ەەڭ جاڭا مازمۇندار
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى
اۋقاتتانۋ شەبەرلەرى شارۋالار شاتتىعى ساياجايىن اشىپ، قىستاق تۇرعىندارىءوز جەرلەرىندە كاسىپتەندى
تيانشان جابايى قىزىل بۇعىسى بايقالدى
كوشە جاڭالانىپ، قالا شت-جاڭا بەينەگە ەندى
نازاردى باس نىساناعا شوعىرلاندىرىپ، قۇرىلىم رەفورماسىن تەرەڭدەتۋ جەتىستىكتەرىن بەكەمدەپ، رايونىمىزدىڭ رەفورمانى جاپپاي تەرەڭدەتۋىنىڭ ىشكەرىلەي دامۋىن ىلگەرىلەتۋ كەرەك
تولى مىنە وسىنداي كوركەم
«ولار ءبىزدىڭ ۇيرەنەتىن ۇلگىمىز»

قىراعىلىقتى ارتتىرىپ، دۇرىس پەن بۇرىستى ايىرىپ، ءار ۇلت حالقىنىڭ كورىكتى مەكەنىن بىرلىكتە قورعايىق

جولدانعان ۋاقىتى : 2019/2/19 19:25:03

تارباعاتاي ايماقتىق حالىق قۇرىلتايى قىزمەت كوميتەتى پارتيا باسشىلىق گرۋپپاسىنىڭ مۇشەسى،
ورىنباسار مەڭگەرۋشىسى ماينۇر جاقان قىزى
 

  مەن شينجياڭدا تۋىپ-ەرجەتتىم، شينجياڭنىڭ ۇلى وتانىمىزدىڭ بولىنبەس ءبىر بولەگى ەكەنىن ابدەن بىلەمىن. شينجياڭنىڭ نەشە مىڭ جىلدىق تاريح ساپارىندا، شينجياڭداعى ءار ۇلت حالقى قول ۇستاسا، ىنتىماقتاسا كۇرەس جۇرگىزىپ، وتانىمىزدىڭ باتىس شەكاراسىنداعى وسىناۋ كەڭ بايتاق ىرىستى ولكەنى بىرلىكتە  اشىپ، بىرلىكتە قورعاپ، بىرلىكتە گۇلدەندىرىپ، شينجياڭنىڭ ۇزاق تاريحىن بىرلىكتە جاراتىپ، ءار ۇلت حالقىنىڭ ءبىر-بىرىنەن ايرىلا المايتىن ەتەنە قارىم-قاتىناسى جانە تەرەڭ سۇيىسپەنشىلىگىن  قالىپتاستىردى. ءبىز وسىنداي قىمباتتى تاماشا ءداستۇردى ساۋلەلەندىرىپ، ۇلتتار ىنتىماعىن جانە وتانىمىزدىڭ تۇتاستىعىن باتىل قورعاۋىمىز كەرەك.

  مەن مەملەكەتتىڭ مىندەتتى وقۋ-اعارتۋ ساياساتىنان يگىلىكتەنىپ، مەملەكەتتىڭ جوعارى دارەجەلى وقۋ-اعارتۋىن قابىلداپ، ونان مەملەكەت ورگانىندا قىزمەت ىستەدىم. پارتيا ۇيىمىنىڭ تاربيەسى مەن قامقورلىعىندا، بىرتىندەپ پارتيالى باسشى كادرگە اينالدىم. نەشە ون جىلدان بەرى پارتياعا شەكسىز قويۋ سۇيىسپەنشىلىك ورناتىپ، حالىق ءۇشىن قىزمەت ىستەۋ سىندى باستى ماقساتتى ءارقاشان امالياتتا ايگىلەپ كەلەمىن. جۇڭگو كوممۋنيستىك پارتياسى بولماسا، شينجياڭداعى ءار ۇلت حالقىنىڭ   باقىتتى تۇرمىسى بولماق ەمەس، مەنىڭ دە   ەسەيىپ، العا باسۋىم بولماس ەدى. تالاي جىلدىق قىزمەت بارىسىندا، مەيلى حانزۋ ۇلتى بولسىن، الدە قازاق، ۇيعۇر ۇلتى بولسىن، بارلىعىمىز ءبىر وتباسىنىڭ ادامى، بارلىعىمىز وتان انامىزدىڭ ۇرپاعى ەكەندىگىن تەرەڭ   ءتۇسىنىپ جەتتىم. وتان انامىز بىزگە شەكسىز مەيىرىن توكتى. جۇرەك ءسوزىمدى ايتار بولسام، ءارقانداي ءبىر ۇلت، ءارقانداي ءبىر  ادام، وتان انامىزدىڭ ىستىق قۇشاعىنان ايرىلار بولسا، ءشول دالاداعى  بالاۋسا  شوپتەي  جالعىزدىق تارتىپ، بوران-شاشىننىڭ سوققىسىندا قالارى حاق. «ءۇش ءتۇرلى كۇش» پەردە ارتىنداعى قاراقولدار، ولار وتانىمىزدى بولشەكتەۋگە ۇرىنۋدا، ۇشقارى تاسىلدەردەن پايدالانىپ، قوعامنىڭ ورنىقتىلىعىن، ەكونوميكانىڭ دامۋىن جانە ۇلتتار ىنتىماعىن بۇلدىرۋگە ۇرىنۋدا، ءار ۇلت حالقىنىڭ ەتەنە قارىم-قاتىناسى مەن جاراسىمدى دا باقىتتى تۇرمىسىن بۇلدىرۋگە  ۇرىنۋدا.

  ۇزاق ۋاقىتتان بەرى «ءۇش ءتۇرلى كۇشتىڭ» جۇرتشىلىقتى جەلىكتىرۋدەگى جانە سىنالاپ كىرۋدەگى ۇيرەنشىكتى ءتاسىلى- تاريحتى بۇرمالاۋ، ويدان قيىستىرۋ، مادەنيەتتەگى پارىقتى اسىرەلەۋ، ۇلتتىق وشپەندىلىككە جەلىكتىرۋ، ءدىني ۇشقارىلىقتى ۋاعىزداۋ؛ جۇرت كوڭىلىن ءبۇلدىرۋ، ىدىراتۋ،   وزىنە تارتۋ ماقساتىنا جەتۋ. ولار شينجياڭنىڭ جۇڭگو تەرريتورياسىنىڭ بولىنبەس ءبىر بولەگى ەكەندىگىن تەرىسكە شىعارىپ، شينجياڭدى «شىعىس تۇركستان»  اتاپ، «شينجياڭ   دەربەستىگىن» ۋاعىزدادى؛ شينجياڭداعى ءار ۇلتتىڭ جۇڭحۋا ۇلتى ۇلى شاڭىراعىنىڭ تامىرلاس مۇشەسى ەكەندىگىن تەرىسكە  شىعارىپ، «ءبىزدىڭ ۇلتىمىز تۇرىك» دەپ جار سالدى؛  شينجياڭداعى ءار ۇلت مادەنيەتىنىڭ جۇڭحۋا مادەنيەتىنىڭ قۇرامداس بولەگى ەكەندىگىن تەرىسكە شىعارىپ، «ءىسلام مادەنيەتى ۇيعۇر مادەنيەتىنىڭ توركىنى»، «ۇيعۇر دەگەنىمىز ءىسلام، ءىسلام دەگەنىمىز ۇيعۇر» دەگەندى ۋاعىزدادى؛ شينجياڭدا ەجەلدەن كوپ ءتۇرلى ءدىن قاتار ءومىر سۇرگەن، شينجياڭ مەن ىشكى ولكەلەردەگى دىندەر توعىسىپ قاتار  ءومىر سۇرگەن تاريحي شىندىقتى تەرىسكە  شىعاردى. مۇنداي قاتە يدەيالىق اعىمدار شينجياڭنىڭ يدەولوگيا سالاسىنا اۋىر سوققى بولىپ، ءار ۇلت حالقىنا اۋىر زيان سالىپ، شينجياڭنىڭ قوعام ورنىقتىلىعى مەن باياندى تىنىشتىعىنا اۋىر ىقپال جاسادى. ولار شينجياڭدى جۇڭگودان  ءبولىپ اكەتۋدى نىسانا ەتىپ،ورتا ازياداعى ءبىرسىپىرا ۇيىمدارمەن استاسىپ، ءبىرقىدىرۋ زورلىقتى كۇش لاڭكەستىك دەلولارىنا قاتىناستى جانە تۋدىردى. الايدا، لاڭكەستەر قانشالىقتى بۇلىك تۋدىرعانىمەن، مىنا ءبىر تۇيىنگە  ەشكىمنىڭ تالاسى جۇرمەيدى، ول _شينجياڭ  ەجەلدەن جۇڭگو تەرريتورياسىنىڭ بولىنبەس ءبىر بولەگى، ءىشىنارا ارام نيەتتەگى ادامداردىڭ شينجياڭدى جۇڭگو تەرريتورياسىنان ءبولىپ اكەتۋ بوس  قيالى ماڭگى جۇزەگە   اسپايدى.

  كەزەكتە، شينجياڭ لاڭكەستىككە قارسى تۇرىپ، ورنىقتىلىقتى قورعاۋدىڭ قاتاڭ جاعدايىنا ءدوپ كەلۋدە، وسىنداي قىسىم مەن سايىس الدىندا، ءبىز ىرىقتىلىقپەن سوققى   بەرىپ، «ءۇش ءتۇرلى كۇش» جانە «ەكىبەتكەيلەرگە» ىرىقتىلىقپەن سايىس جاريالاۋىمىز كەرەك، تەك ولاردى جەڭگەندە عانا، ءىسىمىز دامىپ، ءتىپتى دە كوپ ناتيجەلەرگە  قول  جەتكىزە  الامىز.

  بىرىنشىدەن، ءبىر باس نىسانانى بەرىك ورناتىپ، ەكى شەشۋشى ءتۇيىندى يگەرىپ، ءبىر تانىمدى شىنايى جوعارىلاتىپ، ءبىر   جەتەكشى باعىتتا تاباندى بولىپ، ءىستى مۇقياتتىلىقپەن جوسپارلاپ، تاباندىلىقپەن ىستەپ، پارتيا ورتالىق كوميتەتىنىڭ بەدەلىن، اۆتونوميالى رايوندىق پارتكومنىڭ باسشىلىعىن باتىل قورعاپ، مۇرات-سەنىمدى بەكەمدەپ،مايدانىمىزدى ىرىقتىلىقپەن ايقىن ءبىلدىرىپ، «ءۇش ءتۇرلى كۇشپەن»، «ەكىبەتكەيلەرمەن» باتىلدىقپەن كۇرەس جۇرگىزۋىمىز كەرەك.

  ەكىنشىدەن، ۇلتتار  ىنتىماعى مەن مەملەكەتتىڭ تۇتاستىعىن سانالى تۇردە قورعاپ، باتىلدىقپەن بولشەكتەۋشىلىككە قارسى تۇرۋ  كۇرەسىنىڭ ءبىرىنشى شەبىنە شىعىپ، ورنىقتىلىقتى قورعاۋ، لاڭكەستىككە قارسى تۇرۋ   قابىلەتىن شىنايى جوعارىلاتىپ، ءوزىمىز ونەگە بولىپ  ۇلگى كورسەتۋىمىز كەرەك. ۇلتتار ىنتىماعىن كۇندەلىكتى قىزمەت پەن قانىمىزعا ءسىڭىرىپ، يممۋنيتەتتىك قۋاتىمىزدى ۇزدىكسىز ارتتىرىپ، پارىقتاۋ قابىلەتىمىزدى جوعارىلاتىپ،وي-سانامىزدى سەرگەك ۇستاپ، ءدىني ۇشقارى يدەيانىڭ  سىنالاپ كىرۋىن   باتىل  تەجەپ، «ءۇش ءتۇرلى كۇشكە» باتىل سوققى بەرىپ، قوعامنىڭ ورنىقتىلىعىن باتىل قورعاۋىمىز كەرەك.

  ۇشىنشىدەن، يدەيا مەن ارەكەتتى «ءۇش  ءتۇرلى كۇشتەن» ساقتانۋ جانە وعان سوققى بەرۋدىڭ ءتۇيىندى مىندەتتەرى نەگىزىندە بىرلىككە كەلتىرۋ كەرەك. پارتيا ورتالىق كوميتەتى مىنانى اتاپ كورسەتتى: «ءۇش ءتۇرلى كۇش» شينجياڭنىڭ قوعام ورنىقتىلىعى مەن باياندى تىنىشتىعىن ءبۇلدىرىپ وتىرعان باستى قاينار، ءسوزجوق، بولشەكتەۋشىلىككە قارسى تۇرۋ كۇرەسىن شينجياڭ قىزمەتىنىڭ باس ارقاۋى، زورلىقتى كۇش لاڭكەستىك ارەكەتتەرىنە قاتاڭ سوققى بەرۋدى كەزەكتەگى كۇرەستىڭ ءتۇيىنى ەتۋ كەرەك. كەزەكتەگى لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ استە بىرنەشە لاڭكەسكە سوققى بەرۋ ءىسى ەمەس، قايتا بولشەكتەۋشىلىككە سىنالاپ كىرۋگە، بيلىك اۋدارۋعا قارسى قاتاڭ ساياسي كۇرەس ەكەنىن، ءسوز جوق، سەرگەكتىكپەن تاني   ءبىلۋىمىز كەرەك. 

  تورتىنشىدەن، تەكسەرۋدى كۇشەيتىپ، «ەكىبەتكەيلەرگە» ارامىزعا جاسىرىنۋ ورايىن بەرمەۋىمىز كەرەك. مۇندا باستىسى، ۇلكەن دۇرىس پەن ۇلكەن بۇرىس الدىندا مايدانىنىڭ بەرىك، ارەكەتىنىڭ باتىل بولعان-بولماعانىنا؛ پارتيالىق پرينسيپكە تاباندى بولۋى، ءتۇزىم-بەلگىلەمەلەردى تياناقتاندىرۋى، پارتيا قاعيدا، پارتيا تارتىبىنە بويسۇنۋى قاتاڭ بولعان-بولماعانىنا؛ شەشىم جاساۋى دەموكراتيالى، عىلىمي، ۇقىق ىستەتۋى قاتاڭ، ولشەمدى، ءونىمى شىنايى، ءونىمدى بولعان – بولماعانىنا، اسىرەسە، بورىشىن اتقارۋ بارىسىندا تارتىپكە، زاڭعا قايشى ارەكەتتەرى مەن شىرىكتەسۋ ماسەلەسى بار-جوقتىعى سياقتى جاقتارىنا قاراۋ كەرەك. كەز كەلگەن جەردە  باقىلاۋ-قۋزاۋ جۇرگىزىپ، «ەكىبەتكەيلەرگە»  تاسالانار جەر قالدىرماۋ كەرەك.

  بەسىنشىدەن، پارتيالىلىق جاقتان تاربيەلەنۋدى ۇزدىكسىز  كۇشەيتىپ، استە «ەكىبەتكەي» بولماۋىمىز كەرەك. ءبىر پارتيا مۇشەسى ەگەر ۇزاق ۋاقىت پارتيالىلىق تاربيەلەنۋى مەن پارتيالىلىق شىنىعۋىن كۇشەيتپەسە، ازۋى، وزگەرۋى ابدەن مۇمكىن. باعىتتامالى تۇردە تاقىرىپ بەلگىلەپ، پارتيالىلىق شىنىعۋ ورىستەتىپ، قىزمەت امالياتىن پارتيالىلىق تاربيە مەن شىنىعۋدىڭ ساباقحاناسىنا اينالدىرىپ، پارتيالى كادرلاردى پارتياعا ادال بولۋدى، پارتيانىڭ قامىن جەۋدى، پارتيا ءۇشىن بورىشىن ادا ەتۋدى، حالىققا باقىت جاراتۋدى تۇپكىلىكتى ساياسي جاۋاپكەرشىلىگى ەتىپ، كوممۋنيستىك ساياسي قاسيەتىن ماڭگى ساقتاۋعا جەتەلەۋ كەرەك.

  ۇلى وتاندى قىزۋ سۇيەدى ەكەنسىڭ، وتاندى بولشەكتەۋ قاسكۇنەمدىگىنە سالىنعان  «ءۇش ءتۇرلى كۇشپەن» باتىل كۇرەس جۇرگىزۋىڭ كەرەك، بۇل ءاربىر وتانشىلدىڭ بۇلتارماس داڭقتى بورىشى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مىزعىماس باسشىلىعىندا، اۆتونوميالى رايوندىق پارتكومنىڭ، ۇكىمەتتىڭ دۇرىس ورنالاستىرۋى مەن ايماقتىق پارتكوم، اكىمشىلىك مەكەمەسىنىڭ پارمەندى ىلگەرىلەتۋىندە ءبىر نيەتتە بولا وتىرىپ ىنتىماقتاسىپ، جاۋعا بىرگە كەكتەنىپ، ءبىر جاعادان باس، ءبىر جەڭنەن قول شىعارساق، لاڭكەستىك ەلەمەنتتەردىڭ اپتىعىن باسىپ، قوعام ورنىقتىلىعى مەن  باياندى تىنىشتىق باس نىساناسىن، ءسوزجوق، جۇزەگە اسىرا الاتىندىعىمىزعا كامىل سەنەمىن.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn