ءتىلشىمىز جاڭ پەيچي حابارلايدى. 2-ايدىڭ 11-كۇنى اكىمشىلىك مەكەمەسى 2019-جىلعى جەتىنشى رەتكى پارتيا باسشىلىق گرۋپپاسى (كەڭەيتىلگەن) ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات ءماجىلىستى باسقاردى.
ءماجىلىس 2-ايدىڭ 11-كۇنگى ايماقتىق پارتكومنىڭ مۇشەلەر (كەڭەيتىلگەن) ءماجىلىسىنىڭ جانە ايماقتىق پارتكوم وزەكتى گرۋپپاسىنىڭ 5-رەتكى كوللەكتيۆ ۇيرەنۋىنىڭ قىزمەت تالاپتارىن جەتكىزىپ، ۇيرەنىپ، ايماقتىڭ سۋ قويمالارىنداعى حاۋىپسىزدىك كومەسكى قاتەرى ماسەلەلەرىن وڭاۋ-تۇزەتۋ قىزمەتى، مەملەكەتتىك جاراتىلىستىق بايلىقتاردى باقىلاۋ-تەكسەرۋ شي-ان مەكەمەسىنىڭ داعدىلى باقىلاۋ-تەكسەرۋدە اڭىس ەتكەن پىكىرلەر بويىنشا تۇزەتۋ قىزمەتى سياقتى جاعدايلار جونىندەگى دوكلاتتى تىڭدادى.
ءماجىلىس مىنالاردى باسا دارىپتەدى: اۋدان-قالالار مەن تاراۋلار سۋ قويمالارىنىڭ حاۋىپسىزدىك كومەسكى قاتەرى ماسەلەلەرىن وڭاۋ-تۇزەتۋدى تەكسەرىپ انىقتاۋعا ءمان بەرۋى؛ ساياسي دەڭگەيدى جوعارىلاتىپ، شالاعايلىقتاردى مۇقيات تەكسەرىپ، كەم-كەتىگىن تولىقتاۋ؛ وڭاۋ-تۇزەتۋ تالاپتارىن قاتاڭداستىرىپ، كومەسكى قاتەرلەردى تۇبىرىنەن، ۇزاق بولاشاقتى كوزدەي وتىرىپ الاستاۋ؛ ۇزاق ونىمدىلىككە يە مەحانيزم قۇرىپ، ارحيۆ تۇرعىزىپ، كارتۋچكا ورناتىپ، سۋ قويما سايىن ارحيۆ تۇرعىزىپ، ايماعىمىزداعى سۋ قويمالاردىڭ اينالىم جاعدايىن دەر كەزىندە ديناميكالى يەلەپ، تۇتاس ايماقتاعى سۋ قويمالاردىڭ حاۋىپسىز، ورنىقتى، اقاۋسىز اينالىمىنا تۇسۋىنە كەپىلدىك ەتۋ كەرەك.
ءماجىلىس مىنالاردى تالاپ ەتتى: ساياسي دەڭگەيدى جوعارىلاتىپ، جەردەن پايدالانۋ جانە ونى باسقارۋ ورەسىن ۇزدىكسىز جوعارىلاتىپ، ايماقتىڭ ورنىقتىلىق، رەفورما، دامۋ جالپى جاعدايىن ءتىپتى دە جاقسى قامتاماسىز ەتۋ جانە وعان قىزمەت وتەۋ؛ وڭاۋ-تۇزەتۋ جاعدايىنا ىشكەرىلەي تەكسەرۋ جۇرگىزىپ، جاپپاي رەتكە سالىپ، مۇقيات تەكسەرىپ تۇراقتاندىرۋ؛ جەر باسقارۋدىڭ ۇزاق ونىمدىلىككە يە مەحانيزمىن كەمەلدەندىرىپ، قىزمەت بىرىككەن كۇشىن قالىپتاستىرىپ، جەردى باسقارۋ قىزمەتىنىڭ تىڭ ساتىعا كوتەرىلۋىن جەبەۋ كەرەك.
ءماجىلىس تاعى جاقىنعى مەزگىلدەگى ورنىقتىلىق قىزمەتى، ەلەۋلى قاۋىپ-حاتەرلەردەن ساقتانۋ، جويۋدان قامال الۋ شايقاسى، حاۋىپسىز ءوندىرىس قىزمەتى سياقتى جاقتارعا ورنالاستىرۋ جاسادى.
ءماجىلىس بەينە ەكران ءماجىلىسى فورماسىندا اشىلدى. ايماق باسشىلارىنان ياڭ ليۋ، الي، نۇرمامەت نۇردۇن، يان فىڭ، ايدىن قابىكەن ۇلى ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى