ەەڭ جاڭا مازمۇندار
2019-جىلى 5-ايدىڭ 24-كۇنى 121-سان
قارامايلى-شاۋەشەك تەمىر جولىندا 5-ايدىڭ 30-كۇنى پويەز قاتىنايدى
جاڭا داۋىردەگى بىرلىكساپ قىزمەتىنىڭ جاڭا جاعدايىن قۇلشىنا اشىپ،قوعام ورنىقتىلىعى مەن باياندى تىنىشتىققا ءتىپتى دە زور ۇلەس قوسۋ كەرەك
شي جينپيڭ ديپلوماتيا يدەياسىن جەتەكشى ەتۋدەن جازباي،نازاردى باس نىساناعا شوعىرلاندىرىپ، سىرتقى ىستەر قىزمەتىنىڭ تىڭ ساتىعا كوتەرىلۋىن ىلگەرىلەتۋ كەرەك
شاحتى اۋىلى ورگانيكالىق ماقتا شارۋاشىلىعىن بار كۇشپەن دامىتتى
الۋان گۇل شەشەك اتقان اقشوقى جايلاۋى
«ون مىڭ قادامدىق ۋادە» قيمىلى باستالدى
ءتارتىپ تەكسەرۋ كوميتەتىنىڭ قىستاقتا تۇراتىن العان بەتىنەن قايتپايتىن ءادىل،تۋراشىل كادرلارى
قارامايلى-شاۋەشەك تەمىر جولىندا 5-ايدىڭ 30-كۇنى پويەز قاتىنايتىن بولدى
ەرەكشە ازىق-تۇلىك مالشىلاردىڭ كىرىس ارناسىن كەڭەيتتى
ايماق وزەن (كول) باستىعى ءتۇزىمىن جاپپاي اتقارۋعا باسشىلىق ەتۋ گرۋپپاسى ءماجىلىسىن اشتى
جاڭا داۋىردە ارميا مەن حالىقتىڭ توعىسا تەرەڭدەي دامۋىنىڭ جاڭا جاعدايىن قۇلشىنا اشىپ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋعا تارباعاتاي كۇش-قۋاتىن ارنايىق
حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جەلىلەس قيمىلىن ورىستەتتى
2019-جىلى 5-ايدىڭ 23-كۇنى 120-سان
سەكپىلگۇل شەشەك اتتى
ساياحاتتىڭ قاۋىرت مەزگىلىندە شيحۋدىڭ تارتىمدى ساياحات قيمىلدارى بىرىنە-ءبىرى ۇلاستى
ءدوربىلجىن اۋدانىندا 10 ميلليون يۋان شينجياڭعا كومەكتەسۋ قارجىسى نەگىزگى ساتىنىڭ نەگىزىن بەكەمدەي ءتۇستى
ەمدەۋ لەكسياسىن الەۋمەتتىك اۋماققا جەتكىزىپ،تۇرعىندارعا نولدىك ارالىقتا قىزمەت وتەدى
«شاۋەشەك سالەمدەمەسى» ءسىزدى كۇتۋدە
جاستىق كوكتەمىن تاس جول قورعاۋ جۇمىسىنا ارنادى
2019-جىلى 5-ايدىڭ 22-كۇنى 119-سان
چىن چۋانگو اۆتونوميالى رايوندىق وقۋ-اعارتۋ ماجىلىسىندە بىلاي دەپ باسا دارىپتەدى
ورتالىق كوميتەت كەڭسەسى،مەملەكەتتىك كەڭەس كەڭسەسى «حابارلاندىرۋ» باسىپ تاراتتى
قىستاق قونىس ورتاسىندا زور وزگەرىس بولدى
ساۋان اۋدانى جۇڭگو ساياحات كۇنى ۇگىت قيمىلىن ورىستەتتى
ايماق لياۋنيڭ ولكەسىنىڭ «ۇيىرمە ۇلگىسىندە» تارباعاتايعا كومەكتەسەتىن ەمدەۋ دارىندىلارىنىڭ كەزەك الماستىرۋ،قورىتىندىلاۋ،ماداقتاۋ-سيلاۋ جانە قارسى الۋ،اتتاندىرۋ جينالىسىن وتكىزدى
تاۋ گۇلى جايقالا اشىلىپ،ساياحاتشىلاردى وزىنە باۋرادى
الەۋمەتتىك اۋماقتىڭ باسقارۋشىسى،تۇرعىنداردىڭ جاناشىرى
كونە سۋرەتتەگى ەستەمە
قازىنالىق باقىلاۋدىڭ باقىلاۋىن زاڭ بويىنشا جاپپاي كۇشەيتىپ،قوعام ورنىقتىلىعى مەن باياندى تىنىشتىق باس نىساناسىنىڭ جۇزەگە اسۋىن پارمەندى كەپىلدىكپەن قامدايىق

بالكۇلشە اۋقاتتانۋعا سارا جول اشتى

جولدانعان ۋاقىتى : 2019/3/5 11:15:16


  تىلشىلەرىمىز تۇيمەقان يساقان قىزى، داي جياۋمەي حابارلايدى. شاۋەشەك قالاسى شاشا قالاشىعىنداعى شياڭماي بالكۇلشە دۇكەنىنىڭ قوجايىنى، بالكۇلشە جاساۋ شەبەرى لي شيا 30 جاستان ەندى عانا اسقانىمەن، ونىڭ قوس قولىنا سۇيەنىپ شارۋاشىلىق قۇرۋ اڭگىمەسى اۋىزدان-اۋىزعا تارالدى.

  بىرنەشە كۇننىڭ الدىندا ءتىلشى شياڭماي بالكۇلشە دۇكەنىنىڭ اتىن ەستىپ ارناۋلى باردى، دۇكەنگە كىرمەي جاتىپ، بالكۇلشەنىڭ اڭقىعان حوشءيىسى مۇرىنعا جەتتى، دۇكەننىڭ ەسىگىن اشىپ كىرىپ بارعاندا، ۇستەل ۇستىنە تىزىلگەن جاڭا عانا پىسىرىلعان ىرىمشىك توقاش بىردەن كوزگە ءتۇستى، قىزارتىپ پىسىرىلعان توقاشتى تۋراعاندا، اراسىنا سالىنعان اق ىرىمشىكتىڭ حوش ءيىسى ەرەكشە اسەر ەتتى.

  ورتاسى اينەكپەن بولىنگەن ءبىر اۋىزدى بولمە بالكۇلشەنى جاساۋ ورنى. ەكى قىزمەتكەر نان يلەپ، ونى ءتۇر-تۇرىمەن جاساپ، گۇلدەپ، پىشىندەپ، بالكۇلشە پىسىرۋمەن قاربالاس بوپ جاتىر.

  _ كىلەگەيدى بىلاي جاعامىز، وسىلاي بولعاندا قالىڭدىعى بىركەلكى بولادى، بالكۇلشەنىڭ بەتىنە ورنەك سالعاندا، قولى ورنىقتى بولۋ كەرەك... _ دەپ لي شيا دۇكەن قىزمەتكەرىنە بالكۇلشە جاساۋدى دەن قويا ۇيرەتۋدە.

  لي شيانى كىشكەنە كەزىندە باسقالار باعىپ العان، انحۇي ولكەسىندە ەسەيىپ-ەرجەتكەن. ول باعىپ العان اتا-اناسىنىڭ تۇڭعىشى، باعىپ العان اتا-اناسىنىڭ تۇرمىسىندا قيىنشىلىق بولعانىمەن، وعان وتە جاقسى قاراپ، ورتالاۋ مەكتەپ تاۋىسقاننان كەيىن تەحنيك جۇمىسشىلار مەكتەبىنەن بالكۇلشە جاساۋ ونەرىن ۇيرەتەدى. 2008-جىلى لي شيا شاشا قالاشىعىنا ىرگە تەۋىپ، باس قۇرايدى.

  لي شيا باعىپ العان اتا-اناسىنىڭ ءۇمىتىن اقتاپ، ولارعا كومەكتەسۋدى ويلاعانىمەن، جولداسى ەكەۋىندە دە قىزمەت جوق، ونىڭ ۇستىنە، ەگىستىك جەرى دە از بولعاندىقتان، وزدەرىنىڭ دە  تۇرمىسىندا  قيىنشىلىعى بار ولار اتا-اناسىنىڭ ءۇمىتىن اقتاۋعا قارىمى جەتپەي، ارمانى جۇزەگە اسپاعاندىعىن ايتتى.

  2012-جىلدىڭ سوڭىندا لي شيا قالاشىقتاعى توقاش دۇكەنىن وتكەرمەلەيتىنىن ەستىپ، دۇكەندى وتكەرمەلەپ الۋ بەكىمىنە كەلەدى. ول كەزدە بالاسىنىڭ تۋعانىنا ارەڭ التى- اق اي بولعان ەدى، لي شيا بۇل ورايدى قولدان بەرگىسى كەلمەي، بەلىن بەكەم بۋىپ، دۇكەندى وتكەرمەلەپ الادى.

  العاش دۇكەن اشقان كەزىن ەسكە العاندا لي شيا قامىعىپ: «العاش دۇكەن اشقانىمدا، جالعىز ءوزىم ىستەدىم، ساۋدام جاقسى بولماي زيان تارتقاندىقتان، جولداسىم دا قولداپ كەتپەدى» دەدى. ءبىراق ول بۇعان بولا مۇقالماي، تاباندىلىقپەن جالعاستىرادى. ۋاقىت وتە كەلە ونىڭ العان بەتىنەن قايتپايتىن جىگەرى جولداسىن اسەرلەندىرىپ، ول دا دۇكەنگە كومەكتەسەتىن بولادى، بۇل لي شيانى قاتتى جىگەرلەندىرەدى.

  «ونەرلىنىڭ ءورىسى كەڭ» دەگەندەي، لي شيا بالكۇلشەنى بارعان سايىن جاقسى جاساپ، ءتۇرى مولايىپ، ءدامدى بولا تۇسەدى، بالكۇلشەنىڭ داڭقىن ەستىپ دۇكەنگە كەلىپ نەمەسە ءۇنحاتتا ساتىپ الاتىنداردىڭ دا قاتارى مولايادى. لي شيانىڭ كىرىسى ارتىپ جولداسى ەكەۋى جەتىسە الماي، ادام جالداپ ىستەتۋگە تۋرا كەلەدى.

  لي شيا: «قيىن-قىستاۋ كۇندەردە كوپتەگەن قىستاق تۇرعىنىنىڭ كومەگىنىڭ ارقاسىندا تابان تىرەپ تۇرا الدىم، سوندىقتان دۇكەنگە قىزمەتكەر العاندا، نەگىزىنەن وتباسىندا قيىنشىلىعى بار قىستاق تۇرعىندارىن قابىلدايمىن» دەدى.

  قازىر دۇكەنگە ەكى قازاق، ەكى حانزۋ، جالپى 4 قىزمەتكەر ىستەتىپ وتىر ەكەن.

  دۇكەن قىزمەتكەرى بالعىن تەڭىلىك قىزىنىڭ جولداسى بىرنەشە جىلدىڭ الدىندا توسىن جاعدايدان قازا بولعاننان كەيىن ول ءوزى جالعىز ەكى بالاسىن باعىپ تۇرمىستا قاتتى قينالىپ جۇرەدى.

  ءۇش جىلدىڭ الدىندا لي شيا بۇل جاعدايدان حاباردار بولعاننان كەيىن ونى دۇكەنگە  قابىلداپ، بالكۇلشە جاساۋ تەحنيكاسىن ۇيرەتىپ، مۇمكىندىگىنشە وعان جوعارى ەڭبەكاقى بەرىپ وتىرادى.

  بالعىن: «دۇكەنگە العاش كەلگەنىمدە ەشتەمە ۇقپايتىن ەدىم، لي شيا ماعان ءبىرىنشى جىلى توقاش پىسىرۋدى، ەكىنشى جىلى بالكۇلشە جاساۋدى  ۇيرەتتى، قازىر نەگىزىنەن ۇيرەنىپ بولدىم، وعان كوپ راقىمەت ايتامىن» دەدى.

  دۇكەن قىزمەتكەرى زو چۇن: «ۇيىمدە سالدانعان قارياعا قارايلاسامىن، بالام وقۋدا، بارلىق اۋىرتپالىق ءوز موينىمدا. دۇكەنگە قىزمەت ىستەگەننەن بەرى قوجايىن ەرەكشە كوڭىل ءبولىپ كەلەدى» دەدى.

  دۇكەن قىزمەتكەرى باعراننىڭ جولداسىنىڭ قولى جارالانىپ، ەڭبەك ىستەي المايتىندىقتان، ول جالعىز ءوزى سىرتقا شىعىپ كوتەرمە جۇمىس ىستەپ، وتباسىن اسىراپ كەلەدى، ول دا وسى دۇكەنگە كەلگەننەن بەرى لي شياعا وزىندە بار  ونەرىن ۇيرەتۋدە. 

  لي شيا: «ول دا توقاش پىسىرا الادى، ىسكە شەبەر، جاساعان توقاشتارى ءدامدى. ءبىز ونىمدەرىمىزدى بىرگە ساتساق، ءوتىمى جاقسى بولىپ، ونىڭ وتباسى كىرىسى دە ارتا تۇسەتىنى مۇندا تۇر » دەدى.

  قىزمەتتەن تىس، لي شيا مەن دۇكەن قىزمەتكەرلەرى بىرگە كوڭىل كوتەرىپ، دۋيىنعا ءتۇسىپ، مەرەكە-مەيرامداردا ءوزارا امانداسا بارىپ، تۋعان اپەكەلى-سىڭلىلەردەي تاتۋ-ءتاتتى ءوتىپ كەلەدى ەكەن.

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى