ءتىلشىمىز زىڭ جاۋمەي حابارلايدى. قازىر ساۋان اۋدانى شيگوبي قالاشىعى قىزىلشوقى اترەتىنىڭ مالشىلارى، اسىرەسە، قىستاۋلىقتاعى مالشىلار مەن قىستاق كوميتەتى كەڭسەسىنەن شالعايدا تۇراتىن مالشىلار ءوز ۇيلەرىندە مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋمەن بىرگە، قىزمەت اترەتىنىڭ جىلجىمالى ساباقحاناسىنىڭ كەلۋىن اسىعا كۇتەدى.
ساۋان اۋدانى شيگوبي قالاشىعى قىزىلشوقى قىستاعىنىڭ مالشىسى ماينۇر توقتاسىن قىزى جاقىندا: «قىزمەت اترەتىنىڭ مۇشەلەرى ساباق وتۋگە كەلسە ءوزارا ۇيرەنۋ، تاجىريبە الماستىرۋ ورايىنا يە بولامىز، كورشىممەن الدىڭعى رەت ۇيرەنگەن مازمۇنداردى پىسىقتاي الامىن. قىزمەت اترەتىنىڭ مۇشەلەرىنە راقىمەت. ولار، راسىندا، جاپا شەكتى، ءبىز قۇلشىنا ۇيرەنەمىز» دەدى.
ماينۇردىڭ ءۇيى قىستاق كوميتەتىنەن 35 كيلومەتر شالعايداعى دۋپودي وتىرىقتاندىرۋ تۇيىنىندە تۇرادى. ساۋان اۋداندىق دامۋ- رەفورمالاۋ كوميتەتىنىڭ قىزىلشوقى قىستاعىندا تۇراتىن قىزمەت اترەتى جىلجىمالى ساباقحانا اشىپ، مالشىلارعا مەملەكەتتە ءبىرتۇتاس قولدانىلاتىن ءتىل-جازۋ ۇيرەتكەننەن باستاپ، ماينۇر ەرەكشە ءمان بەرىپ كەلەدى. وقىتۋشىنىڭ بەرگەن تاپسىرماسىن مۇقيات ورىنداپ، ءتىپتى دە كوپ حانزۋ ءارپىن جاقسى ۇيرەنۋ، بەكەمدەۋ، تانۋ ءۇشىن، ادەتتە تولىق ورتا مەكتەپتە وقيتىن ۇلىمەن ءۇنحاتتا مەملەكەتتە ءبىرتۇتاس قولدانىلاتىن ءتىل-جازۋمەن سويلەسەدى.
ماينۇر: «ۇلىم الدىمەن تۇرار جايىمىزدىڭ ءادىرسى، جەر اتى سياقتى مازمۇنداردى ۇيرەتتى، قالاي وقىلاتىنىن بىلمەگەندە ۇلىممەن ءۇنحاتتا سويلەسىپ سۇرايمىن، تانيتىن مالشىلاردان دا سۇراپ الامىن» دەدى.
دۋپودي وتىرىقتاندىرۋ تۇيىنىندە تەك 7 مالشى وتباسى بار، جىلجىمالى ساباقحانا ءار رەت مالشى ازاتتىڭ ۇيىنە ورنالاستىرىلادى، ول بۇعان قۋانۋمەن بىرگە، وسى ۇيرەنۋ ءتاسىلىن ۇناتادى ەكەن. ول: «مەن وسى مالشىلاردىڭ ىشىندەگى جاسىمىن، حانزۋ ساباقتاستارمەن بىرگە وقىعانمىن، قازىر دە ۇمىتا قويعان جوقپىن. كورشىلەرىم مەنەن سۇراسا، ماقتانىش سەزىنەمىن،وتە قۋانامىن. اسىرەسە، اكەممەن، ايەلىممەن بىرگە مەملەكەتتە ءبىرتۇتاس قولدانىلاتىن ءتىل-جازۋدى ۇيرەنگەنىمە ءوزىمدى وتە باقىتتى سانايمىن» دەدى.
شيگوبي قالاشىعى جۋاڭلاڭمياۋ ءوڭىرى قىستاق كوميتەتىنەن 20 كيلومەتر شالعايداعى تاۋ جولىنا ورنالاسقان، نەبارى 5 مالشى وتباسىنىڭ ارالىعى 2 دە 3 كيلومەتردەن اسقانىمەن، مالشى مۇقامەتقان حالىق ۇلىنىڭ ۇيىندە مەملەكەتتە ءبىرتۇتاس قولدانىلاتىن ءتىل-جازۋ ۇيرەتىلەتىنى جونىندەگى حاباردى ەستي سالا بارلىعى ەرتە جينالادى.
مۇقامەتقاننىڭ ۇلى قاپاس: «ءبىر ءۇيلى جان وسىنداي ۇيرەنۋ ءتاسىلىن ۇناتامىز، ادەتتە قىستاق كوميتەتىنە بارىپ ۇيرەنۋ بىزگە قولايسىزدىق اكەلەدى. شىنىن ايتقاندا، مەنىڭ مەملەكەتتە ءبىرتۇتاس قولدانىلاتىن ءتىل-جازۋدى جاقسى ۇيرەنگىم كەلەدى، بۇرىن مەملەكەتتە ءبىرتۇتاس قولدانىلاتىن ءتىل-جازۋ ورەم تومەن بولىپ، قارىم-قاتىناس جاساعانعا قينالعاندىقتان، زاۆودتا قىزمەت ىستەي المادىم، سوندىقتان جاقسى ۇيرەنۋىم كەرەك. قىزمەت اترەتى مۇشەلەرىنىڭ ۇيىمىزگە كەلىپ مەملەكەتتە ءبىرتۇتاس قولدانىلاتىن ءتىل-جازۋدى ۇيرەتكەنىنە راقىمەت ايتامىن» دەدى.
مالشىلاردىڭ مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋگە ءمان بەرۋ دارەجەسىن جوعارىلاتۋ ءۇشىن، قىزمەت اترەتى مەيلى، قىستاۋ نەمەسە جايلاۋ بولسىن، مالشىلار قايدا بارسا، ەگىنشى-مالشىلار مەكتەبىنىڭ جىلجىمالى ساباقحاناسىن سول اراعا كوشىرىپ وتىردى.
قىزمەت اترەتىنىڭ مۇشەسى شىن شينيۇي: «قىستاق كوميتەتىنىڭ ماڭىنداعى مالشىلار ءبىر اراعا جينالىپ شوعىرلى ۇيرەنگەننەن تىس، جىلجىمالى ساباقحانادان بەسەۋىن قۇردىق ءارى كادرلارىمىز وزدەرىنىڭ جۇپ قۇراعان تۋىستارىنىڭ جاعدايىنا ۇشتاستىرا وتىرىپ، قولفون ىستەتە الاتىندارىنا مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋگە قاتىستى كەسكىن جولداپ، ولاردىڭ كەز كەلگەن ۋاقىتتا ۇيرەنۋىنە قولايلىلىق جاراتتى» دەدى.
جىلجىمالى ساباقحانانىڭ تىرەكتى مۇعالىمى رەتىندە مادي ىرىسبەك ۇلى ساباق ءوتۋ بارىسىندا ۇزدىكسىز تاجىريبە قورىتىندىلاپ وتىردى. ول: «كەلەسى قادامدا مالشىلارعا بەلگىلەنگەن مازمۇنداردى ۇيرەتۋدەن سىرت، قاتىناس حاۋىپسىزدىگىنە قاتىستى زاڭدار مەن زاڭ-ەرەجەلەردى جانە كوپ كەزىگەتىن جول بەلگى تاقتالارىنداعى مازمۇنداردى ۇيرەتپەكشىمىن، ويتكەنى مالشى جاستاردىڭ بارلىعىندا اۆتوموبيل بار، مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ولاردىڭ اۆتوموبيلدى حاۋىپسىز جۇرگىزۋ قۋاتىن جوعارىلاتۋلارىنا ءتيىمدى، بۇل قىزمەت وتە ءماندى دەپ تۇسىنەمىن» دەدى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى