وركەن وتباسىنداعى باس قوسۋ داستارقانى

  2-ايدىڭ 2-كۇنى شاۋەشەك قالاسىنىڭ اۋا تەمپەراتۋراسى نولدەن تومەن ون التى گرادۋسقا جەتتى، ىزعىرىق سوعىپ تۇرعانىمەن، كۇن شۇعىلاسىن شاشىپ، اپپاق قار بەينە كۇمىس مونشاقتاي جارقىرايدى. شاۋەشەك قالاسى قارا ءدوڭ 5-كوشەسىندەگى وركەننىڭ ۇيىنە بارعانىمىزدا، اۋلا ءىشى رەتتى ءارى تازا، تىنىش ەكەن.

  وركەن جۇڭگو پوچتا امانات بانكەسى تارباعاتاي ايماقتىق بولىمشە بانكەسىندە ىستەيتىن قىرعىز قىزمەتكەر. بۇل كۇنى موڭعۇل جۇبايى بايىرقى ەكەۋى تاڭ اتىسىمەنەن قاربالاستىققا ءتۇسىپ، الىستان كەلەتىن تۋىستارىن قارسى الۋدىڭ قامىنا كىرىستى.

  وركەننىڭ وتباسى كوپ ۇلتتى وتباسى، 23 وتباسى مۇشەسى قىرعىز، موڭعۇل، قازاق، حانزۋ سياقتى 4 ۇلتتان قۇرام تاپقان. بيىلعى باس قوسۋ داستارقانىنا التاي ايماعى قابا اۋدانىندا قىزمەت ىستەيتىن ءۇشىنشى قارىنداسى گۇلناردىڭ وتباسى قىزمەت قاربالاستىعى سەبەبىنەن ۇلگىرىپ كەلە الماعانىنان تىس، باسقا تۋىس-تۋعاندارى سول كۇنى ىلگەرىندى-كەيىندى ۇلگىرىپ جەتتى.

  وركەننىڭ ۇيىندە وتباسىلىق مۇراجاي بار، ونىڭ ىشىنە وسى وتباسىنىڭ تاريحى مەن وتباسىنا قاتىستى اڭگىمەلەرى ەستەلىككە الىنعان، ءار جىلى كوپشىلىك باس قوسقاندا، جاستار ۇلكەندەردىڭ مەرەكەسىن قۇتتىقتاپ بولعاننان كەيىن، وسى مۇراجايعا بارىپ ەكسكۋرسيالايدى.

  «بۇل وتباسىلىق مۇراجايدى قۇرۋداعى ماقساتىمىز، جاس ۇرپاقتارعا بۇرىنعى تۇرمىستى كورسەتۋ ارقىلى قازىرگى باقىتتى تۇرمىستىڭ وڭايلىقپەن قولعا كەلمەگەنىن سەزىندىرۋ. جاستاردى تىعىز ىنتىماقتاسا وتىرىپ، پارتيانىڭ قامقورلىعىنا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسۋگە ۇندەۋ» دەدى وركەن.

  كوپ ۇزاماي باس قوسۋ داستارقانى اشىلدى! داستارقانعا ءار ۇلتتىڭ ەرەكشەلىككە يە ءدامدى تاعامدارى مەن قۋىرماشتارى تىزىلگەن، وسى شاڭىراقتىڭ ءۇرىم-بۇتاقتارى ءدامدى تاعامداردان ءلاززاتتانىپ، اڭگىمە دۇكەنىن قۇردى...

  سۋرەتتە: ءبىر ءۇيلى جان القا-قوتان وتىرىپ، باس قوسۋ داستارقانىنان ءدام تاتىپ، تۇرمىس جاعدايلارىنان سىر شەرتىسۋدە.
  سۋرەتىن تارتىپ، حابارلاعان ءتىلشىمىز ۋي لينا

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى