قۇرمەتتى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرعان كادرلاردىڭ وتباسىنداعىلار:
سالەمەتسىزدەرمە!
كوكتەم مەرەكەسى بايلانىسىمەن ايماقتىق «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى كەڭسەسى تۇتاس ايماقتاعى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا (الەۋمەتتىك اۋماق) تۇرعان كادرلاردىڭ وتباسىنداعىلارعا مەرەكەلىك سالەم جولدايدى جانە سىزدەردەن شىنايى حال سۇرايدى!
جۇرتشىلىق ءۇشىن قانشالىقتى تەر توكسەڭ، كوڭىلدەرىنەن سونشالىقتى ورىن الاسىڭ. وتكەن ءبىر جىلدا تۇتاس ايماعىمىزداعى قىستاقتا تۇراتىن قالىڭ كادرلار شىلىڭگىر ىستىققا، قاقاعان سۋىققا قاراماستان تۇرعىندار وتباسىلارىن ارالاپ، جاعدايلارىن ۇعىسىپ، قيىنشىلىقتارىن شەشىمدەپ، ءۇمىت سيلاپ شىنايى سۇيىسپەنشىلىكتەرىمەن جۇرت جۇرەگىن جىلىتتى. ءدال سولاردىڭ جاپالى، ناقتى ەڭبەگىنىڭ ناتيجەسىندە اۋىل-قىستاققا قۇبىر سۋ جەتكىزىلىپ، قىستاق جولى كەڭىپ، كوشە شىراقتارى ورناتىلىپ، جۇرتشىلىقتىڭ كوڭىل سارايى جايناپ، جۇرەكتەرى جىلىپ، جىگەرلەرى تاسقىنداي ءتۇستى. مۇنىڭ بارلىعى قىستاقتا تۇرعان قالىڭ كادرلاردىڭ بار ىنتا-پەيىلىمەن ىستەگەن ەسەلى ەڭبەگىنىڭ جەمىسى. مۇنان دا ماڭىزدىسى قىستاقتا تۇراتىن جالپى كادرلار وتباسىنداعىلاردىڭ ءتۇسىنۋى مەن قولداۋىنىڭ ناتيجەسى. 2018-جىلى تارباعاتاي ايماعىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىندە قولعا كەلگەن ناتيجەلەردىڭ بارلىعىنا سىزدەردىڭ بەرگەن بوداۋلارىڭىز بەن شىنايى ۇلەستەرىڭىز سىڭگەن.
نازاردى، كۇش-قۋاتتى باس نىساناعا شوعىرلاندىرىپ، «5+2+1» ءتۇيىندى مىندەتىن تياناقتاندىرۋ بارىسىندا، قىستاقتا تۇراتىن قالىڭ كادرلار نەگىزگى ساتىعا تامىر تارتىپ، ءوز وتباسىنا قارايلاسا الماي قىستاقتا جاتىپ قىزمەت ىستەدى. سىزدەر وتباسىنا قاراۋ، قارتتاردى كۇتىمدەۋ، بالالاردى باعۋ مىندەتىن وزدىكتەرىڭىزدەن ۇستىلەرىڭىزگە الىپ، الدىڭعى شەپتەگى «جاۋىنگەرلەردىڭ» كوڭىلىن ورنىقتىرىپ، الاڭسىز قىزمەت ىستەپ، جۇرتشىلىققا باقىت جاراتۋىنا مۇمكىندىك جاسادىڭىزدار. سىزدەردىڭ تەلەفوندا ايتقان ءاربىر تىلەكتەرىڭىزدىڭ، ءۇنحاتتا جولداعان ءاربىر سالەمدەرىڭىزدىڭ بارلىعى قىستاقتا تۇراتىن كادرلارعا ەڭ زور قولداۋ سانالىپ، باس نىسانانى جۇزەگە اسىرۋ جولىندا قۇلشىنا العا ۇمتىلۋىنا زور شابىت بەرىپ كەلەدى.
ءار رەتكى مەرەكەدە، اسىرەسە، كوكتەم مەرەكەسى سىندى بارلىق وتباسى تۋىس- تۋعاندارىمەن باس قوسىپ جاتقان ەرەكشە كۇندەردە جاقىندارعا دەگەن ساعىنىش ارتا تۇسەدى. الايدا، قىستاقتا تۇراتىن قالىڭ كادرلار ءوز وتباسىلارىن قايىرىپ قويىپ، ۇلكەن شاڭىراقتىڭ قامىن ويلاپ، ءبىرىنشى شەپتە اتويلاپ، قىزمەت ورنىندا تاپجىلماي ىستەپ، نەگىزگى ساتىنىڭ بەرەكە-بىرلىگى مەن تىنىشتىعىن قورعاۋمەن بىرگە، وتباسىنداعىلارعا جۇرەك تۇكپىرىنەن شىققان ىزگى تىلەكتەرىن ارناپ كەلەدى. ولار جاڭا ءداۋىر، جاڭا ساپارداعى ەڭ سۇيىكتى جاندار!
«مەن كەدەيلىكتەن ارىلتۋدان قامال الۋدىڭ الدىڭعى شەبىندە شايقاس جاساپ جاتقان جولداستاردى ۇنەمى ەسكە الامىن، قىستاقتاردا تۇراتىن 2 ميلليون 800 مىڭنان استام كادر، ءبىرىنشى شۋجي قىزمەتكە بار ىنتاسىمەن بەرىلىپ، كۇشتى تەبىنمەن كىرىستى، ءسوزسىز، دەنساۋلىقتارىڭىزدى ايالاڭىزدار». باس شۋجي شي جينپيڭنىڭ ىقىلاسى مەن ساعىنىشى، نەگىزگى ساتىنىڭ ءبىرىنشى شەبىندە كۇرەس جاساپ جاتقان قىستاقتا تۇراتىن قالىڭ كادرلارعا قاراتىلعان ەڭ جاقسى تىلەك، مۇنان دا ماڭىزدىسى، ارتقى شەپتە ءۇن-ءتۇنسىز ۇلەس قوسىپ جاتقان سىزدەرگە قاراتىلعان ەڭ ۇلكەن ماداق سانالماق. قىستاقتا تۇرعان كادرلار سىزدەرگە راقىمەت ايتادى، ۇيىم سىزدەرگە راقىمەت ايتادى، نەگىزگى ساتىداعى جۇرتشىلىق سىزدەرگە راقىمەت ايتادى.
شايقاس دابىلى تىڭ جورىققا شاقىرادى. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ۇدايىلاندىرىپ، ۇزاق ونىمدىلىككە يە ەتىپ، تۇزىمدەندىرىپ ىلگەرىلەتۋدىڭ «شايقاس دابىلى» قاعىلدى. بىلەك سىبانا قۇلشىنىپ ىستەپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنىڭ جاپپاي تىڭ ورەگە، تىڭ ساتىعا كوتەرىلۋىن ۇزدىكسىز ىلگەرىلەتكەندە عانا، بورىشىمىزدى ادا ەتىپ، تاپسىرمانى ورىنداپ، ءداۋىردىڭ كۇتكەن ۇمىتىنەن شىعا الامىز. مۇنى كۇرەسشەڭدەر عانا ماڭگىلىك جالعاستىرا الادى! جاڭا ءداۋىر، جاڭا ساپاردا سىزدەردىڭ قىستاقتا تۇراتىن كادرلاردى اۋەلگىدەي ءتۇسىنىپ جانە قولداۋ كورسەتىپ، ولارعا كوپتەپ قامقورلىق جاساپ، ولاردىڭ نەگىزگى ساتىدا قابىلەت دارىندارىن ساۋلەلەندىرىپ، بەرىلە ىستەپ، ناتيجە جاراتىپ، پارتيا ءۇشىن جاۋاپكەرشىلىك ارقالاپ، مەملەكەتتىڭ جۇگىن ءبولىسىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا، تارباعاتايداعى ءار ۇلت جۇرتشىلىعىن ءتىپتى دە تاماشا، باقىتتى تۇرمىسقا كەنەلتۋلەرىنە مۇمكىندىك جاساۋلارىڭىزدى ءۇمىت ەتەمىز!
كوكتەم مەرەكەلەرىڭىزدىڭ كوڭىلدى، دەنساۋلىقتارىڭىزدىڭ مىقتى، ىستەرىڭىزدىڭ ءساتتى بولۋىنا تىلەكتەسپىز.
تارباعاتاي ايماقتىق «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسى كەڭسەسى
2019 -جىلى 2-ايدىڭ 1-كۇنى
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى