ءتىلشىمىز لي شيا حابارلايدى. 2-ايدىڭ 2-كۇنى اكىمشىلىك مەكەمەسى اۋىل – قىستاقتى كوركەيتۋ ستراتەگياسىن جەبەۋ ارناۋلى تاقىرىپتىق ءماجىلىسىن اشتى، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات ءماجىلىستى باسقاردى.
ءماجىلىس ورتالىقتىڭ 2017-جىلعى اۋىل-قىستاق قىزمەتى ءماجىلىسى رۋحىن، اۆتونوميالى رايوننىڭ 2018-جىلعى اۋىل-قىستاقتى كوركەيتۋ ستراتەگياسىن جەبەۋ ءماجىلىسى رۋحىن جەتكىزىپ، ۇيرەنىپ، «تارباعاتاي ايماعىنىڭ اۋىل-قىستاقتى كوركەيتۋ ستراتەگياسى جوباسىن اتقارۋ جوباسىنىڭ (2022-2018) تالقى نۇسقاسى» جونىندەگى تۇسىنىكتى تىڭدادى.
ءماجىلىس مىنالاردى اتاپ كورسەتتى: اۋىل-قىستاقتى كوركەيتۋ ستراتەگياسىن اتقارۋ _ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ ناقتىلى بەينەسى، اۋدان-قالالار مەن قاتىستى تاراۋلار ساياسي دەڭگەيدى جوعارىلاتىپ، اۋىل-قىستاقتى كوركەيتۋ ستراتەگياسىن اتقارۋدىڭ ماڭىزدىلىعى مەن كوكەي تەستىلگىن ىشكەرىلەي تانۋى كەرەك.
ءماجىلىس مىنالاردى تالاپ ەتتى: ايماقتىڭ بايلىق قاينارى ابزالدىلىعىن تولىق ساۋلەلەندىرىپ، «استىق ءتۇسىمىن ورنىقتىرۋ، ماقتا ەگىسىن ساپالىلاندىرۋ، مال شارۋاشىلىعىن جەبەۋ، جەمىس شارۋاشىلىعىن كۇشەيتۋ، ەرەكشە شارۋاشىلىقتاردى گۇلدەندىرۋدى» ارقاۋ ەتە وتىرىپ كاسىپ قۇرىلىمىن ساپالىلاندىرۋ، رەتكە سالۋ؛ جاڭاشا كاسىپتىك شارۋالاردى تاربيەلەۋ تەبىنىن ارتتىرىپ، شارۋالاردىڭ كاسىپتىك قابىلەتىن ءوسىرىپ، اۋىل-قىستاقتى كوركەيتۋ دارىندىلارى قوسىنىن زورايتۋ؛ «ءبىزدىڭ جۇڭگو ارمانىمىز _ مادەنيەتتى سان مىڭ وتباسىلارىنا جەتكىزۋ» قيمىلىن دانەكەر ەتىپ، اۋىل-قىستاق يدەيا، مادەنيەت شەبىن بەكەمدەۋ؛ اۋىل-قىستاقتىڭ قونىستانۋ ورتاسىن وڭاۋ قيمىلىن جاپپاي اتقارىپ، اۋىل-قىستاقتىڭ جاسىل دامۋىن جەبەۋ؛ اۋىل-قىستاق كوللەكتيۆ مال-مۇلكى ۇقىعى ءتۇزىمى رەفورماسىن تەرەڭدەتىپ، اۋىل-قىستاق پارتيا قۇرىلىسى مەن نەگىزگى ساتى ۇيىمدىق قۇرىلىسىن كۇشەيتۋ كەرەك.
ءماجىلىس مىنانى باسا دارىپتەدى: اۋدان-قالالار مەن تاراۋلار ۇيىمدىق باسشىلىقتى كۇشەيتىپ، ءار دارەجەلى كادرلاردىڭ جاۋاپكەرشىلىك ارقالاپ، ىسكەرلىك كورسەتۋىن جەبەپ، تۇتاس قوعامنىڭ كۇشىن بارىنشا توپتاپ، اۋىل شارۋاشىلىقتىڭ جاپپاي دارەجەسىنىڭ جوعارىلاۋىن، اۋىل-قىستاقتىڭ جاپپاي العا باسۋىن، شارۋالاردىڭ جاپپاي دامۋىن جەبەۋ كەرەك.
ءماجىلىس بەينە ەكران ءماجىلىسى فورماسىندا اشىلدى، ايماق باسشىلارىنان ياڭ ليۋ، الي، نۇرمامەت نۇردۇن، ايدىن قابىكەن ۇلى، ايماققا توتە قاراستى قاتىستى تاراۋلاردىڭ جاۋاپتى جولداستارى نەگىزگى ءماجىلىس مايدانىندا ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى