گۇلدەي قۇلپىرعان ءومىر

  فان حۇڭمەيدىڭ شاۋەشەك قالاسى ارگۇڭ قالاشىعى زوگۇڭسى قىستاعىندا گۇل دۇكەنىن اشقانىنا ءۇش جىلدان استى، 300 نەشە شارشى مەترلىك گۇل باعىندا ەگىلگەن مىڭنان اسا گۇل ونىڭ كوڭىل قويىپ باپتاۋىندا قۇلپىرا ءتۇستى.

  فان حۇڭمەي گۇل باعىنا «گۇل ءۇنى» دەپ ات قويادى. گۇل باعىنا كىرە قالساڭىز، بەينە گۇلدى القاپتا تۇرعانداي كۇي كەشەسىز، اسەم الپەنشەك، ماندارين، بۇل جەردەگى الۋان ءتۇرلى گۇل- شوپتەر كوزدىڭ جاۋىن الىپ، بۇكىل گۇل باعى تىرشىلىك تىنىسىنا تولدى.

  فان حۇڭمەي كۇنى بويى گۇل-ءشوپتى اينالسوقتاپ باپتاۋمەن ابىگەر بولادى.

  فان حۇڭمەي: «ءبىز ءار كۇنى گۇل باعىنا ەرتە كەلىپ، قاشا جاساۋ، گۇل بۇتاقتارىن شىرپۋ، سۋارۋ، تىڭايتقىش بەرۋ، مايسا ءوسىرۋ سياقتى جۇمىستارمەن ابىگەر بولامىز......نەشە كۇننەن بەرگى اۋا تەمپەراتۋراسىنىڭ تومەندەۋىنە بايلانىستى، ءار كۇنى تۇندە  گۇل باعىنداعى پار قازانعا ءار ءۇش ساعاتتا ءبىر رەت كومىر جاعامىز» دەدى.

  قازىر فان حۇڭمەيدىڭ ساۋداسى كۇننەن-كۇنگە كۇسەت بولىپ، جىلدىق تازا كىرىسى  100 مىڭ يۋاننان استى، وسىنداي كۇندەلىكتى قاربالاستىققا ول دا ۇيرەنىپ كەتكەن.

  باستابىندا ونىڭ گۇل-ءشوپ ەگۋ تاجىريبەسى كەمشىل بولعاندىقتان، گۇل-ءشوپ تيجاراتىن العاش باستاعان كەزدە كوپتەگەن بوداۋ بەرەدى. گۇل-ءشوپ ءوسىرۋ تەحنيكاسىن تەز يگەرۋ ءۇشىن، فان حۇڭمەي ۇنەمى بوس ۋاقىتتان پايدالانىپءۇرىمجى، شىحىزى سياقتى جەرلەردىڭ گۇل ەگىمشىلىك بازاسىنا بارىپ ەكسكۋرسيالاپ، ۇيرەنىپ، ماڭىنداعى گۇل-ءشوپ بازارلارىنىڭ جاعدايىن ۇعىسىپ تۇرادى ءارى تاجىريبەسى مول باعبانداردى ۇسىنىس ەتىپ، تەحنيكالىق جاقتان كەڭەس الادى.

  فان حۇڭمەي: «قازىر گۇل باعىنىڭ تيجاراتى ارناسىنا ءتۇستى، جاڭا جىلدا ساۋدامنىڭ ءتىپتى دە كۇسەت بولۋىمەن بىرگە، كوبىرەك ۋاقىت شىعارىپ ءومىردەن ءلاززات العىم كەلەدى» دەدى.

  سۋرەتتە: كوبەلەك جىلانقياعى قاريدارلاردىڭ ەرەكشە القاۋىنا بولەنگەندىكتەن، فان حۇڭمەي وسى گۇلدى باپتاۋعا كوپ ۋاقىت جۇمسايدى.
  سۋرەتىن تارتىپ، حابارلاعان ءتىلشىمىز چي نا

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى