماعىنىڭ كوز الداعى جانە مۇنان بىلايعى ءبىر مەزگىلدەگى جۇمىستانۋدى جەبەۋ قىزمەتىن جاقسى ىستەۋ جونىندەگى اتقارۋ پىكىرى» سياقتى قۇجاتتاردى اقىلداسىپ، ماقۇلدادى. ءماجىلىس تاعى كوز الداعى ورنىقتىلىقتى قورعاۋ قىزمەتىنە، بۇقارالىق قىزمەتكە، مەرەكە كەزىندەگى بازاردىڭ قامداۋ قىزمەتىنە، مەرەكە كەزىندەگى پاكتىك قىزمەتىنە، كوكتەمگى تاسىمال قىزمەتىنە ورنالاستىرۋ جاسادى.
ءماجىلىس بەينە-ەكران ءماجىلىسى فورماسىندا اشىلدى. ايماق باسشىلارىنان ياڭ ليۋ، الي، نۇرمامەت نۇردۇن، يان فىڭ ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى