ءتىلشىمىز جاڭ پەيچي حابارلايدى. 3- ايدىڭ 2-كۇنى اكىمشىلىك مەكەمەسى 2019-جىلعى كەدەيلىكتەن ارىلتۋدان قامال الۋ جونىندەگى 10-رەتكى ارناۋلى تاقىرىپتىق ۇيرەنۋىن وتكىزدى. ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ۋاليى شۋە گۇيچياڭ باسقاردى.
ۇيرەنۋ بارىسىندا ايماقتىڭ ورتالىقتىڭ 6-شارلاۋ گرۋپپاسىنىڭ كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتكەن ماسەلەلەرى بويىنشا رەتتەۋ-تۇزەتۋ قىزمەتىنە قاتىستى جاعدايلاردى تىڭداپ، «ايماقتىڭ 2019-جىلعى 2-توپتاعى قازىنالىق جاقتان كەدەيلەردى سۇيەمەلدەۋ ارناۋلى قارجىسى نىسانىن» قاراپ ماقۇلدادى.
ءماجىلىس مىنالاردى باسا دارىپتەدى: اۋدان، قالالار مەن قاتىستى تاراۋلار ساياسي دەڭگەيدى اناعۇرلىم جوعارىلاتىپ، ايماقتىڭ كەدەيلىكتەن ارىلتۋدان قامال الۋ قىزمەتى ءدوپ كەلگەن جاڭا جاعدايلاردى، جاڭا مىندەتتەردى دۇرىس يگەرىپ، باسشىلىق جاۋاپكەرشىلىكتى بەلسەنە ىرىقتى تۇردە تياناقتاندىرىپ، قىزمەت جاۋاپكەرشىلىگىن تياناقتاندىرىپ، كەدەيلىكتەن ارىلتۋدان قامال الۋ مىندەتىن ءارقاشان كوكەيدە بەرىك ساقتاپ، بارىنشا مىقتى يگەرىپ، ءتىپتى دە تاسقىنداعان رۋحاني بەت-بەينەمەن ءتىپتى دە تياناقتى قىزمەت ستيلىمەن كەدەيلىكتەن ارىلتۋدان قامال الۋ، بەكەمدەۋ،دارەجەسىن جوعارىلاتۋدى تىڭعىلىقتى ىلگەرىلەتىپ، كەدەيلىكتەن ارىلتۋدان قامال الۋ شايقاسىن بۇلجىتپاي باتىل جاقسى جۇرگىزۋ جانە ونىڭ جەڭىسىنە جەتۋ كەرەك.
ءماجىلىس مىنالاردى تالاپ ەتتى: «ەكىدەن تارىقتىرماۋ، ۇشپەن قامتاماسىز ەتۋ، بىرگە جاقىنداتۋ» نىساناسىن تىعىز كوزدەپ، كەدەيلىكتەن دالمە-ءدال ارىلتۋ مەن بەكەمدەۋ، دارەجەسىن جوعارىلاتۋدى ءبىرتۇتاس ىلگەرىلەتىپ، شارالاردى اناعۇرلىم كۇشەيتىپ، «التى دالمە-ءدال بولۋدى» تياناقتاندىرىپ، «جەتى ءبىر توپتى»، «ۇشتە سەرپىندى ارتتىرۋدى» جەبەۋ؛ 2019 -جىلعى كەدەيلەردى سۇيەمەلدەۋ نىساندارىن اتقارۋدىڭ دايىندىق قىزمەتىن تىڭعىلىقتى جاقسى ىستەپ، 3-ايدىڭ اياق شەنىنەن بۇرىن دايىندىق قىزمەتىنىڭ ورىندالىپ، 4 -ايدىڭ 1-كۇنىنەن بۇرىن تۇگەلدەي قۇرىلىس باستاۋىنا كەپىلدىك ەتۋ كەرەك. باس شۋجي شي جينپيڭنىڭ كەدەيلەردى سۇيەمەلدەۋ جونىندەگى ماڭىزدى بايىمداۋلارى مەن پارتيا ورتالىق كوميتەتىنىڭ، اۆتونوميالى رايوندىق پارتكومنىڭ كەدەيلىكتەن ارىلتۋدان قامال الۋ جونىندەگى شەشىمدەرىن، ورنالاستىرۋلارىن نازاريا ۇيرەنۋ وزەكتى گرۋپپاسىنىڭ ۇيرەنۋ جوسپارىنا جانە قىزمەتتەگى كادرلاردىڭ نازاريا ۇيرەنۋ مازمۇنىنا ەنگىزىپ، تۇتاس جىلداعى كوللەكتيۆ ۇيرەنۋ 6 رەتتەن كەم بولماۋىنا كەپىلدىك ەتىپ، ۇيرەنۋدى ىشكەرىلەي ورىستەتۋدى، ناقتىلى ىستەۋدى ىلگەرىلەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە پارمەندى نازاريالىق نەگىز قالاۋ كەرەك.
ايماق باسشىلارىنان ياڭ ليۋ، جاڭ باۋدۇڭ، الي، نيڭ دۇڭشىڭ ماجىلىسكە قاتىناستى.
رەداكتورى : جىگەر ومىربەك ۇلى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى