ەەڭ جاڭا مازمۇندار
ءۇش فازالى ەلەكتر جەتكىزىپ،تۇرعىنداردى رازى ەتتى
مىڭ گۇيليڭ مەن ءۇش تۋىسىنىڭ ەتەنە قاتىناسى
ەنەرگيا ۇنەمدەپ،ىعىستىرۋ مولشەرىن ازايتۋ ۇگىتىن جۇرگىزدى
جاسىل ساپار،تومەن كومىرتەكتى تۇرمىس
بيڭتۋان مەن جەرلىك ورىن اۋقاتتانۋ تاجىريبەلەرىن ءوزارا ۇيرەندى
ريزۋان مامەتتىڭ «ءتاتتى كاسىبى»
2020-جىلى 7-ايدىڭ 13-كۇنى 145-سان
2020-جىلى 7-ايدىڭ 11-كۇنى 144-سان
پارتيا مەن حالىق ەڭ قاجەت ەتكەن جەردە جاستىق جالىنىن لاۋلاتتى
شاعانتوعاي اۋدانى ءتۇرلى شارالاردى قاتار قولدانىپ،جازعى استىق ساتىپ الۋ-ساقتاۋدى قامتاماسىز ەتتى
تالپىن ءۇي اشەكەيلەۋ جۇمىسىمەن شۇعىلدانىپ،اۋقاتتانۋ جولىنا ءتۇستى
ماقتا شىرپيتىن كەز كەلدى
نەگىزگى تاقىرىپتىق پارتيا كۇنى قيمىلى پارتيالىلىقتى سىننان وتكىزدى
قايتالاي جۇمىستانىپ،باقىتتى تۇرمىسقا تالپىندى
اسفالت جول سالىنىپ،جۇرت قۋانىشقا بولەندى
ورتالىق تەلەۆيزياسىنىڭ ساحناسىندا ونەر كورسەتىپ،ارماندارى جۇزەگە استى
2020-جىلى 7-ايدىڭ 10-كۇنى 143-سان
نەگىزگى زاڭدى ۇيرەنۋ ۇگىت-تاربيەسىن كۇشەيتىپ، ايماقتى زاڭمەن جونگە سالۋدى ىلگەرىلەتۋ كەرەك لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە باتىل قول جەتكىزىپ،ەكولوگيالىق ورتانى قورعاۋ كەرەك
كورىنىسى كوركەم ەگىنجاي
ايماقتىق حالىق قۇرىلتايى قىزمەت كوميتەتى 2020-جىلعى 2-رەتكى ءماجىلىسىن اشتى
شاعانتوعاي: كۇمىس شاعالانى قۇتقاردى
تومەنگى قاراۇڭگىر قىستاعى كىشى-گىرىم ىستەردەن ەلەۋلى ناتيجە جاراتتى
كەدەيلەردى سۇيەمەلدەۋ جولىندا شىنايى سۇيىسپەنشىلىگى ارقىلى بۇقارانىڭ سەنىمىنە يە بولدى
ساۋان اۋدانى رايون ىشىندەگى سەلبەستىك ارقىلى ءپايزاۋات اۋدانىنىڭ كەدەيلىكتەن ارىلتۋدان قامال الۋىنا كۇش ۇستەدى
ساقا پارتيا مۇشەلەرىنەن حال سۇرادى
قىستاق تۇرعىندارىنىڭ تازالىق دارەتحاناسىن سالۋىنا كومەكتەستى
«كەلىنى جاقسى ءۇيدىڭ كەرەگەسى التىن»
مىڭ مەترلىك گۇل ءدالىزىنىڭ كوركى كوز تارتادى
تەلەگراف الدامشىلىعىنان ساقتانۋ ۇگىتىن جۇرگىزدى
شي جينپيڭ جۇڭگو-اراب ەلدەرى سەلبەستىك تالقى مىنبەرىنىڭ 9-كەزەكتى مينيستر دارەجەلىلەر ماجىلىسىنە قۇتتىقتاۋ حات جولدادى

حانزۋ قارىنداسىمىز ءبىزدىڭ قورمالىمىز

جولدانعان ۋاقىتى : 2019/2/15 11:48:39


  تىلشىلەرىمىز ديدار سەرىك قىزى، زىڭ جاۋمەي حابارلايدى. «جۇبايىمنىڭ ماقالا جازۋىنا جەتەكشىلىك ەتىپ، بىزگە تۇرمىستىق بۇيىم ۇسىنىپ، بالامىزعا كيىم-كەشەك الىپ بەردى، تۋىلعان كۇنىن وتكىزدى...»

  2-ايدىڭ 10-كۇنى، تۋىستىق قاتىناس ورناتقان تۋىسى شۇي فاڭدى اۋىزعا العاندا، ساۋان اۋدانى قورقىس قالاشىعى ءار داۋان قىستاعىنىڭ تۇرعىنى سامەت اڭگىمە تيەگىن اعىتا جونەلدى، ول: «مەنىڭ بۇل حانزۋ قارىنداسىم وتە جاقسى، ول ءبىزدىڭ قورمالىمىز» دەدى.

  2-ايدىڭ 2-كۇنى سامەتتىڭ قىزى ءزىناپتىڭ 12 جاسقا تولعان تۋىلعان كۇنى. شۇي فاڭ ءزىناپتىڭ تۋىلعان كۇنىن وتكىزىپ بەرمەكشى بولىپ، بالكۇلشەسىن كوتەرىپ كەلگەندە ەسىكتەن كىرەر-كىرمەستەن ونى كورگەن ءزىناپ الىستان قۇشاعىن اشىپ، «اپاي امانسىز با، اپاي امانسىز با» دەپ قۋانىپ كەتتى.

  شۇي فاڭ ءزىناپتىڭ بەتىنە بەتىن تيىستىرىپ، ونى ىستىق قۇشاعىنا باسىپ، امان-سالەمدەرى اياقتاعان سوڭ، ەكەۋى ودان ارى شۇيىركەلەسىپ، كوڭىلدى اڭگىمەنىڭ كورىگىن اعىتىپ جاتقاندا باۋىرى يقسان سامەت مىنا جاقتا جىلاي جونەلدى. ودان بۇل جىلاۋىنىڭ سەبەبىن سۇراعانىمىزدا: «اپاي نەلىكتەن اپەكەمە عانا سويلەپ، مەنىمەن نەگە سويلەسپەيدى، مەن دە ونى وتە جاقسى كورەتىن تۇرسام» دەدى.

  شۇي فاڭ دەرەۋ يقساندى قۇشاعىنا باسىپ ۋاتتى. شۇي فاڭ اپايىنىڭ شارشاپ قالۋىنان الاڭداعان يقسان وتىرىپ سويلەڭىز دەپ جىگى-جاپار بولدى.

  وسى ءبىر كەزدەسۋ مەن اماندىق-سالەم ىقىلاسىنان-اق سامەت وتباسى مەن شۇي فاڭنىڭ اراسىنداعى تەرەڭ سۇيىسپەنشىلىكتى اڭعارۋعا ابدەن بولادى.

  شۇي فاڭ ساۋان اۋداندىق قوعام حاۋپسىزدىگى مەكەمەسىنىڭ كۋالىك ءبىتىرۋ زالىندا قىزمەت ىستەيدى، ول ءۇيىنىڭ جار دەگەندە جالعىز بالاسى. سامەت وزىنەن ون جاس كىشى حانزۋ قارىنداسى شۇي فاڭمەن تۋىستىق قاتىناس ورناتقاننان كەيىن، وتباسىنداعى ۇلكەندى-كىشىلى جۇمىستىڭ بارلىعىن وسى قارىنداسىنا ايتادى، كوپتەگەن ىستەردە شۇي فاڭ كومەكتەسىپ، اقىل كورسەتىپ وتىرادى.

  سامەت: «جۇبايىم بۇرىن ساۋدا سارايىندا ساتۋشى بولىپ ىستەيتىن كەزىندە ونىڭ مىندەتى ساۋدا سارايىنىڭ قاريدارلارىنا ۇنەمى تەلەفون سوعىپ، ساۋدا سارايىنداعى تيىمدىلىك قيمىلدارىنا قاتىناسۋدى ۇقتىرۋ بولاتىن. مەملەكەتتە ءبىرتۇتاس قولدانىلاتىن تىلدە سويلەۋى ناشار ول قاريدارلارعا تەلەفون سوققاندا، كەيبىر سوزدەردى تولىق جەتكىزە المايتىندىقتان، بارىنە شۇي فاڭ كومەكتەسىپ سوڭىنا شىعاراتىن. قىزىم سىرقاتتانىپ قالعاننان كەيىن، جۇبايىم قىزمەتكە شىعا المادى دا، ۇيدە مەن عانا كوتەرمە جۇمىس ىستەپ قالدىم، راسىندا، قاتتى قينالدىق. بالا مەن ۇيگە قاراۋعا قولايلى بولۋى ءۇشىن شۇي فاڭ كومەكتەسىپ، جۇبايىما جاقىن ماڭنان جۇمىس تاۋىپ بەردى» دەدى.

  شۇي فاڭ ءار جولى سامەتتىڭ ۇيىنە بارعاندا ەكى بالاسىنا كيىم-كەشەك، سومكە، قاۋىرسىن دوپ سياقتى بۇيىمداردى اپارىپ بەرەدى. ءزىناپ اۋرىپ ماناس اۋدانىنا ناۋقاسىن كورسەتۋگە باراردىڭ الدىندا شۇي فاڭ 200 يۋان اقشا اكەلىپ ۇستاتادى. بۇل ۇيگە كەلىپ ءار جولى اتتاناردا ەكى بالا بىردەي شۇي فاڭدى قۇشاقتاپ، جىبەرگىلەرى كەلمەي قالادى.

  سامەتتىڭ جۇبايى نۇرىم مامەت: «بۇنداي حانزۋ ءسىڭلىمنىڭ بولعانى قانداي جاقسى، ۇنەمى تەلەفون نەمەسە ءۇنحات ارقىلى اڭگىمەلەسىپ تۇرامىز» دەدى.

  «مەن شۇي فاڭنان ءار كەز كومەك سۇراي بارعانىمدا، ول قىزمەتىنىڭ قاربالاس ەكەندىگىن كولدەنەڭ تارتپاي-اق كومەكتەسەدى، ەكى جىلدىڭ الدىندا تۋىستىق قاتىناس ورناتقان تۋىسىمىز جوق كەزدە مەن باسقالاردىڭ تۋىسىنا ەرەكشە قىزىعا قارايتىنمىن؛ قازىر باسقالار سەنىڭ تۋىسىڭ، شىنىندا، كەرەمەت جاقسى دەپ ماعان تامسانا قارايتىن بولدى، مەن قاتتى قۋانىشتامىن، ءوزىمدى باقىتتى سەزىنەمىن، وتباسىممەن بىرلىكتە مەملەكەتتە ءبىرتۇتاس قولدانىلاتىن ءتىلدى جالعاستى قۇلشىنا ۇيرەنەمىن» دەدى نۇرىم.

  شۇي فاڭنىڭ ايتىسىنشا، ۇيعۇر اعاسى سامەت جانە ونىڭ وتباسىنداعىلارعا قولىنان كەلگەن كومەگىن كورسەتۋ ول ءۇشىن وتە كوڭىلدى،وتە باقىتتى ءىس.

  «مەنىڭشە ۇقساماعان ۇلتتار تۋىستىق قاتىناس ورناتىپ، تۋىس بولۋ، ءوزارا ىشتەسىپ، توعىسىپ، مادەنيەت، سالت-ءداستۇر سياقتى جاقتاردان ءبىر-ءبىرىنىڭ ارتىقشىلىعىن ۇيرەنىپ، كوپشىلىكتىڭ جاقسى جاققا، وڭ ەنەرگيا باعىتىنا قاراي دامۋ وتە ماعىنالى ءىس بولماق» دەدى شۇي فاڭ.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn