ەەڭ جاڭا مازمۇندار
شەكارا ساقشى بولىمشەسىندەگى سۋرەتتى تام قابىرعا
شينجياڭنان ءبىر توپ كوللەكتيۆ پەن جەكە تىزىمدىكتەن ورىن الدى
جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋگە ۇلەس قوسۋ كەرەك
شينجياڭنىڭ رەفورماسىنا، دامۋىنا، ورنىقتىلىعىنا اقىل - پاراسات، كۇش - قۋات ارناۋ كەرەك
تاماشا ورتا جاراتىپ، دامۋ سەنىمىن كۇشەيتىپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋ كەرەك
باس شۋجي شي جينپيڭنىڭ بريكس ەلدەرى سىرتقى ىستەر مينيسترلەرى كەڭەسىنىڭ اشىلۋ سالتىنداعى جانە الەمدىك ساۋدانى، قارجى قوسۋدى جەبەۋ جونىندەگى باسشىلار ماجىلىسىندەگى ماڭىزدى ارناۋ سوزدەرىنىڭ رۋحىن جەتكىزدى، دايەكتىلەندىردى
شي جينپيڭ بىرلەسكەن مەملەكەتتەر ۇيىمىنىڭ ادامدىق ۇقىق ىستەرى جونىندەگى جوعارى دارەجەلى ءمانساپتىسى باچەلەتپەن كەزدەستى
شي جينپيڭ مەملەكەتتىك قوعام حاۋىپسىزدىگى جۇيەسىندەگى قاھارمان ۇلگىلەردى، ەڭبەك كورسەتكەن كوللەكتيۆتەردى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى
ۇشقىش اپپارات ”كوزىندەگى“ قۇلىستاي ساحاراسى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
مەكەندەرىن كوركەيتتى
بيڭتۋان مەن جەرگىلىكتى ورىن”ىنتىماق ورمانىن“ بىرگە ەكتى
الەۋمەتتىك اۋماق تۇرعىندارىنىڭ جاناشىر جاقىنى
تارباعاتاي ايماقتىق پارتكومنىڭ 2022 -جىلدان 2026 -جىلعا دەيىنگى 2 -رەتكى شارلاپ تەكسەرۋى 1 - توپتاعى ورىندارعا جايعاسىپ بولدى
2022-جىلى 5-ايدىڭ 27 -كۇنى 117 ـ سان
«”جۇڭگو ەكونوميكاسىنىڭ دامۋ بولاشاعى، ءسوز جوق، اناعۇرلىم جارقىن بولادى“ − باس شۋجي شي جينپيڭنىڭ جوعارى ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاپ ىلگەرىلەتۋگە جەتەكشىلىك ەتكەندىگى جونىندە شولۋ»
جۇگەرى اتىزىن باپتاپ -باسقارۋدى كۇشەيتتى
شاڭحۋ قالاشىعى: ەرەكشەلىككە يە ەگىمشىلىك كىرىستى ارتتىرۋعا دەم بەردى
شيڭ ۋيجيە: ” التىن قايشى“ شارۋالاردىڭ الما باعىن جەمىسكە تولتىردى
اكىمشىلىك مەكەمەسى 2022 ـ جىلعى 12 ـ رەتكى پارتيا باسشىلىق گرۋپپاسى ءماجىلىسىن اشتى
ايماقتىق حالىق قۇرىلتايى قىزمەت كوميتەتى: نازاردى شينجياڭدى زاڭمەن جونگە سالۋعا شوعىرلاندىرىپ، جاڭا داۋىردەگى حالىق قۇرىلتايى قىزمەتىن ويداعىداي ىستەدى
بوحاي شىعاناعىنىڭ جاعالاۋىنداعى تىڭ تولقىن
2022-جىلى 5-ايدىڭ 26 -كۇنى 116 ـ سان
قالتقىسىز كومەك كورسەتىپ، قيماستىقپەن اتتاندى
جۇمىسشى قابىلداۋ قيمىلى وتكىزىلدى
ايماق تۇرعىندار وزدەرى سالعان ۇيلەردىڭ حاۋىپسىزدىگىن ارناۋلى رەتتەۋ -جونگە سالۋدى ىلگەرىلەتۋ ءماجىلىسىن اشتى
ايماقتىق ساياسي كەڭەس قىزمەت كوميتەتى: نازاردى شينجياڭدى زاڭمەن جونگە سالۋعا شوعىرلاندىرىپ، كەڭەسۋ، ۇكىمەت ءىسىن اقىلداسۋ قىزمەتىن ويداعىداي ىستەدى
نىسانا - مىندەتتەردى ايقىنداپ، جالپى ءماجىلىس رۋحىنىڭ تياناقتانىپ، ونىمدىلىك جاراتۋىن ىلگەرىلەتەمىز
جولداردى جاڭالادى
قۇلىستاي وڭىرىندە اراق اشىتاتىن ءجۇزىم سورتىن ەنگىزۋ جانە جەر - سۋ جاعدايىنا ۇيلەسىمدىلىگىن زەرتتەۋ نىسانى 168 -تۋانعا ىرگە تەپتى

لي كىچياڭ جاساعان ۇكىمەت قىزمەتىنەن بايانداما (ءۇزىندى)

جولدانعان ۋاقىتى : 2019/3/11 12:31:19


  (باسى وتكەن ساندا)

  ■   بازار سۋبيەكتىنىڭ ومىرشەڭدىگى جانداندىرىلىپ، تيجارات، ساۋدا ورتاسى كۇش سالا ساپالىلاندىرىلادى

  مەملەكەتتىك كەڭەستىڭ زۇڭليى لي كىچياڭ 3 - ايدىڭ 5 - كۇنى ۇكىمەت قىزمەتىنەن بايانداما جاساعاندا بىلاي دەدى: بازار سۋبيەكتىنىڭ ومىرشەڭدىگى جانداندىرىلىپ، تيجارات، ساۋدا ورتاسى كۇش سالا ساپالىلاندىرىلادى. ەلىمىزدە نەشە ءجۇز ميلليون بازار سۋبيەكتى بار، ونىڭ ۇستىنە بارعان سايىن كوبەيىپ كەلەدى. بازار سۋبيەكتىنىڭ ومىرشەڭدىگىن ساقتاۋ جانە جوعارىلاتۋ ەكونوميكانىڭ ورنىقتى ارتۋىن جەبەۋدىڭ تەتىگى بولىپ تابىلادى. ”ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ“ رەفورماسىن تەرەڭدەتىپ، تۇزىمدىك ساۋدانىڭ وزىندىك قۇنىن تومەندەتۋدى جەبەپ، بارلىق قاجىر - قايراتتى جۇمساي وتىرىپ جايلى دامۋ ورتاسىن قالىپتاستىرۋ كەرەك.

  تەكسەرىپ - بەكىتۋدى ازايتۋ ارقىلى قىزمەت وتەۋ جاقسارىپ، قارجى قوسىپ كاسىپتى كوركەيتۋگە قولايلىلىق جاراتىلادى. بازاردىڭ بايلىقتى ورنالاستىرۋى ەڭ ءونىمدى فورما بولىپ تابىلادى. بازارعا كىرۋگە رۇقسات ەتىلمەيتىندەر ءتىزىمىن اناعۇرلىم ىقشامداپ، ”تيىم سالىنباعانداردىڭ بازارعا كىرۋىنە رۇقسات ەتۋدىڭ“ جاپپاي تياناقتانۋىن ىلگەرىلەتۋ كەرەك. ۇكىمەت باسقارماۋعا ءتيىستى ىستەردى بازارعا تاپسىرىپ، بايلىقتىڭ توتە ورنالاسۋىن ەڭ جوعارعى شەكتە ازايتىپ، تەكسەرىپ - بەكىتۋ ىستەرىنىڭ قىسقارتۋعا تيىستىلەرىن تۇگەل قىسقارتىپ،شىنىندا، تەكسەرىپ - بەكىتۋگە تيىستىلەرىنىڭ جۇمىس بارىسى مەن جۇمىس بۋىندارىن قىسقارتىپ، كاسىپورىنداردىڭ تەكسەرىپ - بەكىتتىرۋگە كوپ ۋاقىت جۇمساماي، كوبىرەك ۋاقىت شىعارىپ بازارمەن اينالىسۋىنا مۇمكىندىك جاساۋ كەرەك. بيىل كاسىپورىنعا ساياتىن بارلىق تيجارات رۇقساتى ىستەرىندە  ”كۋالىك پەن كىناشقانى ايىرۋ“ رەفورماسىن جۇرگىزىپ، كاسىپورىنداردىڭ تيجارات كۋالىگىن اناعۇرلىم تەز الۋىنا قولايلىلىق جاراتۋ، سونداي - اق تەز ارادا تيجاراتىن باستاتتىرۋ، ”رۇقسات كۋالىگىن العانمەن تيجارات جۇرگىزۋگە رۇقسات بەرمەيتىن“ قۇبىلىستى باتىل تۇردە تۇزەتۋ؛ ينجەنەريالىق قۇرىلىس نىساندارىن تەكسەرىپ - بەكىتۋ ءتۇزىمى رەفورماسىن بۇكىل ەل كولەمىندە جۇرگىزىپ، تۇتاس بارىستاعى تەكسەرىپ - بەكىتۋدىڭ بارىنشا قىسقارۋىنا مۇمكىندىك جاساۋ كەرەك. توراپتا تەكسەرىپ - بەكىتۋ، قىزمەت  وتەۋدى ىلگەرىلەتىپ، توراپتا ءبىرتۇتاس ءبىتىرۋدى، جەر اتتاپ ءبىتىرۋدى تەز ىسكە اسىرىپ، اناعۇرلىم كوپ راسمياتتاردى كەزدەسپەي - اق ءبىتىرۋ مۇمكىندىگىنە يە ەتىپ، شىنىندا، ناق مايدانعا بارىپ بىتىرۋگە ءتيىستى ىستەردى ”بىر تەرەزەدە قابىلداۋ، شەكتى مەرزىمدە قاراپ اياقتاتۋ“، ”ەڭ كوپ دەگەندە ءبىر جولدا ءبىتىرۋ“ كەرەك. ”كۋالىكتى ازايتىپ، حالىققا قولايلىلىق جاساۋ“ رەفورما ارەكەتىن ۇزدىكسىز ورىستەتىپ، كاسىپورىنداردى جانە بۇقارانى ۇساق - تۇيەك  انىقتامالارمەن اۋرەلەمەۋ قاجەت. ۇكىمەتتىك قىزمەت وتەۋ جونىندە ”جاقسى، ناشار باعاسىن بەرۋ“ ءتۇزىمىن ورناتىپ، قىزمەت وتەۋ ونىمدىلىگىن كاسىپورىندار مەن بۇقاراعا باعالاتتىرۋ ءتيىس.   ۇكىمەت تاراۋلارى ويداعىداي قىزمەت وتەۋدىڭ بورىشىن جاقسى وتەگەنى، ويداعىداي قىزمەت  وتەمەۋدىڭ بورىشىن وتەمەگەنى ەكەنىن تانىپ جەتۋى كەرەك.

  ءادىل باقىلاۋ - باسقارۋ ارقىلى ادىلەتتى باسەكە جەبەلەدى. ءادىل باسەكە بازار ەكونوميكاسىنىڭ وزەگى، ءادىل باقىلاۋ - باسقارۋ ادىلەتتى باسەكەنىڭ كەپىلى بولىپ تابىلادى. ءادىل باسەكەنى تەكسەرۋ مەن ادىلدىكتى باقىلاۋ - باسقارۋ تۇزىمىنە رەفورما جاسالىپ جانە كەمەلدەندىرىلىپ، بازاردى بىرلىككە كەلتىرۋگە جانە ءادىل باسەكەگە كەدەرگى بولاتىن ءتۇرلى بەلگىلەمەلەر مەن ادىستەر جەدەل اداقتالادى. اكىمشىلىك ىقشامدالىپ، جۇمىسقا قولايلىلىق تۋىلادى. ەرەجە قانشالىقتى قاراپايىم، جاريا بولعان سايىن، باقىلاۋ - باسقارۋ سونشاما پارمەندى، ءونىمدى بولادى. مەملەكەت دەڭگەيىندە ءبىرتۇتاس باقىلاۋ - باسقارۋ ەرەجەسى مەن ولشەمىن جاساۋعا ءمان بەرىلەدى، سوندىقتان جەرگىلىكتى ۇكىمەتتەر نەگىزگى كۇشىن  ءادىل باقىلاۋ-باسقارۋعا جۇمساۋلارى كەرەك. ”تەكسەرىلەتىندەردى كەز كەلگەن ۋاقىتتا تەكسەرۋدى، زاڭ اتقارۋشىلاردى كەز كەلگەن ۋاقىتتا جىبەرۋدى، تەكسەرۋ ناتيجەسىن جاريالاۋدى“ تاراۋلار اتتاپ بىرلەسىپ باقىلاۋ - باسقارۋدى ىلگەرىلەتىپ، سەنىمدىلىكتى باقىلاپ - باسقارۋ مەن  ”ينتەرنەت + باقىلاۋ - باسقارۋ“ رەفورماسىن جولعا قويىپ، قورشاعان ورتا، ءورت    ءوشىرۋ، ورتتەن ساقتانۋ، باجى ىستەرى، بازاردى باقىلاۋ - باسقارۋ سىندى زاڭ اتقارۋ تاسىلدەرى ساپالىلاندىرىلىپ، زاڭعا قايشىلىق جاساعانداردى زاڭ بويىنشا قاتاڭ جازالاپ، زاڭعا بويسۇناتىنداردى ورىنسىز مازالاماۋ كەرەك. جالپىلىق   اكىمشىلىك زاڭ اتقارۋ رەفورماسى تەرەڭدەتىلىپ، اكىمشىلىك جازا ىستەرى اداقتالادى جانە ارناعا تۇسىرىلەدى، باس - باسىنا تەكسەرۋ، قايتالاپ تەكسەرۋ قاتاڭ جونگە سالىنادى. باقىلاپ - باسقارۋشى جونىنەن دە باقىلاپ - باسقارۋدى كۇشەيتۋ، ولارعا ەرەجە بەلگىلەۋ ءتيىس، زاڭدى تالعامدى اتقارۋعا، ءوز بىلگەنىنشە اتقارۋعا مۇلدە جول قويماۋ، كاسىپورىن مەن جۇرتشىلىقتى قيناۋعا جول بەرمەۋ كەرەك. جالعان - جارامسىز تاۋارلاردى ءوندىرۋ، ساتۋ سياقتى زاڭعا قايشى ارەكەتتەرگە زاڭ بويىنشا سوققى بەرىلەدى، زاڭعا قايشىلىق جاساعانداردىڭ سازايى تارتتىرىلادى. ءادىل باقىلاپ - باسقارۋ، باسقارۋدا ءادىل بولۋ، ءونىمدى، جاندى بولۋ اتقارىلادى.

  رەفورما ارقىلى كاسىپورىنداردان الىناتىن قاتىستى اقىلاردى تومەندەتۋگە دەم بەرىلەدى. ەلەكتر كۇشىن بازارلاندىرۋ رەفورماسى تەرەڭدەتىلىپ، ەلەكتر باعاسىنىڭ ۇستەمە اقىسى اداقتالىپ، جاساۋ كاسىبىنىڭ ەلەكتر ىستەتۋ وزىندىك قۇنى تومەندەپ، جاي ونەركاسىپ - ساۋدا سالاسىنىڭ ەلەكتر باعاسى ورتا ەسەپپەن ٪10 تومەندەيدى. اقى الىناتىن تاس جولءتۇزىمى رەفورماسى تەرەڭدەتىلىپ، جولدان، كوپىردەن ءوتۋ اقىسىن تومەندەتۋگە دەم بەرىلەدى. جولاۋشى، جۇك تاسىمال اۆتوكولىكتەرىن ۇيلەسىمسىز تەكسەرىپ - بەكىتۋ جانە ولاردان الباتى اقى الۋ، اقشالاي ايىپ سالۋ جونگە سالىنادى. 2 جىل ىشىندە بۇكىل ەلدەگى جوعارى قارقىندى تاس جولداردىڭ ولكە شەكارالارىنداعى اقى الۋ پۋنكتتەرى نەگىزىنەن كۇشىنەن قالدىرىلىپ، اۆتوكولىكتەر توقتاماۋ، جەدەل اقى الۋ جۇزەگە اسىپ، كەپتەلىس ازايىپ، بۇقاراعا قولايلىلىق جاراتىلادى. ءبىر توپ تەمىر جولداردان، پورتتاردان اقى الۋ كۇشىنەن قالدىرىلادى نەمەسە الىناتىن اقى ازايتىلادى. دانەكەرلىك قىزمەت وتەۋدەن اقى الۋ ارەكەتى ارناۋلى جونگە سالىنادى. اكىمشىلىك ءىس سيپاتىندىق اقى الۋ ۇزدىكسىز اداقتالادى جانە جۇيەگە تۇسىرىلەدى. اقى الۋ ءتىزىمىنىڭ بۇكىل ەل بويىنشا ءبىرتۇتاس قىزمەت وتەۋ جۇيەسى قۇرىلىسى تەزدەتىلىپ، اقى الۋدىڭ اشىق، جاريالى بولۋىنا جول اشىلىپ، الباتى اقى العاندارعا تاسالاناتىن جەر قالدىرىلمايدى.

  ■ جاڭالىق اشۋدىڭ دامۋعا جەتەكشىلىك ەتۋىنەن جازباي، تىڭ قوزعاۋشى قۋات جەتىلدىرىلەدى، زورايتىلادى

  مەملەكەتتىك كەڭەستىڭ زۇڭليى لي كىچياڭ 3 - ايدىڭ 5 - كۇنى ۇكىمەت قىزمەتىنەن بايانداما جاساعاندا بىلاي دەدى: جاڭالىق اشۋدىڭ دامۋعا جەتەكشىلىك ەتۋىنەن جازباي، تىڭ قوزعاۋشى قۋات باۋلىپ جەتىلدىرىلەدى. ەلىمىزدە ادام كۇشى، دارىندىلار بايلىعىنىڭ مول بولۋى، ەل ءىشى بازارىنىڭ وراسان زور بولۋى سىندى جالپىلىق باسىمدىق ساۋلەلەندىرىلەدى، عىلىم - تەحنيكالىق زەرتتەۋ - اشۋ مەن شارۋاشىلىقتاندىرىپ قولدانۋ مەحانيزمىنە رەفورما جاساپ جانە وندا جاڭالىق  اشىپ، كاسىپتىك رۋح بار كۇشپەن جەتىلدىرىلىپ، جاڭا، كونە قوزعاۋشى قۋاتتىڭ جالعاسۋى مەن  الماسۋى جەبەلەدى. 

  ءداستۇرلى شارۋاشىلىقتى جاڭالاۋ، دارەجەسىن جوعارىلاتۋعا دەم بەرىلەدى. جاساۋ كاسىبىنىڭ جوعارى ساپالى دامۋىن جەبەۋ ارقاۋ ەتىلىپ، ونەركاسىپ نەگىزى جانە تەحنيكادا جاڭالىق اشۋ قابىلەتى نىعايتىلىپ، وزىق جاساۋ كاسىبى مەن  وسى زامانعى قىزمەت وتەۋ كاسىبىنىڭ توعىسا دامۋى جەبەلىپ، جاساۋ كاسىبىندە قۇدىرەتتى ەل قۇرۋ جەدەلدەتىلەدى. ونەركاسىپ ينتەرنەتى تەكشەسى قۇرىلىپ، ”زەردە + “ ارناسى كەڭەيىپ، جاساۋ كاسىبىنە تيپىندە بۇرىلىس جاساپ، دارەجەسىن وسىرۋگە قۋات ۇستەلەدى. كاسىپورىنداردىڭ تەحنيكالىق جاقتان قايتا قۇرىلۋى مەن جابدىق جاڭالاۋىنا قولداۋ كورسەتىلىپ، تۇراقتى مۇلىكتىڭ توزۋ مەرزىمىنىڭ قىسقارۋى جونىنەن جەڭىلدىك بەرۋ ساياساتى تۇتاس جاساۋ كاسىبى سالاسىنا دەيىن كەڭەيتىلەدى. ساپانىڭ نەگىزدىك تىرەكتىك رولى كۇشەيتىلىپ، ولشەمنىڭ حالىقارالىق وزىق دەڭگەيمەن ۇشتاسۋى ىلگەرىلەتىلىپ، ءونىم مەن قىزمەت وتەۋدىڭ ساپاسى جوعارىلاپ، ەل ءىشى - سىرتىنداعى ءتىپتى دە كوپ قاريدارلاردىڭ جۇڭگودا جاسالعان ونىمدەردى، جۇڭگوشا قىزمەت وتەۋدى تاڭداۋلارىنا مۇمكىندىك جاسالادى.

  جاڭا گۇلدەنگەن كاسىپ سالالارىنىڭ قارقىندى دامۋى جەبەلەدى. ۇلكەن ساندى مالىمەت، جاساندى زەردە، ت.ب زەرتتەۋ، اشۋ، قولدانۋ تەرەڭدەتىلىپ، جاڭا ۇرپاق ينفورماتسيا تەحنيكاسى، وزىق جابدىق، بيو ءدارى - دارمەك، جاڭا   ەنەرگيالى اۆتوكولىك، جاڭا ماتەريال قاتارلى جاڭا گۇلدەنگەن كاسىپ شوعىرى جەتىلدىرىلەدى، سيفرلى ەكونوميكا ۇلعايتىلادى. سيىسىمدىلىقپەن، ۇقىپتىلىقپەن باقىلاپ - باسقارۋعا تاباندى بولىپ، جاڭا كاسىپ قالىبىن، جاڭا ۇلگىنى دامىتۋعا قولداۋ كورسەتىلەدى، تەكشە ەكونوميكاسىنىڭ، ورتاق يگىلىكتەنەتىن ەكونوميكانىڭ اقاۋسىز جەتىلۋىنە دەم بەرىلەدى. ءار سالا، ءار كاسىپتە «ينتەرنەت +» تى ىلگەرىلەتۋ تەزدەتىلەدى. توراپ جىلدامدىعىن ارتتىرىپ، اقىسىن تومەندەتۋگە ۇزدىكسىز دەم بەرىلەدى. مىڭ مەگالى كەڭ ارنانى وتباسىلارىنا جەتكىزۋ ەتەك الدىرىلىپ، الىس ارالىقتان ءبىلىم بەرۋ، الىس ارالىقتان ەمدەۋ تورابى جاڭالانىپ، دارەجەسى جوعارىلاتىلادى، جىلجىمالى توراپ نەگىزدىك پۋنكتتەرىنىڭ سيىمدىلىعىن مولايتىپ، دارەجەسىن جوعارىلاتۋ ىلگەرىلەتىلىپ، تۇتىنۋشىلاردىڭ توراپ جىلدامدىعى بۇرىنعىدان تەزدەپ، بۇرىنعىدان ورنىقتى بولعاندىعىن شىنايى سەزىنۋىنە مۇمكىندىك جاسالادى. ۇستەگى جىلدا ورتا، شاعىن كاسىپورىنداردىڭ كەڭ بەلدەۋ تورابىنىڭ ورتاشا  اقىسى تاعى ٪15 تومەندەيدى، جىلجىمالى توراپ نورماسىنىڭ ورتاشا اقىسى تاعى ٪20 ۇستىندە تومەندەيدى، «ءنومىرىن ساقتاپ قالىپ، توراپ اۋىستىرۋ» بۇكىل ەل كولەمىندە اتقارىلىپ، نورما قوسارلاۋ جۇيەگە ءتۇسىرىلىپ، الىناتىن اقىنىڭ شىنايى تومەندەۋىنە، تۇتىنۋشىلاردىڭ اپ - ايقىن ۇعىنۋىنا مۇمكىندىك جاسالادى. 

  عىلىم-تەحنيكانىڭ تىرەكتىك قۋاتى ارتتىرىلادى. نەگىزدىك زەرتتەۋ مەن قولدانىلمالى نەگىزدىك زەرتتەۋدى قولداۋ تەبىنى كۇشەيتىلىپ، العاشقى جاڭالىق اشۋ، شەشۋشى، وزەكتى تەحنيكالاردا قامال الۋ كۇشەيتىلەدى. كاسىپورىندى نەگىزگى تۇلعا ەتكەن، ءوندىرۋ، وقىتۋ، زەرتتەۋ ءبىر تۇلعالاندىرىلعان جاڭالىق اشۋ مەحانيزمى   اقاۋسىزداندىرىلادى. حالىقارالىق جاڭالىق اشۋ سەلبەستىگى ۇلعايتىلادى. ءبىلىم مەنشىگى ۇقىعىن قورعاۋ جاپپاي كۇشەيتىلىپ، ءبىلىم مەنشىك ۇقىعىنا قول سۇعۋعا جازا سيپاتتى تولەم بەرۋ ءتۇزىمى اقاۋسىزداندىرىلادى، تاپقىرلىق، جاسامپازدىق جاراتۋ جانە ونى وندىرگىش كۇشكە اينالدىرىپ قولدانۋ جەبەلەدى. عىلىم - تەحنيكادا جاڭالىق اشۋ، ءمانى جاعىنان ايتقاندا، ادامنىڭ جاسامپازدىق قيمىلى بولىپ تابىلادى. عىلىمي زەرتتەۋشىلەردى تولىق قۇرمەتتەۋ جانە ولارعا سەنىم ءبىلدىرۋ، جاڭالىق اشۋشى توپتار مەن كوش باسشىسى بولعان دارىندىلارعا اناعۇرلىم زور ادام، قازىنا، زاتتىق ماتەريال ورنالاستىرۋ ۇقىعى مەن تەحنيكالىق باعدار بەلگىلەۋ ۇقىعىن بەرۋ كەرەك. نەگىزدىك زەرتتەۋ نىساندارىنىڭ جاناما قاراجات سالىستىرماسى  ونان  ارى  جوعارىلاتىلىپ، نىسان قارجىلارىن ”كوتەرمەگە الۋ ءتۇزىمىن“ قولدانۋ رەفورماسىن تۇيىندە سىناق ەتۋ ەتەك الدىرىلادى، پاندەر سالىستىرماسىنا شەك قويىلمايدى، ولاردى پايدالانۋدى عىلىمي زەرتتەۋشى توپ دەربەس ۇيعارادى. عىلىم - تەحنيكا ءتۇزىلىسى رەفورماسى شارالارىن تياناقتاندىرىپ، ونىمدىلىككە قول جەتكىزۋگە كۇش سالۋ كەرەك، رەفورما ساياساتتارىن اۋىزدا عانا ايتىپ، قۇجاتتا عانا قالدىرۋعا استە بولمايدى. قىم - قۋىت راسمياتتاردى بارىنشا ازايتىپ، عىلىمي زەرتتەۋ قىزمەتكەرلەرىنىڭ زەيىن قويا وتىرىپ ۇيرەنۋىنە، جاڭالىق اشىپ، تابىس جاراتۋىنا مۇمكىندىك جاسالادى. عىلىمي زەرتتەۋ قۇلقى مەن ۇيرەنۋ ستيلى قۇرىلىسى كۇشەيتىلەدى، عىلىم جولىندا سالعىرتسۋدان، ۇشقالاقتىقتان قاتاڭ ساقتانۋ كەرەك. ەلىمىزدە دۇنيە ءجۇزى بويىنشا ەڭ زور كولەمدەگى عىلىم - تەحنيكا دارىندىلارى قوسىنى بار، تاماشا عىلىمي زەرتتەۋ ەكولوگياسى جەتىلدىرىلەتىن بولسا، وندا ءار الۋان دارىندىلار باسەكەمەن شىعاتىن، جاڭالىق اشۋ جەتىستىكتەرى قاۋلاپ جارىققا شىعاتىن جالىندى جاعداي جاراتىلادى.

  كوپ بولىپ شارۋاشىلىق قۇرۋ، جالپى جۇمىلا جاڭالىق اشۋ ىشكەرىلەتىلەدى. ءتىپتى دە كوپ قوعام سۋبيەكتتەرى جاڭالىق اشۋعا، شارۋاشىلىق قۇرۋعا ىنتالاندىرىلادى، ەكونوميكالىق، قوعامدىق دامۋ مۇمكىندىكتەرى ءورىس الدىرىلىپ، كەشەندى قىزمەت وتەۋ كۇشەيتىلىپ، شارۋاشىلىق قۇرۋ مەن جاڭالىق اشۋدان ۇلگى كورسەتۋ بازاسىنىڭ جەتەكتەۋ رولى ساۋلەلەندىرىلەدى. جالپىعا ءتيىمدى قولداۋ كۇشەيتىلىپ، شاعىن كولەمدە باجى تاپسىرۋشىلاردىڭ ارتقان قۇن باجىسىنىڭ باجى تاپسىرۋ نەگىزدىك سانى ايلىق ساتىلۋ سوماسى 30 مىڭ يۋان بولۋدان 100 مىڭ يۋان بولۋ سىندى باجى جەڭىلدىك ساياساتى ويداعىداي تياناقتاندىرىلادى. فينانستىق قولداۋ مەحانيزمىنە رەفورما جاسالىپ جانە كەمەلدەندىرىلىپ، عىلىم - تەحنيكا سەكتورى قۇرىلادى جانە تىركەۋ ءتۇزىمى تۇيىندە سىناق ەتىلەدى. شارۋاشىلىق قۇرۋ جانە جاڭالىق اشۋ فينانستىق زايومىن تاراتۋعا شابىت بەرىلىپ، شارۋاشىلىق قۇرۋدى قارجىلاندىرۋ دامىتىلادى جانە وعان قولداۋ كورسەتىلەدى. دارىندىلاردى جەتىلدىرۋ، ىستەتۋ، باعالاۋ مەحانيزمى رەفورمالانىپ جانە مۇلتىكسىزدەندىرىلىپ، شەتەلدە وقۋىن تاۋىسىپ ەلگە ورالعاندار مەن شەتەلدىك دارىندىلارعا قىزمەت وتەۋ ساپالىلاندىرىلادى. بازار قاجەتىنە باعىتتاۋ مەن گۋمانيتارلىق رۋحتى ايگىلەۋءوزارا ۇشتاستىرىلىپ، ءتۇرلى دارىندىلار ۇتىمدى باۋرالىپ، ورىندى ىستەتىلسە، جۇڭگونىڭ جاڭالىق اشۋى، ءسوزسىز، اناعۇرلىم ويداعىداي دامىتىلىپ، ادامزات وركەنيەتىنىڭ العا باسۋىنا ءتيىستى ۇلەسىن قوساتىن بولادى. 

  ■   ءىرى ەل ءىشى بازارىنىڭ قالىپتاسۋى جەبەلىپ،ىشكى سۇرانىمنىڭ كومەسكى كۇشى تىنباي جانداندىرىلادى

  مەملەكەتتىك كەڭەستىڭ زۇڭليى لي كىچياڭ 3 - ايدىڭ 5 - كۇنى ۇكىمەت قىزمەتىنەن بايانداما جاساعاندا بىلاي دەدى: ءىرى ەل ءىشى بازارىنىڭ قالىپتاسۋى جەبەلىپ، ىشكى سۇرانىمنىڭ كومەسكى كۇشى تىنباي جانداندىرىلادى. تۇتىنۋدىڭ نەگىزدىك رولى، قارجىلاندىرۋدىڭ شەشۋشى رولى تولىق كادەگە جاراتىلىپ، ىشكى ۇتىمدى سۇرانىس ورنىقتىرىلىپ، ەكونوميكانىڭ ورنىقتى اينالىمىنا مىعىم تىرەك دايىندالادى.

  تۇتىنۋدىڭ ورنىقتى ارتۋى جەبەلەدى. قالا، اۋىل تۇرعىندار كىرىسىن مولايتۋ كوپ جولدارمەن جەبەلىپ، تۇتىنۋ قۋاتى ارتتىرىلادى. جەكەلەر تابىس باجىسىنىڭ جاڭادان وزگەرىس ەنگىزىلگەن زاڭى ويداعىداي تياناقتاندىرىلىپ، باجىنى كەمەيتۋ ساياساتىنا ۇيلەسەتىن 80 ميلليون باجى تاپسىرۋشى ودان يگىلىكتەنەدى. تۇتىنۋ سۇرانىسىنىڭ تىڭ وزگەرىسىنە سايكەسىپ، ساپالى ونىمدەر مەن قىزمەت وتەۋ ۇسىنىمى كوپ جولدارمەن ارتتىرىلادى، حالىقتىق كاپيتالدىڭ كىرۋىندەگى بوگەتتەردى ارىلتۋ تەزدەتىلەدى. ەلىمىزدە 60 جاستان اسقان حالىق 250 ميلليونعا جەتتى. قارتتاردى  كۇتىمدەۋ، وتە - موتە، قارتتاردى الەۋمەتتىك اۋماقتاردا كۇتىمدەۋ جۇمىسىن بارىنشا دامىتىپ، الەۋمەتتىك اۋماقتاردى كۇندىز كۇتىمدەۋ، ساۋىقتىرۋ - كۇتۋ، تاماقتانۋعا، ارەكەت جاساۋعا دەمەۋ بەرۋ سياقتى قىزمەت وتەۋلەرمەن قامداعان قۇرىلىمدارعا باجى اقىسىن كەمەيتۋ، كەشىرىم ەتۋ، قارجىلاي قولداۋ كورسەتۋ، سۋ، توك، گاز جانە جىلۋ باعاسىنان تيىمدىلىك جاساۋ سياقتى قولداۋ كورسەتىلەدى، جاڭادان سالىنعان تۇرعىندار رايونىندا  الەۋمەتتىك اۋماقتىڭ قارتتار كۇتىمى جونىنەن قىزمەت وتەۋ قۇرىلعىلارى سايكەستى سالىنۋ ءتيىس، ەمدەۋ مەن كۇتىمدەۋدى ۇشتاستىرۋ سىندى ساياساتتارعا رەفورما جاسالىپ جانە كەمەلدەندىرىلىپ، ۇزاق مەرزىمدىك قاراۋ - كۇتۋ قامسىزداندىرۋىن تۇيىندە سىناق ەتۋ كەڭەيتىلەدى، قارتتار قارتايعاندا باقىتتى بولسا، ۇرپاقتارىنىڭ بولاشاعى دا ءماندى بولادى. نارەستە - سابيلەر كۇتىمى بارلىق وتباسىنا سايادى. ەكى بالالى بولۋعا جاپپاي جول قويۋ ساياساتى اتقارىلعاننان كەيىنگى تىڭ جاعدايلارعا قاراتا نارەستە - سابيلەر كۇتىمى جونىنەن ءتۇرلى فورمادا قىزمەت وتەۋدى دامىتىپ، قوعامدىق كۇشتەردىڭ بالالاردى اماناتپەن باعىپ - قاعۋعا قىزمەت وتەۋ قۇرىلىمىن قۇرۋىنا قولداۋ بەرىلەدى، بالالاردىڭ حاۋىپسىزدىگىن قامتاماسىزداندىرۋ كۇشەيتىلەدى. ساياحات كاسىپ سالاسى دامىتىلادى جانە ۇلعايتىلادى. اۆتوموبيل تۇتىنۋ ورنىقتىرىلىپ، جاڭا ەنەرگيالى اۆتوموبيل ساتىپ الۋعا تيىمدىلىك جاساۋ ساياساتى جالعاستى اتقارىلادى. تۇتىنۋدىڭ جاڭا قالىبى مەن جاڭا ۇلگىسى دامىتىلىپ، توراپتا تۇتىنۋ مەن توراپتان تىس تۇتىنۋدىڭ توعىسا دامۋى جەبەلەدى. اۋىل - قىستاق اينالىم تورابى اقاۋسىزداندىرىلىپ، ەلەكتروندىق ساۋدا مەن جەدەل جەتكىزۋ كاسىبىنىڭ دامۋىنا قولداۋ بەرىلەدى. تۇتىنۋشىلاردىڭ ۇقىق - مۇددەسىن قورعاۋ كۇشەيتىلىپ، جۇرتشىلىقتىڭ الاڭسىز، قولايلى تۇتىنۋىنا مۇمكىندىك جاسالادى.

  ۇتىمدى قارجىلاندىرۋ ۇيلەسىمدى كەڭەيتىلەدى. مەملەكەتتىڭ دامۋ ستراتەگياسى مىقتى مەڭگەرىلىپ،ءبىر توپ ءتۇيىندى نىساندار جەدەلدەتە اتقارىلادى. تەمىر جول قۇرىلىسىنا 800 ميلليارد يۋان، تاس جول، سۋ جولى تاسىمالىنا ءبىر تريلليون 800 ميلليارد يۋان قارجى قوسۋدى ورىنداپ، سۋ يگىلىگىنەن جانە دە ءبىر توپ ءتۇيىندى ينجەنەريا جۇمىسىن باستاپ،سىچۋان - شيزاڭ تەمىر جولىن جوبالاپ سالۋ تەزدەتىلىپ، قالا ارالىق قاتىناس،زات اينالىمى،قالا ىستەرى، اپاتتان ساقتانۋ جانە ونى جونگە سالۋ،حالىقتىق جانە جالپىلىق اۆياتسيا سياقتى نەگىزدىك قۇرىلعىلاردى قارجىلاندىرۋ تەبىنى ارتتىرىلادى،جاڭا ۇرپاق ينفورماتسيا نەگىزدىك قۇرىلعىلارى قۇرىلىسى كۇشەيتىلەدى. بيىل ورتالىقتىڭ مەجە ەسەبى كولەمىندە ورنالاستىرىلعان قارجى 577 ميلليارد 600 ميلليون يۋان بولىپ،وتكەن جىلداعىدان 40 ميلليارد يۋان ارتتىرىلادى. نىساندىق قارجى توپتاۋ فورمالارىنا جاڭالىق جاساپ،نەگىزدىك قۇرىلعىلار قۇرىلىسى سياقتى نىسانداردىڭ كاپيتال قور     سالىستىرماسى لايىقتى تومەندەتىلىپ،گۇلدەندىرۋ سيپاتتى فينانس قۇرالدارى ويداعىداي پايدالانىلادى،ءتىپتى دە مول حالىقتىق كاپيتالءتۇيىندى سالا نىساندارى قۇرىلىسىنا ات سالىسۋعا تارتىلادى. حالىقتىق قارجىلاندىرۋدى قولداۋ ساياساتى تياناقتاندىرىلىپ، ۇكىمەت پەن قوعامدىق كاپيتال سەلبەستىگى ءتارتىپتى ىلگەرىلەتىلەدى. ۇكىمەت سەنىمدىلىكتى دارىپتەپ ۋادەدە تۇرۋعا باستاماشى بولىپ، استە ”جاڭا باستىق كونە ەسەپتى مويىندامايتىن“ بولماۋى، كاسىپورىنداردىڭ كەشىكتىرىلگەن اقشاسىن جىل سوڭىنان بۇرىن جارىمىنان استامىن قايتارىپ بەرۋى كەرەك، قايتالاي كەشىكتىرۋگە استە جول بەرىلمەيدى.

  ■جاپپاي دوڭگەلەك داۋلەتتى قوعام ورناتۋ مىندەتىن ولشەم ەتىپ، كەدەيلىكتەن ارىلتۋدان قامال الۋ جانە اۋىل - قىستاقتاردى گۇلدەندىرۋ تياناقتى ىلگەرىلەتىلەدى

  مەملەكەتتىك كەڭەستىڭ زۇڭليى لي كىچياڭ 3 - ايدىڭ 5 -كۇنى ۇكىمەت قىزمەتىنەن بايانداما جاساعاندا بىلاي دەدى: جاپپاي دوڭگەلەك داۋلەتتى قوعام ورناتۋداي مىندەتتى ولشەم تۇتىپ،كەدەيلىكتەن ارىلتۋدان قامال الۋ جانە اۋىل -قىستاقتاردى گۇلدەندىرۋ تياناقتى ىلگەرىلەتىلەدى. اۋىل شارۋاشىلىعىن، اۋىل -قىستاقتى الدىمەن دامىتۋدان بۇلجىماي،كەدەيلىكتەن ارىلتۋدان قامال الۋ مەن اۋىل -قىستاقتاردى گۇلدەندىرۋدى ءبىرتۇتاس جوسپارلاپ ۇلاستىرۋ كۇشەيتىلىپ، كەدەيلىكتەن  ارىلتۋدان قامال الۋ نىساناسىنىڭ مەرزىمىندە ورىندالۋىنا، ديقاندار تۇرمىسىنىڭ دوڭگەلەك داۋلەتتى ورەگە جەتۋىنە شىنايى كەپىلدىك ەتىلەدى.

  كەدەيلىكتەن دالمە -ءدال ارىلتۋدان قامال الۋ شايقاسى جۇرگىزىلەدى. ”ەكىدەن تارىقتىرماۋ، ءۇشتى قامتاماسىز ەتۋدى“ ىسكە اسىرۋدا ءدوپ كەلگەن كورنەكتى ماسەلەلەرءتۇيىندى تۇردە ويداعىداي شەشىلىپ، ”ءۇش رايون، ءۇش وبلىس“ سياقتى اۋىر كەدەي وڭىرلەردىڭ كەدەيلىكتەن ارىلتۋدان قامال الۋ تەبىنى ارتتىرىلىپ،ەرەكشە كەدەي حالىققا بولعان قامتاماسىزداندىرۋ شارالارى تياناقتاندىرىلادى. كەدەيلىكتەن ارىلىپ اۋقاتتانۋ كاسىپ سالاسىنىڭ دەمەۋىنەن قول ۇزە المايدى، سول ءۇشىن كەدەي وڭىرلەردىڭ ەرەكشە، باسىمدىققا يە كاسىپ سالالارىن بار كۇشپەن سۇيەمەلدەۋ كەرەك. كەدەي رايونداردا وقۋدان قالۋدى تەجەپ، وقۋعا ءتۇسۋدى قامتاماسىز ەتۋ ارناۋلى قيمىلىن ورىستەتىپ،وقۋدان قالۋ سالىستىرماسىن كورنەكتى ازايتىپ،ءتۇيىندى جوعارى مەكتەپتەردىڭ اۋىل - قىستاقتان جانە كەدەي وڭىرلەردەن ارناۋلى قابىلدايتىن وقۋشى سانىن ۇزبەي ارتتىرىپ،ۇرپاقتان - ۇرپاققا جالعاسقان كەدەيلىكتى بوگەيتىن وقۋ -  اعارتۋ دەگەن وسى ءبىر تۇبىرىنەن وڭاۋ شاراسىن ويداعىداي پايدالانۋ كەرەك. ”13 - بەسجىلدىقتىڭ“ كەدەيلەردى باسقا جەرلەرگە كوشىرىپ   سۇيەمەلدەۋ جوبا قۇرىلىسى مىندەتتەرى نەگىزىنەن ورىندالدى،ەندى جالعاستى سۇيەمەلدەۋ كۇشەيتىلەدى. كەدەيلىك قالپاعىن العان اۋدان مەن كەدەيلىكتەن ارىلعان حالىققا قاراتىلعان سۇيەمەلدەۋ  ساياساتتارى جانە دە ءبىر مەزگىل جالعاسادى، سول ءۇشىن كەدەيلىكتەن ارىلتۋدىڭ تابىستارى بەكەمدەلەدى. باعالاۋ،باقىلاۋ ءتۇزىمى كەمەلدەندىرىلىپ،ورتالىقتىڭ كەدەيلىكتەن ارىلتۋدان قامال الۋدى ارناۋلى شارلاپ تەكسەرۋ تابىستارى ويداعىداي پايدالانىلادى. كەدەيلىكتەن ارىلتۋدان قامال الۋدىڭ شەشۋشى ساتىسىنا جەتكەن سايىن قىزمەتتەردى شىنايى، ۇقىپتى يگەرىپ، كەدەيلىكتەن ارىلتۋدىڭ ناقتى ءونىمى بولۋىنا، باياندى جالعاسۋىنا،تاريح سىنىنان وتە الۋىنا شىنايى كەپىلدىك ەتىلەدى.

  اۋىل شارۋاشىلىعى، اسىرەسە، استىق ءوندىرىسى ويداعىداي يگەرىلەدى. ءبىر ميلليارد 400 ميلليونعا جۋىق جۇڭگو حالقى ازىق - تۇلىك ماسەلەسىن، ءسوز جوق،ءوزى مەڭگەرۋى كەرەك. استىقتىڭ ءونىم مولشەرى ورنىقتىرىلىپ،جوعارى ولشەمدەگى ەگىنجاي اۋماعى 80 ميلليون مۋدىڭ ۇستىندە تىڭنان قوسىلادى. شوشقا سياقتى مال، قۇس ءوندىرىسى ورنىقتىرىلىپ، افريكا شوشقا وباسى سياقتى ىندەتتەردىڭ ويداعىداي الدى الىنادى جانە تىزگىندەلەدى. اۋىل شارۋاشىلىق عىلىم -تەحنيكاسىنا رەفورما جاساۋ،جاڭالىق اشۋ اياق الىسى تەزدەتىلىپ،وسى زامانعى اۋىل شارۋاشىلىعى كۇش سالا دامىتىلىپ،جاعراپيالىق بەلگى العان اۋىل شارۋاشىلىق ونىمدەرىن قورعاۋ ينجەنەرياسى اتقارىلىپ، اۋىل شارۋاشىلىعىن تولىق بارىستىق ماشينالاندىرۋ ىلگەرىلەتىلەدى. وتباسى ەگىس الاڭى،شارۋالار سەلبەستىك كووپەراتيۆى سياقتى جاڭاشا تيجارات سۋبيەكتىلەرى جەتىلدىرىلىپ، ۇساق ديقان قوجالىقتارىنا بەيىمدەلگەن قوعامدىق قىزمەت وتەۋ كۇشەيتىلىپ،الۋان فورماداعى كولەمدەنگەن تيجارات وركەندەتىلەدى. اۋىلعا قايتىپ،اۋىلعا بارىپ شارۋاشىلىق قۇرۋعا،جاڭالىق اشۋعا قولداۋ كورسەتىلىپ، 1 -، 2 -، 3 - كاسىپتىڭ توعىسا دامۋى ىلگەرىلەتىلەدى. جۇمىس ىستەۋدەن كىرەتىن كىرىس ديقاندار كىرىسىن مولايتۋدا نەگىزگى ۇلەستى ۇستايدى. ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن تۇبىرىنەن وڭاپ، ارناۋلى اكىمشىلىك زاڭ ەرەجەلەردى دەن قويا جاساپ، تابان ەت، ماڭداي تەرىن توككەن ديقان جۇمىسكەرلەرىنىڭ الۋعا ءتيىستى ەڭبەكاقىسىن ۋاعىندا الۋىنا شىنايى كەپىلدىك ەتىلەدى.

  اۋىل -قىستاق قۇرىلىسى تىڭعىلىقتى ىلگەرىلەتىلەدى. قۇرىلىس جوباسى عىلىمي جولمەن جاسالىپ، ءوندىرىس، تۇرمىس شارت-جاعدايى كۇش سالا جاقسارتىلادى. اۋىل-قىستاقتاردىڭ اۋىز سۋ حاۋىپسىزدىگىن بەكەمدەپ ساپالىلاندىرۋ ينجەنەرياسىن اتقارۋ جەدەلدەتىلىپ، بيىل جانە كەلەر جىل ىشىندە اۋىز سۋ قيىنشىلىعى بار حالىقتىڭ اۋىز سۋ حاۋىپسىزدىگى ماسەلەسى ويداعىداي شەشىلىپ، 60 ميلليون اۋىل -قىستاق حالقىن سۋمەن قامتاماسىز ەتۋ ورەسى جوعارىلاتىلادى. اۋىل-قىستاق ەلەكتر تورابىنىڭ دارەجەسىن كوتەرىپ جاڭالاۋدىڭ جاڭا كەزەكتى جۇمىسى ورىندالادى. اۋىل - قىستاق قونىستانۋ ورتاسىن وڭاۋدى جەر جاعدايىنا قاراي ىستەپ، ”دارەتحانا توڭكەرىسىن“، قوقىر - قوقسىق، لاس سۋلاردى جونگە سالۋدى ىلگەرىلەتىپ، كورىكتى اۋىل -قىستاق گۇلدەندىرىلەدى.

  اۋىل-قىستاق رەفورماسى جاپپاي تەرەڭدەتىلەدى. اۋىل-قىستاق جەرىن پايدالانۋعا الۋ،كوللەكتيۆ تيجاراتىندىق قۇرىلىستىق جەردى بازارعا سالۋ،قورا -جايلىق جەر ءتۇزىمى رەفورماسىن تۇيىندە سىناق ەتۋ تابىستارى جالپىلاستىرىلادى. كوللەكتيۆ مال-مۇلىك ۇقىعى،ورمان ۇقىعى، مەملەكەت مەنشىگىندەگى ورمان ءوڭىرى مەن ورمان الاڭى،تىڭ يگەرۋ،قامداۋ -ساتۋ كووپەراتيۆى،ت. ب رەفورمالار تەرەڭدەتىلەدى. اۋىل شارۋاشىلىعىن قولداۋ،قورعاۋ جۇيەسىنە رەفورما جاسالىپ،كەمەلدەندىرىلىپ استىق باعاسىنىڭ    بازارلانۋ جولىمەن قالىپتاسۋ مەحانيزمى اقاۋسىزداندىرىلادى. اۋىل شارۋاشىلىعىن ساياساتتىق قامسىزداندىرۋ رەفورماسىنىڭ سىناق تۇيىندەرى   كەڭەيتىلەدى. اۋىل-قىستاق رەفورماسى باياندى تەرەڭدەتىلىپ،ۇلان-بايتاق اۋىل -قىستاقتار تىڭ جالىندى ومىرشەڭدىك كۇش بايقاتاتىن بولادى.

  ■ وڭىرلىك سايكەسە دامۋ جەبەلىپ، جاڭاشا قالا -قالاشىقتانۋ ساپاسى جوعارىلاتىلادى

  مەملەكەتتىك كەڭەستىڭ زۇڭليى لي كىچياڭ 3 - ايدىڭ 5 -كۇنى ۇكىمەت قىزمەتىنەن بايانداما جاساعاندا بىلاي دەدى: وڭىرلىك سايكەسە دامۋ جەبەلىپ،جاڭاشا قالا-قالاشىقتانۋ ساپاسى جوعارىلاتىلادى. دامۋدىڭ تەڭ، بىركەلكى بولماۋ ماسەلەسىن شەشۋدى توڭىرەكتەپ، قاتىستى مەحانيزمدەر مەن ساياساتتارعا رەفورما جاساپ كەمەلدەندىرىلىپ، وڭىرلىك باسىمدىقتىڭ ءبىر -  ءبىرىن تولىقتاۋى، قالا مەن اۋىلدىڭ توعىسا دامۋى ىلگەرىلەتىلەدى.

  وڭىرلىك دامۋ جۇيەسى ساپالىلاندىرىلادى. باتىس بولەكتى اشۋدىڭ، رەفورمالاۋدىڭ تىڭ ساياسات، شارالارى بەلگىلەنىپ، باتىس بولەك وڭىرلەرىندەگى كاسىپورىندارعا تابىس باجىسى جاعىنان جەڭىلدىك جاساۋ ساياساتتارى مەرزىمى تولعان سوڭ جالعاستى اتقارىلادى. شىعىس سولتۇستىكتى جاپپاي گۇلدەندىرۋ، ورتا بولەكتەگى وڭىرلەردى كوركەيتۋ،شىعىس بولەكتى الدىمەن دامىتۋداي رەفورمادا جاڭالىق اشۋ شارالارى تياناقتاندىرىلادى جانە كەمەلدەندىرىلەدى. بەيجيڭ-تيانجين-حىبەيدىڭ سايكەستى دامۋىندا _ بەيجيڭ قالاسىنىڭ استاناعا جاتپايتىن فۋنكتسيالارىن سەيىلتىپ،شيۇڭ -ان جاڭا رايونىن جوعارى ولشەممەن سالۋ ءتۇيىن ەتىلەدى. گۋاڭدۇڭ-شياڭگاڭ -اۋمىن ۇلكەن شىعاناق رايونى قۇرىلىسى جوباسى تياناقتاندىرىلىپ،ەرەجەلەردىڭ ۇلاسۋى جەبەلىپ،  وندىرگىش كۇش فاكتورىنىڭ جىلجۋى مەن ادامدار بارىس -كەلىسىنىڭ قولايلى بولۋى ىلگەرىلەتىلەدى. چاڭجياڭ اتىراۋى وڭىرلەرىن ءبىر تۇلعالاندىرىپ دامىتۋ مەملەكەت ستراتەگياسىنا كوتەرىلىپ،دامىتۋ جوبا باعدارلاماسى جاسالىپ اتقارىلادى. چاڭجياڭ ەكونوميكالىق بەلدەۋىن دامىتۋدا جوعارى،ورتا،تومەن اعارلار ءوزارا سەلبەسۋدەن جازباي،ەكولوگيالىق ورتانى قورعاپ قالپىنا كەلتىرۋدى جانە كەشەندى قاتىناس-تاسىمال جۇيەسىنىڭ قۇرىلىسىن كۇشەيتىپ،جوعارى ساپالى دامۋدىڭ ەكونوميكالىق بەلدەۋى قالىپتاستىرىلادى. بايلىق قاينارىندىق وڭىرلەردىڭ شارۋاشىلىق تيبىن جاڭالاۋىنا قولداۋ كورسەتىلەدى. توڭكەرىستىك  بايىرعى رايون،ۇلتتىق وڭىرلەر،شەكارا وڭىرلەر،  كەدەي وڭىرلەردىڭ دامۋىنداعى جەتەرسىزدىكتەر جەدەلدەتە تولىقتانادى. كوك ەكونوميكا بارىنشا دامىتىلىپ،تەڭىز -مۇحيت ورتاسى قورعالىپ، تەڭىز-مۇحيتتىق قۇدىرەتتى ەل قۇرىلادى.

  جاڭاشا قالا -قالاشىقتانۋ ىشكەرىلەي ىلگەرىلەتىلەدى. قالالار شوعىرىن ورتالىق قالالار ارقىلى وركەندەتۋگە تاباندى بولادى. اۋىل شارۋاشىلىعىنان باسقا سالاعا ويىسقان حالىقتىڭ قالاعا قونىستانۋى ويداعىداي يگەرىلىپ،تۇرعىن حالىقتى قالا -قالاشىق نەگىزگى الەۋمەتتىك قىزمەت وتەۋىمەن قامتۋ ىلگەرىلەتىلەدى. جۇرتشىلىقتىڭ تۇرعىن ءۇي ماسەلەسى ونان ارى ويداعىداي شەشىلىپ،قالانىڭ نەگىزگى تۇلعالىق جاۋاپكەرشىلىگى تياناقتاندىرىلىپ،تۇرعىن ءۇي بازارى جۇيەسى جانە قامتاماسىز ەتۋ جۇيەسىنە رەفورما جاسالىپ كەمەلدەندىرىلىپ، ءۇي -جاي بازارى ورنىقتى،اقاۋسىز دامىتىلادى. قامتاماسىزدىق تۇرعىن ءۇي قۇرىلىسى جانە قالا - قالاشىقتارداعى لاشىق مەكەندەردى جاڭالاۋ جالعاستى ىلگەرىلەتىلىپ،قيىنشىلىعى بار جۇرتشىلىقتىڭ نەگىزگى قونىستانۋ تالابى قامتاماسىز ەتىلەدى. قالا -قالاشىقتارداعى ەسكى،كونە شاعىن اۋماقتاردىڭ سانى كوپ،اۋماعى كەڭ،ونى بارىنشا جاڭالاپ سالىپ ساپالىلاندىرىپ،سۋ،ەلەكتر،جول،گاز  سياقتى سايكەستى قۇرىلعىلارىن جاڭالاپ،ليفتپەن قوسا ورناتۋعا قولداۋ كورسەتىپ،حالىققا قولايلى بازار،قولايلى دۇكەن،جاياۋلار كوشەسى،اۆتوتۇراق،بوگەتسىز وتكەل سياقتى تۇرمىسقا قىزمەت وتەۋ قۇرىلعىلارىن مۇلتىكسىزدەندىرۋ ءتيىس.  جاڭاشا قالا -قالاشىقتانۋدا ادامدى وزەك ەتۋ بارلىق جەردە ايگىلەنىپ،يكەمدىلىكپەن وڭاۋ، ىجداعاتپەن قىزمەت وتەۋ دەڭگەيى جوعارىلاتىلادى،ءسويتىپ،قالانىڭ قونىستانۋعا اناعۇرلىم  جايلى،اناعۇرلىم اشىق جانە گۋمانيتارلىق سيىسىمدىلىققا يە بولۋىنا مۇمكىندىك جاسالادى.

  ■ لاستانۋدان ساقتانۋ جانە ەكولوگيا قۇرىلىسى كۇشەيتىلىپ، جاسىل دامۋ بارىنشا ىلگەرىلەتىلەدى

  مەملەكەتتىك كەڭەستىڭ زۇڭليى لي كىچياڭ 3 - ايدىڭ 5 -كۇنى ۇكىمەت قىزمەتىنەن بايانداما جاساعاندا بىلاي دەدى: لاستانۋدان ساقتانۋ جانە ەكولوگيا قۇرىلىسى كۇشەيتىلىپ،جاسىل دامۋ   بارىنشا ىلگەرىلەتىلەدى. جاسىل دامۋ وسىزاماندانعان شارۋاشىلىق جۇيەسىن قۇرۋدىڭ ءسوزسىز تالابى، لاستانۋ ماسەلەسىن شەشۋدىڭ ءتۇبىرلى شاراسى سانالادى. قاتىستى تۇزىمدەردى رەفورمالاپ كەمەلدەندىرىپ، جوعارى ساپالى دامۋ مەن ەكولوگيالىق ورتانى قورعاۋدى سايكەستىرە ىلگەرىلەتۋ كەرەك.

  لاستانۋدان ساقتانۋ باياندى ىلگەرىلەتىلەدى. كوك اسپاندى قورعاۋ شايقاسىنىڭ تابىستارى بەكەمدەلەدى جانە كەڭەيتىلەدى،بيىل كۇكىرت قوس توتىعى مەن ازوت توتىقتارىنىڭ شىعارىلۋى ٪ 3 ازايىپ،ءتۇيىندى وڭىرلەردەگى شاڭ - توزاڭنىڭ (5.PM2) قويۋلىعى جالعاستى تومەندەتىلەدى. بەيجيڭ -تيانجين -حىبەي مەن ونىڭ توڭىرەگى،چاڭجياڭ اتىراۋى جانە فىنحى-ۋيحى جازىعىنىڭ اتموسفەرا بىلعانىشىن وڭاۋدان قامال الۋ ۇزبەي جۇرگىزىلىپ، ونەركاسىپ، وتىندىق كومىر، اۆتوكولىك سىندى ءۇش ءىرى بىلعانىش قاينارىن جونگە سالۋ كۇشەيتىلەدى. سولتۇستىك وڭىرلەردە تازا ەنەرگيامەن جىلىتۋ قىزمەتى ويداعىداي ىستەلىپ،جۇرتشىلىقتىڭ قىستى جىلى وتكىزۋىنە كەپىلدىك ەتىلەدى. سۋ،توپىراق لاستانۋىنىڭ الدىن الۋ كۇشەيتىلىپ،بيىلعى وتتەگىن حيميالىق قاجەتسىنۋ مولشەرى مەن ازوتتى اممياكتىڭ شىعارىلۋ مولشەرى ٪ 2 تومەندەتىلەدى. قارا قوشقىل،ساسىق سۋ  الابىن جونگە سالۋ تەزدەتىلىپ،ءتۇيىندى سالالار مەن جاعاعا جاقىن تەڭىز ايدىنىن جان -جاقتى  وڭاۋ ىلگەرىلەتىلەدى. قاتتى جاراقسىز زاتتار مەن قالا قوقىر -قوقسىعىن تۇرگە ايىرۋ كۇشەيتىلەدى. كاسىپورىن لاستانۋدىڭ الدىن الاتىن،ساقتاناتىن جانە ونى جونگە سالاتىن تۇلعا رەتىندە،ءسوز جوق،زاڭ بويىنشا ورتانى قورعاۋ جاۋاپكەرشىلىگىن وتەۋى كەرەك. ورتانى وڭاۋ تاسىلىنە رەفورما جاساپ،جاڭالىق اشۋدا كاسىپورىندى زاڭ ەرەجەلەرگە ساي باقىلاپ باسقارۋ ءارى ۇيلەسىمدى   تىلەكتەرىنە ءمان بەرىپ،كومەكتەسۋ-سۇيەمەلدەۋ مەن جەتەكشىلىك ەتۋدى كۇشەيتىپ،ولشەمگە جەتكىزىپ رەتتەپ وڭاۋعا تيىستىلەرىنە لايىقتى وتپەلى مەرزىم بەرىپ،ءبىر جايلى ەتۋ شاراسىنىڭ ءۇستىرت،دورەكى بولۋىنان،ءبارىن ءبىر تاياقپەن ايداۋدان ساقتانۋ كەرەك. كاسىپورىنداردا ىشكى باسىم كۇش پەن سىرتقى قوزعاۋشى كۇش بار،بىلعانىشتان ساقتانۋدا اناعۇرلىم قوماقتى تابىسقا، ءسوزسىز، جەتە الادى. 

  جاسىل ورتانى قورعاۋ شارۋاشىلىعى كۇشەيتىلەدى. وت ەلەكتر،بولات -تەمىر سالاسىندا لاس زاتتاردى وتە از شىعاراتىن ەتىپ قايتا قۇرۋ جەدەلدەتىلىپ، ورتانى اۋىر دارەجەدە لاستايتىن سالالاردى لاس زاتتاردىڭ شىعارىلۋى ولشەمنەن اسپايتىن ەتىپ قايتا قۇرۋ اتقارىلادى. كومىردى تازارتىپ پايدالانۋ ىلگەرىلەتىلىپ،جەل، كۇن نۇرى، سۋ ەلەكتردى قابىلداۋ ماسەلەسىن شەشۋ جەدەلدەتىلەدى. قالاداعى لاس سۋ قۇبىرى توراپتارى مەن ءبىر جاقتىلى ەتۋ قۇرىلعىلارى قۇرىلىسىنىڭ تەبىنى كۇشەيتىلەدى. بايلىقتى ۇنەمدەۋ جانە اينالىمدى پايدالانۋ جەبەلىپ،جاسىل قۇرىلىستار جالپىلاستىرىلادى. ورتا ەكونوميكاسى ساياساتى رەفورمالانىپ جانە كەمەلدەندىرىلىپ،جاسىل فينانس جەدەلدەتە دامىتىلىپ،ورتانى قورعاۋدىڭ ارنايىلانعان ءبىر توپ تىرەكتى كاسىپورىندارى جەتىلدىرىلىپ، جاسىل دامۋ قۋاتى جوعارىلاتىلادى.

  ەكولوگيالىق جۇيەنى قورعاۋ،قالپىنا كەلتىرۋ كۇشەيتىلەدى. تاۋ، سۋ، ورمان، اتىز، كول، جايىلىم ەكولوگياسىن قورعاۋ،قالپىنا كەلتىرۋ ينجەنەرياسىنىڭ سىناق تۇيىندەرى ىلگەرىلەتىلىپ،مەملەكەت جەرىن جاسىلداندىرۋ،شولەيتتەنۋدىڭ الدىن الۋ، قۇمدى تىزگىندەۋ،توپىراقتىڭ شايىلۋىن وڭاۋ جانە ورگانيزمدەردىڭ الۋان تۇرلىلىگىن قورعاۋ جالعاستى ويداعىداي مەڭگەرىلەدى. مەملەكەتتىك باقشا ءتۇزىلىسى رەفورماسى تەرەڭدەتىلەدى. جاسىل دامۋدا بارلىق ادامنىڭ جاۋاپكەرشىلىگى بار، ونىڭ قادىر -قىمباتى قيمىلداۋدان، تابىسى تاباندى بولۋدان كەلەدى. ءبىز حالىق جۇرتشىلىعىن ورتاسى كوركەم، قونىسى جايلى تۇرمىسقا جەتكىزۋ جولىندا بىرگە قۇلشىنۋىمىز كەرەك.

  ■ ءتۇيىندى سالالار رەفورماسى تەرەڭدەپ، بازار مەحانيزمىن كەمەلدەندىرۋ جەدەلدەيدى

  مەملەكەتتىك كەڭەستىڭ زۇڭليى لي كىچياڭ 3 - ايدىڭ 5 -كۇنى ۇكىمەت قىزمەتىنەن بايانداما جاساعاندا بىلاي دەدى: ءتۇيىندى سالالار رەفورماسى تەرەڭدەپ،بازار مەحانيزمىن كەمەلدەندىرۋ جەدەلدەيدى. نازاردى كورنەكتى قايشىلىقتار مەن شەشۋشى بۋىندارعا شوعىرلاندىرىپ، قاتىستى  رەفورمالاردىڭ ىشكەرىلەي ەتەك الۋى ىلگەرىلەتىلىپ،جوعارى ساپالى دامۋعا سايكەسەتىن ءتۇزىلىس -مەحانيزمدەردى اقاۋسىزداندىرىپ، بازاردىڭ ومىرشەڭدىك قۋاتى مەن قوعامنىڭ جاسامپازدىق  قۋاتىن تولىق اشۋ كەرەك.

  مەملەكەت مەنشىگىندەگى كاپيتال مەن مەملەكەت مەنشىگىندەگى كاسىپورىنداردىڭ رەفورما اياق الىسى تەزدەيدى. مەملەكەت مەنشىگىندەگى مال - مۇلىكتى باقىلاۋ -باسقارۋ كۇشەيتىلىپ جانە كەمەلدەندىرىلىپ، مەملەكەت مەنشىگىندەگى كاپيتالمەن قارجىلاندىرىپ،شارۋاشىلىق جۇرگىزەتىن سەرىكتەستىكتەر رەفورماسىن تۇيىندە سىناق ەتۋ ىلگەرىلەتىلىپ،مەملەكەت مەنشىگىندەگى مال - مۇلىكتىڭ قۇنىن ساقتاۋ جانە ارتتىرۋ جەبەلەدى. ارالاس مەنشىكتەگى شارۋاشىلىق رەفورماسى   بەلسەندى،ورنىقتى ىلگەرىلەتىلەدى. سەرىكتەستىكتىڭ باسقارۋ قۇرىلىمى كەمەلدەندىرىلىپ، شارۋاشىلىق باسقارۋدىڭ بازارلانعان مەحانيزمى  اقاۋسىزداندىرىلىپ،كاسىپتىك مەڭگەرۋشى سياقتى تۇزىمدەر ورناتىلادى. ”جانسىز كاسىپورىندار“ زاڭ بويىنشا ءبىر جايلى ەتىلەدى. ەلەكتر،مۇناي - گاز،تەمىر جول، ت. ب سالالاردا رەفورمانى   تەرەڭدەتىپ،تابيعي مونوپوليالىق سالالاردا تۇرلىشە سالالاردىڭ ەرەكشەلىگىنە نەگىزدەلىپ توراپ پەن شارۋاشىلىق باسقارۋدى ءبولۋ،باسەكەلىك كاسىپتەردى بازارعا جاپپاي ويىستىرۋ كەرەك. مەملەكەت مەنشىگىندەگى كاسىپورىندار رەفورمالاۋ، جاڭالىق اشۋ ارقىلى وزدەرىن قۇدىرەتتەندىرىپ، دامۋ جاعىنداعى ومىرشەڭدىگى مەن وزەكتى باسەكەلىك قۋاتىن تىنباي كۇشەيتۋ كەرەك.

  حالىق باسقارۋىنداعى شارۋاشىلىقتىڭ دامۋ ورتاسى كۇش سالا وتىرىپ جاقسارتىلادى. ”ەكىدەن اۋىتقىماۋعا“ تاباندى بولىپ،جالپىلىق مەنشىككە جاتپايتىن شارۋاشىلىقتى دامىتۋعا شابىت بەرىلەدى، قولداۋ كورسەتىلەدى،وعان جەتەكشىلىك ەتىلەدى. باسەكەدە بەيتاراپ تۇرۋ پرينسيبى نەگىزىندە ماڭىزدى فاكتورلارعا يە بولۋ،بازارعا كىرۋگە رۇقسات ەتۋ،شارۋاشىلىق جۇرگىزۋ،ۇكىمەتتىك ساتىپ الۋ جانە مەردىگەر شاقىرۋ،مەردىگەرلىككە قاتىناسۋ جاعىندا ءتۇرلى مەنشىكتەگى كاسىپورىندارعا تەڭ مامىلە جاسالادى. اكىمشىلىك پەن ساۋدانىڭ باۋىرمال،پاك،جاڭاشا قاتىناسى ورناتىلىپ، ۇكىمەت پەن كاسىپورىندى بايلانىستىرۋ مەحانيزمى اقاۋسىزداندىرىلىپ، كاسىپكەرلىك رۋح ىنتالاندىرىلىپ،حالىق باسقارۋىنداعى شارۋاشىلىقتىڭ دامۋى، دارەجەسىنىڭ كوتەرىلۋى جەبەلەدى. مۇلىك ۇقىعىن قورعاۋعا، ءسوز جوق، تاباندى بولىپ، ۇقىققا قول سۇعۋ ارەكەتتەرىن زاڭ بويىنشا جازالاپ،قاتە،ناقاق دەلولاردا قاتەلىك بولسا زاڭ  بويىنشا تۇزەتىپ،تاماشا تيجارات -ساۋدا ورتاسىن قۇلشىنا جاراتىپ،كاسىپكەرلەردىڭ شارۋاشىلىقپەن قامسىز شۇعىلدانۋىنا،الاڭسىز كاسىپورىن اشۋىنا مۇمكىندىك جاساۋ كەرەك.

  قازىنا، باجى، فينانس ءتۇزىلىسى رەفورماسى تەرەڭدەتىلەدى. مەجە ەسەپتى جاريا ۇستاۋ تەبىنى ارتتىرىلىپ،ورتالىق پەن جەرگىلىكتى ورىنداردىڭ قازىنالىق ءىس ۇقىعى مەن شىعىس جاۋاپكەرشىلىگىن ءبولۋ رەفورماسى ىلگەرىلەتىلەدى. جەرگىلىكتى باجى جۇيەسى اقاۋسىزداندىرىلىپ،ءۇي -جاي باجىسى جونىندە زاڭ شىعارۋ ورنىقتى ىلگەرىلەتىلەدى. جەرگىلىكتى ۇكىمەتتىڭ قارىزدانىپ قارجى قۇراۋ مەحانيزمى جۇيەگە تۇسىرىلەدى. تۇلعالىق شارۋاشىلىققا قىزمەت وتەۋ جەتەكشى باعىت ەتىلىپ، فينانس جۇيەسى قۇرىلىمى رەفورمالانىپ جاقسارتىلىپ،حالىق باسقارۋىنداعى بانكە مەن   الەۋمەتتىك اۋماق بانكە ىستەرى دامىتىلادى. كاپيتال بازارىنىڭ نەگىزدىك ءتۇزىمى رەفورمالانىپ جانە كەمەلدەندىرىلىپ،كوپ ساتىلى كاپيتال بازارىنىڭ اقاۋسىز،ورنىقتى دامۋى جەبەلىپ، تىكە قارجى قۇراۋدىڭ،اسىرەسە،جارنا ۇقىعىندىق  قارجى قۇراۋدىڭ ارا سالماعى جوعارىلاتىلادى. قامسىزداندىرۋ كاسىبىنىڭ حاۋىپ -قاتەرگە قاتىستى قامتاماسىزداندىرۋ فۋنكتسياسى كۇشەيتىلەدى. فينانس حاۋىپ -قاتەرىن باقىلاۋ -تەكسەرۋ،ودان ساقتاندىرۋ جانە ونى جويۋ، ءبىر جاقتىلى ەتۋ كۇشەيتىلەدى. ەلىمىزدىڭ قازىنا -فينانس جۇيەسى جالپى تۇلعالىق جاقتان ورنىقتى، اقاۋسىز ءارى پايدالانۋعا بولاتىن ساياساتتىق قۇرالدارى كوپ،ءبىز جۇيەلىك حاۋىپ -قاتەردى بولدىرماۋدىڭ تومەنگى شەگىن قورعاپ تۇرۋعا قابىلەتتىمىز.

  ■ سىرتقا ەسىكتى جان - جاقتى اشۋ   ىلگەرىلەتىلىپ،حالىقارالىق ەكونوميكالىق سەلبەستىك پەن باسەكەدەگى تىڭ باسىمدىقتار جەتىلدىرىلەدى

  مەملەكەتتىك كەڭەستىڭ زۇڭليى لي كىچياڭ 3 -ايدىڭ 5 -كۇنى ۇكىمەت قىزمەتىنەن بايانداما جاساعاندا بىلاي دەدى: سىرتقا ەسىكتى جان - جاقتى اشۋ ىلگەرىلەتىلىپ، حالىقارالىق ەكونوميكالىق سەلبەستىك پەن باسەكەدەگى تىڭ باسىمدىقتار جەتىلدىرىلەدى. ەسىك اشۋدىڭ ءورىسى اناعۇرلىم كەڭەيىپ، ەسىك اشۋدىڭ قۇرىلىمى جاقسارىپ، تاۋار مەن فاكتور جاعىنداعى تۇرلاۋسىز ەسىك اشۋ جالعاستى ىلگەرىلەتىلىپ، ەرەجە سياقتى جاقتارداعى تۇزىمدىك ەسىك اشۋعا اناعۇرلىم ءمان بەرىلىپ، جوعارى دەڭگەيدەگى ەسىك اشۋ ارقىلى رەفورمانى جاپپاي تەرەڭدەتۋگە قوزعاۋشىلىق ەتىلەدى.

  ورنىقتىلىق نەگىزىندە سىرتقى ساۋدانىڭ ساپاسىن جوعارىلاتۋ جەبەلەدى. ەكسپورت بازارىنىڭ كوپ نەگىزدەنۋى ىلگەرىلەتىلەدى. ەكسپورت سەنىمدىلىگىن قامسىزداندىرۋدىڭ قامتۋ كولەمى كەڭەيەدى. شەكارا  اتتاعان ەلەكتروندىق ساۋدا سياقتى جاڭا كاسىپ قالىبىن سۇيەمەلدەۋ ساياساتتارى رەفورمالانىپ كەمەلدەندىرىلەدى. ساۋدانىڭ جاڭالىق اشا وركەندەۋىنە قىزمەت وتەۋ ىلگەرىلەتىلىپ، مانەرلەۋ ساۋداسىنىڭ قۇرىلىمىن جاڭالاپ، دەڭگەيىن جوعارىلاتىپ، ورتا جانە باتىس بولەككە اۋىسۋىنا جەتەكشىلىك ەتىلىپ، كەشەندى باجىسىز رايوننىڭ رولى ويداعىداي ساۋلەلەندىرىلەدى. يمپورت قۇرىلىمى جاقسارتىلىپ، كولەمى بەلسەنە كەڭەيتىلەدى. 2 - كەزەكتى جۇڭگو حالىقارالىق يمپورت كورمەسى ويداعىداي ۇيىمداستىرىلىپ، كەدەننەن ءوتۋدى قولايلىلاندىرۋ دەڭگەيى جىلدام جوعارىلاتىلادى.

  شەتەل قارجىسىن باۋراۋ تەبىنى ارتتىرىلادى. بازارعا كىرۋگە رۇقسات ەتۋ اناعۇرلىم كەڭ ۇستالىپ،شەتەل قارجىسىن ەنگىزۋگە رۇقسات ەتۋدەگى شەكتەلگەن سالالار ءتىزىمى ازايىپ، شەتەل قارجىسىنىڭ ءتىپتى دە كوپ سالالاردى دەربەس قارجىلاندىرىپ تيجارات ەتۋىنە جول قويىلادى. فينانس قاتارلى سالالاردى رەفورمالاۋ، اشىق ۇستاۋ شاراسى تياناقتاندىرىلىپ، زايوم   بازارىن اشىق ۇستاۋ ساياساتى كەمەلدەندىرىلەدى.   حالىقارادا جالپىلىق قولدانىلاتىن ساۋدا ەرەجەسىمەن سايكەسۋ جەدەلدەتىلىپ،ساياساتتىڭ جاريالىلىعى مەن اتقارۋدىڭ بىركەلكىلىگى جوعارىلاپ،ىشكى -سىرتقى قارجىلىق كاسىپورىنداردىڭ بارىنە بىردەي قاراپ،تەڭ تۇرعىدا باسەكەلەسەتىن ءادىل بازار ورتاسى قالىپتاستىرىلادى. شەتەل ساۋداگەرلەرىنىڭ زاڭدى ۇقىق -مۇددەسىن قورعاۋ كۇشەيتىلەدى. ەركىن ساۋدا سىناق رايونىنا ءتىپتى دە زور رەفورمالاۋ،جاڭالىق اشۋ،ءوزىن - ءوزى باسقارۋ ۇقىعى بەرىلىپ،شاڭحاي ەركىن ساۋدا سىناق رايونىنىڭ جاڭا شاعىن رايونى قۇرىلىپ،حاينان ەركىن ساۋدا سىناق رايونىنىڭ قۇرىلىسى ىلگەرىلەتىلىپ، جۇڭگوشا ەركىن ساۋدا پورتىن قۇرۋ جاعىندا ىزدەنىس   جاسالادى. مەملەكەت دارەجەلى ەكونوميكالىق گۇلدەندىرۋ رايونىنىڭ،جوعارى،جاڭا تەحنيكالى شارۋاشىلىق رايونىنىڭ،جاڭا رايوننىڭ ەركىن ساۋدا سىناق رايونىنا قاتىستى رەفورما سىناق ءتۇيىنى ورىستەتىلىپ،قامتۋ، باستاماشىلدىق ەتۋ رولى كۇشەيتىلىپ،رەفورما جاساپ، ەسىك اشۋدىڭ تىڭ دەڭگەيىن جاراتۋعا قولداۋ كورسەتىلەدى. جۇڭگونىڭ قارجى قوسۋ ورتاسى،ءسوز جوق، بارعان سايىن جاقسارىپ،ءار ەل كاسىپورىندارىنىڭ جۇڭگوداعى دامۋ ورايى،ءسوز جوق،بارعان سايىن ارتا تۇسەتىن بولادى.

  ”ءبىر بەلدەۋ، ءبىر جول“ قۇرىلىسىن بىرگە قۇرۋ قادامى ىلگەرىلەتىلەدى. بىرگە اقىلداسۋ،بىرگە قۇرۋ، تەڭ يگىلىكتەنۋگە تاباندى بولىپ،بازار پرينسيبىنە جانە حالىقارادا جالپىلىق قولدانىلاتىن ەرەجەگە ساي،كاسىپورىننىڭ نەگىزگى تۇلعالىق رولى ساۋلەلەندىرىلىپ، نەگىزدىك قۇرىلعىلاردى ۇلاستىرۋ -تۇتاستىرۋ ىلگەرىلەتىلىپ،ءوندىرىس قۋاتى جاعىندا حالىقارالىق سەلبەستىك كۇشەيتىلىپ،ءۇشىنشى جاقپەن بازار سەلبەستىگى كەڭەيتىلەدى.  2- كەزەكتى” ءبىر بەلدەۋ، ءبىر جول“ حالىقارالىق سەلبەستىگى جونىندەگى ەل باسشىلارىنىڭ تالقى مىنبەرى ويداعىداي وتكىزىلەدى. شەتەلدەرمەن قارجى قوسۋ جاعىنداعى سەلبەستىكتى اقاۋسىز،ءتارتىپتى دامىتۋ ىلگەرىلەتىلەدى.

  ساۋدا جانە قارجى قوسۋدىڭ ەركىن،قولايلى بولۋى جەبەلەدى. جۇڭگو ەكونوميكانىڭ جاھاندانۋى مەن ەركىن ساۋدانى باتىل قورعاپ، دۇنيە جۇزىلىك ساۋدا   ۇيىمىنىڭ رەفورما ىستەرىنە بەلسەنە قاتىناسادى. جوعارى ولشەمدى ەركىن ساۋدا رايونى تورابىن قۇرۋ اياق الىسى جەدەلدەپ،وڭىرلەردىڭ جاپپاي ەكونوميكالىق سەرىكتەستىك قاتىناس كەلىسىمى،جۇڭگو -جاپونيا -كورەيا ەركىن ساۋدا رايونى،جۇڭگو -ەۆروپا قارجى قوسۋ كەلىسىمى كەلىسسوزى ىلگەرىلەتىلىپ،جۇڭگو- امەريكا قۇراما شتاتتارى ەكونوميكا -ساۋدا كەڭەسى جالعاستى جەبەلەدى. جۇڭگو ءوزارا ءتيىمدى سەلبەستىك جاساپ، تەڭ يگىلىكتەنىپ دامۋعا تاباندى بولادى،تەڭ تۇرعىدا كەڭەسۋ ارقىلى ساۋدا تالاس -تارتىسىن شەشۋدى  ەجەلدەن دارىپتەپ كەلەدى، ءبىز بەرگەن ۋادەمىزدى مۇقيات اتقارىپ،ءوزىمىزدىڭ زاڭدى ۇقىق - مۇددەمىزدى باتىل قورعايمىز.

   ■ قوعامدىق ىستەردىڭ دامۋى جەدەلدەپ، حالىق تۇرمىسى اناعۇرلىم ويداعىداي قامتاماسىز ەتىلەدى جانە جاقسارتىلادى

  مەملەكەتتىك كەڭەستىڭ زۇڭليى لي كىچياڭ 3-ايدىڭ 5-كۇنى ۇكىمەت قىزمەتىنەن بايانداما جاساعاندا بىلاي دەدى: قوعامدىق ىستەردىڭ دامۋى جەدەلدەپ،حالىق تۇرمىسى اناعۇرلىم ويداعىداي قامتاماسىز ەتىلەدى جانە جاقسارتىلادى. بيىل قازىنا كىرىس-شىعىسىنىڭ تەپە-تەڭدىگىن ساقتاۋدىڭ قىسىمى ارتقان بولسا دا،نەگىزگى حالىق تۇرمىسىنا قوسىلاتىن قارجىنىڭ كوبەيمەسە ازايمايتىنىنا شىنايى كەپىلدىك ەتىلەدى. قوعامدىق كۇشتەردىڭ نەگىزدىك الەۋمەتتىك قىزمەت وتەۋگە جاتپايتىن   ۇسىنىمدى ارتتىرۋىنا قولداۋ كورسەتىلىپ،بۇقارانىڭ كوپ ساتىلى،سان سالالى قاجەتى قاناعاتتاندىرىلادى.

  اناعۇرلىم ءادىل دە ساپالى وقۋ-اعارتۋ ىستەرى دامىتىلادى. قالا،اۋىلداردا مىندەتتى وقۋ-اعارتۋدىڭ ءبىر تۇلعالانىپ دامۋى ىلگەرىلەتىلىپ،اۋىل-قىستاقتاردا مەكتەپ اشۋ شارت-جاعدايىن جاقسارتۋ جەدەلدەتىلىپ، قالا-قالاشىقتاعى مەكتەپتەردە ”كلاستاعى وقۋشى سانىنىڭ شەكتەن تىس كوپ بولۋ“ ماسەلەسىن شەشۋ مىقتى مەڭگەرىلەدى،قالاعا بارىپ جۇمىستانۋشىلاردىڭ وزدەرىمەن ەرە كەلگەن پەرزەنتتەرىن وقۋعا ءتۇسىرۋى قامتاماسىز    ەتىلىپ،”ينتەرنەت + وقۋ-اعارتۋ“ دامىتىلىپ،ساپالى بايلىقتان تەڭ يگىلىكتەنۋ جەبەلەدى. مەكتەپكە دەيىنگى تاربيە جونىندەگى ۇسىنىم ءتۇرلى ارنالارمەن كەڭەيتىلىپ، مەيلى ۇكىمەت قۇرعان نەمەسە حالىق باسقارۋىنداعى بالا باقشا بولسىن،تەك حاۋىپسىزدىك ولشەمى ۇيلەسىمدى، اقىسى لايىقتى،اتا-انالار الاڭسىز بولسا،ۇكىمەت قولداۋ كورسەتەدى. ورتا مەكتەپ ساتىسىنداعى وقۋ-اعارتۋدى جالپىلاستىرۋعا دەم بەرىلەدى،ۇلتتىق وقۋ-اعارتۋ،   ەرەكشە ءبىلىم بەرۋ،جالعاستى ءبىلىم بەرۋ تاربيەسى جاقسى جۇرگىزىلەدى. مىندەتتى وقۋ-اعارتۋ ساتىسىنداعى وقىتۋشىلاردىڭ ەڭبەكاقى مامىلەسىن تياناقتاندىرۋ ۇزدىكسىز ويداعىداي ۇستالادى. وزىق داشۋە،ۇزدىك ءپان قۇرىلىسى ىلگەرىلەتىلەدى. بيىل قازىنا قۋاتى وتە جەتەرسىز بولسا دا،مەملەكەتتىڭ قازىنالىق وقۋ-اعارتۋ قاراجاتىنىڭ ىشكى ءوندىرىستىڭ جالپى ءونىم قۇنىندا ۇستايتىن سالىستىرماسى جالعاستى ٪4 ۇستىندە ساقتالىپ،ورتالىق قازىنادان وقۋ-اعارتۋعا ورنالاستىرىلعان شىعىس ءبىر تريلليون يۋاننان اسىرىلادى. ءبىز وسى ءبىر قىمباتتى قارجىنى جاقسى پايدالانىپ، حالىقتى ريزا ەتەتىن وقۋ-اعارتۋدى ويداعىداي باسقارىپ،كەلەشەك ارمانىمىزدى اسقاقتاتۋعا قۇلشىنۋىمىز كەرەك.

  نەگىزگى ەمدەۋ-دەنساۋلىق ساقتاۋعا قىزمەت وتەۋ قامتاماسىزداندىرىلادى. قالا، اۋىل تۇرعىندارىنىڭ نەگىزگى ەمدەلۋىن قامسىزداندىرۋ جانە سالماقتى اۋرۋلار قامسىزداندىرۋىن قامتاماسىز ەتۋ دەڭگەيى ۇزدىكسىز جوعارىلاپ،تۇرعىنداردىڭ ەمدەلۋىن قامسىزداندىرۋعا بەرىلەتىن ورتاشا قازىنالىق كومەك قاراجات ولشەمى ادام باسىنا 30 يۋان قوسىلادى،مۇنىڭ جارىمى سالماقتى ناۋقاستاردى قامسىزداندىرۋعا جۇمسالادى. سالماقتى ناۋقاستاردى قامسىزداندىرۋداعى العاش تولەنەتىن اقى شەگى تومەندەتىلىپ جانە بىرلىككە كەلتىرىلىپ،ەسەپتەن كوتەرۋ سالىستىرماسى ٪50 تەن ٪60 كە جوعارىلاتىلىپ،سالماقتى ناۋقاستاردىڭ،قيىنشىلىعى بار بۇقارانىڭ ەمدەلۋ جاعىنداعى اۋىرتپالىعى اناعۇرلىم جەڭىلدەتىلەدى. سالماقتى اۋرۋلاردان ساقتانۋدى كۇشەيتۋ كەرەك. ەلىمىزدە راك اۋرۋىنىڭ ازاپ وتىندا جۇرگەن سان مىڭداعان وتباسىلار بار،راك اۋرۋىنان ساقتانۋ ارەكەتىن جۇرگىزۋ، الدىن الا ساقتانۋ،تەكسەرىلۋ،ەرتە ەمدەلۋ جانە عىلىم-تەحنيكادا قامال الۋدى ىلگەرىلەتىپ،حالىق تۇرمىسىنداعى جانعا باتقان وسى ءبىر ازاپتى بار كۇشپەن الاستاۋ كەرەك. ۇنەمى كەزدەسەتىن سوزىلمالى اۋرۋلاردان ويداعىداي ساقتانۋ كەرەك. جوعارى قان قىسىمى،قانتتى نەسەپ اۋرۋى سياقتى امبۋلاتوريادا ءدارى پايدالانۋ ەمدەۋ قامسىزداندىرۋىنا ەنگىزىلىپ ەسەپتەن كوتەرىلەدى. ولكە اتتاپ سىرت جەردە ەمدەلۋدە تىكە ەسەپ جابۋ ساياساتى تىڭعىلىقتى تياناقتاندىرىلىپ جانە كەمەلدەندىرىلىپ، سىرت جەردە ەمدەلگەن ناۋقاستاردىڭ بەلگىلەنگەن  شيپاحانالاردىڭ بارلىعىندا ەمدەۋ كارتۋچكاسىمەن ەمدەلىپ، دەر كەزىندە ەسەپ جابۋى جەدەلدەتىلىپ،  جىلجىمالى حالىق پەن ولارعا ەرە جۇرگەن قارتتارعا  شىنايى قولايلىلىق جاراتىلادى. ۇكىمەتتىك شيپاحانالاردىڭ جالپىلىق رەفورماسى تەرەڭدەتىلىپ،قوعامنىڭ شيپاحانا قۇرۋى جەبەلەدى. الىس ارالىقتان ەمدەۋ جانە وعان قىزمەت وتەۋ جۇيەسى جەدەل قۇرىلىپ،نەگىزگى ساتىداعى ەمدەۋ قىزمەتكەرلەرىن تاربيەلەۋ كۇشەيتىلىپ، دارەجەگە ءبولىپ ەمدەۋ جانە وتباسىلىق شيپاگەرلەردىڭ توقتامداسىپ قىزمەت وتەۋ ساپاسى جوعارىلاتىلادى.   الدىن الا ساقتانۋدى نەگىز ەتۋگە تاباندى بولىپ،تىڭنان قوسىلعان نەگىزگى الەۋمەتتىك دەنساۋلىق ساقتاۋعا قىزمەت وتەۋ ءۇشىن بەرىلەتىن قازىنالىق قوسىمشا قاراجاتتى بۇكىلدەي قىستاق پەن الەۋمەتتىك اۋماقتارعا بەرۋ،  نەگىزگى ساتى جۇرتشىلىق،ءسوز جوق،ونىڭ يگىلىگىن كورۋ ءتيىس. انالار مەن بالالار دەنساۋلىعىن قورعاۋعا قىزمەت وتەۋ كۇشەيتىلەدى. جۇڭگوشا شيپاگەرلىك جانە جۇڭگوشا   ءدارى-دارمەك ىستەرىنە مۇراگەرلىك ەتۋگە،جاڭالىق اشىپ دامىتۋعا قولداۋ كورسەتىلەدى.  ءدارى-دارمەك، ۆاكسينا باس اماندىققا تىكە قاتىستى بولعاندىقتان،ءسوز جوق،جالپى بارىسىن باقىلاۋ-باسقارۋدى كۇشەيتۋ كەرەك،زاڭعا قايشىلىق جاساعانداردى اياۋسىز جازالاپ،مىندەتىن وتەمەي،قىزمەتتە جاۋاپكەرسىزدىك ىستەگەندەردى قاتاڭ تەكسەرىپ ءبىر جاقتىلى ەتىپ،حالىق  بۇقاراسىنىڭ ءومىرى مەن اقاۋسىزدىق شەبىن پارمەندى قورعاۋ كەرەك.

  قوعامدىق قامتاماسىزداندىرۋ ءتۇزىمى مەن ساياساتى كەمەلدەندىرىلەدى. قارتتاردى كۇتىمدەۋدىڭ كوپ ساتىلى قامتاماسىزداندىرۋ جۇيەسى قۇرىلىسى ىلگەرىلەتىلەدى. زەينەتكە شىققانداردىڭ نەگىزگى زەينەتاقىسى ۇزدىكسىز جوعارىلاتىلادى. ارميادان قايتقان اسكەريلەردى مامىلە جاعىنان قامتاماسىزداندىرۋ تياناقتاندىرىلىپ،  قوسىننان قايتقان اسكەرلەردىڭ نەگىزگى زەينەتكەرلىك قامسىزداندىرۋىن،نەگىزگى ەمدەلۋ قامسىزداندىرۋىن ۇلاستىرۋ ساياساتى كەمەلدەندىرىلەدى. قالا،اۋىل تۇرعىندارىنىڭ ەڭ تومەنگى تۇرمىسىن قامتاماسىز ەتۋ،  ارناۋلى قۇتقارۋ-كومەكتەسۋ ولشەمى لايىقتى جوعارىلاتىلادى،قيىنشىلىق قىسپاعىنداعى بالالاردى قامتاماسىزداندىرۋ كۇشەيتىلەدى. قالا-قالاشىقتاعى قيىنشىلىعى بار جۇمىسشى-قىزمەتكەرلەردى قيىنشىلىقتان قۇتقارۋ   قىزمەتىنىڭ تەبىنى ارتتىرىلادى. مۇگەدەك بولۋدان  ساقتانۋ جانە سىرقاتتان ساۋىعۋعا قىزمەت وتەۋ دەڭگەيى جوعارىلاتىلادى. ءبىز قيىنشىلىقتا قالعان بۇقارانى مۇمكىندىكتىڭ بارىنشا شۇعىل قۇتقارىپ، قيىنشىلىعىن شەشىپ، قىسىلعاندا قارايلاسىپ،حالىقتىڭ نەگىزگى تۇرمىسىن قامتاماسىزداندىرۋدىڭ تومەنگى شەگىن باتىل ساقتاۋىمىز كەرەك.

  حالىق بۇقاراسىنىڭ رۋحاني مادەنيەت تۇرمىسى بايىتىلادى. سوتسياليستىك وزەكتى قۇن كوزقاراسى جەتىلدىرىلىپ جانە امالياتتا ايگىلەنىپ، بۇقارالىق رۋحاني وركەنيەت قۇرىلىسى قيمىلى جاپپاي ورىستەتىلىپ، كۇرەسكەرلىك رۋح،عىلىمي رۋح، ەڭبەك وزاتى رۋحى، شەبەرلەر رۋحى بارىنشا ساۋلەلەندىرىلىپ، ورگە، ىزگىلىككە ۇمتىلاتىن قۇدىرەتتى كۇش جيىلادى.جۇڭگوشا فيلوسوفيالىق-قوعامدىق عىلىمدى گۇلدەندىرۋ جەدەلدەتىلەدى. ينتەرنەت مازمۇنى قۇرىلىسى كۇشەيتىلەدى. ادەبيەت-كوركەمونەر تۋىندىلارى گۇلدەندىرىلىپ،اقپارات-باسپا ءسوز،راديو،كينو،تەلەۆيزيا جانە ارحيۆ، ت. ب كاسىپتەر دامىتىلادى. مۇراعاتتاردى قورعاۋ،پايدالانۋ جانە بەيزاتتىق مادەني مۇرالارعا مۇراگەرلىك ەتۋ كۇشەيتىلەدى. مادەنيەت ىستەرى مەن مادەنيەت شارۋاشىلىعى رەفورماسىنىڭ دامۋى ىلگەرىلەتىلىپ،نەگىزگى ساتىدا الەۋمەتتىك مادەنيەتتىك قىزمەت وتەۋ قابىلەتى كۇشەيتىلەدى. جۇڭگو مەن شەتەلدىڭ گۋمانيتارلىق اۋىس -ءتۇيىسى تەرەڭدەتىلەدى. جالپى حالىقتىق دەنە شىنىقتىرۋ قيمىلى جاپپاي ورىستەتىلەدى. 2020-جىلعى وليمپياداعا،پاروليمپياداسىنا دايىندالۋ قىزمەتى تىڭعىلىقتى ويداعىداي ىستەلىپ،بەيجيڭ قىسقى وليمپياداسى، قىسقى پاروليمپياداسى مۇقيات ۇيىمداستىرىلادى،7-كەزەكتى دۇنيە جۇزىلىك اسكەريلەر دەنە تاربيە جينالىسى ويداعىداي وتكىزىلەدى. حالىق بۇقاراسىنىڭ ءتان ساۋلىعى مەن جان ساۋلىعى مىقتى بولسا،قوعام ومىرشەڭدىككە باي بولىپ،مەملەكەت گۇلدەنىپ-كوركەيەدى.

  قوعامدى باسقارۋ كۇشەيتىلەدى جانە جاڭالىق اشىلادى. قوعامدى باسقارۋدى ىلگەرىلەتۋدىڭ تەتىگى نەگىزگى ساتىلارعا ويىسىپ، قوعامنىڭ جاراسىمدىلىعىن جەبەيتىن ”فىڭچياۋ تاجىريبەسى“ جالپىلاستىرىلىپ، قالا-اۋىل، الەۋمەتتىك اۋماقتاردى باسقارۋدىڭ جاڭا جاعدايى ورناتىلادى. قوعامدىق ۇيىمدار، ادامگەرشىلىك تۇرعىدان قۇتقارۋ-كومەك بەرۋ، ەرىكتى قىزمەت وتەۋ جانە   قايىرىمدىلىق ىستەرىن اقاۋسىز دامىتۋعا جەتەكشىلىك  ەتىلەدى جانە قولداۋ كورسەتىلەدى. قوعامدىق سەنىمدىلىك جۇيەسى كەمەلدەندىرىلەدى. ايەلدەر، بالالار، قارتتار، مۇگەدەكتەردىڭ زاڭدى ۇقىق-مۇددەسى قامتاماسىزداندىرىلادى. ارىز-ارمان قىزمەتى جاقسارتىلىپ، بۇقارانىڭ ۇيلەسىمدى تىلەگى دەر كەزىندە شەشىلەدى. مەملەكەتتىڭ شۇعىل جاعدايلارعا توتەپ بەرۋ جۇيەسى كەمەلدەندىرىلىپ، اپاتتان ساقتانۋ، اپات شىعىنىن  ازايتۋ، اپاتتان قۇتقارۋ قابىلەتى ارتتىرىلادى. حاۋىپسىز ءوندىرىس كۇشەيتىلىپ، اۋىر، ەرەكشە اۋىر شىرعالاڭداردىڭ تۋىلۋىنىڭ الدى الىنادى جانە تەجەلەدى. جەر سىلكىنىسى اۋا رايى، سۋ رايى، گەولوگيا، ولشەۋ-سىزۋ،ت. ب قىزمەتتەر تىڭعىلىقتى ىستەلەدى. زاڭ جالپىلاستىرۋ ۇگىت تاربيەسى تەرەڭدەتىلەدى. مەملەكەتتىڭ حاۋىپسىزدىك قۋاتى قۇرىلىسى كۇشەيتىلەدى. قوعام اماندىعى جاعىنداعى الدىن الۋ-تىزگىندەۋ جۇيەسى   كەمەلدەندىرىلىپ،قارا قوعام سيپاتتى ۇيىمدار،سۇرقيا كۇشتەردى جويۋ ارناۋلى كۇرەسى ىشكەرىلەي جۇرگىزىلەدى. ۇرلىق، توناۋشىلىق، الدامشىلىق ىستەۋ،سارى  الاپات، قۇمار ويناۋ، ەسىرتكى تۇتىنۋ سياقتى زاڭعا قايشى قىلمىستى ارەكەتتەر زاڭ بويىنشا جازاعا تارتىلىپ،زاڭسىز قارجى توپتاۋ، وتكەرمەلەپ ساتۋ،ت. ب ەكونوميكالىق قىلمىستارعا سوققى بەرىلىپ، ازاماتتاردىڭ جەكە ينفورماتسياسىنا قول سۇعۋ سياقتى كورنەكتى   ماسەلەلەر تۇزەتىلىپ،حالىق بۇقاراسىنىڭ الاڭسىز تۇرمىسى پارمەندى قورعالادى.

  ■ جاڭا جاعداي،جاڭا مىندەت ۇكىمەت قىزمەتىنە تىڭ دا اناعۇرلىم جوعارى تالاپتار قويىپ وتىر

  مەملەكەتتىك كەڭەستىڭ زۇڭليى لي كىچياڭ 3-ايدىڭ 5-كۇنى ۇكىمەت قىزمەتىنەن بايانداما جاساعاندا بىلاي دەدى: جاڭا جاعداي،جاڭا مىندەت ۇكىمەت قىزمەتىنە تىڭ دا اناعۇرلىم جوعارى تالاپتار قويىپ وتىر. ءار دارەجەلى ۇكىمەتتەر ”ءتورت تانىم“ دى بەرىك ورناتىپ، ”ءتورت سەنىم“ دى بەكەمدەپ،”ەكىنى قورعاۋ“ دى باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالىلىقپەن ساقتاپ، پارتيانى جاپپاي قاتاڭ باسقارۋ تالابىن تياناقتاندىرىپ، وزىندىك توڭكەرىسكە باتىل بولىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ىشكەرىلەي ىلگەرىلەتىپ،ۇكىمەت فۋنكتسياسىندا بۇرىلىس جاساۋدى تەزدەتىپ،ونىمدىلىگىن جوعارىلاتىپ، ۇكىمەتتىڭ سەنىمدىلىگى مەن اتقارۋ قۋاتىن ارتتىرىپ،حالىقتىڭ تاماشا تۇرمىس جونىندەگى تىڭ ارمانىن اناعۇرلىم ويداعىداي ورىنداۋ كەرەك.

  مىندەتىن زاڭ بويىنشا تولىق وتەۋگە تاباندى بولۋ كەرەك. ەلدى جاپپاي زاڭمەن باسقارۋ نەگىزگى جوباسىن ىشكەرىلەي دايەكتىلەندىرىپ،نەگىزگى زاڭ مەن زاڭدارعا قاتاڭ بويسۇنىپ،ۇكىمەت قيمىلدارىن زاڭمەن باسقارۋ ارناسىنا جاپپاي ەنگىزۋ كەرەك. ءار دارەجەلى ۇكىمەتتەر سول دارەجەلى حالىق قۇرىلتايلارىنىڭ جانە ونىڭ تۇراقتى كوميتەتتەرىنىڭ باقىلاۋىن زاڭ بويىنشا قابىلداۋى،حالىق ساياسي كەڭەسىنىڭ دەموكراتيالىق باقىلاۋىن سانالىلىقپەن قابىلداۋى، قوعامنىڭ جانە جۇرتشىلىق پىكىرىنىڭ باقىلاۋىن ىرىقتىلىقپەن قابىلداۋى، ۇقىقتى اشىق-جاريا جۇرگىزۋ كەرەك. ۇكىمەتتىڭ ىستەيتىن ءىسى حالىقتىڭ كۇتكەنى بولۋ كەرەك. شەشىمدى عىلىمي، دەموكراتيالى، زاڭ بويىنشا جاساۋعا تاباندى بولىپ، حالىق قۇرىلتايى ۋاكىلدەرىنىڭ،ساياسي كەڭەس مۇشەلەرىنىڭ پىكىرىن مۇقيات تىڭداۋى،دەموكراتيالىق پارتيا- توپتاردىڭ، ونەركاسىپشىلەر مەن ساۋداگەرلەر بىرلەستىگىنىڭ، پارتيا-توپتا جوق قايراتكەرلەر مەن ءارقايسى حالىقتىق ۇيىمداردىڭ،الەۋمەتتىك جۇرتشىلىقتىڭ، كاسىپورىنداردىڭ پىكىرىن تىڭداۋى،ءتۇرلى ساياساتتاردىڭ مەملەكەتتىڭ نەگىزگى جاعدايى مەن وبيەكتيۆ ءىس جۇزىندىگىنە ۇيلەسەتىن،حالىقپەن تىنىستاس، جۇرت كوڭىلى تولاتىن بولۋىنا مۇمكىندىك جاساۋى كەرەك. ۇكىمەت ىستەرىن جاريا ۇستاۋدى جاپپاي ىلگەرىلەتىپ، جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سىندى بۇقارالىق توپتار مەن ۇيىمداردىڭ رولىن اناعۇرلىم ويداعىداي ساۋلەلەندىرۋگە قولداۋ كورسەتۋ كەرەك. اكىمشىلىك زاڭ اتقارۋ جاۋاپكەرشىلىك ءتۇزىمى مەن  جاۋاپقا تارتۋ ءتۇزىمىن جاپپاي تياناقتاندىرىپ، زاڭعا،بەلگىلەمەگە قايشى ارەكەتتەردىڭ بارلىعىن باتىل تەكسەرىپ ءبىر جايلى ەتۋ، زاڭدى ءادىل اتقارماۋ، زاڭ اتقارۋدا دورەكىلىك ىستەۋ قۇبىلىستارىنىڭ  ءبارىن قاتاڭ جونگە سالۋ، اكىمشىلىك مىندەتىن اتقارماعانداردىڭ بارلىعىنىڭ جاۋاپكەرشىلىگىن باتىل قۋزاستىرۋ كەرەك.

  پارتيا ستيلى، پاكتىك قۇرىلىسىن ىشكەرىلەي ىلگەرىلەتۋ كەرەك. ”اۋەلگى ماقساتتى ۇمىتپاي،بورىشتى ەستە بەرىك ساقتاۋ“ تاقىرىبىنداعى تاربيەنى تىڭعىلىقتى ورىستەتۋ كەرەك. پارتيا ورتالىق كوميتەتىنىڭ سەگىز ءتۇرلى بەلگىلەمەسى جانە ونى اتقارۋدىڭ ەگجەي-تەگجەيلى  ەرەجەسىنىڭ رۋحىن مۇقيات دايەكتى تياناقتاندىرىپ،”ءتورت ءتۇرلى بۇرىس ستيل“ دى ۇزدىكسىز تۇزەتۋ كەرەك. ۇكىمەتتىڭ پاكتىك قۇرىلىسىن كۇشەيتىپ،شىرىكتەسۋگە باتىلدىق ەتپەۋ،شىرىكتەسۋگە مۇمكىندىك بولماۋ،شىرىكتەسۋدى ويىنا الماۋدى ءبىرتۇتاس جەبەۋ كەرەك. قازىنالىق باقىلاۋدى كۇشەيتۋ كەرەك.  ۇكىمەت قىزمەتكەرى زاڭنىڭ باقىلاۋىن، باقىلاۋ-تەكسەرۋ تاراۋلارىنىڭ باقىلاۋىن جانە حالىقتىڭ باقىلاۋىن سانالىلىقپەن قابىلداۋى كەرەك. ساياسي ناتيجەسىن باعالاعاندا سوڭىنداعى ناتيجەگە نەگىزدەلۋ كەرەك. ءار دارەجەلى ۇكىمەتتەر فورماشىلدىق،تورەشىلدىك اتاۋلىعا باتىل قارسى تۇرۋى جانە ونى جونگە سالۋى كەرەك، كادرلاردى قالىڭ قۇجات پەن ماجىلىستەن باس كوتەرە الماۋدان،قالىڭ باعالاۋ،تەكسەرۋ،ماتەريال،مالىمەتتەن ارىلتىپ،كۇشتى ءىس جۇزىندىك ماسەلەلەردى شەشۋگە جۇمساۋعا مۇمكىندىك جاساۋ كەرەك. باقىلاۋ،تەكسەرۋ،باعالاۋ ىستەرىن ىقشامداپ جانە ارنالاندىرىپ، ”ينتەرنەت+باقىلاۋ“ دى اتقارۋ كەرەك. جيىننىڭ سانى مەن قۇجاتتىڭ تاراتىلۋىن ازايتىپ، بيىلدان باستاپ مەملەكەتتىك كەڭەس جانە ونىڭ تاراۋلارى باس بولىپ جيىندى بارىنشا قىسقارتۋ،قۇجاتتاردىڭ ۇشتەن بىرىنەن  استامىن باتىل قىسقارتۋ كەرەك.

  جاۋاپكەرشىلىكتى ارقالاۋدى شىن مانىندە كۇشەيتۋ كەرەك. جۇڭگونىڭ رەفورما جانە دامۋ بارىسىندا جەتكەن شۇعىلالى تابىستارىن قالىڭ كادرلاردىڭ، بۇقارانىڭ قاجىرلى دا ماشاقاتتى كەشىرمەلەرىنەن بولە قاراۋعا بولمايدى. ”قوس 100 جىلدىق“ كۇرەس نىساناسىن   جۇزەگە اسىرۋدا، جۇڭگو حالقىنىڭ باقىتى مەن ارمانىن ورىنداۋدا ۇزاق ۋاقىت بويى تالىقپاي تالپىنا ىستەۋدى قاجەت ەتەدى. قىزمەتتى ءادىل ىستەۋ ءۇشىن قۇر سوزدەن گورى ناقتى ارەكەتكە كەلگەن ءجون. ءار دارەجەلى ۇكىمەتتەر جانە ونىڭ قىزمەتكەرلەرى شىنشىل دا ىسكەر بولۋى، ءسانقويلىقتان اۋلاق بولۋى، رەفورما جاساپ، دامۋدى ىلگەرىلەتۋدىڭ، بەرىلە ىستەپ، جاڭالىق اشۋدىڭ ناقتى ناتيجەسىمەن جاۋاپ بەرۋى كەرەك. تەجەمدىك مەحانيزمى مەن مىندەتىن وتەگەندىگى سەبەپتى جاۋاپكەرشىلىگىن قۋزاستىرماۋ مەحانيزمىن اقاۋسىزداندىرۋ جانە شابىتتاندىرۋ كەرەك. كادرلارعا ءىستى قالاۋىمەن ىستەيتىن،ىستەۋگە باتىلى باراتىن،ءىستى تىندىرا الاتىن ورتا جاراتۋ كەرەك. ورتالىق پەن جەرگىلىكتىڭ ەكى بەلسەندىلىگىن اناعۇرلىم ويداعىداي ساۋلەلەندىرىپ، نەگىزگى ساتىلاردىڭ جانە بۇقارانىڭ جاسامپازدىق رۋحىنا قۇرمەت ەتىپ، ولاردى باتىلدىقپەن ىزدەنۋگە ىنتالاندىرۋ جانە مۇمكىندىك قالدىرۋ كەرەك. قالىڭ كادرلار كۇشتى   ىسكەرلىك پەن ىزدەنۋ رۋحىن جەتىلدىرىپ،قيىنشىلىقتان جالتارماي،جاۋاپكەرشىلىكتەن قاشپاي،ايانباي قاجىرلىلىقپەن ىستەپ،ءىس جۇزىندىكپەن بىرلەستىرە وتىرىپ جاسامپازدىقپەن ىستەپ،حالىقتىڭ قالاۋىنان شىعاتىن تىڭ تابىستارعا جەتۋگە،جۇڭگونىڭ دامۋىنداعى تىڭ شۇعىلالى ناتيجەلەردى جاراتۋعا قۇلشىنۋ كەرەك.

  ■ ۇلت، ءدىن جانە چياۋمين ىستەرى

  مەملەكەتتىك كەڭەستىڭ زۇڭليى لي كىچياڭ 3 - ايدىڭ 5-كۇنى ۇكىمەت قىزمەتىنەن بايانداما جاساعاندا بىلاي دەدى: ءبىز ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ،پارتيانىڭ ۇلت ساياساتىن جاپپاي دايەكتىلەندىرۋىمىز،ۇلتتار ىنتىماعى، العاباسارلىعى تاربيەسىن تەرەڭدەتىپ،ۇلتتاردىڭ تاتۋ تۇرۋىن، بەرەكەلى بولۋىن، جاراسىمدى دامۋىن جەبەۋىمىز كەرەك. ۇلتتىق رايوندار مەن جان سانى ءبىرشاما از ۇلتتاردىڭ دامۋىن قولداۋ تەبىنىن ارتتىرىپ،شەكارانى كوركەيتىپ،حالىقتى اۋقاتتاندىرۋ قيمىلىن ىشكەرىلەي ورىستەتىپ،ءبىر نيەتپەن سەلبەسىپ،56 ۇلت بىرلىكتە ىنتىماقتاسا كۇرەس جۇرگىزىپ،تەڭ گۇلدەنىپ-كوركەيەتىن كورىكتى مەكەن قۇرۋىمىز كەرەك.

  ءبىز پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، ءدىن ىستەرىن زاڭ بويىنشا باسقارىپ، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ ەكونوميكالىق، قوعامدىق دامۋدى جەبەۋدەگى بەلسەندى رولىن ساۋلەلەندىرۋىمىز كەرەك.

  ءبىز چياۋمين ىستەرى ساياساتىن مۇقيات تياناقتاندىرىپ، شەتەلدەگى چياۋمين باۋىرلاستار مەن وتانعا ورالعان چياۋمينداردىڭ جانە ولاردىڭ وتباسىنداعىلاردىڭ زاڭدى ۇقىق-مۇددەسىن قامتاماسىز ەتىپ، قىزمەت  وتەۋدى جاقسارتىپ جانە كۇشەيتىپ، ولاردىڭ وزگەشە باسىمدىعى مەن ماڭىزدى رولىن ويداعىداي ساۋلەلەندىرىپ، ەل ءىشى-سىرتىنداعى جۇڭحۋا ۇلاندارىنىڭ ەڭ ۇلكەن وزەكتەس شەڭبەرىن سىزىپ،شۇعىلالى تابىسقا بىرگە جەتۋدىڭ ايبىندى كۇشىن ۇيىستىرايىق!

  ■ مەملەكەت قورعانىسى جانە ارميا قۇرىلىسى 

  مەملەكەتتىك كەڭەستىڭ زۇڭليى لي كىچياڭ 3-ايدىڭ 5-كۇنى ۇكىمەت قىزمەتىنەن بايانداما جاساعاندا بىلاي دەدى: وتكەن ءبىر جىلدا، مەملەكەت قورعانىسى جانە ارميا قۇرىلىسى تىڭعىلىقتى ىلگەرىلەتىلىپ،ارميانى قۇدىرەتتەندىرۋ ىستەرىندە كوپ تىڭ تىنىس،جاڭا ناتيجەلەر كورىندى. جاڭا ءبىر جىلدا،پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جەتەكشى ەتىپ،   شي جينپيڭنىڭ ارميانى قۇدىرەتتەندىرۋ يدەياسىنىڭ قورعانىس جانە ارميا قۇرىلىسىنداعى جەتەكشى ورنىن بەرىك تۇراقتاندىرىپ، ارميانى ساياسي تۇرعىدان قۇرۋدى، رەفورما ارقىلى قۇدىرەتتەندىرۋدى، عىلىم - تەحنيكا ارقىلى گۇلدەندىرۋدى، زاڭمەن باسقارۋدى ىشكەرىلەي ىلگەرىلەتۋ كەرەك. 

  پارتيانىڭ ارمياعا شارتسىز باسشىلىعى ءتۇبىرلى پرينسيبى مەن تۇزىمىنەن جازباي، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن جان-جاقتى،ىشكەرىلەي دايەكتىلەندىرۋىمىز كەرەك. جاڭا  داۋىردەگى اسكەري ىستەر ستراتەگياسىنىڭ باعىتىن    دايەكتىلەندىرىپ، سوعىستىق اسكەري جاتتىعۋ ورەسىن جوعارىلاتۋىمىز، مەملەكەتتىڭ يەلىك ۇقىعىن،حاۋىپسىزدىگىن،دامۋ مۇددەسىن باتىل قورعاۋىمىز كەرەك. قورعانىس جانە ارميا رەفورماسىن ۇزدىكسىز تەرەڭدەتۋىمىز كەرەك. قورعانىستىق تاربيەنى،قورعانىستىق  جۇمىلدىرۋ قۇرىلىسىن كۇشەيتۋىمىز جانە ونى كەمەلدەندىرۋىمىز كەرەك. اسكەري ونەركاسىپ پەن حالىقتىق  ونەركاسىپتىڭ توعىسا دامۋ ستراتەگياسىن ىشكەرىلەي  اتقارىپ،قورعانىستىق عىلىم-تەحنيكادا جاڭالىق اشۋ   اياق الىسىن تەزدەتۋىمىز كەرەك. ءار دارەجەلى ۇكىمەتتەر قورعانىس جانە ارميا قۇرىلىسىنا بارىنشا كوڭىل ءبولىپ جانە ونى قولداپ،”ەكىنى قولداۋ“ قيمىلىن ىشكەرىلەي ورىستەتىپ،ارميا مەن ۇكىمەتتىڭ، ارميا مەن حالىقتىڭ ىنتىماعى الىپ بايتەرەگىنىڭ تەرەڭگە تامىر تارتىپ،  جاپىراق جايىپ،ومىرشەڭدىگىن ماڭگى ساقتاۋىنا   مۇمكىندىك جاساۋىمىز كەرەك. 

  ■ شياڭگاڭ،اۋمىن،تايۋان قىزمەتى

  مەملەكەتتىك كەڭەستىڭ زۇڭليى لي كىچياڭ 3-ايدىڭ 5-كۇنى ۇكىمەت قىزمەتىنەن بايانداما جاساعاندا بىلاي دەدى: ءبىز ”ءبىر ەل، ەكى ءتۇزىم“،”شياڭگاڭدى شياڭگاڭدىقتار باسقارۋ“،”اۋمىندى اۋمىندىقتار باسقارۋ“، وسكەلەڭ اۆتونوميا بولۋ باعىتىن ۇزدىكسىز جاپپاي،دۇرىس دايەكتىلەندىرىپ،جۇمىستى نەگىزگى زاڭ مەن ءتۇبىرلى زاڭ بويىنشا قاتاڭ ىستەۋىمىز كەرەك. شياڭگاڭ،اۋمىن ەرەكشە اكىمشىلىك رايونى ۇكىمەتتەرى مەن اكىمدەرىنىڭ بيلىكتى زاڭ بويىنشا جۇرگىزۋىن بار كۇشپەن قولداۋىمىز كەرەك. شياڭگاڭ مەن اۋمىننىڭ ”ءبىر بەلدەۋ، ءبىر جول“ جانە گۋاڭدۇڭ-شياڭگاڭ-اۋمىن ۇلكەن شىعاناق رايونى قۇرىلىسىن بىرگە قۇرۋ سىندى ماڭىزدى ورايدى مىقتى يگەرىپ،وزىندىك ابزالدىلىعىن اناعۇرلىم ويداعىداي ساۋلەلەندىرىپ،ىشكى ولكەلەرمەن ءوزارا ءتيىمدى سەلبەستىگىن جاپپاي  تەرەڭدەتۋىن قولداۋىمىز كەرەك. ءبىز شياڭگاڭ مەن اۋمىننىڭ، ءسوز جوق،وتانىمىزدىڭ ىشكى وڭىرلەرىمەن بىرگە دامىپ، تەڭ العا باسىپ، ۇزاق ۋاقىت ورنىقتى كوركەيىپ-گۇلدەنەتىندىگىنە كامىل سەنەمىز. 

  ءبىز تايۋان قىزمەتى جونىندەگى كەلەلى باعىت-  ساياساتتارعا تاباندى بولامىز. باس شۋجي شي جينپيڭنىڭ  ”تايۋاندىق باۋىرلاستارعا ۇندەۋ حاتى“ جاريالانعاندىعىنىڭ 40 جىلدىعىن ەسكە ءتۇسىرۋ ماجىلىسىندە سويلەگەن ماڭىزدى ءسوزىنىڭ رۋحىن جاپپاي دايەكتى تياناقتاندىرىپ،ءبىر جۇڭگو پرينسيبى مەن ”1992 -جىلعى ورتاق تانىم“ عا تاباندى بولىپ،ەكى جاعالاۋ قاتىناسىنىڭ بەيبىت دامۋىن جەبەپ، وتاننىڭ بەيبىت جولمەن    بىرلىككە كەلۋىن ىلگەرىلەتەمىز. ”تايۋاندى دەربەستەندىرۋ“ سىندى بولشەكتەۋ قاسكۇنەمدىكتەرى مەن ارەكەتتەرىنە باتىل قارسى تۇرىپ جانە ولاردى تەجەپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعايمىز. ەكى جاعالاۋدىڭ توعىسا دامۋىن     تەرەڭدەتىپ،ەكى   جاعالاۋدىڭ ەكونوميكا، مادەنيەت اۋىس-ءتۇيىسى مەن سەلبەستىگىن كەڭەيتەمىز. ەكى جاعالاۋداعىلاردىڭ تەگى ءبىر،ەتەنە باۋىرلاس،بارشا جۇڭگولىقتاردىڭ تاماشا بولاشاعىن تىزە قوسا بىرگە جاراتىپ، ودان تەڭ يگىلىكتەنەمىز.

  ■ جۇڭگو كوپ جاقتىلىقتى جانە بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى باتىل قورعايدى

  مەملەكەتتىك كەڭەستىڭ زۇڭليى لي كىچياڭ 3-ايدىڭ 5-كۇنى ۇكىمەت قىزمەتىنەن بايانداما جاساعاندا بىلاي دەدى: قازىرگى دۇنيە ءجۇز جىلدان بەرى بولماعان ءىرى وزگەرىستەرگە ءدوپ كەلىپ وتىر. ءبىز بەيبىت دامۋ جولىمەن جۇرۋدەن اۋىتقىماي،ءوزارا  تيىمدىلىك جاسايتىن، تەڭ يگىلىكتەنەتىن سىرتقا ەسىك اشۋ ستراتەگياسىن اتقارىپ،كوپ جاقتىلىقتى جانە بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى باتىل قورعايمىز. الەمدىك باسقارۋ جۇيەسىنىڭ رەفورماسىن كەمەلدەندىرۋگە بەلسەندى ات سالىسىپ،اشىق ۇستالاتىن الەمدىك ەكونوميكانى باتىل قورعاپ،ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەمىز. 

  باستى ءىرى ەلدەرمەن تىلدەسۋدى،سايكەسۋدى، سەلبەسۋدى كۇشەيتىپ، توڭىرەگىمىزدەگى ەلدەرمەن بولعان قاتىناستى تەرەڭدەتىپ، دامۋ جولىنداعى ەلدەرمەن بولعان ءتيىمدى سەلبەستىكتى دامىتامىز جانە كەڭەيتەمىز. جەر شارىندىق سىندارعا ۇيلەسىمدى  توتەپ بەرۋگە جانە وڭىرلىك ۇرىمتال ماسەلەلەردى شەشۋگە جۇڭگونىڭ سىندارلى جوباسىن بەلسەندى  ۇسىنامىز. 

  جۇڭگو ءارقايسى ەلدەرمەن بىرگە سەلبەستىك جاساسىپ، تار جول، تايعاق كەشۋدەن بىرگە ءوتۋدى، دۇنيە ءجۇزىنىڭ باياندى بەيبىتشىلىگى مەن بىرگە دامۋىن جەبەۋ جولىندا تىڭ ۇلەس قوسۋدى قالايدى.
 
«شينجياڭ گازەتىنەن»

  رەداكتورى : جىگەر ومىربەك ۇلى  


  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn